ტაურიდის მიმართულების თავდაცვის ძალების ერთობლივი პრესცენტრის სპიკერის, ალექსანდრ შტუპუნის განცხადებით, თავდაცვის ძალებმა რუსული სამხედრო თვითმფრინავი სუ-25 ჩამოაგდეს.
როგორც მან Ukrainska Pravda-სთან ინტერვიუში განმარტა, ჯერჯერობით უცნობია, რა ტიპის იარაღის გამოყენებით ჩამოაგდეს მტრის თვითმფრინავი უკრაინულმა ძალებმა.
როგორც ალექსანდრ შტუპუნი აღნიშნავს, ეს უკვე მტრისთვის განადგურებული მე-8 თვითმფრინავია ავდეევსკას მიმართულებით.
უკვე 15 დეკემბერს ევროპულმა საბჭომ უნდა მიიღოს გადაწყვეტილება და საქართველოს კანდიდატის სტატუსი ოფიციალურად გაფორმდეს, – ამის შესახებ ილია დარჩიაშვილმა პირველი არხის ეთერში განაცხადა. საქართველოს საგარეო საქმეთა მინისტრის თქმით, ხელისუფლება წევრ სახელმწიფოებთან კანდიდატის სტატუსის საკითხზე აქტიურად მუშაობს.
„მას შემდეგ, რაც კომისიამ მიიღო დადებითი დასკვნა, ერთი მხრივ ძალიან აქტიურად ვაგრძელებთ დინამიკურ ურთიერთობებს ორმხრივ ფორმატში – საქართველო-ევროკავშირი, პარალელურად, აქტიურად ვმუშაობთ ევროკავშირის წევრი ქვეყნების დედაქალაქებში, რათა გარანტირებულად გვქონდეს ძლიერად მობილიზებული პარტნიორების ხმა.
დარწმუნებული ვართ, ევროპული საბჭო მიიღებს ერთადერთ, გეოპოლიტიკურად გამართლებულ და ასევე დამსახურებაზე დაფუძნებულ გადაწყვეტილებას, რომელიც მისცემს მწვანე შუქს ჩვენს ქვეყანას კანდიდატის სტატუსის ფორმატში, რომლითაც გადავალთ ევროინტეგრაციის საბოლოო ფაზაში, რომელიც კიდევ უფრო კომპლექსური, რთულია, თუმცა ჩვენი ყოველდღიურობა, გაცხადებული მიზანია, რომ ქვეყანა ვაქციოთ ევროპული ოჯახის სრულფასოვან წევრად. ეს არის ჩვენი მიზანი და ამ მიმართულებით ძალიან აქტიურად ვმუშაობთ“, – განაცხადა დარჩიაშვილმა.
ვერძი
რაც უფრო იაქტიურებთ, მით უფრო წარმატებული იქნება ეს დღე. გუნდური მუშაობა ნაყოფიერი გამოდგება და სასურველ შედეგს მოგიტანთ. გირჩევთ, ახალი პროექტის დეტალები კოლეგებთან განიხილოთ და იდეები და წინადადებები გაუზიაროთ. მენეჯმენტთან გულწრფელი საუბარი კარიერულ წინსვლაში დაგეხმარებათ.
კურო
ზედმეტად ემოციური დღეა, ამიტომ ეცადეთ, სიმშვიდე შეინარჩუნოთ და საყვარელ ადამიანებს დაუმსახურებლად გული არ ატკინოთ. შესაძლოა დღეს მნიშვნელოვანი ამბები გაიგოთ. ეცადეთ, კონფლიქტები როგორც სახლში, ისე სამსახურში თავიდან აიცილოთ. თუ ვინმეს აწყენინეთ, აღიარეთ და მოიბოდიშეთ.
ტყუპები
ვიღაცამ თქვენი გარემოცვიდან შეიძლება ძვირფასი და საყვარელი ნივთის გარეშე დაგტოვოთ. ნუ გამოიჩენთ უცნობებთან გულწრფელობას და ნუ მოუყვებით მათ თქვენი გეგმების ან პირადი ცხოვრების შესახებ, თორემ მალე ინანებთ. თავი შეიკავეთ მნიშვნელოვანი გადაწყვეტილების მიღებისგან, სიტუაცია მალე შეიცვლება.
კირჩხიბი
ეცადეთ, მეტი დრო გაატაროთ საინტერესო ადამიანებთან, რომლებსაც საინტერესო იდეებს გაწვდიან. ეს დაგეხმარებათ, რომ საკუთარ თავს და თქვენ ირგვლივ განვითარებულ მოვლენებს სხვა თვალით შეხედოთ. კრიტიკა მშვიდად მიიღეთ – ახლობელი ადამიანები პრობლემის გადაჭრის საუკეთესო გზას გთავაზობენ.
ლომი
ამ დღეს მნიშვნელოვანი გადაწყვეტილების მიღება მოგიწევთ, რომელიც ყველას არ მოეწონება. ეცადეთ, წინააღმდეგობა გადალახოთ და სიმტკიცე გამოიჩინოთ. პიროვნული თვისებების წყალობით გარშემო მყოფებს ადვილად მოხიბლავთ. მეგობრების გარემოცვაში გართობა სტრესის მოხსნაში დაგეხმარებათ.
ქალწული
თქვენს ცხოვრებაში ბევრი ახალი, საინტერესო მოვლენა ხდება და ეცადეთ, ცვლილებებს მოერგოთ. გირჩევთ, შესრულებული სამუშაოს ხარისხი შეამოწმოთ, რათა ხარვეზი დროულად აღმოაჩინოთ. სამსახურში და სახლში მოსალოდნელია მცირე გაუგებრობები. თქვენი ამოცანაა კომპრომისი იპოვოთ და სერიოზული კონფლიქტი თავიდან აიცილოთ. მოერიდეთ უსარგებლო საუბრებს, განსაკუთრებით სამსახურში.
სასწორი
ეს დღე საშუალებას მოგცემთ, იმოქმედოთ როგორც დიპლომატმა, მომლაპარაკებელმა, დამოუკიდებელმა მესამე მხარემ. არ შეგეშინდეთ მონაწილეობა კამათსა ან დისკუსიაში. თქვენი წონასწორობისა და სიმშვიდის წყალობით, ყოველგვარ კონფლიქტს დაძლევთ და ისეთ გამოსავალს იპოვით, რომელიც ყველას დაამშვიდებს. თუ არგუმენტები გამოგელევათ, თანამოსაუბრეებს გაუღიმეთ – თქვენი პიროვნული ხიბლი სასწაულს მოახდენს.
მორიელი
ამ დღეს გარემოებები იმდენად სწრაფად იცვლება, რომ ინტუიციურად მოქმედება მოგიწევთ. შესაძლოა, ახალი შესაძლებლობები აღმოაჩინოთ, რომლითაც აუცილებლად უნდა ისარგებლოთ. მოემზადეთ სიურპრიზებისთვის – თქვენს ცხოვრებაში ბევრი რამ შეიცვლება.
მშვილდოსანი
ამ დღეს ბევრი მოულოდნელობა გელით, მაგრამ ეცადეთ, სიტუაცია თქვენ სასარგებლოდ გამოიყენოთ. კოლეგების შეცდომა ან მოვლენათა არახელსაყრელი განვითარება უამრავ პრობლემას შექმნის, მაგრამ ვარსკვლავების ხელსაყრელი განლაგების წყალობით, სირთულეებს დროულად გაუმკლავდებით და პირადი ცხოვრების დროც დაგრჩებათ.
თხის რქა
მონდომება და მიზანსწრაფულობა პრობლემების გადალახვაში დაგეხმარებათ. ვარსკვლავები გპირდებიან, რომ გარემოებები თქვენ სასარგებლოდ განვითარდება და იღბალიც გაგიღიმებთ. საქმიან მოლაპარაკებებში მეტი სიმტკიცე და პრინციპულობა უნდა გამოიჩინოთ. გირჩევთ, სტრესული მდგომარეობის განმუხტვა, ხმაურიანი წვეულებების ნაცვლად, სახლის მშვიდ გარემოში სცადოთ.
მერწყული
დიდი ძალისხმევის გამოჩენა მოგიწევთ, რათა მნიშვნელოვანი საქმე ადგილიდან დაძრათ. თუ შესაძლებელია, ეცადეთ, მეტი დრო დაუთმოთ ისეთ აქტივობებს, რომლებიც განწყობას აგიმაღლებთ. საინტერესო ადამიანთან შეხვედრა დიდებული საქმისთვის შთაგაგონებთ.
თევზები
ეცადეთ, სევდიანი აზრები მოიშოროთ და რაიმე სასიამოვნო საქმით დაკავდეთ. ვარსკვლავები გაფრთხილებენ, რომ მნიშვნელოვანი, საპასუხისმგებლო გადაწყვეტილების მიღება მოგიწევთ, რომელზედაც თქვენი ახლო მომავალია დამოკიდებული. ფინანსურ საკითხებში ფრთხილად იყავით. მოერიდეთ საეჭვო გარიგებებს, რათა თაღლითობის მსხვერპლი არ გახდეთ.
ხატია დეკანოიძე – არსებულ პარტიებში ინტეგრაციას გამოვრიცხავ – კონცენტრირებული უნდა ვიყოთ იდეურ ერთობაზე არსებულ პარტიებში ჩემს ინტეგრაციას გამოვრიცხავ, – ამის შესახებ დეპუტატმა ხატია დეკანოიძემ მედიასთან განაცხადა. კითხვაზე, შეიქმნება თუ არა ახალი პარტია, ხატია დეკანოიძე პასუხობს, რომ ამას „არ გამორიცხავს“.
„მე ვფიქრობ, რომ ადამიანებისთვის განსასჯელად კონტრასტის მიცემა და ჩვენება, რომ შეიძლება არსებობდეს ადამიანთა ჯგუფი, რომელიც პასუხისმგებლობას აიღებს ამ ქვეყანაზე, სრულიად რეალისტურია“, – განაცხადა ხატია დეკანოიძემ.
მისი თქმით, არსებული პარტიების გაერთიანებას აზრი მხოლოდ მაშინ აქვს, თუ გაერთიანება სინერგიული ეფექტის იქნება, თუმცა „სტრატეგია აღმაშენებლისა“ და „ნაციონალურ მოძრაობის“ გაერთიანებამ საპირისპირო აჩვენა. რაც შეეხება სალომე ზურაბიშვილის პოლიტიკურ გეგმებს დეკანოიძის თქმით არაფრის გამორიცხვა შეიძლება
,,მხოლოდ იმას გამოვრიცხავ რომ პრეზიდენტი შეიძლება გადადგეს – ამბობს დეკანოიძე
აშშ-ის პრეზიდენტმა, ჯო ბაიდენმა მედიასთან ჩინეთის პრეზიდენტ სი ძინპინთან შეხვედრის მოლოდინებზე ისაუბრა.
როგორც ბაიდენმა განაცხადა, მისი მიზანია ჩინეთთან ნორმალური კომუნიკაციის აღდგენა, მათ შორის სამხედრო თვალსაზრისითაც.
„მიზანია, რომ დავუბრუნდეთ კომუნიკაციის ჩვეულებრივ კურსს, შეგვეძლოს დარეკვა და საუბარი ერთმანეთთან კრიზისის დროს. უნდა დავრწმუნდეთ, რომ ჩვენს სამხედროებს კვლავ აქვთ ერთმანეთთან კონტაქტი. როგორც გითხარით, ჩვენ არ ვცდილობთ ჩინეთისგან გამოყოფას, მაგრამ ის, რასაც ჩვენ ვცდილობთ, არის ურთიერთობების უკეთესობისკენ შეცვლა“, – აღნიშნა ბაიდენმა.
ჯო ბაიდენი და სი ძინპინი ერთმანეთს 15 ნოემბერს შეხვდებიან. ორი ქვეყნის ლიდერების მოლაპარაკებები სან-ფრანცისკოში, აზია-წყნარი ოკეანის ეკონომიკური თანამშრომლობის ორგანიზაციის სამიტზე გაიმართება.
ისრაელის ომის კაბინეტის წევრისა და თავდაცვის ყოფილი მინისტრის, ბენი განცის განცხადებით, მძევლების გათავისუფლებაზე შეთანხმების მიღწევის შემთხვევაშიც კი, ისრაელი გააგრძელებს საბრძოლო მოქმედებებს ღაზის სექტორის „ჰამასისგან“ გასათავისუფლებლად.
„მაშინაც კი, თუ მძევლების გასათავისუფლებლად ცეცხლის შეწყვეტა იქნება საჭირო, ომი არ შეჩერდება. ჩვენ გავაგრძელებთ იქამდე, ვიდრე არ მივაღწევთ ჩვენ მიზნებს“, – თქვა განცმა.
რამდენადაც ცნობილია, 7 ოქტომბერს ისრაელზე განხორციელებული თავდასხმის დროს „ჰამასმა“ სულ 240 მძევალი აიყვანა.
„ისრაელი ახორციელებს ყველა პოლიტიკურ და სამხედრო ძალისხმევას, რათა მძევლები სახლში უსაფრთხოდ დაბრუნდნენ. ჩვენ ყველაფერს ვაკეთებთ იმისათვის, რომ ყველა დაბრუნდეს, ნებისმიერი საშუალებით”, – ამბობს განცი.
ისრაელის საგარეო საქმეთა მინისტრის ელი კოენის განცხადებით, გაეროს გენერალური მდივანი ანტონიო გუტერეში თანამდებობისთვის შეუფერებელია. კოენმა ჟენევაში, გაეროს ოფისში გამართულ პრესკონფერენციაზე აღნიშნა, რომ ანტონიუ გუტერეში „ჰამასის“ მოქმედებებს საკმარისად მკაფიოდ არ გმობს და ამიტომ, უნდა გადადგეს.
„გუტერეში არ იმსახურებს გაერთიანებული ერების ორგანიზაციის მდივნობას. ჩემი აზრით, გუტერეშმა, ყველა თავისუფალი სახელმწიფოს მსგავსად, ცხადად და გარკვევით უნდა თქვას – გათავისუფლდეს ღაზა „ჰამასისგან“. ყველა აღნიშნავს, რომ „ჰამასი“ იამზე უარესია, ვიდრე „ისლამური სახელმწიფო“. მას რატომ არ შეუძლია ამის თქმა?“, – დაინტერესდა ელი კოენი.
სწორედ პოლიტიკურმა პროცესებმა უზრუნველყო კანდიდატის სტატუსზე რეკომენდაცია, რადგან ვთქვით, რომ ევროპა და ევროპული ღირებულებები იმისთვის გვინდა, რომ ქვეყანაში მშვიდობა და ეკონომიკური წინსვლა იყოს, თორემ, თუ იმას მეტყვი, ევროპა თუ გინდა, რუსებს უნდა ეომოო, რასაც თავად შენ, ევროპა არ აკეთებ, მიუხედავად იმისა, რომ NATO-ს ქოლგა გიცავს, მე კი უფრო მეტად მოწყვლადი ვარ რუსეთის მხრიდან, ბუნებრივია, ამაში არ დაგეთანხმები, – ამის შესახებ მედიასთან „ხალხის ძალის“ ერთ-ერთმა ლიდერმა, დეპუტატმა გურამ მაჭარაშვილმა განაცხადა.
მისი თქმით, კანდიდატის სტატუსზე რეკომენდაციის გაცემა მშვიდობისა და სუვერენიტეტის მიმართ ხელისუფლებისა და საზოგადოების ღირსეულმა დამოკიდებულებამ გამოიწვია.
„რომ არა ჩვენი, „ხალხის ძალის“ ასეთი პრინციპული დამოკიდებულება და რომ არა ხალხის პოზიცია, რომ დაცული იყოს მშვიდობა, დაცული იყოს სუვერენიტეტი და ვასალურ დამოკიდებულებაზე უარი ვთქვათ (რამაც ხელისუფლებას საშუალება მისცა, რომ პრაგმატული პოლიტიკა ეწარმოებინა), კანდიდატის სტატუსს არ მოგვცემდნენ.
როდესაც დაინახეს, რომ საქართველოში არსებობს საზოგადოება, რომელსაც უნდა ევროპული ღირებულებები, მაგრამ, არ უნდა ომი და სუვერენიტეტის დაკარგვა; რომ საქართველოში ქართული ხელისუფლებაა, რომელიც პირველ რიგში პროქართულია და მერე არის პროევროპული, თქვეს, რომ ამ ხალხთან არ გაგვივა ვასალური დამოკიდებულება და მოდი, ისევ პარტნიორულ დამოკიდებულებას დავუბრუნდეთო. ამიტომაც გადაწყდა საქართველოსთვის კანდიდატის სტატუსზე რეკომენდაციის გაცემა. თორემ, კარგად ვიცით და ოპოზიციონერმა დეპუტატმაც აღიარა, რომ არა მხოლოდ შეფასებებით ხდება კანდიდატის სტატუსის მინიჭება, არამედ, პოლიტიკური პროცესის მიხედვითაც. სწორედ ამ პოლიტიკურმა პროცესებმა უზრუნველყო ეს რეკომენდაცია, რადგან ვთქვით, რომ ევროპა და ევროპული ღირებულებები იმისთვის გვინდა, რომ ქვეყანაში მშვიდობა და ეკონომიკური წინსვლა იყოს, თორემ, თუ იმას მეტყვი, ევროპა თუ გინდა, რუსებს უნდა ეომოო, რასაც თავად შენ, ევროპა არ აკეთებ, მიუხედავად იმისა, რომ NATO-ს ქოლგა გიცავს, მე კი უფრო მეტად მოწყვლადი ვარ რუსეთის მხრიდან, ბუნებრივია, ამაში არ დაგეთანხმები.
კანდიდატის სტატუსი მოგვცემს იმის საშუალებას, რომ სამომავლოდ უფრო წინ წავიწიოთ და ევროპამაც დაინახოს, რომ საქართველოს ძალიან ბევრი რამ შეუძლია გააკეთოს მსოფლიო ცივილიზაციისთვის, მათ შორის, ევროპული ღირებულებების კიდევ უფრო გასაზრდელად, იმიტომ, რომ ევროკავშირი გაფართოვდება იმ რეგიონში, სადაც დღეს საქართველო არის როგორც ოქროს აკვანი. არა მხოლოდ იმიტომ, რომ მშვიდობაა აქ, მაშინ, როცა ასეთი დიდი ომებია ჩვენს რეგიონში, არამედ, იმიტომაც, რომ აქ არის ზუსტად დემოკრატიის აკვანი, სადაც ამერიკისა და ევროპის ხმა მსოფლიო საზოგადოებამ შეიძლება გაიგოს. ეს დაინახა ევროპამ და დარწმუნებული ვარ, კიდევ უფრო მეტს დაინახავს“, – განაცხადა გურამ მაჭარაშვილმა.
აშშ-ის თავდაცვის დეპარტამენტი საბერძნეთსა და თურქეთში მიმწოდებლების მეშვეობით ნავთობპროდუქტებს იღებს, რომელთაგან ზოგიერთი რუსული წარმოშობის შეიძლება იყოს. ინფორმაციას ამის შესახებ ამერიკული გაზეთი The Washington Post-ი ავრცელებს.
გაზეთის მასალაში აღნიშნულია, რომ ნავთობპროდუქტების მიწოდება პენტაგონის კონტრაქტებით განხორციელდა, კერძოდ საბერძნეთის ნავთობგადამამუშავებელი ქარხნის – Motor Oil Hellas – მეშვეობით.
რუსულ ნავთობზე სანქციების შემოღების შემდეგ, ნავთობპროდუქტების მიღება დაიწყო არა უშუალოდ ქარხანაში, არამედ შუამავლის მეშვეობით – თურქული ნავთობტერმინალი ქალაქ დიორთიოლში, რის შემდეგაც, რუსული ნავთობის შერევა და რამდენიმე ტანკერით გადატანა ხდებოდა მისი წარმოშობის დასამალად.
გაზეთ The Washington Post-ის შეფასებით, ბოლო ორი წლის განმავლობაში, დიორთიოლის ტერმინალმა 5.4 მილიონი ბარელი მაზუთი მიიღო, საიდანაც მხოლოდ 1.9 მილიონი ბარელი არ იყო რუსული წარმოშობის.
უფრო მეტიც, 2023 წლის თებერვლიდან, როდესაც რუსეთის წინააღმდეგ სანქციები ამოქმედდა, რუსეთიდან დიორთიოლში მიწოდების მოცულობამ 2.7 მილიონი ბარელი შეადგინა.
გაზეთ The Washington Post-მა ვერ დაადგინა რუსული წარმოშობის მაზუთის ზუსტი რაოდენობა პენტაგონის მიერ შეძენილ პროდუქტებში, რადგან ასეთი პროდუქტები მუშავდება მრავალი ინგრედიენტის გამოყენებით, რისი მოკვლევაც შეუძლებელია წარმოების ყველა ეტაპზე.
ცნობილია, რომ 2022 წლის მარტიდან, როდესაც აშშ-მა სანქციები დააწესა რუსულ ნავთობზე, პენტაგონმა Motor Oil Hellas-თან ახალი კონტრაქტები გააფორმა, რომლის ღირებულება თითქმის 1 მილიარდი დოლარია.
პენტაგონში გაზეთ The Washington Post-ს განუცხადეს, რომ მათ არ იციან ნავთობპროდუქტების რუსული წარმოშობის შესახებ, რადგან სანქციების დაცვაზე პასუხისმგებლობა ეკისრებათ კონტრაქტორებს, კერძოდ Motor Oil Hellas-ს, ხოლო თავად პენტაგონს არ აქვს ინსტრუმენტები მომწოდებლების გასაკონტროლებლად.
თავად Motor Oil Hellas-მა განაცხადა, რომ კომპანია არ ყიდულობს, არ ამუშავებს და არ ვაჭრობს რუსული ნავთობით ან ნავთობპროდუქტებით და მის ყველა იმპორტს აქვს წარმოშობის სერტიფიკატი, რომელიც არ ექვემდებარება სანქციებს.
თელ-ავივში რაკეტის ნამსხვრევების ჩამოვარდნის შედეგად სამი ადამიანი დაშავდა, მათ შორის ერთი – სერიოზულად. ამის შესახებ ინფორმაციას The Times of Israel ავრცელებს. არსებული ცნობით, სარაკეტო შეტევაზე პასუხისმგებლობა „ჰამასმა“ აიღო.
თვითმხილველების თქმით, დაინახეს, როგორ გამოუშვეს ღაზას სექტორის მხრიდან სამი რაკეტა.
სასწრაფო დახმარების სამსახურის, „მაგენ დავიდ ადომის“ ინფორმაციით, მათ გადაუდებელი დახმარება აღმოუჩინეს 20 წლის ბიჭს, რომელსაც სერიოზული დაზიანებები აღენიშნებოდა. ასევე, მსუბუქად დაშავდა 43 წლის ქალი და კიდევ ერთი პირი.
ფინეთის პრემიერ-მინისტრის პეტერი ორპოს განცხადებით, თავშესაფრის მაძიებელთა ზრდის გამო, რუსეთთან საზღვრის ჩაკეტვას განიხილავენ. მისი თქმით, ამ საკითხს ქვეყანა სერიოზულად უნდა მიუდგეს.
„ცხადია, რომ ამ ხალხს საზღვრამდე მისვლაში ეხმარებიან. როგორც ჩანს, ეს ძალიან გაცნობიერებული გადაწყვეტილებაა. ჩვენი მთავრობის მესიჯი ნათელია – ამას სერიოზულად უნდა მივუდგეთ და ჩვენი საზღვრის უსაფრთხოება უნდა უზრუნველვყოთ”, – აცხადებს ფინეთის პრემიერი.
საკითხზე განმარტება ასევე გააკეთა ფინეთის შინაგან საქმეთა მინისტრმა მარი რანტანენმა. როგორც ის აღნიშნავს, ქვეყნის სამხრეთ-აღმოსავლეთ სასაზღვრო პუნქტზე მიგრანტების რაოდენობა მკვეთრად არის გაზრდილი.
„გორბის“ მიერ პარტიული რეიტინგების კვლევის შედეგები შეაჯამა „ხალხის ძალის“ წევრმა დავით ქართველიშვილმა და განაცხადა, რომ ხელისუფლების მაღალი რეიტინგი ლოგიკურია და ასახავს იმ სამუშაოებს, რაც მან ბოლო 3 წლის განმავლობაში ჩაატარა. როგორც ქართველიშვილმა ჟურნალისტებს განუცხადა, გამომდინარე იქიდან, რომ კვლევა ჩატარდა 8 ნოემბრის გადაწყვეტილებამდე სტატუსთან დაკავშირებით, სავსებით ლოგიკურია ვივარაუდოთ, რომ გამოკითხვის დღეს ჩატარების შემთხვევაში, 55% შეიძლება 65%-ად ქცეულიყო.
„ეს ლოგიკურიც არის იმიტომ, რომ ბოლო სამ წელიწადში, 10 წელიწადს არ შევეხოთ დროებით, ბოლო სამ წელიწადში რა გააკეთა „ქართულმა ოცნებამ“, რა გააკეთა ხელისუფლებამ და რა გააკეთა ე.წ. ოპოზიციამ. ოპოზიციის ძირითადი ფსონი იყო არა კონკურენტუნარიანი პოლიტიკური ჭიდილი მმართველ პარტიასთან, არამედ დესტრუქციაზე გათვლილი ნაბიჯები. დესტრუქციის მრავალ სახეობაზე კეთდებოდა გათვლა – იქნებოდა ეს პარალელური პარლამენტი, ტექნიკური მთავრობა, მაიდანის მოწყობა, თუ გრძელვადიანი ან მოკლევადიანი რევოლუციური სცენარი მოვლენების განვითარების. არაფერმა, რაშიც 3 წელი ნერვები, ფული, ძალისხმევა ჩადეს, არ იმუშავა.
ამ დროს რა გააკეთა საქართველომ – ეკონომიკის მზარდი მონაცემები დაუტოვა ქვეყანას, პოსტპანდემიური პერიოდის შემდეგ განსაკუთრებით, უამრავი საერთაშორისო ინდიკაციის მიხედვით და მსოფლიო ბანკის რეიტინგებით დაწინაურდა მთელ რიგ პარამეტრებში, შეინარჩუნა სტაბილურობა და კბილებით ინარჩუნებს მშვიდობას და შეინარჩუნებს მომავალშიც და ის, რასაც არავინ მოელოდა ამ მოქმედი ხელისუფლების მხრიდან – მივდივართ 15 დეკემბრის შედეგისკენ. დიდი ალბათობით კი არა, 100 პროცენტით შეგვიძლია ვთქვათ, რომ მიღებული იქნება დადებითი გადაწყვეტილება, ანუ ის შარშანდელი უსამართლობა იქნება დაძლეული. ვის პირობებში – მოქმედი ხელისუფლების პირობებში“, – განაცხადა ქართველიშვილმა.
როგორც ის ამბობს, გასაგებია, რომ საუბარი ამ გამოკითხვაში მიდის წინასაარჩევნო სამზადისზე, არა რევოლუციაზე, არა დესტრუქციაზე, არა მაიდანზე.
„კითხვა ჩამოყალიბებული იყო მკაფიოდ – დღეს რომ ჩატარებულიყო არჩევნები ვის დაუჭერდით მხარს? და აი, არის ხელისუფლება, „ქართული ოცნება“, რომელმაც გააკეთა ეს და 2030 წლამდე გაწერილი აქვს ქვეყნის პოლიტიკური, სამხედრო ეკონომიკური განვითარების გეგმა და არიან ესენი (ოპოზიცია როგორ დავარქვა, არიან „ესენი“) , რომლებსაც ბოლო სამი წლის განმავლობაში არც ერთი პროგრამული გამონათება არ ჰქონიათ. ადრე 2018, 2019, 2020 წლამდე კიდევ ჰქონდათ რაღაც გეგმები, მაგალითად „მარშალის გეგმა“ და რაღაც მსგავსი სისულელეები, მაგრამ ბოლო სამ წელიწადში ამასაც თავი დაანებეს და იმიტომაც დავიდნენ 4, 3, 2 და 1-პროცენტიან ნიშნულამდე, რაც მათ არ მისცემთ პარლამენტში მოხვედრის საშუალებას მხოლოდ იმიტომ, რომ მათი გაკოტრებული წიაღიდან რამდენიმე ადამიანმა მოიპოვოს პრივილეგიები – პარლამენტის დეპუტატის მანდატი, თავისი იმუნიტეტით დესტრუქცია გადმოიტანოს პარლამენტის კედლებში და რომელიმე კონსტრუქციულ პროცესში მონაწილეობით დაამახსოვრებინოს თავი საკუთარ ამომრჩეველს.
კიდევ ერთხელ ვამბობ, მეცოტავება კიდეც მმართველი გუნდის ციფრები იმიტომ, რომ ღმერთმა ქნას და მშვიდობა და სტაბილურობა შევინარჩუნოთ ჩვენ კიდევ ერთი წლის განმავლობაში და 55 % იქნება ის მინიმალური ნიშნული, რომლითაც „ქართულ ოცნებას“ შესაძლებლობა ექნება დამანგრეველი დარტყმა მიაყენოს ამ ე.წ. ოპოზიციურ ძალებს“, – განაცხადა ქართველიშვილმა.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge