10 დეკემბერს მსოფლიო ადამიანის უფლებათა დაცვის საერთაშორისო დღეს აღნიშნავს. 1948 წლის 10 დეკემბერს გაეროს გენერალურ ასამბლეაზე ადამიანის უფლებათა დაცვის საერთაშორისო დეკლარაცია მიიღეს. სწორედ ამ დოკუმენტის მიღების თარიღი აღინიშნება ყოველწლიურად, როგორც ადამიანის უფლებათა საერთაშორისო დღე.

1948 წელს მიღებული დეკლარაცია ეხება როგორც სამოქალაქო და პოლიტიკურ, ისე ეკონომიკურ, სოციალურ და კულტურულ უფლებებს.

მართალია საყოველთაო დეკლარაცია არ არის იურიდიულად სავალდებულო და სარეკომენდაციო ხასიათს ატარებს, მაგრამ მისი დაცვა თითქმის ყველა ქვეყანამ მისთვის სავალდებულო ნორმების შემცველ საერთაშორისო ჩვეულებით სამართლად აქცია.

დეკლარაციამ საფუძველი ჩაუყარა ადამიანის უფლებათა დაცვის შესახებ მრავალ საერთაშორისო ხელშეკრულებას, მათ შორის, ისეთ უმნიშვნელოვანეს საერთაშორისო სამართლებრივ აქტებს, როგორებიცაა: ხელშეკრულება საერთაშორისო სამოქალაქო და პოლიტიკურ უფლებათა შესახებ და საერთაშორისო პაქტი ეკონომიკურ, სოციალურ და კულტურულ უფლებათა შესახებ, რომლებიც 1966 წელს მიიღეს და ძალაში  1976 წელს შევიდა.

ვერძი

სერიოზული საქმეები გვერდით გადადეთ და ეს დღე საყვარელ საქმიანობას და სასიამოვნო ურთიერთობას დაუთმეთ. გავლენიან და თავისი საქმის მცოდნე ადამიანთან საუბარი საინტერესო იდეებით აგავსებთ. მოერიდეთ საზოგადოებრივი თავშეყრის ადგილებს – მაღალია ვირუსის რისკი. საღამოს შეიძლება სიტუაცია უკონტროლო გახდეს, რაც ძალიან განერვიულებთ და გაღიზიანებთ. გირჩევთ, დინებას მიჰყვეთ – პრობლემები არც ისე სერიოზულია, როგორც ერთი შეხედვით ჩანს.

კურო

თუ უახლოეს წარსულში სწორი გადაწყვეტილება მიიღეთ, ეს დღე წარმატებული იქნება. გეგმების შეცვლა და სიტუაციის მიხედვით მოქმედება მოგიწევთ. ნუ მოგერიდებათ ახლობლებისთვის დახმარების თხოვნა – ისინი შესანიშნავად გაგიგებენ. დააკვირდით თქვენ გარშემო განვითარებულ მოვლენებს – თუ სწორ დასკვნებს გამოიტანთ, მომავალში ბევრ პრობლემას აიცილებთ თავიდან.

ტყუპები

ამ დღეს ყველაზე მნიშვნელოვანი საქმეები საყვარელი ადამიანების პრობლემებს უკავშირდება. ცოტა ხნით საკუთარი ინტერესები უნდა დაივიწყოთ და დაეხმაროთ მათ, ვისაც ყველაზე მეტად სჭირდებით. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ. თუ ხვდებით, რომ ყველა და ყველაფერი გაღიზიანებთ, ეცადეთ ცოტა ხნით განმარტოვდეთ.

კირჩხიბი

დილიდან თავს მოდუნებულად გრძნობთ, თითქოს გამოღვიძება გიჭირთ, ამიტომ გირჩევთ, სამომავლოდ გადადოთ საქმეები, რომლებიც სწრაფ რეაქციას ან ყურადღების კონცენტრაციას გაზრდას მოითხოვს. სასურველია, რომ პირად ურთიერთობებში გრძნობები არ დამალოთ და მეტი ინიციატივა გამოიჩინოთ. ამ დღეს ასაკით უფროს ადამიანებთან ურთიერთობა სასარგებლოა – მათი სიბრძნე და ცხოვრებისეული გამოცდილება ძალიან დაგეხმარებათ.

ლომი

შესაძლოა, ნათესავებთან ურთიერთობა დაიძაბოს – ერთმანეთის გაგება და შეთანხმება გიჭირთ. კონფლიქტის თავიდან ასაცილებლად, ეცადეთ, გონიერი მომრიგებელი იპოვოთ და პრინციპულ საკითხებზე კომპრომისების დაშვება შეძლოთ. ნუ დაიჯერებთ თქვენთვის ძვირფას ადამიანთან დაკავშირებულ ჭორებს. მიეცით მას მეტი თავისუფლება და დამოუკიდებლობა – ეს ორივეს სარგებელს მოგიტანთ.

ქალწული

შესაძლოა, ამ დღეს ინფორმაციულმა ნაკადმა მთლიანად დაგფაროთ და მნიშვნელოვანი საქმეებისთვის დრო აღარ დაგრჩეთ. გირჩევთ, რამდენიმე ყველაზე სასწრაფოდ დასასრულებელი დავალება შეარჩიოთ და ყურადღება მათ შესრულებაზე გაამახვილოთ. ხელსაყრელი დღეა რთული ოჯახური პრობლემებისა და ახლობლებს შორის კონფლიქტების მოსაგვარებლად. შეხვედრები წარმატებული იქნება.

სასწორი

თქვენმა კრიტიკულმა შენიშვნამ ან უხეშობამ შეიძლება თანამოსაუბრე შეურაცხყოს, ამიტომ ვარსკვლავები გირჩევენ, საკუთარი ემოციები აკონტროლოთ და ურთიერთობებს გაუფრთხილდეთ. გასული დღეების დაღლილობა თავს იჩენს – ძალები აღდგენისთვის სრულფასოვანი დასვენება გჭირდებათ.

მორიელი

ამ დღის სირთულეების გადალახვაში შემოქმედებითი აზროვნება დაგეხმარებათ. გირჩევთ, საკუთარი აზრი თამამად გამოხატოთ, უჩვეულო მეთოდებით იმოქმედოთ და იღბალი აუცილებლად გაგიღიმებთ. უახლოეს ადამიანებთან ურთიერთობა უფრო თბილი და ნდობით სავსეა. შეგიძლიათ, მათ საკუთარი პრობლემები და გამოცდილება გაუზიაროთ და კარგ რჩევას, მორალურ მხარდაჭერას ან რეალურ დახმარებას მიიღებთ.

მშვილდოსანი

დილიდან უჩვეულო გაღიზიანებას გრძნობთ და გარშემო მყოფების ნებისმიერ სიტყვას მწყობრიდან გამოჰყავხართ. კონფლიქტის თავიდან ასაცილებლად ეცადეთ, ურთიერთობები შეზღუდოთ და ეს დღე განმარტოებით გაატაროთ. გირჩევთ, საკუთარ თავს პატარა საჩუქარი გაუკეთოთ და მასაჟი ან კოსმეტიკური პროცედურები ჩაიტაროთ. ეს განწყობას გაგიუმჯობესებთ და საშუალებას მოგცემთ, მიმდინარე მოვლენებს ოპტიმისტურად შეხედოთ.

თხის რქა

მოვლენებითა და საინტერესო შესაძლებლობებით სავსე დღე გელით, რომელიც ხელიდან არ უნდა გაუშვათ. რაც უფრო მეტ ადამიანს შეხვდებით, საინტერესო იდეის ან პარტნიორული შეთავაზების მოსმენის შანსი მით უფრო მაღალია. ნუ აწყობთ გეგმებს, ინტუიციურად იმოქმედეთ.

მერწყული

უმიზეზო შფოთვა და გაღიზიანება მალე გაივლის. ეცადეთ, თქვენი აზრი ღიად გამოხატოთ და ადამიანებს ენდოთ. ვარსკვლავები გირჩევენ, რომ მნიშვნელოვანი გადაწყვეტილების მიღება სხვა დღისთვის გადადოთ და ეს დღე დაგეგმვას და მომავალზე ფიქრს დაუთმოთ.

თევზები

წარმატებული და ნაყოფიერი დღეა. მოზღვავებული ენერგია და კარგი განწყობა საშუალებას გაძლევთ, საუკეთესო შედეგებს მიაღწიოთ. არ ინერვიულოთ, თუ ვიღაცამ გაგჭორათ – რადგან თქვენი შურთ, ესე იგი, მათზე უკეთესად ცხოვრობთ.

საქართველოს კათოლიკოს-პატრიარქი ილია II ყოფილი პრემიერ-მინისტრის და პარლამენტის ყოფილი თავმჯდომარის, ზურაბ ჟვანიას დაბადების 60 წლისთავთან დაკავშირებით წერილს ავრცელებს.

„დღეს ბატონ ზურაბ ჟვანიას დაბადებიდან 60 წელი შეუსრულდა. იგი 20 წლის წინ, 40 წლის ასაკში, გახდა საქართველოს პრემიერი და ერთი წლის შემდეგ გარდაიცვალა. მიუხედავად ასეთი ხანმოკლე პერიოდისა, მან დიდი წვლილი შეიტანა ახალი საქართველოს აღმშენებლობის საქმეში და წარუშლელი კვალი დატოვა ჩვენი ქვეყნის ისტორიაში. იგი ახალგაზრდობიდანვე დაუღალავ მოღვაწეობას ეწეოდა და იმ დროის ჩვენი საზოგადოების ცხოვრებაში უმნიშვნელოვანეს ნაბიჯებს დგამდა.

ბატონი ზურაბის სახელს უკავშირდება სახელმწიფოსა და საქართველოს მართლმადიდებელ ეკლესიას შორის კონსტიტუციური შეთანხმების გაფორმებაში აქტიური მონაწილეობაც. იგი დიდ მნიშვნელობას ანიჭებდა ამ ფაქტს და მიიჩნევდა, რომ ეს იყო ხელისუფლებასა და ეკლესიას შორის ურთიერთობის ახალი ეტაპი, მაგალითი დემოკრატიული მმართველობის პერიოდში ორივე სუბიექტის თანაარსებობისთვის შესაბამისი პირობების შექმნისა, რაც სხვა ადგილობრივი ეკლესიებისთვისაც შეიძლებოდა მაგალითის მიმცემი გამხდარიყო.

საუკეთესო ოჯახისშვილი, გონიერი, ღრმა და ფართო მასშტაბის მოაზროვნე, ორგანიზატორული ნიჭით დაჯილდოებული და წინმსწრაფი, ძლიერი და, რაც მთავარია, მაზიარებელი პიროვნება… ასეთად დარჩება იგი ჩვენს მეხსიერებაში.ღმერთმა ნათელი დაუმკვიდროს მის უკვდავ სულს და სავანესა მართალთასა განუსვენოს, ხოლო მისი ოჯახის წევრები და ახლობლები დალოცოს და მშვიდობით აკურთხოს“, – ნათქვამია პატრიარქის წერილში.