ღაზას სექტორში კიდევ 5 ისრაელელი სამხედრო დაიღუპა, 12 კი მძიმედ დაშავდა – IDF

29
spot_img

ისრაელის თავდაცვის ძალები (IDF) ღაზას სექტორში კიდევ 5 ჯარისკაცის დაღუპვის შესახებ ავრცელებს ინფორმაციას. როგორც IDF-ში აღნიშნავენ, ერთი მათგანი ჯერ კიდევ 7 ოქტომბერს მიყენებული დაზიანებების შედეგად გარდაიცვალა, ხოლო დანარჩენი ოთხი ღაზას სექტორის სამხრეთ ნაწილში, ამ უქმეებზე მომხდარ შეტაკებებს ემსხვერპლა.

The Times of Israel-ის ცნობით, ამით, ღაზას სექტორში დაღუპული ისრაელელი ჯარისკაცების რაოდენობა 97-მდე გაიზარდა.

ამასთან, ისრაელის თავდაცვის ძალებში აცხადებენ, რომ კიდევ 12 ჯარისკაცი სხვადასხვა დანაყოფიდან სერიოზულად დაშავდა ღაზაში პარასკევს და შაბათს მომხდარი ბრძოლების დროს.