საქართველოს ენერგეტიკისა და წყალმომარაგების მარეგულირებელი ეროვნული კომისიის ინფორმაციით, ბოლო დღეების განმავლობაში მოქალაქეებმა სმს შეტყობინებების სახით მიიღეს შეთავაზება, შეტყობინებაში მითითებული ბმულის საშუალებით კომუნალური გადასახადების გადახდისას, გადახდილი თანხის 50%-ის უკან დაბრუნების (Cashback) შესახებ.

სემეკი მოქალაქეებს აფრთხილებს, რომ აღნიშნული შეთავაზება, შესაძლოა, წარმოადგენდეს ინტერნეტ თაღლითობას და მოუწოდებს, მსგავსი სმს შეტყობინების მიღებისას არ ისარგებლონ მითითებული ბმულით და არ შეიყვანონ სააბონენტო თუ პირადი მონაცემები.

„კომუნალური მომსახურების (ელექტროენერგიის, ბუნებრივი გაზი, წყალი) კომპანიებთან რაიმე ტიპის შეღავათთან დაკავშირებით შეთანხმება ან კომუნიკაცია არ განხორციელებულა.

მიმდინარეობს საკითხის მოკვლევა. მონაცემები გადაგზავნილია შესაბამის უწყებაში შესასწავლად“, – აღნიშნულია კომპანიის მიერ გავრცელებულ განცხადებაში.

9-10 სექტემბერს თიბისის მხარდაჭერით და GeoSTQB-ის ორგანიზებით, საქართველოში პროგრამული ტესტერთა საერთაშორისო დღე აღინიშნება. ღონისძიება შერატონ მეტეხი პალასში გაიმართება. იქნება პანელური დისკუსიები, ვორფქშოფები, აუდიტორიის წინაშე წარსდგებიან სპიკერები როგორც საქართველოდან, ისე მსოფლიოს არაერთი ქვეყნიდან.

 თიბისის ტექნოლოგიური გუნდიდან ტესტერთა დღეზე თათია სებისკევრაძე და ცოტნე აბურჯანია წარსდგებიან, რომლებიც ინოვაციურ და ინსპირაციულ ტრენდებზე და ტექნოლოგიურ გამოწვევებზე ისაუბრებენ.

“თიბისისთვის ძალიან მნიშვნელოვანია ამ დღის მხარდაჭერა, რადგან ტესტერთა დღის ღონისძიებაზე ხდება საერთაშორისო გამოცდილების გაზიარება, რაც იზიდავს და აინტერესებს, განსაკუთრებით, ახალგაზრდებს და უჩენს ამ პროფესიის დაუფლების სურვილის. ამავე კონფერენციაზე ტექ ტალანტებს აქვს საშუალება გაეცნონ ადგილობრივ ტექნოლოგიურ კომპანიებს და გამოხატონ ტესტირების ინჟინერიის მიმართულებით დასაქმების თუ გაცნობის სურვილი. ადგილზე თიბისიც ელოდება საკუთარ სტენდთან ჩვენს ტექ გუნდთან შემოერთების მსურველებს.” – ამბობს ალეკო ისკონიანი, თიბისის ხარისხის უზრუნველყოფისა და ტესტირების ავტომატიზაციის მიმართულების ხელმძღვანელი.

თიბისი, როგორც ტექნოლოგიური კომპანია, მხარს უჭერს ტესტირების საერთაშორისო დღეს,  რადგან თიბისისთვის მნიშვნელოვანია საქართველოში ტექ-კომუნის გაძლიერება და ამ მიმართულებით ცოდნისა და გამოცდილების გაზიარება.

 ღონისძიებას, ასევე, მხარს უჭერენ Epam, Lineate, Space int., aPeople, Soft Fan და Women’s empowerment principles.

ღონისძიებაზე რეგისტრაციას და ბილეთების შეძენას შეძლებთ აქ: http://tkt.ge/TestersDay2023

10 სექტემბრის ვორკშოპის შერჩევა აუცილებელია წინასწარ შემდეგ ბმულზე: https://form.jotform.com/232066463957060

R

5 სექტემბრის მდგომარეობით, სახელმწიფო ღვინის საწარმოს შპს „მოსავლის მართვის კომპანიის“ მიერ გადამუშავებულია 1050 ტონა დაზიანებული ყურძენი. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, დასეტყვილი ყურძნის ჩაბარება დღეს 5 ლოკაციაზე, შემდეგ მუნიციპალიტეტებში მიმდინარეობს: თელავი (2 ლოკაცია), სიღნაღი, ყვარელი და გურჯაანი.

ინფორმაციაში აღნიშნულია, რომ 2 სექტემბერს მოსულმა ძლიერმა სეტყვამ და ქარმა, კახეთის რეგიონში, ყვარლის, თელავის, ახმეტის, სიღნაღის და გურჯაანის მუნიციპალიტეტებში სხვადასხვა სასოფლო სამეურნეო კულტურები, მათ შორის, ვენახები დააზიანა. წინასწარი მონაცემებით, სეტყვისგან დაზიანებულია 3500 ჰექტარზე მეტი ფართობი.

სამინისტროს ცნობით, დაზიანებული ყურძნის სახელმწიფო საწარმოში ჩაბარება 3 სექტემბერს, სტიქიის მეორე დღესვე დაიწყო. მევენახეები შპს “მოსავლის მართვის კომპანიას” დაზიანებულ ყურძენს 90 თეთრად აბარებენ.

„რთველი 2023 წლის ფარგლებში, ჯამში გადამუშავებულია 16 ათასამდე ტონა ყურძენი. აქედან, 8 ათას ტონამდე რქაწითელი, 5 ათას ტონამდე საფერავი და დანარჩენი სხვადასხვა ჯიშის ყურძენია. მიმდინარე წელს აქტიურობით გამოირჩევა კერძო სექტორი. ყურძნის მოსავლის გადამუშავების მზადყოფნის მოთხოვნით, რთველის საკოორდინაციო შტაბში დარეგისტრირებულია 220 ღვინის საწარმო“, – აღნიშნულია ინფორმაციაში.

ივლისის ეკონომიკის ზრდის მაჩვენებელი 5.5%-ით განისაზღვრა. ამ ეტაპზე, ეკონომიკური აქტივობის შედარებით ნორმალიზების მთავარი განმსაზღვრელი ფაქტორი საექსპორტო კატეგორიაში საერთაშორისო სასაქონლო ფასების შემცირებაა. მიგრაციის ეფექტს რაც შეეხება, თიბისი კაპიტალის შეფასებით, ზეგავლენა – წელსაც პოზიტიური, თუმცა გასულ წელთან შედარებით, გაცილებით ნაკლები იქნება.

გრძელდება ტრადიციული ტურიზმის აღდგენა. ბელარუსიდან, რუსეთიდან და უკრაინიდან ვიზიტორების გარეშე, მიმდინარე წლის მე-2 კვარტალში წლიურმა მატებამ 63% შეადგინა და ძირითადი წილი თურქეთსა და ევროკავშირზე მოდიოდა.

სავალუტო შემოდინებების ძირითადი წყაროების, იმპორტის, საკრედიტო აქტივობისა და ბიუჯეტის დეფიციტის საპროგნოზო პარამეტრების გათვალისწინებით, 2023 წლისათვის ეკონომიკის ზრდის თიბისი კაპიტალის საბაზო სცენარი დაახლოებით 7%-ს შეადგენს.

გაეცანით პუბლიკაციას შემდეგ ბმულზე.

R

ვერძი

სირთულეების მიუხედავად, საკმაოდ წარმატებული და ნაყოფიერი დღეა. პრინციპული ადამიანი ხართ, მაგრამ თუ საჭიროა, დათმობებზე წასვლა შეგიძლიათ. შესაძლებლობა გექნებათ საინტერესო ნაცნობობა გააბათ.

ფინანსების თვალსაზრისით, წარმატებული დღეა. მოგებიანი გარიგებები და სასიამოვნო სიურპრიზები განწყობას აგიმაღლებთ.

კურო

ამ დღეს ნებისმიერ საქმეში სიფრთხილე უნდა გამოიჩინოთ. პირველ რიგში, ეს მათ ეხება, ვინც ახალ ადამიანებთან იწყებს თანამშრომლობას. სავარაუდოდ, ეს ურთიერთობა იმედებს გაგიცრუებთ და უამრავ პრობლემას მოგიტანთ. თუ სიმშვიდეს შეინარჩუნებთ, დაძაბულ მოლაპარაკებებში შეიძლება გაიმარჯვოთ.

პირადი ურთიერთობების თვალსაზრისით ხელსაყრელი დღეა.

ტყუპები

ენერგიისა და შეუპოვრობის წყალობით წარმატებას მიაღწევთ იქ, სადაც სხვებმა ვერ შეძლეს. თავში საინტერესო იდეა მოგივათ, რომელსაც მალე განახორციელებთ. ბრწყინვალე ინტუიცია მოგებიანი გარიგებების დადებაში დაგეხმარებათ. საშუალება გექნებათ, რომ შინაურ ადამიანს დაეხმაროთ, რომელიც რთულ სიტუაციაში აღმოჩნდა.

კირჩხიბი

მიზნის მისაღწევად სიმტკიცის და შეუპოვრობის გამოჩენა მოგიწევთ. ზოგი კირჩხიბი იძულებული იქნება, საკუთარი თავისუფლება და დამოუკიდებლობა დაიცვას და ისე იმოქმედოს, როგორც საჭიროდ მიაჩნია. გირჩევთ უსარგებლო საუბრებზე და ვიღაცის დრო არ დაკარგოთ – თქვენი ძალისხმევის შედეგები ყველაფერზე მეტყველებს.

ექსპერიმენტებისთვის ხელსაყრელი დღეა. თუ გინდათ რამე ახალი მოსინჯოთ, ნუ გადადებთ – ახლა ვარსკვლავები თქვენს მხარეს არიან და წარმატებას მიაღწევთ.

ლომი

ეს დღე ბევრ საინტერესო შესაძლებლობას გთავაზობთ. შეეცადეთ, საკუთარი მიზნები და პრიორიტეტები განსაზღვროთ და მთელი ყურადღება იმაზე გადაიტანოთ, რაც თქვენთვის ყველაზე მნიშვნელოვანია. გამოცდილი ადამიანების რჩევები საქმეში დაგეხმარებათ.

ხელსაყრელი დღეა მეგობრებთან ურთიერთობისთვის, ამიტომ შეგიძლიათ წვეულება მოაწყოთ და ახლობელი ადამიანები დაპატიჟოთ. მარტოხელა ლომებისთვის არ არის გამორიცხული რომანტიკული ნაცნობობა, რომელსაც სურვილის შემთხვევაში სასიამოვნო გაგრძელება ექნება.

ქალწული

ხელსაყრელი დღეა მნიშვნელოვანი მოლაპარაკების წარმოებისთვის – ამ დღეს შეგიძლიათ ნებისმიერი ადამიანი დაარწმუნოთ. გავლენიანი ადამიანების ნდობას და პატივისცემას მოიპოვებთ, რაც სამომავლოდ ძალიან დაგეხმარებათ. ეცადეთ, თქვენი გადაწყვეტილება კარგად გააზრებული იყოს, რადგან მისი შედეგები დიდხანს გაგყვებათ.

სასწორი

ამ დღეს ყველაზე მეტად ნაჩქარევი დასკვნების გამოტანას უნდა მოერიდოთ. რეალობისა და სასურველის ერთმანეთისგან გარჩევა გიჭირთ. თუ ეჭვი გეპარებათ და არ იცით, რა გააკეთოთ, რჩევისთვის იმ ადამიანს უნდა მიმართოთ, რომელსაც ყველაზე მეტად ენდობით. შესაძლოა, ინტუიციამ გიღალატოთ, ამიტომ ყოველი ნაბიჯი საგულდაგულოდ უნდა დაგეგმოთ.

მოსალოდნელია მენეჯმენტისგან პრეტენზიები. ჩვეულებრივზე მეტად გაკრიტიკებენ, მაგრამ ეს ნერვიულობისა მიზეზი არ არის – საღამომდე საშუალება მოგეცემათ, რომ საკუთარი შესაძლებლობები გამოავლინოთ.

მორიელი

ამ დღეს ყველაზე რთულ და დახლართულ საქმეებსაც კი ადვილად და დიდი ძალისხმევის გარეშე უმკლავდებით. შეხვედრები და მოლაპარაკებები კარგად ჩაივლის და შეიძლება ახალი მოკავშირეები იპოვოთ.

პირად ურთიერთობებში შესაძლებელია სასიკეთო ცვლილებები – პროვნული თვისებების წყალობით ადამიანებს ადვილად ხიბლავთ. საღამოს სასიამოვნო სიურპრიზები და საჩუქრები, ასევე კარგი სიახლეები გელით.

მშვილდოსანი

ძალიან ხელსაყრელი დღეა. მნიშვნელოვანი მიზნის მისაღწევად საკმარისია, მოვლენათა ხელსაყრელი განვითარებით ისარგებლოთ და საჭირო დროს საჭირო ადგილზე აღმოჩნდეთ. გავლენიან ადამიანებთან ურთიერთობა სასარგებლო იქნება – მნიშვნელოვანი ინფორმაციის გარდა, მათ მხარდაჭერასაც მიიღებთ.

საღამოს ფინანსური შემოსავალი გელით. შეგიძლიათ მოგებიანი გარგება დადოთ ან სასურველი ნივთი შეიძინოთ. საყვარელ ადამიანებთან ურთიერთობა სასიამოვნო ემოციებით აგავსებთ.

თხის რქა

ვარსკვლავები გირჩევენ, დასვენების დღე მოიწყოთ, აურზაურს გაერიდოთ და საკუთარ თავზე იზრუნოთ. როგორც არ უნდა ეცადოთ, ამ დღეს სასურველ შედეგს ვერ მიიღებთ, ამიტომ მოდუნდით და გაანებივრეთ თავი იმით, რისთვისაც დრო არასოდეს გყოფნიდათ. შეგიძლიათ საკუთარ თავს ჩვეულებრივზე მეტი ფულიც დაახარჯოთ. ეცადეთ, საღამო ოჯახთან ან მეგობრებთან ერთად გაატაროთ.

მერწყული

ეცადეთ, მტკიცედ და პრინციპულად იმოქმედოთ. შესანიშნავი დღეა იმისთვის, რომ თანამოაზრეთა გუნდი შეკრიბოთ. შეთავაზება, რომელსაც ცნობისმოყვარეობის გამო დათანხმდით, მოგებიანი აღმოჩნდება.

გირჩევთ, მოძველებული და უსარგებლო ნივთებისგან გათავისუფლდეთ და ახალი ნივთები შეიძინოთ. ოჯახური სირთულეების დაძლევას თქვენი შეუპოვრობითა და ადამიანების დარწმუნების უნარის დახმარებით დაძლევთ.

თევზები

ხელსაყრელი დღეა თანამოაზრეებთან შეხვედრისა და საერთო გეგმების განხილვისთვის. გაითვალისწინეთ, რომ კონკრეტულ ქმედებებზე გადასვლა ჯერ ნაადრევია. მოსალოდნელია უთანხმოება ხელმძღვანელობასთან, თუმცა თქვენი დიპლომატიური თვისებების წყალობით დაპირისპირებას თავს აარიდებთ.

მოულოდნელი შემოსავალი გელით, მაგრამ ფულის დახარჯვას ნუ იჩქარებთ – ის მალე გამოგადგებათ. ნივთებსა და დოკუმენტებს უნდა გაუფრთხილდეთ – არსებობს მცირე, მაგრამ უსიამოვნო დანაკარგის საფრთხე.