დღეს ღირსი სვიმეონ გარეჯელის ხსენების დღეა

10:40 - 17/09/2023

ღირსი სვიმეონ გარეჯელი დაიბადა დაახ. 1700 წელს კახეთში. ცნობილია რომ იგი სიყრმიდან გარეჯის მონასტერში მოღვაწეობდა. ყოვლადპატიოსანი ღვთისკაცი მოხუცებულობამდე უბრალო მონაზონი იყო, შემდეგ კი მონასტრის წინამძღვრად აირჩიეს.

სათნოებით და სიმდაბლით გამორჩეულ წმიდა მამას ღვთისგან სასწაულთქმედების ნიჭი ჰქონდა მიმადლებული.

ერთხელ ღირსი სვიმეონი ავად გახდა და გარდაიცვალა. ერთ საათზე მეტ ხანს იყო უსულოდ, შემდეგ კი, ღვთის განგებით, წამოდგა, ყველაფერი, რაც კი გააჩნდა, საკუთარი ხელით გაუყო მონასტრის მამებს და, ისედაც უპოვარმა, მთლიანად უარყო ამქვეყნიური საჭიროებანი.

როცა ეს ამბავი მამა სერაპიონმა (ხს. 24 აგვისტოს) გაიგო, სხვების დახმარებით მივიდა და ნახა წინამძღვარი სვიმეონი და, წინასწარმცნობელობის მადლით განათლებულმა, მანუგეშებელი ცრემლით უთხრა: „ჰოჲ, სასურველო მამაო, მომეცი შენი წმიდა ხელები, რათა ვეამბორო მათ, რადგან მსურდა შენი წმინდა ხელებით მივბარებოდი მიწას მე უვარგისი მტვერი, ახლა კი ჩემზე უწინ შენ მიდიხარ საუკუნო ცხოვრებაში. შენ წახვალ, მამაო, მაგრამ მეც შენს გარეშე აღარ დავრჩები აქ, არამედ ჩემი სული ჩქარა გმოყვება შენსას“. ასე, ნუგეშის ცრემლებით ეამბორნენ ერთმანეთს ნეტარი მამები უკანასკნელად. სვიმეონმა ერთ კვირაში კეთილად მოაწესრიგა მონასტრის საქმეები და 1773 წლის 4(17) სექტემბერს ზუსტად იმ დღის სწორს, როდესაც ერთი საათით იყო უსულოდ, მშვიდობით მიიცვალა – უფალს მიაბარა წმიდა სული. დასაფლავებულია გარეჯში.

საავტომობილო გზების დეპარტამენტის ინფორმაცია ავრცელებს

10:33 - 17/09/2023

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის საავტომობილო გზის 32-ე კმ-ზე, დროებითი ხიდის მოწყობის სამუშაოები დასრულდა და ავტოტრანსპორტის მოძრაობა აღდგა. ამ ეტაპზე აღნიშნული მიმართულებით ყველა სახის ავტოტრანსპორტის მოძრაობა თავისუფალია.

პარალელურად, აქტიურად მიმდინარეობს საპროექტო სამუშაოები, რომლის დასრულების შემდეგაც დაიწყება ახალი ხიდის მშენებლობა.

11 სექტემბერს, საჯავახო-ჩოხატაური-ოზურგეთი-ქობულეთის საავტომობილო გზის 32-ე კმ-ზე, არსებული ხიდი და გზის სავალი ნაწილი დაზიანდა და ამ დრომდე აღნიშნულ მონაკვეთზე ყველა სახის ავტოტრანსპორტის მოძრაობა აკრძალული იყო.

უკრაინამ მოსკოვსა და ყირიმზე დრონებით თავდასხმა სცადა – რუსული მხარე

10:28 - 17/09/2023

რუსეთის ფედერაციის თავდაცვის სამინისტროს მტკიცებით, მათ გასულ ღამეს ოკუპირებულ ყირიმსა და მოსკოვში დრონები ჩამოაგდეს.

რუსეთის თავდაცვის სამინისტროში ამბობენ, რომ თავდასხმა კიევმა სცადა.

„განადგურებულია ორი უკრაინული უპილოტო საფრენი აპარატი ყირიმის ნახევარკუნძულის დასავლეთ სანაპიროსთან რეგულარული საზენიტო რაკეტებით. მეორე უპილოტო საფრენი აპარატი მოსკოვის რეგიონის ისტრას ოლქის ტერიტორიაზე ჩამოაგდეს“, – ნათქვამია ინფორმაციაში.

მოსკოვის მერ სერგეი სობინიანის თქმით კი, წინასწარი მონაცემებით, შემთხვევას ნგრევა და მსხვერპლი

,, ქვეყნის შიგნიდან და გარედან, პრეზიდენტზე მიდიოდა და მიდის პირდაპირი ზეწოლა”- პაპუაშვილი

00:03 - 17/09/2023

ჩვენ ვხედავთ, რომ ქვეყნის შიგნიდან და გარედან, პრეზიდენტზე მიდიოდა და მიდის პირდაპირი ზეწოლა შეწყალების გამოყენებაზე, – ამის შესახებ პარლამენტის თავმჯდომარემ, შალვა პაპუაშვილმა „პირველი არხის“ ეთერში განაცხადა

მისივე განმარტებით, ნიკა გვარამიას შეწყალება იყო პირდაპირი ზეწოლის შედეგი.

„მართალია, პრეზიდენტი არ აღიარებს, მაგრამ მან თქვა, რომ ის განმარტების გაკეთებას არ აპირებს ქართველი ხალხის წინაშე და შემდეგ აღმოვაჩინეთ, რომ ამ შეწყალება თურმე უთანხმებდა ევროპარლამენტის წევრებს. მათ თავად თქვეს, რომ წინასწარ იცოდნენ, პრეზიდენტი ნიკა გვარამიას რომ იწყალებდა. ქართველმა ხალხმა ეს არ იცოდა და ევროპარლამენტის რომელიღაც წევრმა იცოდა“, – განაცხადა პაპუაშვილმა.

როგორც პაპუაშვილმა აღნიშნა, იმის თქმა, რომ ნიკა გვარამიას შეწყალება არის დეპოლარიზაციისკენ გადადგმული ნაბიჯი, არის ქართველი ხალხისთვის თვალში ნაცრის შეყრა.

შეკითხვაზე, ელოდება თუ არა პრეზიდენტის მიერ მიხეილ სააკაშვილის შეწყალებას ამ ფაქტორების გათვალისწინებით, შალვა პაპუაშვილმა განაცხადა, რომ ზეწოლა დიდია და ამისთვის ფული იხარჯება.

„ცხადი ისტორიაა, რასაც ვუყურებთ, რომ მიდის ზეწოლა არა მხოლოდ პრეზიდენტზე, არამედ სხვადასხვა შტოზე. ვნახეთ, რომ ამაში ფულია გადახდილი. ამერიკაში არსებული ე.წ რუსული კანონის წყალობით გავიგეთ, რომ ფული იხარჯება იმისთვის, რათა მოისყიდონ პოლიტიკოსები, ევროპარლამენტს შეუცურონ რეზოლუციის ტექსტები და ა.შ“, – განაცხადა შალვა პაპუაშვილმა.

17 სექტემბრის ასტროლოგიური პროგნოზი

22:45 - 16/09/2023

ვერძი

მშვენიერი დღეა მოკავშირეების პოვნისთვის. შეგიძლიათ საერთო გეგმების განხორციელება დაიწყოთ. მიუხედავად იმისა, რომ უდავო ლიდერი ხართ, გირჩევთ, სხვების მოსაზრებებიც გაითვალისწინოთ.

დღის მეორე ნახევარი ხელსაყრელია ფინანსური და ქონებრივი საკითხების განხილვისთვის – ინტუიცია არ გიღალატებთ. გახსოვდეთ, რომ ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.

კურო

ხელსაყრელი დღეა ახალი ცოდნის მიღებისთვის. ის, რასაც დღეს ისწავლით, მალე ძალიან გამოგადგებათ. ამ დღეს გაცნობილი ადამიანის რჩევა დაგეხმარებათ, თავიდან აიცილოთ შეცდომები საქმეში.

გირჩევთ ძველ ნაცნობებს შეხვდეთ – მათთან განსახილველი თემები დაგიგროვდათ. მოსალოდნელია ოდესღაც გაწყვეტილი ურთიერთობების აღდგენა თქვენი ინიციატივით.

ტყუპები

დღის პირველი ნახევარი საკმაოდ დაძაბულად ჩაივლის. გამორიცხული არ არის, სულელური მიზეზის გამო ახლობელ ადამიანთან კონფლიქტი მოგივიდეთ. ზოგი ტყუპები იმ ურთიერთობის გაწყვეტაზეც კი იფიქრებს, რომელსაც ძალიან აფასებდა. ნუ აჩქარდებით – ასეთი გადაწყვეტილება უნდა კარგად გაიაზროთ.

დღის მეორე ნახევარი სასიამოვნო სიახლეებით გაგახარებთ. ახალი იდეის განხორციელება დიდ წარმატებას გპირდებათ.

კირჩხიბი

გსურთ, რომ საკუთარ თავს და ახლობლებს ასიამოვნოთ, მაგრამ ახლა ამისთვის საუკეთესო დრო არა არის. თავი შეიკავეთ დაუგეგმავი ხარჯებისგან და ეცადეთ, ფულის დაგროვება დაიწყოთ.

დღის მეორე ნახევარი ტრავმების თვალსაზრისით საშიშია და ფრთხილად უნდა იყოთ.

ლომი

ამ დღეს ადამიანებთან ურთიერთობის გამოცდილება და მათი მოხიბვლის ნიჭი ძალიან გამოგადგებათ. გარშემო მყოფები მზად არიან, თქვენი ნებისმიერი თხოვნა დააკმაყოფილონ და ამას ოსტატურად იყენებთ. რომანტიკული პაემანი გელით. სავარაუდოდ, ახალი ურთიერთობები სწრაფად განვითარდება და ბევრ სასიამოვნო სიურპრიზს მოგიტანთ.

დღის მეორე ნახევარში ახალი იდეები გეწვევათ. შესაძლოა, დადოთ გარიგება, რომელიც მნიშვნელოვან მოგებას მოგიტანთ.

ქალწული

ნებისმიერ საქმეში, რომელიც ფულს და ქონებას ეხება, სიფრთხილე უნდა გამოიჩინოთ – არსებობს შეცდომის დაშვების რისკი, რომელსაც უსიამოვნო შედეგები მოჰყვება. გირჩევთ, გადაწყვეტილება დამოუკიდებლად მიიღოთ, რადგან რჩევა, რომელსაც დღეს მოისმენთ, უფრო საზიანოა, ვიდრე სასარგებლო.

სასწორი

მოემზადეთ ემოციურად არასტაბილური დღისთვის, როდესაც გეგმები მუდმივად უნდა ცვალოთ. განწყობაც ცვალებადია, ამიტომ კარგად დაფიქრდით, სანამ რამეს იტყვით, რათა ვინმეს უნებურად გული არ ატკინოთ.

პირად ურთიერთობებში მოსალოდნელია დაძაბულობა – შესაძლოა, პარტნიორის მიმართ პრეტენზიები გაგიჩნდეთ, თუმცა ეს დროებით სირთულეებია და მალე თავისთავად მოგვარდება.

მორიელი

მოსალოდნელია სირთულეები, მაგრამ მათი გადაჭრის გზას და შესაძლებლობას აუცილებლად იპოვით. ბევრი საკითხის მოგვარებას, რომელიც ბოლო დროს გაწუხებთ, ძველი ნაცნობების დახმარებით შეძლებთ. გაითვალისწინეთ, რომ დღეს თქვენს საქმეებში ჩარევა ბევრს მოუნდება და მხოლოდ თქვენ უნდა გადაწყვიტოთ, ვის მისცეთ ამის უფლება და ვის არა.

დღის მეორე ნახევარში ფიზიკური აქტივობისგან თავი უნდა შეიკავოთ.

მშვილდოსანი

ურთიერთობებისთვს ხელსაყრელი დღეა. ახალ ნაცნობებზე ისეთ შთაბეჭდილებას მოახდენთ, რომ მზად არიან თქვენს ნებისმიერ იდეას მხარი დაუჭირონ.

ფულთან და ქონებასთან დაკავშირებულ ნებისმიერ საკითხს სწრაფად და ეფექტურად გადაწყვეტთ. შესაძლებლობა გაქვთ, პროფესიული საკითხები არაფორმალურ გარემოში განიხილოთ და გავლენიანი ადამიანების მხარდაჭერა მიიღოთ.

თხის რქა

ეს დღე საშუალებას მოგცემთ, თქვენი საუკეთესო თვისებები წარმოაჩინოთ და გარშემო მყოფებზე ბევრი საინტერესო რამ გაიგოთ.

მოულოდნელი საჩუქრები და ფინანსური შემოსავალი გელით. გამორიცხული არ არის, რომ მოგებიანი გარიგებებიც დადოთ. ამ დღეს კომერციული საქმიანობისგან ძალიან შორს მდგარ თხის რქებსაც კი ბიზნესალღო უჩვეულოდ გამძაფრებული აქვთ.

მერწყული

ამ დღეს გარშემო მყოფებთან საერთო ენას ადვილად პოულობთ და მათ ფარულ მოლოდინებს უსიტყვოდ ხვდებით. საშუალება გექნებათ, რომ მშვიდობა დაამყაროთ მათთან, ვინც ოდესღაც გაწყენინათ და აღადგინოთ მნიშვნელოვანი ურთიერთობები. მოერიდეთ თვითკრიტიკას – თუ სხვას ადვილად პატიობთ, საკუთარ თავსაც უნდა აპატიოთ ხოლმე.

თევზები

პანიკაში ნუ ჩავარდებით, თუ რაღაც ისე არ ხდება, როგორც გსურთ და ნურც ბედს დაემდურებით. დამშვიდდით, ნაჩქარევი დასკვნები და ნაჩქარევად მიღებული გადაწყვეტილებები იმედგაცრუების გარდა არაფერს მოგიტანთ. გირჩევთ, დამკვირვებლის პოზიციას დასჯერდეთ და მოვლენები თვითდინებაზე მიუშვათ.

მოერიდეთ კამათს და დაპირისპირებას და უთანხმოების დროს ეცადეთ, კომპრომისი მოძებნოთ.

„თავად პრეზიდენტმაც, ფაქტობრივად, დაადასტურა, რომ დაარღვია კონსტიტუცია”- პაპუაშვილი

22:27 - 16/09/2023

პრეზიდენტისთვის ერთადერთი სწორი გზა იქნებოდა, აღიაროს კონსტიტუციის დარღვევა და თქვას, რომ ეს აღარ მოხდება, ამ მდგომარეობიდან ყველაზე სწორი და ევროპული გამოსავალი ეს იქნებოდა, – ამის შესახებ პარლამენტის თავმჯდომარე შალვა პაპუაშვილმა პირველი არხის ეთერში განაცხადა.

„თავად პრეზიდენტმაც, ფაქტობრივად, დაადასტურა, რომ დაარღვია კონსტიტუცია. მან თქვა, რომ კერძო თანხები გამოიყენა ვიზიტების განსახორციელებლად. ის ხვდებოდა, რომ იმ შემთხვევაში, თუ სახელმწიფო ბიუჯეტიდან გამოიყენებდა თანხას იმ ვიზიტისთვის, რომელზედაც თანხმობა არ ექნებოდა, ეს გარდა იმისა, რომ იქნებოდა კონსტიტუციის დარღვევა, იქნებოდა სისხლის სამართლის დანაშაული, ანუ სახელმწიფო ბიუჯეტის თანხების არამიზნობრივი გამოყენება. რეალურად, ყველა აღიარებს, რომ კონსტიტუცია დაირღვა.

თუ კონსტიტუცია დაირღვა, ვართ თუ არა სახელმწიფო, ვცემთ თუ არა პატივს იმ წესებს, რომელიც ხალხმა დაგვიდგინა კონსტიტუციის სახით, როცა ვსაუბრობთ ევროპული ოჯახის წევრობაზე, როგორ უნდა მიგვიღონ ჩვენ, როგორც ბარბაროსები, რომლებიც პატივს არ სცემენ საკუთარ ძირითად კანონსაც კი და რა ღირებულებებზე მივდივართ ევროკავშირში. თუკი ყველა ვთანხმდებით, რომ კონსტიტუცია დაირღვა, მაშინ აქ სხვა გამოსავალი, გარდა იმისა, რომ აღიარებული იყოს კონსტიტუციის დარღვევა, არ არსებობს“, – განაცხადა შალვა პაპუაშვილმა.

,,300-ზე მეტ სახლზე არის რეკომენდაცია, რომ იქ ცხოვრება შეუძლებელია”- გიორგი ურუშაძე

22:14 - 16/09/2023

8 სექტემბრის სტიქიურმა უბედურებამ ძალიან დიდი ზიანი მიაყენა გურიის რეგიონს, ლანჩხუთისა და ოზურგეთის მუნიციპალიტეტებში დაზიანდა როგორც საგზაო ინფრასტრუქტურა, ასევე საცხოვრებელი სახლები. სამწუხაროდ, სტიქიას არ ჩაუვლია მსხვერპლის გარეშე და მინდა გამოვხატო ჩემი გულისტკივილი და გულწრფელი სამძიმარი ვუთხარი გარდაცვლილთა ოჯახებს, – ამის შესახებ გურიის მხარეში სახელმწიფო რწმუნებულმა, გიორგი ურუშაძემ განაცხადა.

მისივე თქმით, გეოლოგები აქტიურად მუშაობენ, დღეის მდგომარეობით, შემოწმებულია 800-მდე სახლი და 300-ზე მეტ სახლზე არის რეკომენდაცია, რომ იქ ცხოვრება შეუძლებელია.

„პრემიერ-მინისტრმა დიდი მხარდაჭერა გამოუცხადა გურიის რეგიონს და მინდა ძალიან დიდი მადლობა ვუთხრა. არც ერთი ოჯახი, რომელიც დაზარდა სტიქიის შედეგად, არ დარჩება ყურადღების გარეშე. ამ წუთას მთავარია ჩვენი მოქალაქეების უსაფრთხოება და მათი უსაფრთხო ადგილას გადაყვანა, რაც მუდმივ რეჟიმში მიმდინარეობს. ამ წუთის მდგომარეობით, 256 ადამიანია სასტუმროში გადაყვანილი და 520 ოჯახია ჯამში გადაყვანილი უსაფრთხო ადგილას“, – განაცხადა ურუშაძემ.

„ძალიან ბევრი, მნიშვნელოვანი ნაბიჯი გადაიდგა საკანონმდებლო ცვლილების სახით”- ანრი ოხანაშვილი

21:15 - 16/09/2023

ჩვენმა გუნდმა ინტენსიური სამუშაო გასწია იმისთვის, რომ არავითარი კითხვის ნიშნები არ დარჩენილიყო და არავისთვის არ ყოფილიყო სასპეკულაციო სივრცე 12 პუნქტის შესრულებასთან დაკავშირებით, – ამის შესახებ პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა მედიასთან განაცხადა.

„ძალიან ბევრი, მნიშვნელოვანი ნაბიჯი გადაიდგა საკანონმდებლო ცვლილების სახით თუ კონკრეტული საკითხების მოწესრიგების კუთხით. რაც შეეხება დარჩენილ საკითხებს, დეპოლარიზაციის საკითხი ღიად რჩება, თუმცა აქაც ჩვენი პასუხისმგებლობით ვიმოქმედებთ და ჩვენმა ევროპელმა კოლეგებმა, მეგობრებმა ძალიან კარგად იციან, რომ მაქსიმალურად მონდომებული ვიყავით და ვართ, რომ დეპოლარიზაცია განხორციელდეს. ერთ-ერთი საკითხია ასევე დეოლიგარქიზაციის საკითხი, რომელიც არის ის თემა, რასთანაც დაკავშირებით ჩვენ გვქონდა და გვაქვს კონსულტაციები ჩვენს პარტნიორებთან“, – განაცხადა ოხანაშვილმა.

,,დროა დაშალონ ბანაკი”- არჩილ თალაკვაძე

20:37 - 16/09/2023

დროა დაშალონ ბანაკი, მაგრამ დაშლილი ბანაკით რამდენად ააწყობენ ახალ, წარმატებულ გუნდს ეს საკითხი დიდი კითხვის ნიშნის ქვეშ დგას და ამის ალბათობა უკიდურესად დაბალია, – ამის შესახებ საპარლამენტო უმრავლესობის წევრმა, არჩილ თალაკვაძემ მედიასთან განაცხადა

„ჩვენ ყველა არჩევნებში გავიმარჯვეთ და გავიმარჯვეთ იმიტომ, რომ ვაკეთებთ იმ საქმეს, რომელიც საქართველოსა და ჩვენს საზოგადოებას სჭირდება, ვაკეთებთ იმ საქმეს, რომელიც ხელს უწყობს საქართველოს ინტეგრაციას ევროატლანტიკურ ოჯახში. ზუსტად ამის საპირისპიროს აკეთებს რადიკალური ოპოზიცია“, – განაცხადა არჩილ თალაკვაძემ.

„ლელო“ მესამე ძალის მობილიზებას ცდილობს და სამომავლო თანამშრომლობას ყოფილ „ნაციონალებთან“ განიხილავს. მათ შორის ზურა ჯაფარიძესთან, ნიკა გვარამიასთან და ელენე ხოშტარიასტან. პარალელურად, საკუთარი საარჩევნო სტრატეგიის ფარგლებში მოქმედებენ ხაბეიშვილი და ვაშაძე.

,,უკრაინის პორტის ინფრასტრუქტურის დაახლოებით მესამედი განადგურებულია”- უკრაინის ვიცე-პრემიერი

20:19 - 16/09/2023

უკრაინის ვიცე-პრემიერის, ალექსანდრ კუბრაკოვის ინფორმაციით, “მარცვლეულის შეთანხმების” დატოვების შემდეგ, რუსეთი უკრაინის პორტებს 118-ჯერ დაესხა თავს.

როგორც მან Reuters-თან ინტერვიუში განაცხადა, უკრაინის პორტის ინფრასტრუქტურის დაახლოებით მესამედი განადგურებულია.

შეგახსენებთ, რომ რუსეთმა 2023 წლის 18 ივლისიდან დატოვა გაეროს და თურქეთის შუამავლობით, 2022 წლის ივლისში, სტამბოლში მიღწეული “მარცვლეულის შეთანხმება,” რომლის საფუძველზეც, შავი ზღვით ხორციელდებოდა უკრაინული ხორბლის და სოფლის მეურნეობის სხვა პროდუქტების ექსპორტი, მათ შორის აფრიკის და აზიის ღარიბ ქვეყნებში.

,,საჭიროების შემთხვევაში ანკარა მზად არის ევროკავშირთან ურთიერთობები შეწყვიტოს”- ერდოღანი

19:15 - 16/09/2023

თურქეთის პრეზიდენტის, რეჯეფ თაიფ ერდოღანის განცხადებით, საჭიროების შემთხვევაში ანკარა მზად არის ევროკავშირთან ურთიერთობები შეწყვიტოს. ინფორმაციას Reuters-ი ავრცელებს.

გამოცემის ცნობით, ასე ერდოღანმა თურქეთის შესახებ ევროპარლამენტის კრიტიკულ მოხსენებას გამოეხმაურა. კერძოდ, მოხსენებაში ნათქვამია, რომ დღევანდელ მდგომარეობაში ევროკავშირში თურქეთის შესვლის პროცესი ვერ განახლდება. მოხსენება ასევე შეიცავს მოწოდებას ანკარასთან არსებული ურთიერთობებისთვის „პარალელური და რეალისტური ჩარჩოების“ შესწავლისკენ. თურქეთს უკვე 24 წელია, რაც ევროკავშირის წევრობის კანდიდატის სტატუსი აქვს მიღებული, თუმცა ბოლო წლებში მოლაპარაკებები ამ საკითხზე ჩიხშია შესული, რადგან ევროკავშირს ამ ქვეყანაში არსებული ადამიანის უფლებების დარღვევასა და სამართლის უზენაესობის პატივისცემისადმი ხელისუფლების დამოკიდებულება აშფოთებს.

„ევროკავშირი თურქეთიდან დისტანცირებას ცდილობს. ჩვენ ამ მოვლენებს შევაფასებთ, და, საჭიროების შემთხვევაში, ევროკავშირთან ურთიერთობებს შევწყვეტ”, – განაცხადა ერდოღანმა აშშ-ში გამგზავრების წინ.

,,ეგენი ერთმანეთს კანიბალიზმის ილეთებით მოუღებენ ბოლოს”- დავით ქართველიშვილი

18:30 - 16/09/2023

ნაციონალურ მოძრაობაში“ მიმდინარე პროცესებს სოციალურ ქსელში ეხმაურება „ხალხის ძალის“ წევრი დავით ქართველიშვილი და ამ პროცესს ფილმს ადარებს.

„მსოფლიო კინემატოგრაფის მრავალ ჟანრს შორის ერთ-ერთი ყველაზე რთული ისაა, სადაც ფილმის მიმდინარეობისას პარალელურად ვითარდება რამდენიმე სასიუჟეტო ხაზი. აი ჩვენი „ნაცსექტანტების“ რღვევისა არ იყოს, სადაც ცალკე ერთმანეთისგან, მაგრამ ამავდროულად გადაჯაჭვულად ვითარდება რამდენიმე ტრაგიკომედია: სააკაშვილი-ჩერგოლეიშვილი, ხაბეიშვილი-მელია, კეზერაშვილი ბოკერია და ა.შ. პოპკორნით ერთ ხელში და „ელტონჯონოვიჩის” გაზიანი სითხით მეორეში.

უჩნდება თუ არა მაყურებელს შთაბეჭდილება, რომ მეტი რაღა უნდა მოხდეს ამ ფილმში? რეჟისორი შემოაგდებს ხოლმე ახალ სასიუჟეტო ხაზს და კინო გრძელდება… ან ვის ახსოვს (კარგი გაგებით), ან როგორ დაგვავიწყდება (ცუდი გაგებით) დათა ახალაიას ხელის ბიჭი სოსო თოფურიძე, რომელსაც ემიგრაციაში ყოფნის დროსაც პერსონალური ომი აქვს თავის გუშინდელ „ნაცდამსაქმებლებთან“ და პერიოდულად გვახსენებს ამით თავს. ეომება ხატია დეკანოიძეს, ლევან ბეჟაშვილს და ანი წითლიძეს – თქვენო, ზუსტად იგივე FSB-ეშნიკები ხართო, ვინც FSB-ეშნიკ ოთარ ფარცხალაძის ჯიბის პროკურატურაში მირჩევთ ნებაყოფლობით გამოცხადებასო და თავის გამამართლებელი ჩვენებების მიცემასო,“ – წერს დავით ქართველიშვილი.

აქვე ანალიტიკოსი ეჭვობს, რომ „ფილმის“ ფინალი საინტერესო იქნება და პროცესებზე დაკვირვებასა და ყურებას გვირჩევს. „ძალიან აირია ამ სერიალის („ჯანყი საქათმეში”) სასიუჟეტო ხაზი და მით უფრო საინტერესოა ფინალი: ეგენი ერთმანეთს კანიბალიზმის ილეთებით მოუღებენ ბოლოს, თუ „ფარცხალაძის პროკურატურაში” ფურცლითა და კალმით ხელში. აქაც საინტერესოა, ვინ ვის დაასწრებს და რამდენად „ტრაგი” თუ „კომიკური”, „ჰეპპი” თუ „ანჰეპპი ენდი” გველოდება. ასეა თუ ისე, თოფურიძე თავისიანებში FSB-ეშნიკების მხილებას სულ ახლო მომავალში გვპირდება. ასე რომ, არ გადართოთ. To be continued…” – წერს დავით ქართველიშვილი სოციალურ ქსელში.

1...1,7771,7781,779...2,454 Page 1,778 of 2,454