Home Blog Page 1771

ქობულეთში პიროტექნიკის აფეთქების შედეგად მოზარდი დაშავდა

ქობულეთის მუნიციპალიტეტში პიროტექნიკის აფეთქების შედეგად მოზარდი დაშავდა.

როგორც ადგილობრივები აცხადებენ, მოზარდს სხეულზე დამწვრობა აღენიშნება. არსებული ინფორმაციით, მოზარდის მიერ ნასროლი პიროტექნიკა საწვავის ავზში ჩავარდა, რამაც აფეთქება გამოიწვია.

დაშავებული თავდაპირველად ქობულეთის კლინიკაში მოათავსეს, მოგვიანებით კი მისი თბილისში გადაყვანა გადაწყდა.

 

“საქართველოს ე.წ. პრეზიდენტმა თავზე გადაიხია კონსტიტუცია”- მამუკა მდინარაძე

სალომე ზურაბიშვილს იმგვარი ლეგიტიმაცია აღარ აქვს, როგორც ზოგადად აქვთ პრეზიდენტებს, საბედნიეროდ, ეს გვშველის გარკვეულ საკითხებში, – ამის შესახებ ჟურნალისტებს ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.

სალომე ზურაბიშვილის ჩეხეთში ვიზიტთან დაკავშირებულ კითხვაზე მდინარაძემ აღნიშნა, რომ სალომე ზურაბიშვილი კონსტიტუციის დარღვევას აგრძელებს.

„რასაც ახლა ის აკეთებს, თავისი სახელი უკვე დაერქვა. ეს არის კონსტიტუციის დარღვევა. საქართველოს ეგრეთ წოდებულმა პრეზიდენტმა, კონსტიტუციის მთავარი გარანტი რომ უნდა ყოფილიყო, უკაცრავად და, თავზე გადაიხია საქართველოს კონსტიტუცია ისე, რომ არც დაფიქრდა და მას შემდეგ, რაც საქართველოს საკონსტიტუციო სასამართლომ დაადგინა, რომ მისი ეს ქმედება არის საქართველოს კონსტიტუციის დარღვევა, აგრძელებს იმავეს, მაგრამ მთავარია, რომ ამის შესახებ ჩვენი მხრიდან მყარად იყო დაფიქსირებული, სახელი დავარქვით და, შესაბამისად, მას იმგვარი ლეგიტიმაცია, როგორც ზოგადად აქვთ პრეზიდენტებს, აღარ აქვს. საბედნიეროდ, ეს გვშველის გარკვეულ საკითხებში“, – აღნიშნა მამუკა მდინარაძემ.

“როცა ზელენსკის ავტოკრატს უწოდებენ, ეს ნიშნავს, რომ ყველა უნდა შევშფოთდეთ”-The Independent

ბრიტანულ გაზეთ „ინდეფენდენთში“ (The Independent) გამოქვეყნებულია ცნობილი ბრიტანელი ჟურნალისტის მერი დეჟევსკის სტატია სათაურით „როცა ზელენსკის ავტოკრატს უწოდებენ, ეს ნიშნავს, რომ ყველა უნდა შევშფოთდეთ“, რომელშიც ავტორი აანალიზებს რუსეთ-უკრაინის ომის საერთაშორისო რეზონანსს და უკრაინის ხელმძღვანელთა პერსპექტივას.

გთავაზობთ ამონარიდს პუბლიკაციიდან:

ახლო აღმოსავლეთის კრიზისის ჩრდილში მოქცეული რუსეთ-უკრაინის ომი ბოლო დროს საინფორმაციო სივრცეში ისევ დღის სინათლეზე გამოდის, მაგრამ შედარებით განსხვავებული მასალებით, რომლებსაც ძველებურად ოპტიმისტურად ვეღარ ჩავთვლით.

ყველაზე შესამჩნევად ტენდენცია უკრაინის ხელისუფლების ცენტრში მიმდინარე მოვლენებით ჩანს, რომელთა მიხედვით, ვოლოდიმირ ზელენსკის, რომელიც დიდი ხნის განმავლობაში რუსეთთან წინააღმდეგობის გმირის შარავანდედით იყო შემკული, დღეს მისივე გარემოცვის წევრებიც კი აკრიტიკებენ. ავიღოთ, მაგალითად, კიევის მერი ვიტალი კლიჩკო, რომელმაც ჯერ შვეიცარიულ, შემდეგ კი გერმანული მედიისათვის მიცემულ ინტერვიუებში ქვეყნის პრეზიდენტს „რეალობისაგან დაშორებული ავტოკრატი“ უწოდა. უფრო ადრე ვოლოდიმირ ზელენსკი გააკრიტიკა უკრაინის ჯარების სარდალმა ვალერი ზალუჟნიმ ჟურნალ „ეკონომისტთან“ საუბარში…

ვოლოდიმირ ზელენსკის ამჟამად ცუდი დრო უდგას. ამერიკის დახმარების მოლოდინმა მას იმედები გაუცრუა. დასავლეთში უკრაინის პრეზიდენტისთვის არასასიამოვნო რეალობა ყალიბდება: დაღლილობა და გულგატეხილობა. დასავლური მასმედიის ოდესღაც მისი საქებარი ტონი მკვეთრად შეიცვალა კრიტიკულით. უფრო მეტიც – ნელ-ნელა ჩანს ალტერნატიული ხედვებიც: ოფიცრების კრიტიკული პოზიციები როგორც ფრონტზე დანაკარგების შესახებ, ასევე ქვეყნის ძველი პრობლემის – კორუფციის მიმართაც. ამას წინათ ამერიკულმა ჟურნალმა „თაიმმა“ პრეზიდენტს „რეალობისგან დაშორებული ლიდერი“ უწოდა. არადა, გავიხსენოთ, რომ იგივე ჟურნალმა ერთი წლის წინათ ვოლოდიმირ ზელენსკი „წლის ადამიანად“ დაასახელა.

ამასობაში აშშ-ის პოლიტიკურ წრეებში ცხელი დებატები მიდის უკრაინის მიმართ დახმარება-არდახმარებაზე. კონგრესში რესპუბლიკელებსა და დემოკრატებს შორის აზრთა მკვეთრი სხვადასხვაობა შეიმჩნევა და საეჭვოა, რომ მიმდინარე წლის ბოლომდე კონსენსუსს მიაღწევენ.

ტონი შეიცვალა ნატოს გენმდივანმა იენს სტოლტენბერგმაც, რომლის თქმით, „ჩვენ უკრაინას მხარი ყველა დროში მხარი უნდა დავუჭიროთ, მაგრამ თუ ცუდი რამ ხდება, იმ ცუდ ამბების მოსასმენადაც მზად უნდა ვიყოთ“.

ვოლოდიმირ ზელენსკისათვის ასეთი სიტუაცია კარგის მომტანი ნამდვილად არ არის. ნეგატიურმა მოვლენები ნელ-ნელა გაჩნდა: პირველი სიგნალი კონტრშეტევის წარუმატებლობა გახდა. დასავლეთი ყველანაირად ცდილობდა თვალი დაეხუჭა უარყოფით მოვლენებზე, მაგრამ საბოლოოდ ნათელი გახდა: უამრავმა ფინანსებმა და შეიარაღებამ თავისი პოზიტიური შედეგი არ გამოიღო.

თავდაპირველი თავდაჯერებული მტკიცე განცხადება „უკრაინა გაიმარჯვებს“ ახლა შეიცვალა სასოწარკვეთილი შეძახილით „უკრაინამ უნდა გამარჯვოს“. ერთი შეხედვით, ცვლილება მცირეა, მაგრამ მრავლისმეტყველი.
არანაკლებ შემაშფოთებელია კითხვა – შეუძლია თუ არა რუსეთს გამარჯვება? და თუ შეუძლია, რა მოჰყვება კრემლის გამარჯვებას? ამ შემთხვევაში, რასაკვირველია, გადამწყვეტი მნიშვნელობა აქვს იმას, თუ რით განისაზღვრება გამარჯვება ან მარცხი, ანუ რა შინაარსი იქნება მათში ჩადებული.
ერთი მხრივ, შეიძლება ვთქვათ, რომ უკრაინამ მორალურ გამარჯვებას მიაღწია, განამტკიცა ეროვნული იდენტურობა და უეჭველია, დაიცვა თავისი სახელმწიფოებრიობის უფლება. თუ ეს ომი დამოუკიდებლობის შესანარჩუნებლად წარმოებდა, მაშინ უკრაინამ, ცხადია, დიდი დანაკარგის ფასად, მაგრამ მაინც გაიმარჯვა.

მეორე მხრივ, თუ რუსეთის მიზანს უკრაინის დაპყრობა და დამორჩილება წარმოადგენდა, ასეთ შემთხვევაში კრემლმა ომი წააგო. თუმცა მე პირადად ვთვლი, რომ ომის მიზანი სხვა იყო და ის გამოიხატებოდა უკრაინის დასავლეთთან სამხედრო დაახლოების თავიდან აცილებაში. იდეა იმის შესახებ, რომ უკრაინის შემდეგ ვლადიმერ პუტინი თავს დაესხმება ბალტიისპირეთს ან პოლონეთს, ძირშივე მცდარია: რუსეთს სამხედრო ძალა არ ეყოფა და საერთოდ, ყველაფერი ამისათვის არ დაწყებულა.
უკრაინისათვის ყველაზე დიდ სირთულეს ის წარმოადგენს, რომ კიევმა გამარჯვების თამასა ზედმეტად მაღლა ასწია. ვოლოდიმირ ზელენსკის პოზიციის მიხედვით, თუ უკრაინა ტერიტორიებს სრულად არ დაიბრუნებს, ყირიმის ჩათვლით, ომის ასეთი დასასრული უკრაინის მარცხი იქნება. საერთოდ, უნდა იქნას გათვალისწინებული, რომ პრინციპი „მიწა მშვიდობის სანაცვლოდ“ ძველ და ხშირად არაპოპულარულ იდეას წარმოადგენს.

აქედან გამომდინარე, თუ რუსეთი უკან არ დაიხევს, ომი უკრაინისათვის შეიძლება კატასტროფულადაც კი დასრულდეს. იმავდროულად კი, თუ უკრაინა აბსოლუტურ გამარჯვებას ვერ მიაღწევს, ომი დასავლეთისათვის დამარცხებად ჩაითვლება.

აშშ-ის პრეზიდენტი, ვინც არ უნდა იყოს იგი – ამჟამინდელი, რომელსაც პოსტის შენარჩუნება სურს და ძველი, რომელსაც პოსტის დაბრუნება უნდა, მსგავს სიტუაციაზე არ დათანხმდება, რადგან მისთვის სულ იარსებებს კითხვა – „ვინ დაკარგა უკრაინა“?
ევროპაში კი ასე არ არის. ევროპელმა ლიდერებმა უკრაინას მხარდაჭერა დაჰპირდნენ – „იმდენს, რამდენიც საჭირო იქნება“, მაგრამ მათ ამის გაკეთება აშშ-ის გარეშე არ ძალუძთ. მათ ასევე არ შეუძლიათ თავიანთ ტერიტორიაზე მილიონობით უკრაინელი ლტოლვილის ხანგრძლივად შეფარება და უკრაინის აღდგენა. ამ მხრივ განსაკუთრებით მოწყვლადი იქნება დიდი ბრიტანეთის ნებისმიერი მთავრობა, რომელიც უკრაინის მიმართ ყოფილი პრემიერის ბორის ჯონსონის ტიპიური ექსტრავაგანტური დაპირებების მემკვიდრე იქნება. რასაკვირველია, სასიამოვნო პერსპექტივა ნამდვილად არ არის, მაგრამ მის მიმართ შერიგება მაინც მოგვიწევს, ზარალის მინიმიზაციის იმედით.

წყარო:

ღაზაში ვითარება კატასტროფული და აპოკალიფსურია -ჟოზეფ ბორელი

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ ღაზაში ვითარება კატასტროფული და აპოკალიფსურია.

ჟოზეფ ბორელის თქმით, ღაზის სექტორში განადგურების დონე პროპორციულად კიდევ უფრო დიდია, ვიდრე გერმანიამ განიცადა მეორე მსოფლიო ომში.

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ასევე აღნისნა, რომ “ჰამასის” წინააღმდეგ ისრაელის საპასუხო ქმედებებმა მშვიდობიან მოსახლეობას შორის დიდი მსხვერპლი გამოიწვია.

12 დეკემბრის ასტროლოგიური პროგნოზი

ვერძი

ხელსაყრელი და წარმატებული დღეა, რომელმაც შეიძლება თქვენი პატარა ოცნებები აასრულოს. თუ ვინმესთან შერიგებას და მობოდიშებას აპირებთ, უკეთეს დროს ვერ იპოვით. ნუ დაიჯერებთ ყველაფერს, რასაც გეუბნებიან – ვიღაც თქვენს მოტყუებას ეცდება და არ არის გამორიცხული, რომ მას ეს გამოუვიდეს.

კურო

ამ დღეს მხოლოდ ის უნდა აკეთოთ, რაც თქვენში დადებით ემოციებს იწვევს. რთული საქმეები უმჯობესია სამომავლოდ გადადოთ, რადგან დღეს ასეთ საქმეებში წინსვლას ვერ მიაღწევთ. ნუ გადაიღლებით. ვარსკვლავები ხშირად დასვენებას და განწყობის ამაღლებას გირჩევენ.

ტყუპები

იღბლიანი დღეა. მნიშვნელოვანი შეხვედრა გელით, რომელიც თქვენს ცხოვრებას მთლიანად შეცვლის. სავარაუდოდ, საინტერესო შეთავაზებას მიიღებთ და დაუფიქრებლად უნდა დათანხმდეთ. საქმე თუ პირველ ცდაზე არ გამოდის, მეორედ უნდა სცადოთ. თუ სიმტკიცეს გამოიჩენთ და უკან არ დაიხევთ, სასურველ შედეგს აუცილებლად მიიღებთ.

კირჩხიბი

ამ დღეს საკუთარ ოჯახს, განსაკუთრებით კი მის ყველაზე პატარა წევრებს თქვენი ყურადღება და მზრუნველობა სჭირდებათ. ეცადეთ ახლობელ ადამიანებთან დაპირისპირება თავიდან აიცილოთ. თუ ხვდებით, რომ სიტუაცია იძაბება, უბრალოდ ოთახიდან გადით და ცოტა ხნით განმარტოვდით. ხვალ ეს პატარა ინციდენტი აღარავის ემახსოვრება.

ლომი

ვარსკვლავები გირჩევენ, რომ ეს დღე აქტიურად გაატაროთ, საჭირო და საინტერესო ადამიანებს შეხვდეთ და ინიციატივა გამოიჩინოთ. საღამოს მოულოდნელი სიახლეებს მიიღებთ, მაგრამ დასკვნების გამოტანამდე ინფორმაცია უნდა გადაამოწმოთ.

ქალწული

წარმატებული და ნაყოფიერი დღეა. ვარსკვლავების მხარდაჭერა ყველაზე რთულ საქმეებთან გამკლავებაში დაგეხმარებათ. შეგიძლიათ მენეჯმენტს დაწინაურების ან ხელფასის გაზრდის შესახებ ესაუბროთ. გირჩევთ, გადაწყვეტილებები ფრთხილად მიიღოთ, შედეგები და რისკები ობიექტურად შეაფასოთ. შესაძლოა, ამ დღეს იპოვოთ პასუხი კითხვებზე, რომლებიც დიდი ხანია გაწუხებთ.

სასწორი

ვარსკვლავები გირჩევენ, სახლიდან გახვიდეთ, ახალ ადგილებს ეწვიოთ და „თვალს წყალი დაალევინოთ“. ამ დღეს გარშემო მყოფებთან აქტიური ურთიერთობა დაუვიწყარ ემოციებს გაჩუქებთ. პირად ცხოვრებაში კარგად არის, ბიზნესში კი სასურველ შედეგს მხოლოდ კარგად გააზრებული, თანმიმდევრული ქმედებები მოგიტანთ.

მორიელი

დილიდან სიზარმაცის შეტევებს ებრძვით, ამიტომ მნიშვნელოვან საკითხებზე ყურადღების გამახვილება გაგიჭირდებათ. რამდენიმე საქმის ერთად საკეთებლად არც ძალა გეყოფათ და არც მოთმინება, ამიტომ ყველაზე მთავარი აირჩიეთ და ეცადეთ, დაასრულოთ. საღამოს საშუალება გექნებათ, საყვარელ ადამიანებს სასიამოვნო სიურპრიზი მოუწყოთ.

მშვილდოსანი

ეცადეთ, საყვარელ ადამიანს, მის საქმეებს და საზრუნავს მეტი ყურადღება მიაქციოთ, სასურველია სიურპრიზი ან რომანტიკული პაემანი მოუწყოთ და ურთიერთობა გააძლიეროთ. შესაძლოა, ამ დღეს მაცდური შეთავაზება მიიღოთ, რომელიც გამოცდილ ადამიანებთან ერთად უნდა განიხილოთ და გადაწყვეტილება ამის შემდეგ მიიღოთ.

თხის რქა

უსმინეთ საკუთარ ინტუიციას და ის გეტყვით, რა აკეთოთ და რის კეთებას უნდა მოერიდოთ. აკონტროლეთ საკუთარი სიტყვები და დაუფიქრებლად ნურავის ნურაფერს დაჰპირდებით, რათა უსიამოვნო სიტუაციაში არ აღმოჩნდეთ. ამ დღეს ყველაზე მეტად გავლენიანი ადამიანების მხარდაჭერა გჭირდებათ. სასიცოცხლო პოტენციალი იმდენად მაღალია, რომ დაღლას პრაქტიკულად ვერ გრძნობთ.

მერწყული

ამ დღეს ზედმეტ ხარჯებს უნდა ერიდოთ, ამიტომ თუ აუცილებელი არ არის, საფულეს ნუ გახსნით. ვარსკვლავები გაფრთხილებენ, რომ შეიძლება მალე დიდი თანხა დაგჭირდეთ, ამიტომ ფულის მოგროვება ახლავე უნდა დაიწყოთ. გირჩევთ, ოჯახს და მეგობრებს მეტი ყურადღება მიაქციოთ და უახლოესი ადამიანისთვის მიცემული პირობა შეასრულოთ.

თევზები

ამ დღეს გრძნობები პირველ ადგილზეა, ამიტომ ეცადეთ, რომ საყვარელ ადამიანთან ერთად მეტი დრო გაატაროთ. გულწრფელად ესაუბრეთ და საკუთარი გამოცდილება გაუზიარეთ. ეს ნდობის აღდგენასა და განწყობის ამაღლებაში დაგეხმარებათ. ეს დღე წარმატებული იქნება მათთვის, ვინც პირად ცხოვრებაში ცვლილებების განხორციელებას ცდილობს.

ის კადრულობს ყველაფერს, რაც ადამიანმა არ უნდა იკადროს -მამუკა მდინარაძე გიორგი გახარიაზე

მან იკადრა არაერთი ტყუილის თქმა და დამსახურებულად უწოდეს მას თაღლითი. ის კადრულობს ყველაფერს, რაც ადამიანმა არ უნდა იკადროს, – ასე ეხმაურება ფრაქცია „ქართული ოცნების“ თავმჯდომარე, მამუკა მდინარაძე გიორგი გახარიას განცხადებას.

„ამ ადამიანს აქვს რამდენიმე მახასიათებელი, მათ შორის ღალატი, ადამიანმა რომელმაც უღალატა თავის გუნდს, დამსახურებულად მიიღო მოღალატის სტატუსი. მან იკადრა არაერთი ტყუილის თქმა და ასევე დამსახურებულად უწოდეს მას თაღლითი. ის კადრულობს ყველაფერს, რაც ადამიანმა არ უნდა იკადროს. ადამიანი, რომელიც თავს გვაჩვენებდა და თავის დროზე აბსოლუტურად სწორ იდეებს ახმოვანებდა, უცებ ერთ დღეს ღალატი გადაწყვიტა და ამოტრიალდა ამგვარად, რაც წარმოუდგენელი ამბავია“, – აღნიშნა მდინარაძემ.

პოლონეთის სეიმმა დონალდ ტუსკი პრემიერ-მინისტრის თანამდებობაზე აირჩია

პოლონეთის სეიმმა პრემიერ-მინისტრად ოპოზიციური კოალიციის ლიდერი დონალდ ტუსკი აირჩია. ტუსკის არჩევას მხარი 248 დეპუტატმა დაუჭირა, წინააღმდეგი კი 201 იყო. ახალი მთავრობა მუშაობას მიმდინარე კვირის ბოლოს შეუდგება.

შეგახსენებთ, რომ მანამდე პოლონეთის სეიმმა მხარი არ დაუჭირა ქვეყნის ახალი პრემიერ-მინისტრის პოსტზე მატეუშ მორავიეცკის კანდიდატურას. მას ხმა მისცა მხოლოდ 190-მა დეპუტატმა, წინააღმდეგ წავიდა 266.

პოლონეთის პრემიერ-მინისტრად არჩევის შემდეგ დონალდ ტუსკმა მადლობა გადაუხადა პოლონელებს.

„მინდა, მადლობა გადავუხადო პოლონელ ქალებსა და მამაკაცებს. მადლობა, პოლონეთო, ეს არაჩვეულებრივი დღეა არა მხოლოდ ჩემთვის, არამედ ყველასთვის, ვისაც ღრმად სწამდა ამ წლების განმავლობაში, რომ ყველაფერი უკეთესობისკენ შეიცვლებოდა, რომ ჩვენ გამოვიდოდით სიბნელიდან და განვდევნიდით ბოროტებას. ეს არის ის, რაც მოხდა“, – განაცხადა ტუსკმა.

“ყველაფერს ერთად გამოვასწორებთ. ხვალიდან ჩვენ შევძლებთ შეცდომების გამოსწორებას, რათა ყველამ, გამონაკლისის გარეშე, თავი ისე იგრძნოს, როგორც საკუთარ სახლში”, – დასძინა მან.

საბოლო ჯამში, მივაღწიეთ კონსენსუსს საზოგადოებრივი მაუწყებლის კანონთან დაკავშირებით -მამუკა მდინარაძე

საბოლოო ჯამში, მივაღწიეთ კონსენსუსს საზოგადოებრივი მაუწყებლის კანონთან დაკავშირებით, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ დღეს, საპარლამენტო უმრავლესობის სხდომის შემდეგ განაცხადა.

ამასთან, მამუკა მდინარაძემ მადლობა გადაუხადა საზოგადოებრივი მაუწყებლის სამეურვეო საბჭოს ხელმძღვანელს, ვასილ მაღლაფერიძესა და გენერალურ დირექტორს, თინათინ ბერძენიშვილს კონსულტაციებში ინტენსიური მონაწილეობისთვის.

„კონსულტაციების შედეგად ჩვენ მივედით კონკრეტულ გადაწყვეტამდე – მომდევნო ორი წლის განმავლობაში საზოგადოებრივი მაუწყებლის ბიუჯეტი იქნება იგივე, რაც იყო მიმდინარე წელს. ეს მათ საშუალებას მისცემს, დაასრულონ ძალიან კარგი პროექტი – ახალი შენობა, მთლიანი ინფრასტრუქტურა, მოახდინონ მისი სრული აღჭურვა. ორი წლის შემდეგ, 2026 წლის პირველ იანვარს ამოქმედდება წესი, რომლის მიხედვითაც, საზოგადოებრივი მაუწყებლის დაფინანსება დამოკიდებული იქნება საქართველოში დასაქმებული ადამიანების რაოდენობაზე. უფრო ზუსტად რომ ვთქვათ, ამ ადამიანების რაოდენობის ნამრავლი 64-ზე. დღევანდელი მოცემულობით თუ ავიღებთ წინა წლის დასაქმებულთა რაოდენობას, ეს მთლიანად ფარავს მიმდინარე საოპერაციო ხარჯებს. რა თქმა უნდა, პროგნოზია, რომ გაიზრდება დასაქმებულთა რაოდენობა. ბუნებრივია, დრამატული ზრდა ვერ იქნება, მოსახლეობის რაოდენობას ვერ გადააჭარბებს, უტრირებულად და ნახევრად ხუმრობით რომ ვთქვათ, მაგრამ იქნება ზრდა, მათ შორის, წლევანდელი მონაცემების მიხედვითაც, თანხა დღევანდელ საოპერაციო ხარჯებზე მეტი იქნება. ხელფასების ზრდა და ინფლაციის შესაბამისი, ადეკვატური ზრდა ყველა მიმართულებით მაუწყებელს შიგნით შეიძლება ჰქონდეს და შესაბამისი ხარჯები დაფაროს. დარწმუნებული ვართ, რომ კიდევ იქნება დასაქმებული ადამიანების ზრდა ქვეყანაში, რაც ავტომატურად გამოიწვევს საზოგადოებრივი მაუწყებლის დაფინანსების ზრდას, თუმცა,  ბუნებრივია, ეს არ იქნება ისეთი დინამიკა, როგორიც იყო აქამდე, გაორმაგება და გასამმაგება, როგორც შეიძლებოდა მომხდარიყო, არ იქნება. ასევე, კანონში დაზღვევის სახით იწერება ისიც, რომ შემცირების შემთხვევაში (ასეთი პროგნოზი არ გვაქვს, მაგრამ თეორიული რისკებიც უნდა დავაზღვიოთ), თუ დასაქმებულთა რაოდენობა შემცირდება, ამ შემთხვევაში საზოგადოებრივი მაუწყებლის ბიუჯეტი ამას ავტომატურად არ მიჰყვება და არ შემცირდება“, – განაცხადა მამუკა მდინარაძემ.

გაერთიანებული შტაბების დავალებით, ჩაატარეს გეგმიური წვრთნა – მარშ ევროკავშირისკენ! -გოგა ხაინდრავა

9 დეკემბერს, თბილისში ჩატარებული ე.წ. მარშის შესახებ კინორეჟისორი გოგა ხაინდრავა ტვიტერის საკუთარ გვერდზე წერს:

“მთავარსარდალმა სალომემ და: კაპიტანმა გიგაურმა, ეფრეიტორებმა, სერჟანტებმა, რიგითებმა – გაერთიანებული შტაბების დავალებით, ჩაატარეს გეგმიური წვრთნა – მარშ ევროკავშირისკენ!
შეკერეს, გაშალეს, აფრიალეს, ჩაიარეს, მიაწვდინეს ხმა! აქციამ, ყველა Voice-ს და Post-ის მოწონება დაიმსახურა!”-წერს გოგა ხაინდრავა

“ოქროს გლობუსის” 2023 წლის დაჯილდოების ნომინანტები ცნობილია

2024 წლის ჰოლივუდის უცხოური პრესის ასოციაციის დაჯილდოების ნომინანტები ცნობილია.

ოქროს გლობუსის მთავარი კანდიდატი ფილმი წელს ბარბი გახდა, რომელმაც რეკორდული რაოდენობის, 9 ნომინაცია მიიღო, შოუს 81-წლიან ისტორიაში, ამდენ ჯილდოზე პრეტენზია მხოლოდ კაბარეს ჰქონდა.

მეორე ადგილზე 8 ნომინაციით ზაფხულის კიდევ ერთი ბლოკბასტერი, კრისტოფერ ნოლანის ოპენჰაიმერია. 

სერიალებიდან ყველაზე მეტი, 9 ნომინაცია აქვს მიღებული HBO-ს Successsion-ის ფინალურ, მეხუთე სეზონს.

2024 წლის ოქროს გლობუსი ნომინანტები არიან:

საუკეთესო დრამატული ფილმი

Oppenheimer
Killers of the Flower Moon
Maestro
Past Lives
The Zone of Interest
Anatomy of a Fall

საუკეთესო კომედია ან მიუზიკლი

Barbie
Poor Things
American Fiction
The Holdovers
May December
Air

საუკეთესო რეჟისორი

ბრედლი კუპერი — Maestro
გრეტა გერვიგი — Barbie
იორგოს ლანთიმოსი — Poor Things
კრისტოფერ ნოლანი — Oppenheimer
მარტინ სკორსეზე — Killers of the Flower Moon
სელინ სონგი — Past Lives

საუკეთესო სცენარი

Barbie
Poor Things
Oppenheimer
Killers of the Flower Moon
Past Lives
Anatomy of a Fall

საუკეთესო მსახიობი კაცი დრამატულ ფილმში

ბრედლი კუპერი — Maestro
კილიან მერფი — Oppenheimer
ლეონარდო დიკაპრიო — Killers of the Flower Moon
კოლმან დომინგო — Rustin
ენდრიუ სკოტი — All of Us Strangers
ბერი კეუნი — Saltburn

საუკეთესო მსახიობი ქალი დრამატულ ფილმში

ლილი გლედსტოუნი — Killers of the Flower Moon
ქერი მალიგანი – Maestro
სანდრა ჰიულერი – Anatomy of a Fall
ანეტ ბენინგი — Nyad
გრეტა ლი — Past Lives
ქეილი სპენი — Priscilla

საუკეთესო მსახიობი ქალი მიუზიკლსა ან კომედიაში

ფანტაზია ბარინო – The Color Purple
ჯენიფერ ლოურენსი – No Hard Feelings
ნატალი პორტმანი – May December
ალმა პოისტი – Fallen Leaves
მარგო რობი – Barbie
ემა სტოუნი – Poor Things

საუკეთესო მსახიობი კაცი მიუზიკლსა ან კომედიაში

ნიკოლას კეიჯი — Dream Scenario
ტიმოთე შალამე — Wonka
მეტ დეიმონი — Air
პოლ ჯიამატი — The Holdovers
ხოაკინ ფენიქსი — Beau Is Afraid
ჯეფრი რაითი — American Fiction

საუკეთესო მეორეხარისხოვანი როლის შემსრულებელი კაცი

უილემ დეფო — Poor Things
რობერტ დენირო — Killers of the Flower Moon
რობერტ დაუნი ჯუნიორი — Oppenheimer
რაიან გოსლინგი — Barbie
ჩარლზ მელტონი — May December
მარკ რაფალო — Poor Things

საუკეთესო მეორეხარისხოვანი როლის შემსრულებელი ქალი

ემილი ბლანტი — Oppenheimer
დენიელ ბრუქსი — The Color Purple
ჯოდი ფოსტერი — Nyad
ჯულიან მური — May December
როზამუნდ პაიკი — Saltburn
დევაინ ჯოი რენდოლფი — The Holdovers

საუკეთესო სერიალი, დრამა

1923
The Crown
The Diplomat
The Last of Us
The Morning Show
Succession

საუკეთესო სერიალი, მიუზიკლი ან კომედია

The Bear
Ted Lasso
Abbott Elementary
Jury Duty
Only Murders in the Building
Barry

საუკეთესო მსახიობი კაცი დრამატულ სერიალში

პედრო პასკალი — The Last of Us
კირან კალკინი — Succession
ჯერემი სტრონგი — Succession
ბრაიან კოქსი — Succession
გერი ოლდმენი — Slow Horses
დომინიკ უესტი — The Crown

საუკეთესო მსახიობი ქალი დრამატულ სერიალში

ჰელენ მირენი — 1923
ბელა რემსი — The Last of Us
კერი რასელი — The Diplomat
სარა სნუკი — Succession
იმელდა სტაუნტონი — The Crown
ემა სტოუნი — The Curse

საუკეთესო მსახიობი ქალი კომედიურ სერიალში ან მიუზიკლში

აიო ედებირი — The Bear
ნატაშა ლიონე — Poker Face
კინტა ბრანსონი — Abbott Elementary
რეიჩელ ბროსნაჰანი — The Marvelous Mrs. Maisel
სელენა გომესი — Only Murders in the Building
ელ ფენინგი – The Great

საუკეთესო მსახიობი კაცი კომედიურ სერიალში ან მიუზიკლში

ბილ ჰადერი — Barry
სტივ მარტინი — Only Murders in the Building
მარტინ შორტი — Only Murders in the Building
ჯეისონ სიგელი — Shrinking
ჯეისონ სუდეკისი — Ted Lasso
ჯერემი ალენ უაიტი — The Bear

საუკეთესო მეორეხარისხოვანი როლის შემსრულებელი კაცი სერიალში

ბილი კრადაპი — The Morning Show
მეთიუ მაკფეიდენი — Succession
ჯეიმს მარსდენი — Jury Duty
ებონ მოს-ბეჩრეჩი — The Bear
ალან რაკი — Succession
ალექსანდრ სკარშგორდი — Succession

საუკეთესო მეორეხარისხოვანი როლის შემსრულებელი კაცი სერიალში

ელიზაბეტ დებიკი — The Crown
ები ელიოტი — The Bear
კრისტინა რიჩი — Yellowjackets
ჯეი სმიტ-კემერონი — Succession
მერილ სტრიპი — Only Murders in the Building
ჰანა ვედინგჰემი — Ted Lasso

საუკეთესო მინისერიალი

Beef
Lessons in Chemistry
Daisy Jones & the Six
All the Light We Cannot See
Fellow Travelers
Fargo

საუკეთესო მსახიობი კაცი მინისერიალში

მეტ ბომერი — Fellow Travelers
სემ კლაფინი — Daisy Jones & the Six
ჯონ ჰემი — Fargo
ვუდი ჰარელსონი — White House Plumbers
დევი ოელევო — Lawmen: Bass Reeves
სტივენ იეუნი — Beef

საუკეთესო მსახიობი ქალი მინისერიალში

რაილი კეო — Daisy Jones & the Six
ბრი ლარსონი — Lessons in Chemistry
ელიზაბეთ ოლსენი — Love and Death
ჯუნო ტემპლი — Fargo
რეიჩელ ვაიზი — Dead Ringers
ალი ვონგი — Beef

საუკეთესო მუსიკა

ლუდვიგ გორანსონი — Oppenheimer
იერსკინ ფრენდიქსი — Poor Things
რობი რობერტსონი — Killers of the Flower Moon
მიკა ლევაი — The Zone of Interest
დენიელ პემბერტონი — Spider-Man: Across the Spider-Verse
ჯო ჰისაიში — The Boy and the Heron

საუკეთესო უცხოენოვანი ფილმი

Anatomy of a Fall, საფრანგეთი
Fallen Leaves, ფინეთი
Io Capitano, იტალია
Past Lives, იტალია
Society of the Snow, ესპანეთი
The Zone of Interest, დიდი ბრიტანეთი

საუკეთესო სიმღერა

Barbie — What Was I Made For?
Barbie — Dance the Night
She Came to Me — Addicted to Romance
The Super Mario Bros. Movie — Peaches
Barbie — I’m Just Ken t
Rustin — Road to Freedom

საუკეთესო ანიმაცია

The Boy and the Heron
Elemental
Spider-Man: Across the Spider-Verse
The Super Mario Bros. Movie
Suzume
Wish

საუკეთესო სტენდაპ შემსრულებელი

Ricky Gervais: Armageddon”
Trevor Noah: Where Was I
Chris Rock: Selective Outrage
Amy Schumer: Emergency Contact
Sarah Silverman: Someone You Love
Wanda Sykes: I’m an Entertainer

კინოგაქირავების გამორჩეული ფილმი

Barbie
Guardians of the Galaxy Vol. 3
John Wick: Chapter 4
Mission: Impossible — Dead Reckoning Part One
Oppenheimer
Spider-Man: Across the Spider-Verse
The Super Mario Bros. Movie
Taylor Swift: The Eras Tour

ჩვენ მხარი უნდა დავუჭიროთ ყველა ევროპულ ქვეყანას, რომლებიც ჯერჯერობით ამ სისტემის მიღმა არიან და მივცეთ იმედი -ჩეხეთის პრეზიდენტი

საქართველოს პრეზიდენტმა სალომე ზურაბიშვილმა დღეს ჩეხეთის რესპუბლიკაში ოფიციალური ვიზიტი დაიწყო, რომელიც საქართველო – ჩეხეთის 30 წლიანი დიპლომატიური ურთიერთობების პერიოდში, პირველი ოფიციალური ვიზიტია.

საქართველოს პრეზიდენტის ადმინისტრაციის ინფორმაციით, დახვედრის ოფიციალური ცერემონიის შემდეგ, რომელიც პრაღის სასახლეში გაიმართა, საქართველოს პრეზიდენტი ჩეხეთის რესპუბლიკის პრეზიდენტს პირისპირ და გაფართოებულ ფორმატში შეხვდა.

შეხვედრებზე საუბარი შეეხო ევროკავშირის გაფართოებას, საქართველოს ევროინტეგრაციის პროცესს და ქვეყნის კანდიდატის სტატუსთან დაკავშირებით იმ მნიშვნელოვან გადაწყვეტილებას, რომელსაც ჩვენი ქვეყანა ევროპული საბჭოსგან სულ რამდენიმე დღეში ელოდება.

ჩეხეთის პრეზიდენტმა მკაფიო მხარდაჭერა დააფიქსირა საქართველოსათვის ევროკავშირის წევრობის კანდიდატი ქვეყნის სტატუსის მინიჭების პროცესში და საქართველოს სრული მხარდაჭერა გამოუცხადა.

,,ჩვენ მხარი უნდა დავუჭიროთ ყველა ევროპულ ქვეყანას, რომლებიც ჯერჯერობით ამ სისტემის მიღმა არიან და მივცეთ იმედი“, – განაცხადა პეტრ პაველმა.

ოფიციალური ვიზიტის ფარგლებში, პრეზიდენტმა დღეს შეხვედრა გამართა ასევე, დეპუტატთა პალატის თავმჯდომარე მარკეტა პეკაროვასთან.

პრეზიდენტის ოფიციალური ვიზიტი ჩეხეთის რესპუბლიკაში 12 დეკემბერს დასრულდება.

მადლობა მთელი იმ შრომისთვის, რომელსაც ახორციელებთ საქართველოს ევროკავშირში გაწევრიანების გზაზე -გერტ იან კოპმანი დარჩიაშვილს

დიდი მადლობა კიდევ ერთი შესანიშნავი საუბრისთვის, ძვირფასო ილია და მთელი იმ შრომისთვის, რომელსაც თქვენ და თქვენი გუნდი ახორციელებთ საქართველოს ევროკავშირში გაწევრიანების გზაზე, – ასე ეხმაურება სამეზობლო პოლიტიკისა და გაფართოებაზე მოლაპარაკებათა საკითხებში ევროკომისიის გენერალური დირექტირატის გენერალური დირექტორი, გერტ იან კოპმანი საქართველოს საგარეო საქმეთა მინისტრთან, ილია დარჩიაშვილთან გამართულ შეხვედრას/

აღმოსავლეთ პარტბიორობის მინისტერიალის ფარგლებში გამართულ საუბარზე სოციალურ ქსელში წერს თავად ილია დარჩიაშვილიც:

“მქონდა ძალიან კარგი საუბარი გერტ იან კოპმანთან. ველოდებით რა უაღრესად მნიშვნელოვან გადაწყვეტილებას, მე მას მივაწოდე ინფორმაცია იმ სამოქმედო გეგმის განხორციელების შესახებ, რომელიც საქართველოს მთავრობამ შეიმუშავა ევროკომისიის რეკომენდაციების შესასრულებლად. მოუთმენლად ველით კიდევ ერთ დიდ წინგადადგმულ ნაბიჯს ევროკავშირში გაწევრიანების გზაზე”, – წერს დარჩიაშვილი X-ის (ყოფილი „ტვიტერი“ ) პირად გვერდზე.