მოვუწოდებთ ორივე მხარეს გამოიჩინონ თავშეკავება, თავი აარიდონ ქმედებებს, რამაც შეიძლება გამოიწვიოს დაძაბულობა და ერთობლივად დაიცვან რეგიონული მშვიდობა და სტაბილურობა, – ამგვარად გამოეხმაურა ჩინეთის საგარეო საქმეთა სამინისტრო ირანის მიერ პაკისტანის ტერიტორიის დაბომბვის შემდეგ შექმნილ დაძაბულობას.
ჩინეთის საგარეო საქმეთა პრესსპიკერის, მაო ნინის განცხადებით, პეკინს სჯერა, რომ ირანი და პაკისტანი ახლო მეზობლები არიან და ორივე დიდი მასშტაბის ისლამური ქვეყანაა.
„ჩინეთი ყოველთვის მხარს უჭერდა, რომ ქვეყნებს შორის ურთიერთობები უნდა განხორციელდეს საერთაშორისო ურთიერთობების ძირითადი ნორმების შესაბამისად, გაერო-ს წესდების და საერთაშორისო სამართლის მიზნებისა და პრინციპების საფუძველზე და ჩინეთი მხარს უჭერს ყველა ქვეყნის სუვერენიტეტის, დამოუკიდებლობისა და ტერიტორიული მთლიანობის გულწრფელ პატივისცემასა და დაცვას“, – განაცხადა ჩინეთი საგარეო უწყების წარმომადგენელმა.
მედიის ცნობით, ირანული ავიაიერიშების სამიზნე პაკისტანში ტერორისტული დაჯგუფება „ჯაიშ ალ-ზულმის“ ორი მნიშვნელოვანი შტაბი იყო.
