საქართველოს პრემიერ-მინისტრი ირაკლი ღარიბაშვილი ისრაელის სახელმწიფოს პრეზიდენტთან ისააკ ჰერცოგთან შეხვედრას სოციალურ ქსელ X-ზე ეხმაურება.

პრემიერის თქმით, აქცენტი გაკეთდა საქართველოსა და ისრაელს შორის არსებული ორმხრივი კავშირების გაძლიერებაზე.

„ნაყოფიერი შეხვედრა მქონდა ისრაელის სახელმწიფოს პრეზიდენტ ისააკ ჰერცოგთან, რომლის დროსაც აქცენტი გაკეთდა საქართველოსა და ისრაელს შორის არსებული ორმხრივი კავშირების გაძლიერებაზე, ისევე როგორც ყოვლისმომცველი თანამშრომლობის დღის წესრიგის მნიშვნელობაზე. იმედს გამოვთქვამ, რომ მშვიდობა და სტაბილურობა დაისადგურებს ახლო აღმოსავლეთსა და მის ფარგლებს მიღმა“, – აღნიშნავს მთავრობის მეთაური.

ჩვენ არჩევნებზე, რა თქმა უნდა, არ ვნერვიულობთ. თუმცა, რა თქმა უნდა ვემზადებით, რომ მივიღოთ მაქსიმალური შედეგი – ამის შესახებ საქართველოს პრემიერ-მინისტრმა ირაკლი ღარიბაშვილმა დავოსში ჟურნალისტებს განუცხადა.

მთავრობის მეთაურის თქმით, მისთვის არ არის საინტერესო ოპოზციის, მით უმეტეს ასეთ მდგომარეობაში მყოფი ოპოზციის მცდელობები.

“დღეს რომ არჩევნები იყოს ქართული ოცნება მინიმუმ 60 პროცენტს აიღებდა. ჩვენ არჩევნებზე, რა თქმა უნდა არ ვნერვიულობთ. თუმცა, რა თქმა უნდა ვემზადებით, რომ მივიღოთ მაქსიმალური შედეგი. რომელიც სჭირდება ჩვენს ქვეყანას ისევ, ჩვენს ხალხს რომ გაგრძელდეს ეს მშვიდობა, სტაბილურობა და სწრაფი ეკონომიკური განვითარება.

რაც შეეხება ჩვენს ხელმოცარულ ოპოზიციას და მათ ასე ვთქვათ უსუსურ მცდელობას რომ რაღაცა ახალი შესთავაზონ საზოგადოებას, ჩვენ კარგად ვიცით რომ ეს ყველაფერი არის სიცრუე, ეს არის ტყუილი და ქართველი ხალხი ძალიან კარგად ხედავს და მათ კარგად იციან ვის რა წარსული აქვს, კარგად იციან, რომ არავითარი მესამე ძალა არ არსებობს ქვეყანაში. არსებობს ჩვენი პოლიტიკური ძალის და საბოლოო ჯამში ჩვენი ქვეყნის და ჩვენი ხალხის მოწინააღმდეგე ძალა – ერთიანი ნაციონალური მოძრაობის ან ახალი ნაციონალური მოძრაობის, როგორიც არის მაგალითად ხაზარაძის გაერთიანება ან სხვების, სხვა ლუზერების, რომლებიც ცდილობენ რომ გაერთიანდნენ და ამით გადალახონ 5 პროცენტიანი ბარიერი. ჩემთვის ნამდვილად არ არის საინტერესო ოპოზიციის მით უმეტეს ასეთ მდგომარეობაში მყოფი ოპოზციის მცდელობები. მთავარი ჩემთვის არის ის რომ ქვეყანაში იყოს მშვიდობა, სტაბილურიბა და განვითარება,-” განაცხადა ირაკლი ღარიბაშვილმა.

ჩინეთთან ყველა ევროპული სახელმწიფო, მათ შორის ევროკავშირი დაინტერესებულია, რომ მოხდეს გაღრმავება ეკონომიკური და სავაჭრო ურთიერთობების, ამიტომ, ჩვენი ინტერესია, რომ ჩვენ ჩვენს ეროვნულ ინტერესებზე ვიფიქროთ, – ამის შესახებ საქართველოს პრემიერ-მინისტრმა ირაკლი ღარიბაშვილმა დავოსში ჟურნალისტებს განუცხადა.

მთავრობის მეთაურის თქმით, დავოსის ფორუმის ფარგლებში მნიშვნელოვანი შეხვედრები გაიმართა, სადაც განხილული იყო როგორც პოლიტიკური საკითხები, ასევე საქართველოს საინვესტიციო პოტენციალი.

„გუშინ საღამოს მონაწილეობა მივიღეთ ვახშამზე, რომელიც მიეძღვნა ევროპის მომავალს და ევროპის მომავალში რა თქმა უნდა, იგულისხმება საქართველოც, ვინაიდან, ჩვენ ვართ უკვე კანდიდატი ქვეყანა და მე მათ წარვუდგინე ჩემი ხედვა. საქართველოს დაეთმო განსაკუთრებული ადგილი. ამ დახურული ვახშამის ფორმატში ყველამ ერთხმად აღიარა ის წინსვლა და პროგრესი, რომელსაც ჩვენ მივაღწიეთ და ყველასგან კიდევ ერთხელ მივიღეთ მილოცვები. ეს იყო ძირითადი კონტექსტი წლევანდელი დავოსის ფორუმზე.

ჩვენ ასევე მოვისმინეთ შეფასებები მსოფლიოს სხვადასხვა წამყვანი ეკონომისტების, ექსპერტების მხრიდან. წელს მოსალოდნელია, რომ მსოფლიოს ეკონომიკა გაიზრდება 3 პროცენტით. რა თქმა უნდა, დიდი მნიშვნელობა აქვს ჩინეთის ეკონომიკის სწრაფ ზრდას, რომელსაც ასევე ექნება გადამდები ეფექტი სხვა დანარჩენ რეგიონებზე და მთლიანად მსოფლიო ეკონომიკაზე. ჩინეთთან ჩვენ გვაქვს ძალიან წარმატებული ურთიერთობა, გასულ წელს მე ვიყავი ჩინეთში და ჩვენ სტრატეგიულ დონეზე ავიყვანეთ ჩვენი პარტნიორობა. ჩინეთთან ყველა ევროპული სახელმწიფო, მთლიანად  ევროკავშირი დაინტერესებულია, რომ მოხდეს გაღრმავება ეკონომიკური და სავაჭრო ურთიერთობების, ამიტომ, ჩვენი ინტერესია, რომ ჩვენ ჩვენს ეროვნულ ინტერესებზე ვიფიქროთ. კიდევ უფრო მეტად განვავითაროთ ჩვენი ქვეყნის ეკონომიკა. დავძლიოთ ის სირთულეები, რომელიც ჯერ კიდევ არის, იქნებაეს სიღარიბე თუ უმუშევრობა კიდევ უფრო მეტად უნდა შევამციროთ. მეტი სწრაფი განვითარება სჭირდება ჩვენს ქვეყანას. რა თქმა უნდა, მშვიდობა და სტაბილურობა არის ძალიან მნიშვნელოვანი. ასევე მინდა აღვნიშნო, რომ პირდაპირი უცხოური ინვესტიციების მოზიდვას აქვს ძალიან დიდი მნიშვნელობა ჩვენი ქვეყნის ეკონომიკისთვის. შარშან, მოგეხსენებათ, იყო რეკორდული წელიწადი ამ მხრივაც და ამ ტემპს სჭირდება შენარჩუნება.

მე ასევე მქონდა შეხვედრა ისრაელის პრეზიდენტთან, რომელსაც ვესაუბრე ვრცლად ამ სიტუაციაზე და მანაც გაგვიზიარა უახლესი ინფორმაცია, რაც შეეხება რეგიონში არსებულ ვითარებას. მქონდა ძალიან საინტერესო შეხვედრები სხვადასხვა მსხვილი კომპანიების წარმომადგენლებთან და ხელმძღვანელებთან და ვფიქრობ, რომ ამ ყველაფერს ექნება გაგრძელება, სჭირდება მიყოლა ამ საკითხებს. ჩვენ შევთანხმდით კონკრეტულ თარიღებზე, როდესაც მოხდება მათი სტუმრობა საქართველოში, რომ მოხდეს ახალი ინვესტიციების განხორციელება ჩვენს ქვეყანაში.

ვფიქრობ, მნიშვნელოვანი იყო ჩვენი ქვეყნის მონაწილეობა დღევანდელ პანელზეც, სადაც დიდი დრო დავუთმეთ შუა დერეფნის განვითარებას. შუა დერეფნის განვითარებაში დიდი მნიშვნელობა ენიჭება საქართველოს, ვინაიდან ჩვენ ვართ კარიბჭე ევროპასა და აზიას შორის, უმოკლესი დამაკავშირებელი გზა ვართ ჩვენ და რა თქმა უნდა, მე კიდევ ერთხელ აღვნიშნე იმ დიდი პროექტების შესახებ, რომელზეც ჩვენ ახლა ვმუშაობთ, იქნება ეს ანაკლიის პორტის პროექტი, აეროპორტი, თუ სხვა მიმდინარე მსხვილი პროექტები, ისევე, როგორც შავი ზღვის კაბელის პროექტი, რომელიც ძალიან მნიშვნელოვანია დაკავშირებადობის თვალსაზრისით”, – განაცხადა პრემიერმა.

ნამდვილად არ არის საინტერესო ოპოზიციის, მით უმეტეს, ასეთ მდგომარეობაში მყოფი ოპოზიციის მცდელობები, ჩვენთვის მთავარია, ქვეყანაში იყოს მშვიდობა, სტაბილურობა და განვითარება, – ამის შესახებ საქართველოს პრემიერ-მინისტრმა, ირაკლი ღარიბაშვილმა დავოსში ქართველ ჟურნალისტებს განუცხადა.

როგორც ირაკლი ღარიბაშვილმა აღნიშნა, ხელმოცარული ოპოზიციის უსუსური მცდელობა, რაღაც ახალი შესთავაზონ საზოგადოებას, არის სიცრუე.

„ქართველი ხალხი ძალიან კარგად ხედავს, ხალხმა იცის, ვის რა წარსული აქვს. კარგად იციან, რომ არავითარი მესამე ძალა არ არსებობს დღეს ქვეყანაში. არსებობს ჩვენი პოლიტიკური ძალის, საბოლოო ჯამში კი, ჩვენი ქვეყნის და ხალხის მოწინააღმდეგე ძალა – „ერთიანი ნაციონალური მოძრაობის“ ან ახალი „ნაცმოძრაობის“, როგორიცაა მაგალითად ხაზარაძის გაერთიანება, ან სხვა პატარა ლუზერების. ისინი ცდილობენ, გაერთიანდნენ და ამით გადალახონ 5-პროცენტიანი ბარიერი“, – განაცხადა ირაკლი ღარიბაშვილმა.

რაც შეეხება კითხვას, როგორ ემზადება „ქართული ოცნება“ მომავალი არჩევნებისთვის, ირაკლი ღარიბაშვილმა აღნიშნა: „დღეს რომ არჩევნები იყოს, „ქართული ოცნება“ სულ მცირე 60 პროცენტს აიღებდა. ჩვენ არჩევნებზე არ ვნერვიულობთ, თუმცა ვემზადებით, რომ მივიღოთ მაქსიმალური შედეგი, რომელიც სჭირდება ჩვენს ქვეყანას, ჩვენს ხალხს, რათა გაგრძელდეს მშვიდობა, სტაბილურობა და სწრაფი ეკონომიკური განვითარება“.

პირველ რიგში, მადლობა მინდა გადაგიხადოთ თქვენ ყველას აქ ჩამობრძანებისთვის და აქტიურად გაშუქებისთვის დავოსის მოვლენების. წლევანდელი წელიც, მე ვფიქრობ, იყო საკმაოდ საინტერესო. მე მივიღე მონაწილეობა ძალიან მნიშვნელოვან პანელურ დისკუსიებში, – ამის შესახებ საქართველოს პრემიერ-მინისტრმა ირაკლი ღარიბაშვილმა დავოსში, ჟურნალისტებთან საუბრისას განაცხადა.

მთავრობის მეთაურის თქმით, ასევე გუშინ მას ჰქონდა ძალიან საინტერესო შეხვედრა და მიიღო მონაწილეობა დახურულ დიალოგში, რომელიც გაიმართა ევროკომისიის პრეზიდენტის, ქალბატონ ურსულა ფონ დერ ლაიენის მონაწილეობით და ხელმძღვანელობით, ასევე დავოსის პრეზიდენტის ბორგე ბრენდეს მოდერაციით.

„მთავარი საკითხი შეეხებოდა ბალკანეთის ქვეყნების ევროინტეგრაციას, ამ პროცესს ზოგადად, რაც უკავშირდება ბალკანეთის ქვეყნების გაერთიანებას ევროკავშირში, ასევე ჩვენს ინტეგრაციას ევროკავშირში. ჩემთან ერთად ამ პანელში მიიღო მონაწილეობა, ამ დახურულ ფორმატში მიიღო მონაწილეობა მოლდოვეთის პრემიერ-მინისტრმა და ასევე უკრაინის საგარეო საქმეთა მინისტრმა.

რა თქმა უნდა, პირველ რიგში, მადლობა გადავუხადე ყველა ევროპელ ლიდერს, იმიტომ, რომ შეხვედრაში მონაწილეობდნენ ევროპელი ლიდერები, პრემიერ-მინისტრები, პრეზიდენტები, როგორც უკვე აღვნიშნე, ქალბატონი ურსულა ფონ დერ ლაიენი. მე მას მადლობა გადავუხადე ჩვენი ქვეყნის სახელით და მათ ყველას მადლობა გადავუხადე, იმიტომ, რომ ჩვენ, ასე ვთქვათ, ყველაზე მნიშვნელოვანი მონაპოვარი ყველამ ერთად მივიღეთ დეკემბერში, კანდიდატის სტატუსის სახით.

ამას გარდა, ჩვენ გვქონდა შესაძლებლობა, რომ გაგვეზიარებინა უახლესი ინფორმაცია საქართველოში მიმდინარე მოვლენების შესახებ. რა თქმა უნდა, ის ძლიერი, იქნება ეს ეკონომიკური ზრდა, განვითარება, ჩვენი გეგმები, ჩვენი ხედვა, ზოგადად, რაც შეეხება ჩვენი ქვეყნის მომავალს, ამ თემებზეც, ბუნებრივია, იყო საუბარი. ასევე საინტერესო იყო, რა თქმა უნდა, ჩვენ ამ ფორმით შევეხეთ კრიზისების საკითხს. როგორც მოგეხსენებათ, დღეს მსოფლიო წესრიგი იცვლება და ჯერ კიდევ ძალიან დიდი კითხვის ნიშნის ქვეშ დგას, თუ საბოლოო ჯამში როგორი მსოფლიო წესრიგი უნდა ჩამოყალიბდეს და როგორი იქნება საბოლოო კონფიგურაცია, როგორ მოეწყობა თანამედროვე მსოფლიო, ვინაიდან ჩვენ დღეს ვუყურებთ, რომ სახელმწიფოები პატივს აღარ სცემენ საერთაშორისო წესრიგს, უხეშად ხდება ხელყოფა სუვერენული სახელმწიფოების ტერიტორიების, მიმდინარეობს ომები და ა.შ. რა თქმა უნდა, საუბარი შეეხო ასევე უკრაინის კრიზისს, რომელსაც აქვს პირდაპირი გავლენა, არა მხოლოდ ევროპის უსაფრთხოებაზე, არამედ მთელი მსოფლიოს წესრიგზე. მნიშვნელოვანი დრო დაეთმო ახლო აღმოსავლეთში განვითარებულ მოვლენებს, ისრაელში განვითარებული მოვლენები, რა თქმა უნდა, ჩვენთვის ყველასთვის არის ძალიან მნიშვნელოვანი და საინტერესო. ჩვენი ინტერესია, რომ რაც შეიძლება მალე დასრულდეს ეს ომი, ეს კონფლიქტი და საბოლოოდ დამყარდეს, აღდგეს მშვიდობა და სტაბილურობა”, – განაცხადა პრემიერმა.

საქართველოში ბოლშევიზმი ახალი ენერგიით ცდილობს ფრთების გაშლას, რა თქმა უნდა, ეს არ გამოუვათ, ბოლშევიზმი არ არის ის, რაც დამახასიათებელია ჩვენი ეროვნული სულისკვეთებისთვის – ასე გამოეხმაურა „ქართული ოცნების“ თავმჯდომარე ირაკლი კობახიძე ნატა ფერაძის განცხადებას იმის შესახებ, რომ „სამების ტაძარი საქართველოში კორუფციის მთავარი ტაძარია“.

მისი თქმით, ვერავითარი გასაქანი ბოლშევიზმს ვერ ექნება და ნებისმიერ ასეთ ფაქტზე საჭიროა საზოგადოების სწორი რეაგირება.

„ასეთი უხეში ფორმით ბოლშევიზმი გვახსოვს საუკუნის წინანდელი პერიოდიდან და გვეგონა, რომ ეს ყველაფერი წარსულს ჩაბარდა. თუმცა, ვხედავთ, რომ საქართველოში ბოლშევიზმი ახალი ენერგიით ცდილობს საკუთარი ფრთების გაშლას. რა თქმა უნდა, ეს არ გამოუვათ, ბოლშევიზმი არ არის ის, რაც დამახასიათებელია ჩვენი ეროვნული სულისკვეთებისთვის, აქედან გამომდინარე, ვერავითარი გასაქანი ბოლშევიზმს ვერ ექნება, შესაბამისად საჭიროა საზოგადოების სწორი რეაგირება ნებისმიერ ასეთ ფაქტზე“, – განაცხადა ირაკლი კობახიძემ.