საქართველოს პრეზიდენტი, სალომე ზურაბიშვილი ოკუპირებულ აფხაზეთში, სოხუმის გალერეაში გაჩენილ ხანძარს ეხმაურება და საერთაშორისო თანამეგობრობას მოუწოდებს, ოკუპირებულ ტერიტორიებზე საქართველოს კულტურული მემკვიდრეობის დაცვაზე იზრუნოს.

„ხანძარი, რომელმაც ოკუპირებულ აფხაზეთში სოხუმის ეროვნული გალერეა გაანადგურა, ყველა ჩვენგანისთვის ტრაგედიაა. ვწუხვარ იმის გამო, რაც როგორც დე ფაქტო ხელმძღვანელობის, ისე რუსი ოკუპანტების მხრიდან კულტურული იდენტობის უგულებელყოფის პირდაპირი შედეგია. მოვუწოდებ საერთაშორისო თანამეგობრობას, აღადგინოს ყურადღება ოკუპირებულ ტერიტორიებზე ჩვენი კულტურული მემკვიდრეობის დაცვაზე“, – წერს პრეზიდენტი სოციალურ ქსელ X-ში გამოქვეყნებულ პოსტში.

შეგახსენებთ, გუშინ, აფხაზურმა მედიამ გაავრცელა ინფორმაცია, რომ სოხუმში სამხატვრო გალერეაში ხანძარი გაჩნდა, რის შედეგადაც 4000-ზე მეტი ნამუშევარი განადგურდა.

დიდუბის რაიონში გაზსადენზე სარეაბილიტაციო სამუშაოების გამო გაზის მიწოდება დროებით 12000-მდე აბონენტს შეუწყდება. ინფორმაციას ამის შესახებ „თბილისი ენერჯი“ ავრცელებს.

„გაცნობებთ, რომ დიდუბის რაიონში, გაზსადენზე სარეაბილიტაციო სამუშაოების გამო, ხვალ, 23 იანვრის 13.00 საათიდან 24 იანვრის 12:00 საათამდე გაზის მიწოდება შეუწყდება სპირიდონ კედიას ქ. 3, 10, 10კ-ში მდებარე შპს ,,კედიას 10”-ს, შპს ,,GD GROUP”-ს და ,,ალისფერ აფრებს” საცხოვრებელი კორპუსების, სპ. კედიას ქ. 8-ში მდებარე შპს ,,კლასიკ დეველოპმენტს”, კახოვკის ქ. 9, თევდორე მღვდლის ქ. 13, 15, 16, 38, 40, 42, 44, 48, 48ა, 49, 51-53, ცაბაძის ქ. 8, ზუგდიდის ქ. 3, 12, ცემის, სოხუმის ქ. 4-6ა, 7, 7ა, 8, დავით ბაქრაძის ქ. 4, 6ა, ვანის ქ. 4 (დ. ბაქრაძის ქ. 6ა), ვანის ქ. 4-ში მდებარე შპს ,,სამშენებლო კომპანია თბილისი ვექტორის”, ვანის ქ. 4-ში მდებარე შპს ,,ვიზს”, ვანის ქ. 7, არჩილ კერესელიძის ქ. 1, 2, 3, 5, ფოთის ქ. 12/14, ვ. ბაგრატიონის ქ. 53, დიდუბის II შეს. 3 (დიდუბის II შეს. 20), 14 (წერეთლის გამზ. 66), 19ბ (წერეთლის გამზ. 70), 20, წერეთლის 1კ, 2კ, 3კ, 4კ, 5კ, 6კ, 7კ, წერეთლის გამზ. 27-ში მდებარე შპს ,,სვეტს”, აკ. წერეთლის გამზ. 8, 10, 12, 12ა, 41, 57, 58, 59, 61, 63, 64, 66, 65-1, 63-1, 63-2, 67, 69, 71, 70, 72, 73, 74, 76, 77, 77ა, 77ბ, 87, 87ა, 89, 91, 93, 95, 97, 99, 99ა, 101, 103, 105, 111, 113, 115, 115ა-ში მდებარე საცხოვრებელი კორპუსების მოსახლეობასა და მცირე კომერციულ ობიექტებს, არჩილ ქურდიანის ქ. 2, 4, 5, 6, 7, 10, 11, 16, 18, 12/14, გიორგი ცაბაძის ქ. 3ა, 3ბ, 3გ, 5, 7, 9, 11, დავით აღმაშენებლის გამზ. 168, 171, 172,2 174, 176, 177, 179, 179ა, 181, 183, 185, 187, 189, 191, 195, დავით ყიფიანის (ყოფ. დიდუბის) ქ. 4, 4-1, 4-2, 4-3, მიხეილ წინამძღვრიშვილის ქ. 176, 182, 186, 190, ვახუშტი ბაგრატიონის ქ. 62, თევდორე მღვდლის ქ. 38, 40, 42, 44, ზუგდიდის ქ. 12, სოხუმის ქ. 7, 7ა, 8, ევდოშვილის ქ. 14, ასევე საგურამოს (ახლ. სლავა მეტრეველის), შოთა იამანიძის, სოხუმის, ბათუმის, ბორჯომის (ახლ. მურმან ლებანიძის), გორის ქუჩებსა და მიმდებარედ მცხოვრებ მოსახლეობასა და მცირე კომერციულ ობიექტებს, ასევე სამტრედიის ქ. 5, 7, 9, სტანისლავსკის ქ. 8, 12, 12ა, 12ბ, აკაკი წერეთლის გამზ. ასევე იროდიონ ევდოშვილის ქ. 2-ში შპს ,,კარკასს”, 2/10-1, 2/10-2, 2/10-3, 2/10-4, 2/10-5, 2/10-6, 2/10-7, 2/10-8, 3, 12, 18, 14, 18, 20-ში მდებარე საცხოვრებელი კორპუსების, ასევე გორისა და ძმ. ფიფიების (ყოფ. ვორონინის) ქუჩების კერძო სექტორის მოსახლეობას. აგრეთვე გაზის მიწოდება შეუწყდება წერეთლის გამზ. 67-ში – სსიპ “სახელმწიფო სერვისების განვითარების სააგენტოს”, წერეთლის გამზ. 77-ში – ბაგა–ბაღი # 207-ს, შპს 10233“ორიონს”, ცაბაძის ქ. 8-ში – შპს ,,კოლხას”, ბაქრაძის ქ. 6-ში – შპს “საზოგადოებრივი კოლეჯი “კავკასიონს”, ვ. ბაგრატიონის ქ. 58-ში – # 100 საჯარო სკოლას, კედიას ქუჩაზე სს ,,სასკოლო ინვენტარის ფაბრიკას”, შპს ,,იმედი 999”, შპს “ვეგა”, შპს “საუნჯეს” – სკოლა, შპს “თეგეტა მოტორს”, კედიას ქ. 7-ში მდებარე ქ. თბილისის I სამედიცინო სასწავლებელს, კედიას ქ. 4-ში მდებარე შპს ,,ჯ-ი”-ს (ყოფილი ,,წითელი ჯვარი”), შპს “შეზღუდული შესაძლებლობების პირთა მქონე რეაბილიტაციის ცენტრს”, თევდორე მღვდლის ქ. 53-ში – კომპანია ,,ლუქსი 2004”-ს, გორის ქ. 1-ში – შპს ,,დესთინეიშენ ჯორჯიას”, თევდორე მღვდლის ქ. 24-ში მდებარე შპს ,,მერაბ შუბითიძეს” მცირე კომერციულ ობიექტს და აღნიშნულ ტერიტორიაზე განთავსებულ კომერციულ და საბიუჯეტო ორგანიზაციებს.

გაზმომარაგების აღდგენა დაიწყება 24 იანვრის 12.00 საათიდან და დასრულდება 22.00 საათამდე. თბილისი ენერჯი ბოდიშს გიხდით შექმნილი დისკომფორტის გამო. გთხოვთ არ დატოვოთ გაზის დანადგარები უყურადღებოდ“, – აღნიშნულია ინფორმაციაში.

ბრიუსელში დღეს იმართება კონფერენცია, რომელშიც მონაწილეობენ მათ შორის კანდიდატი ქვეყნები და სადაც ურბანული პოლიტიკის შესახებ არის დისკუსია, – ამის შესახებ პარლამენტის საფინანსო-საბიუჯეტო კომიტეტის თავმჯდომარის მოადგილემ, ირაკლი ზარქუამ განაცხადა.

მისი თქმით, მმართველმა გუნდმა ყველაფერი გააკეთა იმისთვის, რომ საქართველოს ღირსებით, სამართლიანად და დამსახურებულად მიეღო კანდიდატის სტატუსი, რაც თავის მხრივ, ქვეყანას ამგვარ კონფერენციებში მონაწილეობის საშუალებას აძლევს.

„ჩვენ ღირსებით მოვიპოვეთ კანდიდატის სტატუსი და ვცდილობთ, მაქსიმალურად ჩართულები ვიყოთ ევროპოლიტიკაში, მათ შორის ურბანული მიმართულებით. დღეს კიდევ ერთხელ გავაჟღერებთ ჩვენს მოსაზრებებს, რომ სჭირდება კიდევ უფრო მეტი დახმარება და დაცვა ისტორიულ მემკვიდრეობას. მნიშვნელოვანია აღინიშნოს, რომ სწორედ ასეთი შეხვედრების, კონფერენციების საშუალებას გვაძლევს კანდიდატის სტატუსი და ამიტომაც ჩვენ ყველაფერი გავაკეთეთ, რომ ღირსებით, სამართლიანად და დამსახურებულად მიგვეღო ეს სტატუსი და ამის გვირგვინია, რომ დღეს გვაქვს შესაძლებლობა, ევროკავშირის წევრ და კანდიდატ ქვეყნებთან ერთად ვისაუბროთ ამ თემებზე“, – აღნიშნა ირაკლი ზარქუამ.

სინამდვილეში, არსებობს ორი ოპოზიცია – „ნაცები“ და „გირჩი“, დანარჩენი ყველა „ნაცია“, – ამის შესახებ „გირჩის“ ლიდერმა, იაგო ხვიჩიამ საქართველოს პირველ არხს განუცხადა.

იაგო ხვიჩიას თქმით, „ლელო“ ამომრჩეველს ცოტა აბნევს, მაგრამ სულ მალე გაირკვევა, რომ „ნაცებისგან“ განსხვავება მხოლოდ ყვითელ ფერშია.

„ოპოზიცია ჯერ ურთიერთქიშპობის ეტაპზეა და ნარჩევ „ნაცებს“ გუნდიდან უშვებენ, ნაცვლად იმისა, რომ ახალნაცობა შემოიკრიბონ, რაც არჩევნებისთვის სათანადო ფორმად ვერ ჩაითვლება. სინამდვილეში, ვარკვევთ, მართლა ვინ არის ოპოზიციონერი, რადგან „ნაცმოძრაობის“ ქმედებები, როცა პარტიიდან ძველ ღვაწლმოსილ ნაცებს უშვებენ და ახალს არ იმატებენ, ეს არ ჩანს როგორც ოპოზიციური ბრძოლა. გვაინტერესებს, „ნაცმოძრაობა“ შეიძლება თუ არა, ჩაითვალოს ოპოზიციურ პარტიად, თუ მხოლოდ გარეგნული ნიშნები აქვს ოპოზიციური პარტიის.

სინამდვილეში, სულ ორი ოპოზიცია არსებობს – „ნაცები“ და „გირჩი“. დანარჩენი ყველა „ნაცია“. ჩემი თუ არ გჯერათ, საქართველოს ნებისმიერი მოქალაქე გააჩერეთ და ჰკითხეთ, რომელ პარტიაშია ნიკა გვარამია, ნიკა მელია. „ლელო“ ამომრჩეველს ცოტა აბნევს, მაგრამ სულ მალე გაირკვევა, რომ „ნაცებისგან“ განსხვავება მხოლოდ ყვითელ ფერშია. რით განსხვავდებიან? სწორედ ამიტომ „ჩალიჩობდნენ“ ერთმანეთის მოადგილეობას. „ნაცებში“ უყვართ მიშა და „ლელოში“ – ხაზარაძე. თვისობრივად, ერთნაირი პარტიები არიან. საქართველოში სულ სამი პარტია არის – „ქოცები“, „ნაცები“ და „გირჩი“. სხვა დანარჩენი სატელიტია. ფაქტი უნდა მივიღოთ, თვალი უნდა გავახილოთ. თუ გვინდა, რომ ქვეყანაში რაიმე შეიცვალოს, მათთვის ხმის მიცემით არაფერი შეიცვლება“, – განაცხადა იაგო ხვიჩიამ.

მოგეხსენებათ, მას შემდეგ რაც ბატონი ბიძინა ივანიშვილი პოლიტიკაში დაბრუნდა, უფრო გააქტიურდა შეტევა ბატონ ბიძინაზე, მასთან დაკავშირებულ ფონდებზე, საქველმოქმედო ღონისძიებებზე და ესეც მორიგი გამოსხივებაა ამ ხელმოცარულების და რადიკალების, – ამის შესახებ პარლამენტის საფინანსო-საბიუჯეტო კომიტეტის თავმჯდომარის მოადგილემ, ირაკლი ზარქუამ განაცხადა.

„ჰგონიათ, რომ ეს ხელმოცარულები როგორც ოპოზიციაში ისე არასამთავროო ორგანიზაციებში, რამე სისულელეს იტყვიან და ამას ხალხი დაიჯერებს. მე მათ გასაგონად მინდა ვთქვა და ხალხმა ისედაც იცის, რომ ფონდი „ქართუ “ეს არის ქველმოქმედების, კარგი საქმეების კეთების ფონდი და ეს არის ბატონი ივანიშვილის და მისი ოჯახის დამსახურება. ეს არის განათლების კერა, სკოლების მშენებლობასთან, თუ კულტურული მემკვიდრეობის ძეგლების რეაბილიტაციასთან და გადარჩენასთან ასოცირდება ეს ფონდი. კიდევ კარგი, რომ არსებობს ასეთი ფონდი, რომელიც წლებია ემსახურება ქართული საზოგადოებისა და ქართველი ხალხის ინტერესებს და ასე გაგრძელდება მომავალშიც. ამის შესახებ პარლამენტის საფინანსო-საბიუჯეტო კომიტეტის თავმჯდომარის მოადგილემ, ირაკლი ზარქუამ განაცხადა“, – განაცხადა ზარქუამ.

ფონდმა „ქართუმ“ განცხადება გაავრცელა, რომელშიც აღნიშნულია, რომ „ბოლო დღეებში რამდენიმე ტელეკომპანიამ, რომელთა ზურგს უკან მარტივად ამოიცნობა კონკრეტული პოლიტიკური ძალები, გაშალეს შავი პიარის ერთიანი ფრონტი ბიძინა ივანიშვილისა და ფონდი „ქართუს“ წინააღმდეგ“.