ბიძინა ივანიშვილისა და „კრედიტ სუისის“ დავამ აჩვენა, რომ ეს არ იყო დავა ორ ფინანსურ სუბიექტს შორის. აჩვენა ის, რომ პიროვნებას შეუძლია დაუპირისპირდეს უზარმაზარ მანქანას და დღევანდელი მსოფლიო წესრიგის პირობებში არ წავიდეს თავისი სამშობლოს ინტერესების წინააღმდეგ,- ამის შესახებ ექსპერტი გია გაბრიჭიძე სოციალურ ქსელში წერს.

„ბიძინა ივანიშვილისა და „კრედიტ სუისის“ დავამ აჩვენა, რომ ეს არ იყო დავა ორ ფინანსურ სუბიექტს შორის. აჩვენა უმთავრესი – ამერიკული სპეცსამსახურების მიერ შვეიცარიის საფინანსო სისტემაზე და დასავლურ მედიაზე სრული კონტროლი. ამ დავამ დაამსხვრია ნდობა შვეიცარიული საბანკო სისტემის და დასავლური, თავისუფალი მედიის მიმართ და ყველას დაანახა, რომ გარკვეული პოლიტიკური ინტერესების გამო, შესაძლებელია დემოკრატიის უმთავრესი ღირებულებების – კერძო საკუთრებისა და პრესის თავისუფლების ხელყოფა. აჩვენა ის, რომ პიროვნებას (დიახ, სწორედაც რომ პიროვნებას) შეუძლია დაუპირისპირდეს უზარმაზარ მანქანას და დღევანდელი მსოფლიო წესრიგის პირობებში არ წავიდეს თავისი სამშობლოს ინტერესების წინააღმდეგ. აჩვენა, რომ ფული არ ნიშნავს ყველაფერს – ეს ბევრისთვის როგორც დასავლეთში, ასევე აქ გაუგებარია, მაგრამ ეს ფასეულობა იმ არანორმალური სისტემის აუცილებელ კრახს გამოიწვევს“-წერს გაბრიჭიძე.

განხილვის საგანი, რა თქმა უნდა, იყო მათ მიერ იმ ღონისძიებების შემუშავება, რომელიც ქართულ საზოგადოებაში შემოიტანდა არეულობას, შფოთსა და აგრესიას აღმასრულებელი ხელისუფლებისა და მმართველი გუნდის წინააღმდეგ, – ამის შესახებ „ხალხის ძალის“ წევრმა, ეკა სეფაშვილმა, მედიასთან ინტერვიუში განაცხადა.

მისი თქმით, ოპოზიცია აცნობიერებს, რომ კანონიერად ვერ დაბრუნდება ხელისუფლებაში, ამიტომ ერთადერთი გზა დარჩა – რევოლუციის მოწყობა, ამისთვის კი ყველა ხერხს მიმართავს.

„განხილვის საგანი, რა თქმა უნდა, იყო მათ მიერ იმ ღონისძიებების შემუშავება, რომელიც ქართულ საზოგადოებაში შემოიტანდა არეულობას, შფოთსა და აგრესიას აღმასრულებელი ხელისუფლებისა და მმართველი გუნდის წინააღმდეგ. ეს საბოლოო ჯამში ემსახურება მათ მიზანს, რომ მთავრობა შეიცვალოს რევოლუციური გზით, რადგან არჩევნების გზით, კანონიერად ხელისუფლების შეცვლის არავითარი რესურსი არ გააჩნიათ. პოლონელი ექიმის ეს გაუგონარი საქციელი, რომელიც სცდება ყოველგვარ ეთიკას, რა თქმა უნდა, მოწმობს იმას, რომ მიშა სააკაშვილის ჯანმრთელობასთან დაკავშირებით სპეკულაციების გაგრძელებას მომავალშიც აპირებდნენ. ასეთი ტიპის ქმედებები ჩვენ არ გვიკვირს იმის ფონზე, რომ მილიონ-ნახევარი დოლარი დაიხარჯა საერთაშორისო მასშტაბით საქართველოს იმიჯის შესალახად“, – განაცხადა ეკა სეფაშვილმა.

ევრო-დოლარებზე გაყიდულმა ჩინოვნიკებმა ყველანაირი წითელი ხაზი გადაკვეთეს! გლობალური ომის პარტიისგან მიიღეს დავალება რომ საქართველოში შეცვალონ ხელისუფლება, რომელმაც მათი ინტერესების მსახურებაზე უარი თქვა. ვერ ასრულებენ ამ დავალებას, სასოწარკვეთაში არიან, რამაც გაიყვანა დიპლომატიის, პოლიტიკის, ეთიკის ჩარჩოებიდან და წყევლა-გინებაზე არიან გადასულები! უნდა იცოდნენ, რომ ამით, ყველაზე მეტად საკუთარ თავს და საკუთარ ქვეყნებს შეურაცხყოფენ!- ამის შესახებ საზოგადოებრივი მოძრაობის „საქართველო უპირველეს ყოვლისა“ დამფუძნებელი, ვატო შაქარიშვილი სოციალურ ქსელში წერს.

როგორც შაქარიშვილი აღნიშნავს, ევროპარლამენტში კორუფციული სკანდალები არ სრულდება. სანამ ევროპარლამენტარები სააკაშვილის წონაზე ფიქრობენ და საქართველოში რევოლუციურ სცენარებს გეგმავენ, მთელი მსოფლიო უყურებს მათ პოლიტიკურ იმპოტენციას, რაც ვილნიუსის სამიტზე კიდევ ერთხელ ნათლად გამოჩნდა.

„ამერიკის ელჩმა ქართველ ხალხს ბრბო უწოდა… ლიეტუველმა ევროპარლამენტარმა კი, ქართველი ხალხის უმრავლესობის მიერ არჩეული ხელისუფლება პოლიტიკურ ბანდად მოიხსენია.
ინტელექტუალურად, მორალურად, ფუნქციურად დეგრადირებული ევრო-ამერიკული ბიუროკრატიის, ევრო-დოლარებზე გაყიდულმა ჩინოვნიკებმა ყველანაირი წითელი ხაზი გადაკვეთეს!
გლობალური ომის პარტიისგან მიიღეს დავალება რომ საქართველოში შეცვალონ ხელისუფლება, რომელმაც მათი ინტერესების მსახურებაზე უარი თქვა. ვერ ასრულებენ ამ დავალებას, რა არ სცადეს – სტატუსის არ მოცემა, სანქციების გვერდის ავლაში დადანაშაულება, ამერიკული კანონის რუსულად გამოცხადება, შანტაჟი, ვაჭრობა, ზეწოლა… ბოლოს, სააკაშვილის ბიოლოგიური ნიმუშების ქურდობის მცდელობაც ჩაუვარდათ… პატრონი კი შედეგს ითხოვს! სასოწარკვეთაში არიან, რამაც გაიყვანა დიპლომატიის, პოლიტიკის, ეთიკის ჩარჩოებიდან და წყევლა-გინებაზე არიან გადასულები! უნდა იცოდნენ, რომ ამით, ყველაზე მეტად საკუთარ თავს და საკუთარ ქვეყნებს შეურაცხყოფენ!
ევროპარლამენტში კი, კორუფციული სკანდალები არ სრულდება და ერთმანეთის მიყოლებით იჭერენ ევროდეპუტატებს და აპარატის თანამშრომლებს. მხოლოდ ფული, ძალაუფლება და ინტერესები დარჩა იმ ღირებულებებიდან, რაზეც იყო დაფუძნებული ეს გაერთიანება.
სანამ ევროპარლამენტარები სააკაშვილის წონაზე ფიქრობენ და საქართველოში რევოლუციურ სცენარებს გეგმავენ, მთელი მსოფლიო უყურებს მათ პოლიტიკურ იმპოტენციას, რაც ვილნიუსის სამიტზე კიდევ ერთხელ ნათლად გამოჩნდა“-წერს ვატო შაქარიშვილი.