თბილისის საკრებულოს პარტია „ანა დოლიძე-ხალხისთვის“ წევრმა, ნინო წულაძემ ხელისუფლების და ოპოზიციის წარმომადგენლებს მუნიციპალიტეტის ორგანოთა საქმიანობის დამოუკიდებელი აუდიტის ჩატარებისკენ მოუწოდა.

როგორც მან აღნიშნა, მაღალი საზოგადოებრივი ინტერესის დასაკმაყოფილებლად, კორუფციის ხელშემწყობი სისტემების გამოსავლენად და მუნიციპალიტეტის ორგანოების საქმიანობის გამჭვირვალეობის უზრუნველსაყოფად, თბილისის მუნიციპალიტეტის ორგანოების დამოუკიდებელი აუდიტი უნდა ჩატარდეს.

„ადგილობრივი თვითმმართველობის კოდექსის 140-ე მუხლი საკრებულოს აძლევს შესაძლებლობას, მოწვეულმა დამოუკიდებელმა აუდიტორმა მუნიციპალიტეტის ორგანოთა აუდიტი ჩაატაროს, რაც თბილისის მოსახლეობისთვის კრიტიკულად მნიშვნელოვანია.

2023 წლის 7 ივლისს დანიური გამოცემამ დაწერა, რომ თბილისის მერიამ 2021 წელს 60 მილიონი ლარით ძვირად შეიძინა თურქული კომპანია BMC-სგან 226 ცალი 12 მეტრიანი ავტობუსი ვიდრე სხვადასხვა ქვეყანაში მისი რეალური ღირებულებაა. თბილისის მერიამ ეს თანხა განვითარებისა და რეკონსტრუქციის ბანკიდან EBRD-დან მიიღო, სწორედ ამიტომ არის საინტერესო როგორ დაიხარჯა ევროკავშირის ფული, საზოგადოებისთვის ხელმისაწვდომი უნდა იყოს დონორების მიერ დაფინანსებული ხელშეკრულებები და შეთანხმებები.

ამ სტატიაში ნათლად ჩანს ევროკავშირის სახსრების ბოროტად გამოყენების რისკი მაღალია თბილისის მუნიციპალიტეტში შესაბამისად, ისინი ფიქრობენ, რომ შესაძლოა საქმეში ევროკავშირის აუდიტის განყოფილება და ევროკავშირის აუდიტორთა სასამართლო ჩაერთოს. ეს არ არის პირველი შემთხვევა როდესაც ბუნდოვანია სად მიდის ქართველი ხალხის ფული, თუმცა ახლა ვხედავთ რომ ევროკავშირის ფულიც თბილისის მერიისა და კალაძის სავარაუდო კორუფციულ ჭაობში იძირება. მაღალი საზოგადოებრივი ინტერესის დასაკმაყოფილებლად, კორუფციის ხელშემწყობი სისტემების გამოსავლენად და მუნიციპალიტეტის ორგანოების საქმიანობის გამჭვირვალეობის უზრუნველსაყოფად, პარტია „ანა დოლიძე-ხალხისთვის“ სახელით მოვუწოდე ხელისუფლებას და ოპოზიციას – გამოვიყენოთ ადგილობრივი თვითმმართველობის კოდექსის კანონისმიერი დანაწესი და ჩავატაროთ თბილისის მუნიციპალიტეტის ორგანოების დამოუკიდებელი აუდიტი, იმისათვის რომ ერთხელ და სამუდამოდ გამოვლინდეს ყველა სავარაუდო კორუფციული ბუდე თბილისის მერიაში და როგორც საკრებულომ მივიღოთ შესაბამისი პრევენციული ღონისძიებები იმისათვის, რომ შევასრულოთ ევროკომისიის რეკომენდაცია კორუფციის მიმართულებით, კანდიდატის სტატუსის მისაღებად და კეთილდღეობის უზრუნველსაყოფად ყველასთვის“, – განაცხადა ნინო წულაძემ, რომლის კომენტარს პარტია „ხალხისთვის“ ავრცელებს.

ძალიან სასიამოვნოა იმის ნახვა, თუ რამდენად სწრაფად და მტკიცედ ახორციელებს უკრაინა რეფორმებს ომის მიუხედავად, – ამის შესახებ ევროკომისიის პრეზიდენტმა ურსულა ფონ დერ ლაიენმა ნიუ-იორკში სიტყვით გამოსვლისას განაცხადა.

მისი თქმით, უკრაინა რიგ რეფორმებზე მუშაობს – “დამოუკიდებელი სასამართლო სისტემიდან კორუფციასთან ბრძოლამდე, უმცირესობების უფლებებიდან მედიის თავისუფლებამდე”.

„უნდა ვთქვა, რომ ძალიან სასიამოვნოა იმის ნახვა, თუ რამდენად სწრაფად და მტკიცედ ახორციელებს უკრაინა რეფორმებს ომის მიუხედავად. ისინი საკუთარ ქვეყანას იცავენ და რეფორმებს ახორციელებენ“, – განაცხადა ფონ დერ ლაიენმა.

იმის ნაცვლად, რომ პოლონურ მხარეს ბოდიში მოეხადა და ასეთი ექიმისთვის ლიცენზია შეეწყვიტა, კრიტიკა მივიღეთ, შესაბამისად, ვფიქრობ, რომ სწორედ პოლონური მხარე იყო დაინტერესებული მიხეილ სააკაშვილის ბიოლოგიური მასალის გამოტანით, – ამის შესახებ გადაცემა „პოლიტიკურ პოსტში“ „ხალხის ძალის“ წევრმა, ანალიტიკოსმა ზურაბ ქადაგიძემ განაცხადა.

მისი თქმით, ანალიზის საფუძველზე შესაძლებელია ითქვას, რომ პოლონეთი სააკაშვილთან დაკავშირებით გარკვეულ როლს ასრულებს.

„პოლონელი ექიმების ჩხრეკის ჩანაწერის გასაჯაროება კარგი თანამშრომლობა არ არისო, პოლონეთის საგარეო უწყებამ და პალატიდან ბიოლოგიური მასალის ფეხსაცმლით, უკანონოდ გამოტანა თურმე კარგი თანამშრომლობა ყოფილა.

არ დაგვავიწყდეს, რომ მიხეილ სააკაშვილი პოლონეთის პრეზიდენტის, ლეხ კაჩინსკის მეგობარი იყო და დღეს თუ პოლონეთში პოლიტიკურ ისტებლიშმენტზე ვსაუბრობთ, შეიძლება ითქვას, რომ არაფორმალურად, მაგრამ ძალიან ძლიერად წარმოდგენილი არის კაჩინსკის ძმა, რომელსაც მიხეილ სააკაშვილის საკითხი შიდა, პოლონური პოლიტიკისთვის სჭირდება, რადგან პოლონურმა საზოგადოებამ ძალიან კარგად იცოდა მიხეილ სააკაშვილისა და გარდაცვლილი კაჩინსკის ურთიერთობა. ამიტომ არის პოლონეთი ამ საქმით ასე განსაკუთრებულად დაინტერესებული.

ასევე, არ დაგავიწყდეს, რომ როდესაც მიხეილ სააკაშვილს უკრაინის მოქალაქეობა ჩამოართვეს და ქვეყნიდან გააძევეს, მას სწორედ პოლონეთიდან გაუხსნეს საზღვრები დასაბრუნებლად. ანუ, ანალიზის საფუძველზე შეგვიძლია ვთქვათ, რომ პოლონეთი ამ ყველაფერში ასრულებს გარკვეულ როლს. სწორედ ამიტომ იყვნენ პოლონელი ექიმები ჩამოსულები და არა შვეიცარიელები ან – იტალიელები. პოლონელ ექიმს რომ გამოეტანა ეს ბიოლოგიური მასალა, რაც, რა თქმა უნდა, გაყალბებისთვის სჭირდებოდათ, ამას უკვე პოლონური მხარე გამოიყენებდა. ამის თქმის საფუძველს მათი საგარეო უწყების განცხადება მაძლევს. იმის ნაცვლად, რომ ბოდიში მოეხადათ და ასეთი ექიმისთვის ლიცენზია შეეწყვიტათ, რაც ადეკვატური პასუხი იქნებოდა, მივიღეთ პირიქით – კრიტიკა. შესაბამისად, ვფიქრობ, რომ სწორედ პოლონური მხარე იყო დაინტერესებული მიხეილ სააკაშვილის ბიოლოგიური მასალის გამოტანით. შემდეგ, ალბათ, რამე ვორკშოფს მოაწყობდნენ და გამოფენდნენ მასალებს, თუ როგორ „წამლავენ“ მიხეილ სააკაშვილს“, – განაცხადა ზურაბ ქადაგიძემ.

მარტში ჩაგდებული რუსული კანონი მნიშვნელოვნად განსხვავდება ამერიკული კანონისგან, – ამის შესახებ საქართველოში აშშ-ის ელჩმა კელი დეგნანმა ჟურნალისტებთან საუბარში განაცხადა.

„ეს დოკუმენტები არ მინახავს, მაგრამ ვფიქრობ, რომ რუსული სტილის კანონი, რომელიც მარტში ჩააგდეს, ფოკუსირებული იყო ქართულ არასამთავრობო ორგანიზაციებზე, რომლებიც საქართველოს საუკეთესო ინტერესებში მუშაობენ.

ამერიკული კანონი ლობისტებსა და იურიდიულ ფირმებზე ფოკუსირდება, რომლებიც გარე წყაროების მიერ არიან დაქირავებულნი, რათა ამ გარე წყაროების ინტერესებში იმუშაონ. ასე რომ, ძალიან მკაფიო სხვაობაა ამერიკულ კანონსა და იმ რუსულ კანონს შორის, რომელიც აქ ჩააგდეს. შეგვიძლია რუსეთს შევხედოთ და ვნახოთ, რა გამანადგურებელი გავლენა ჰქონდა ამ კანონს არასამთავრობო ორგანიზაციებზე რუსეთში. მათი უმრავლესობა დაიხურა ან ქვეყნიდან წავიდა.

ასე რომ, კიდევ ერთხელ, ამერიკული კანონი ფოკუსირებულია იურიდიული ფირმებისა და ლობისტების გამჭვირვალობაზე, რომლებიც სხვა ქვეყნების წარმომადგენლების მიერ არიან დაქირავებულნი, რათა მათ ინტერესებში იმუშაონ. აქ, საქართველოში, თქვენ ისედაც მნიშვნელოვანი გამჭვირვალობა გაქვთ ქართული არასამთავრობო ორგანიზაციების დონორებზე, რომლებიც საქართველოს საუკეთესო ინტერესებში მუშაობენ. ასე რომ, ძალიან განსხვავებული სიტუაციებია“, – განაცხადა დეგნანმა.

პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში 2023 წლის რთველის მოსამზადებელი შეხვედრა გაიმართა, – ამის შესახებ ინფორმაციას მთავრობის ადმინისტრაცია ავრცელებს.

მათივე ცნობით, გამართულ შეხვედრაზე რთველის ორგანიზებულად ჩასატარებლად კონკრეტული ნაბიჯები დაიგეგმა.

„როგორც პრემიერ-მინისტრმა აღნიშნა, აუცილებელია, რომ მევენახეებმა მოსავლის რეალიზაცია კარგ ფასად შეძლონ და კიდევ უფრო გაძლიერდეს მევენახეობა-მეღვინეობის დარგის ბოლო წლების სტაბილური განვითარების დინამიკა.

შეხვედრაზე მიღებული გადაწყვეტილებით, რთველის სუბსიდირება 2023 წელსაც გაგრძელდება, სახელმწიფო ყურძენს 20 თეთრით დაასუბსიდირებს და 1 კგ თეთრი ყურძნის ფასი მინიმუმ 90 თეთრი იქნება.

როგორც გარემოს დაცვისა და სოფლის მეურნეობის მინისტრმა ოთარ შამუგიამ აღნიშნა, მნიშვნელოვანია, რომ იზრდება ღვინის ექსპორტი, შარშან 30%-მდე ზრდის მაჩვენებელი დაფიქსირდა და წელსაც, 6 თვეში ძალიან მაღალი ზრდა გვაქვს ამ მიმართულებით. გასულ წელს მსოფლიოს 66 ქვეყანაში ექსპორტირებულია დამოუკიდებელი საქართველოს ისტორიაში რეკორდული რაოდენობის – 103 მილიონი ლიტრი, 252 მლნ დოლარის ღირებულების ღვინო. მინისტრის თქმით, ღვინის ექსპორტთან ერთად იზრდება მოთხოვნა ხარისხიან ყურძენზეც.

შეხვედრაზე ასევე აღინიშნა, რომ კლიმატური პირობების გამო, მოსალოდნელია, რომ წელს ყურძნის მოსავლის ნაწილი არასათანადო ხარისხის იყოს. მთავრობის გადაწყვეტილებით, სახელმწიფო კომპანიები დაზიანებულ ყურძენსაც მიიღებენ და ჩაუბარებელი ყურძენი არ დარჩება.

მთავრობის ადმინისტრაციაში გამართულ შეხვედრას ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, გარემოს დაცვისა და სოფლის მეურნეობის მინისტრი ოთარ შამუგია, პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი, თელავის, ახმეტის, ყვარლისა და ლაგოდეხის მაჟორიტარი დეპუტატი, პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი, გარემოს დაცვისა და სოფლის მეურნეობის მინისტრის მოადგილე იური ნოზაძე, ღვინის ეროვნული სააგენტოს ხელმძღვანელი ლევან მუხუზლა, მთავრობის ადმინისტრაციის რეგიონებთან ურთიერთობის დეპარტამენტის უფროსი ლერი ბარნაბიშვილი და კახეთის სახელმწიფო რწმუნებული გიორგი ალადაშვილი ესწრებოდნენ“, – აღნიშნულია გავრცელებულ ინფორმაციაში.

„ქართული ოცნების“ ქალთა ორგანიზაციამ ქუთაისში, იმერეთის მასშტაბით დაანონსებული შეხვედრა გამართა.

„ქართული ოცნების“ ინფორმაციით, ქალთა ორგანიზაციის ხელმძღვანელი, ნინო წილოსანი, იმერეთის საბჭოს ხელმძღვანელ მარეხი ნიჟარაძესთან ერთად, ორგანიზაციის საბჭოს წევრებს, საინიციატივო ჯგუფის წარმომადგენლებსა და პარტია „ქართული ოცნების“ მხარდამჭერ ქალებს შეხვდა.

მათივე ცნობით, ქალთა ორგანიზაცია გამუდმებით ფართოვდება და სულ უფრო მეტ ძალასა და რესურსს იკრებს.

ინფორმაციაშია აღნიშნულია, რომ შეხვედრაზე განხილულ იქნა მიმდინარე პროექტები და ამავე დროს პრობლემური საკითხები, რომელთა განხორციელებაც დადებითი შედეგის მომტანი იქნება იმერეთის მოსახლეობისთვის.