იტალიის პოლიციამ სიცილიის სანაპიროსთან რეკორდული რაოდენობის (5.3 ტონა) კოკაინი ამოიღო. ინფორმაციას ამის შესახებ სააგენტო Reuters-ი ავრცელებს.
ოპერაციის ფარგლებში, იტალიელმა სამართალდამცველებმა 20 პირი დააკავეს: ხუთი პირი სათევზაო გემიდან და 15 პირი პალაუს დროშის ქვეშ მცურავი სავაჭრო გემიდან, საიდანაც კოკაინი იყო გადაზიდული. ამოღებული ნარკოტიკული ტვირთის ღირებულება 850 მილიონ ევროდ არის შეფასებული.
დაკავებულებს შორის არიან იტალიის, ტუნისის, საფრანგეთის, ალბანეთის, უკრაინის, აზერბაიჯანისა და თურქეთის მოქალაქეები.
