კინორეჟისორი გოგა ხაინდრავა, უცხო ქვეყნის აგენტების რეგისტრაციის შესახებ საქართველოში დაბლოკილ კანონზე, სოციალურ ქსელ “ტვიტერში” შემდეგნაირ ტექსტს აქვეყნებს:
“რა ღირს ევროს პარლამენტარის სინდისი ვიცით! აშშ-ს კონგრესმენის და სენატორის ფასიც ვიცით! “თავისუფალი” მედია-პრესა ჟურნალისტების ფასიც! ეს სულ ოკუპანტების და რუსული კანონის FARA დამსახურებაა აშშ-ი რომ ხმარობენ! ჩვენთან დაბლოკეს, თორემ აქაური პოლიტ ხარახურის ფასიც გვეცოდინებოდა”, – წერს ხაინდრავა.
„ბოლო წლებში გერმანულ პოლიტიკაში ფემინიზაციის პროცესი დაიწყო, მაგრამ ხელისუფლებაში ქალების მომრავლებამ ფედერალურ ბიუჯეტში გაუთვალისწინებელი ხარჯები გამოიწვია – ქალბატონებმა „ქარს გაატანეს“ ასი ათასობით ევრო, რომელიც ბიუჯეტში გერმანელმა გადასახადის გადამხდელებმა შეიტანეს: მშვენიერი სქესის წარმომადგენლების საერთო დანახარჯებმა პარიკმახერებზე, ვიზაჟისტებზე, კოსმეტოლოგებზე და ფოტოგრაფებზე მხოლოდ მიმდინარე წლის პირველ ნახევარში ნახევარ მილიონამდე ევრო შეადგინა“, – ნათქვამია გერმანულ გაზეთ „ბილდში“ (Bild) გამოქვეყნებულ სტატიაში სათაურით „ისინი ჩვენს ფულს ხარჯავენ: რამდენი საბიუჯეტო თანხა „გაანიავეს“ ქალმა მინისტრებმა“ (ავტორი – ნიკოლაუს ხარბუში).
გთავაზობთ პუბლიკაციას მცირე შემოკლებით:
განა ისინი ლამაზები არ არიან – ჩვენი მინისტრი-ქალები? დიახ, მათ მშვენიერი გარეგნობა აქვთ, მაგრამ მათ სურთ უფრო ლამაზები იყვნენ. გალამაზება კი ფულს მოითხოვს…
გერმანიის კოალიციური მთავრობის (რომელსაც შუქნიშანს“ ეძახიან მასში შემავალი პარტიების სიმბოლური ფერების გამო) წევრების გარეგნობა გადასახადების გადამხდელებს საკმაო ფული უჯდებათ. თქვენ წარმოიდგინეთ – ზემოთ ხსენებულ ნახევარ მილიონ ევროში არ იგულისხმება იმ შტატგარეშე ვიზაჟისტებისა და პარიკმახერების ხელფასები, რომლებიც ჩვენს მინისტრებს ალამაზებენ, ნახევარი მილიონი ევრო მხოლოდ პრემიალურია!
ასეთი მონაცემებს შეიცავს მთავრობის წერილობითი პასუხი კითხვაზე, რომელიც პარტია „ალტერნატივა გერმანიისათვის“ ლიდერმა დასვა და რომელზეც ამ დღეებში ოლაფ შოლცის მტავრობის სპიკერმა წარმოადგინა.
2023 წლის პირველი იანვრიდან დაწყებული 20 ივნისის ჩათვლით, სილამაზის ოსტატებს (ანუ პარიკმახერებს და ვიზაჟისტებს) ფედერალური ბიუჯეტიდან 452 354 ევრო ჩაერიცხათ. ამ თანხაში შედის აგრეთვე „მოწვეულ უშტატო თანამშრომლების მგზავრობის და გამოყენებული მასალების ხარჯები“.
ალბათ, გაინტერესებთ, ვინ არის ხალხის ფულის ყველაზე მეტი მხარჯველი? ვინ და ანალენა ბარბოკი, საგარეო საქმეთა მინისტრი. მის გალამაზებაზე დაიხარჯა 136 552 ვრო ფედერალური ბიუჯეტიდან. ფემინისტური საგარეო პოლიტიკის“ გამტარებელი მინისტრის ვიზაჟისტი ყოველთვიურად 8925 ევროს იღებდა…
ბუნებრივია, კითხვა გაგიჩნდებათ: განა ეს ყველაფერი კანონიერია?
ცნობილი ბონელი სამართალმცოდნე, პროფესორი ქრისტიან ჰილგრუბერი, ითვალისწინებს რა პოსტულატს, რომლის თანახმად „ფედერალური მთავრობა ვალდებულია დაიცვას რესურსების ეკონომიურად ხარჯვის პრინციპი“, ამბობს, რომ „სამართლებრივი თვალსაზრისით, ასეთი ხარჯები ძალიან საეჭვოა“ და „პოლიტიკურად უმსგავსოდ გამოიყურება“. პროფესორი მთავრობას ურჩევს საჯარო სამსახურის დროს ნაკლები ყურადღება დაუთმოს გარეგნობის ფაქტორებს და უფრო მეტი კომუნიკაციების ფორმებს და შინაარსს“.
ამას წინათ გაზეთმა „ტაგესშპიგელმა“ გამოაქვეყნა მამხილებელი სტატია ყოფილი კანცლერის ანგელა მერკელის შესახებ, რომელშიც საუბარია, თუ როგორ იფლანგება ბიუჯეტის ფული პირადულ მოთხოვნილებებზე: ექს-კანცლერს თურმე დღემდე თან დაჰყვება შტატგარეშე „ასისტენტი ქალი“, რომელიც მის თმის ვარცხნილობაზე და მაკიაჯზე ზრუნავს. რასაკვირველია, ანაზღაურება „ასისტენტს“ ფედერალური ბიუჯეტიდან ერიცხება.
გერმანიის გადასახადის გადამხდელთა კავშირის თავმჯდომარემ რაინერ ჰოლცნაგელმა „ბილდთან“ ინტერვიუში განაცხადა, რომ გადასახადების გადამხდელებისათვის ძნელად გასაგებია, თუ რატომ უნდა წავიდეს ბიუჯეტში გადახდილი ფული ვიღაც ვიზაჟისტებისა და პარიკმახერების ჯიბეში. „ფული იხარჯება ისეთი პოლიტიკოსების მიერ, რომლებიც თავიანთი ჭკუით და გამოცდილებით მაინც და მაინც არ ბრწყინავენ და საშუალო დონისა არიან. ამიტომაც ხარჯები მინიმუმამდე უნდა იქნას შემცირებული, ხოლო თუ რომელიმე პოლიტიკოსს სურს საგანგებოდ უნდა გალამაზდეს, მან ფული საკუთარი ჯიბიდან უნდა გადაიხადოს“, – ამბობს რაინერ ჰოლცნაგელი.
სხვათა შორის, პარიკმახერებთან და კოსმეტოლოგებზე ფულის ხარჯვის ფაქტები გერმანული უახლესი პოლიტიკის ისტორიაში პირველი არ არის. 1994 წელს თავისუფალი დემოკრატიული პარტიის ლიდერი, ქალთა უფლებებისათვის მებრძოლი კეროლა ფონ ბრაუნი იძულებული გახდა თავისი პარტიული პოსტი და ბუნდესტაგში ფრაქციის ლიდერობა დაეტოვებინა – იმიტომ, რომ იგი ამხილეს: თურმე პარიკმახერთან რვაჯერ მისულა თმის დასავარცხნად და ფული თვითონ კი არა, პარლამენტის ფრაქციული ფონდიდან გადაუხდია. რა თქმა უნდა, ეს არ იყო სისხლის სამართლის დანაშაული, მაგრამ პოლიტიკური თვალსაზრისით, სულელურ საქციელს წარმოადგენდა, რასაც ფრაუ კეროლას კარიერა შეეწირა.
სამწუხაროდ, პოლონური მხარე აპელირებს რამდენად რელევანტური, კანონიერი და თანამშრომლობის გათვალისწინებით იყო კადრები გამოქვეყნებული – ეს იმას ნიშნავს, რომ თავად ფაქტზე სათქმელი არაფერი აქვს, – ამის შესახებ ჟურნალისტებს ფრაქცია “ქართული ოცნების” თავმჯდომარემ მამუკა მდინარაძემ განუცხადა.
როგორც მან აღნიშნა, პოლონური მხარე დისკუსიაში შემოვიდა, „მაგრამ როცა დისკუსიას მხარეები ჰყავს, ჰყავს მართალი მხარეც“.
მდინარაძის თქმით, მიხეილ სააკაშვილს მოწამვლის არანაირი ნიშანი არა აქვს და ამის გაყალბებას ცდილობდნენ.
„განცხადება არ წამიკითხავს, მაგრამ თქვენ რაც წამიკითხეთ, იქიდან არ იკითხება სინანული და ძალიან სამწუხარო ფაქტის აღიარება, რომელიც რომ არ გამოქვეყნებულიყო, რამდენიმე დღეში ყალბი დასკვნა გვექნებოდა, რომლის წინააღმდეგ არანაირი მტკიცებულება არ იარსებებდა და შემდეგ თქვენ მკითხავდით, თუ ასეთი ფაქტი მოხდა, რატომ არ გამოაქვეყნეთ, არ უთხარით საზოგადოებასო. ჩვენ ყალბი დასკვნა გვექნებოდა, რომ თითქოს, სააკაშვილი მოწამლულია. ამის შემდეგ არავინ გვაპატიებდა ქართულ სახელმწიფოს, რომ ეს კადრები არ გავასაჯაროვეთ და არ დავდეთ. სამწუხარო რეალობა იკვეთება, რომ მთავარზე არ არის აქცენტი და გადატანილია სხვა მიმართულებით, რამდენად სწორი იყო ამის გამოქვეყნება. რამდენიმე დღეში იქნებოდა ყალბი დასკვნა, რაზეც სალაპარაკო აღარ იქნებოდა და მთელ მსოფლიოს შესაღდებოდა თითქოს სააკაშვილი მოწამლულია. ამაში თავად ექიმი ჩართული კი არ იყო, შემოქმედი იყო როგორ უნდა გაყალბებულიყო დასკვნა, ამაზე ვერავინ იკამათებს. ჩემი აზრია, რომ უნდა გასაჯაროებულიყო, რადგან ყალბი დასკვნა დაგვეწეოდა, რაზეც თავს ვეღარ ვიმართლებდით. თავად ფაქტი არის ძალიან ცუდი და მიზნად ისახავდა გაყალბებას”, – განაცხადა მამუკა მდინარაძემ.
პოლონეთის საგარეო უწყების განცხადებით, მიხეილ სააკაშვილის შესახებ პოლონელი ექიმების ინციდენტი განიმარტა საქართველოს საგარეო საქმეთა მინისტრთან და პენიტენციური სამსახურის გადაწყვეტილება, რომ მათი ჩხრეკის ჩანაწერი გამოაქვეყნოს, კარგი თანამშრომლობის პრინციპებს ეწინააღმდეგება.
ზურაბიშვილზე მძლავრი ზეწოლა მიდის, რომ სააკაშვილის შეწყალებაზე სიტყვები “არა და არასდროს” უკან წაიღოს, შეიძლება გაუჭირდეს კიდეც თავის დაღწევა, – ამის შესახებ ფრაქცია “ქართული ოცნების” თავმჯდომარე მამუკა მდინარაძემ განაცხადა, რითაც უპასუხა კითხვას, თუ როგორ შეაფასებს იმას, რომ აშშ- ის იუსტიციის დეპარტამენტის ვებ – გვერდზე გამოქვეყნებულ დოკუმენტების თანახმად, “ნაციონალური მოძრაობა” და მათი ლობისტები სააკაშვილის გათავისუფლების ინსტრუმენტად ზურაბიშვილის ფაქტორს განიხილავს.
მდინარაძე აცხადებს, რომ მძლავრი ზეწოლის მიუხედავად, ზურაბიშვილს გაუჭირდება საკუთარი სიტყვების უკან წაღება.
“ზურაბიშვილმა ერთ შემთხვევაში “ნაცმოძრაობას” გაუმართლა, ახლა მიდის მასზე ზეწოლა, რომ სიტყვები “არა და არასდროს” უკან წაიღოს და ეს ზეწოლა არ არის მარტივი, მძლავრია, შეიძლება გაუჭირდეს კიდეც მისგან თავის დაღწევა. თუმცა, საბოლოო ჯამში მე მგონია, მართლა ძალიან გაუჭირდება და მის სიტყვებს “არა და არასდროს” უკან ვერ წაიღებს. რაც უფრო პრინციპულად დადგება ის ამ პოზიციაზე, დამიჯერეთ და ამას მომავალი გვაჩვენებს, რომ მასზე ზეწოლა კიდევ უფრო გაძლიერდება,”- განაცხადა მდინარაძემ.
მიხეილ სააკაშვილთან პოლონელი ექიმების ვიზიტის დროს მომხდარი ინციდენტი განიმარტა საქართველოს საგარეო საქმეთა მინისტრთან შეხვედრისას და ამ კონტექსტში, სპეციალური პენიტენციური სამსახურის გადაწყვეტილება, რომ პოლონელი ექიმის ჩხრეკის ჩანაწერი გამოაქვეყნოს, კარგი თანამშრომლობის პრინციპებს ეწინააღმდეგება, – ამის შესახებ პოლონეთის საგარეო საქმეთა სამინისტროს განცხადებაშია ნათქვამი, რომელსაც საქართველოში პოლონეთის საელჩო ავრცელებს.
ამასთან, უწყების განმარტებით, არც ინციდენტი და არც საქართველოს ხელისუფლების მიერ მისი გამოაშკარავება გავლენას არ მოახდენს პაციენტის ჯანმრთელობის მდგომარეობის და ქართველი ექიმების საქმიანობის შეფასებაზე და არც გამოკვლევების შედეგების გაანალიზების პროცესზე.
„პოლონეთის საგარეო საქმეთა სამინისტრო იუწყება, რომ 2023 წლის 17 ივლისს პოლონეთის საელჩოს საქმეთა დროებითი რწმუნებული დაბარებულ იქნა საქართველოს საგარეო საქმეთა სამინისტროში, პოლონელი ექიმების მიერ საავადმყოფოში მყოფი საქართველოს ყოფილი პრეზიდენტის, მიხეილ სააკაშვილის მონახულებისას მომხდარ ინციდენტთან დაკავშირებით. პოლონური მხარე აფასებს საქართველოს მთავრობის გადაწყვეტილებას და კმაყოფილებას გამოხატავს იმის გამო, რომ პოლონელ ექიმებს მიეცათ ყოფილი პრეზიდენტის მონახულებისა და გასინჯვის შესაძლებლობა და აქვე ხაზს უსვამს ქართველი ექიმების სრულ ჩართულობას მისი მკურნალობის პროცესში. თბილისში, „ვივამედის კლინიკაში, პრეზიდენტ მიხეილ სააკაშვილთან პოლონელი ექიმების ვიზიტის დროს, რომლის მიზანი იყო ყოფილი პრეზიდენტის დახმარება, მოხდა შეთანხმებასთან შეუსაბამო, განუზრახველი და გაუთვალისწინებელი ინციდენტი, რაც დაუყოვნებლივ გაირკვა ადგილზევე და შემდეგ განიმარტა საქართველოს საგარეო საქმეთა მინისტრთან შეხვედრისას. ამ კონტექსტში, საქართველოს იუსტიციის სამინისტროს დაქვემდებარებაში არსებული სპეციალური პენიტენციური სამსახურის გადაწყვეტილება, გამოაქვეყნოს პოლონელი ექიმის ჩხრეკის ჩანაწერი და საქართველოს სახელმწიფო ორგანოების წარმომადგენლების არაერთი ემოციური განცხადება ეწინააღმდეგება კარგი თანამშრომლობის პრინციპებს. პოლონური მხარე ხაზგასმით აღნიშნავს, რომ არც ინციდენტი და არც საქართველოს ხელისუფლების მიერ მისი გამოაშკარავება გავლენას არ მოახდენს პაციენტის ჯანმრთელობის მდგომარეობის და ქართველი ექიმების საქმიანობის შეფასებაზე და არც გამოკვლევების შედეგების გაანალიზების პროცესზე.პოლონური მხარე იმედოვნებს ქართველ პარტნიორებთან თანამშრომლობის უცვლელად გაგრძელებას და გამოთქვამს მზადყოფნას შემდგომი ქმედებებისთვის, რომელიც მიზნად ისახავს ჩვენი ქართველი პარტნიორებისა და საქართველოს ყოფილი პრეზიდენტის, მიხეილ სააკაშვილის დახმარებას“,- აღნიშნულია საელჩოს მიერ გავრცელებულ განცხადებაში.
შეგახსენებთ, სპეციალურმა პენიტენციურმა სამსახურმა მესამე პრეზიდენტთან, მიხეილ სააკაშვილთან პოლონელი ექიმების ვიზიტთან დაკავშირებით განცხადება და კადრები გაავრცელა. განცხადების თანახმად, ვიზიტის განმავლობაში, ერთ-ერთი პოლონელი ექიმისგან ადგილი ჰქონდა „გაუგებარ ინციდენტს“, კერძოდ, მსჯავრდებულ მიხეილ სააკაშვილისგან აღებული ნიმუში, პოლონელმა ექიმმა გადაახვია ქაღალდში და ცდილობდა მის მალულად გატანას ფეხსაცმლის მეშვეობით. ამასთან, უწყება განმარტავს, რომ ოფიციალური წესით აღებული ხნიმუშის გატანის უფლება მათ მისცა სამსახურმა, შესაბამისად, აღნიშნული ქმედება „ექიმის მხრიდან სამედიცინო ეთიკურ და სამართლებრივ ნორმებთან შეუსაბამო საქციელს კიდევ უფრო მეტად მატებს ბუნდოვანებას”.
მიმდინარე წლის 22 ივლისს, ვეტერანების საქმეთა სახელმწიფო სამსახურის ორგანიზებით, ქუთაისის რეფერალური ჰოსპიტალი, გურიის რეგიონში მცხოვრები ომისა და თავდაცვის ძალების ვეტერანებისა და მათი ოჯახის წევრებისთვის, მრავალპროფილურ სამედიცინო გამოკვლევებს უფასოდ ჩაატარებს.
საქველმოქმედო აქციაში მონაწილეობას მიიღებს ჰოსპიტლის კვალიფიციურ მედიკოსთა (კარდიოლოგი, ზოგადი ქირურგი, თერაპევტი, უროლოგი, გინეკოლოგი, რადიოლოგი, ენდოკრინოლოგი, ნევროპათოლოგი, ანგიოქირურგი, ოტო-რინო-ლარინგოლოგი, პედიატრი) ჯგუფი 15 ექიმის შემადგენლობით.
ბენეფიციართა მიღება იწარმოებს 10:00 საათიდან;
მისამართი: ქ.ოზურგეთი; ჩოხატაურის ქ. N 20;
სამედიცინო ცენტრი ”სააქიმო”;
თანამედროვე სტანდარტების შესაბამის სხვადასხვა სამედიცინო დაწესებულებებთან არსებული მემორანდუმებისა და თანამშრომლობის ფარგლებში, ვეტერანების საქმეთა სახელმწიფო სამსახურის ორგანიზებით, სამსახურის ბენეფიციართათვის, საქველმოქმედო სამედიცინო აქციები მთელი საქართველოს მასშტაბით, პერმანენტულად ტარდება, რომელთა შესახებ, ინფორმაცია, ვეტერანებს, წინასწარ მიეწოდებათ.
პრეზიდენტის ადმინისტრაციის მუშაობაში ან პრეზიდენტის მიღებულ გადაწყვეტილებებში შემჩნეოდა დიდი დოზით „ნაციონალური მოძრაობის“ მიმართ სიმპათიები, – ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარჯველაძემ განაცხადა, რითაც პრეზიდენტის ადმინისტრაციიდან „ნაციონალურ მოძრაობაში“ ალექსანდრე კრევო-ასათიანის გადასვლას გამოეხმაურა.
„ცუდად გამოიყურება, როდესაც აღმოჩნდება, რომ არც თუ უმნიშვნელო თანამდებობაზე მომუშავე ადამიანი აღმოჩნდება, რომ პირველივე დაძახებაზე იშიფრება როგორც „ნაციონალური მოძრაობის“ ინტერესების გამტარი მოხელე“, – აღნიშნა მიხეილ სარჯველაძემ.
პრეზიდენტის ადმინისტრაციიდან „ნაციონალურ მოძრაობაში“ ალექსანდრე კრევო-ასათიანი გადავიდა, რომელიც ფრაქციაში საგარეო მიმართულების სამსახურის უფროსის მოადგილედ დაინიშნა და რომელმაც პრეზიდენტის პოზიციების გახმოვანება დაიწყო. პრეზიდენტის ადმინისტრაციამ განცხადება გაავრცელა, რომლის თანახმადაც ალექსანდრე კრევო-ასათიანი არასდროს იკავებდა პრეზიდენტის მრჩევლის პოზიციას და ის იყო სტაჟიორი.
უკრაინის პრეზიდენტის, ვოლოდიმირ ზელენსკის განცხადებით, უკრაინული მარცვლეულის ნორმალური ექსპორტის გაგრძელებისთვის რუსეთზე ზეწოლა უნდა გაძლიერდეს და ამ მიზნით მან ქვეყნის საგარეო უწყებას პარტნიორებთან კონტაქტების აქტივიზაცია დაავალა.
აღნიშნული განცხადება უკრაინის პრეზიდენტმა თავის Telegram-არხზე გაავრცელა.
მისივე თქმით, ოდესის, ჟიტომირის და უკრაინის სხვა ოლქებზე რუსეთის მიერ განხორციელებული დარტყმების შემდეგ სამხედროებს ადამიანებისა და საპორტო ინფრასტრუქტურის დაცვის გაძლიერება დაევალა.
ვიღაცას ვითომ „ნაცობაზე“ და ხუთიანობაზე აქვს პრობლემა, მაგრამ მაინც ხუთიანის დინებას მიჰყვება. „ნაცმოძრაობა“ არის ერთი დიდი კლასტერი, რომლის შიგნითაც შესაკრებთა გადანაცვლებით ჯამი არ იცვლება, „ნაცი“ არის „ნაცი“, – ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.
„არანაირი პერსპექტივა „ნაცმოძრაობას“ და მის კლასტერს, ვინც არ უნდა გადაანაცვლონ შიგნით, ერთი მიზეზის გამო არ აქვს. მათ პროპაგანდა და პიარკამპანია აგებული აქვთ ტყუილზე. მათი მთავარი სლოგანი იქნება, რომ მოაშორონ რუსული ხელისუფლება და საქართველოში რუსული ხელისუფლება არ არის. საქართველოში ქართული, ეროვნული ხელისუფლებაა. როგორც კი შენ შეეცდები, რომ პიარულად ისეთი რაღაც მიჰყიდო ადამიანებს, რომელიც საფუძველშივე ტყუილია, ძალიან სპეკულაციურია, ძალიან მდაბიოა და ამაზე გინდა ააგო შენი პოლიტიკური მომავალი, გამორიცხულია, რომ ტყუილმა სიმართლეზე გაიმარჯვოს, ბოროტებამ სიკეთეზე გაიმარჯვოს. ამიტომ „ნაცმოძრაობას“ არანაირი კონფიგურაციით არ აქვს პერსპექტივა, არ აქვს გამარჯვების შანსი“, – განაცხადა მამუკა მდინარაძემ.
ბრიტანული სამაუწყებლო კომპანიის BBC-ის რუსულენოვანი სამსახურის (BBC russian) ვებ-გვერდზე 18 ივლისს გამოქვეყნდა სტატია სათაურით „დასავლეთი პუტინის შესახებ ჩემს გაფრთხილებებს იგნორირებდა“: მიხეილ სააკაშვილმა ლონდონის გაზეთ „თაიმსს“ წერილი გაუგზავნა“. მასში განხილულია ბრიტანულ გაზეთ The Times-ში 17 ივლისს გამოქვეყნებული პუბლიკაცია, რომლის ავტორია ჟურნალისტი მარკ ბენეტი (სხვათა შორის, იგივე პუბლიკაცია გამოქვეყნდა ავსტრალიისა და რიგი სხვა ქვეყნების პრესაშიც).
გთავაზობთ BBC russian-ის მასალას:
საქართველოს ყოფილმა პრეზიდენტმა მიხეილ სააკაშვილმა წამყვან ბრიტანულ გაზეთს „თაიმსს“ წერილი გაუგზავნა, რომელშიც განაცხადა, რომ ვლადიმერ პუტინმა თითქმის ორი ათეული წლის წინ მკაფიოდ მიანიშნა უკრაინის დაპყრობის სურვილი.
პუბლიკაციაში ნათქვამია, რომ ვლადიმერ პუტინის აგრესიულ ტერიტორიულ ამბიციებს დასავლეთი იგნორირებდა, თუმცა ამის თაობაზე არაერთხელ ისმოდა განცხადებები, მათ შორის მიხეილ სააკაშვილის მიერაც.
ტუსაღის წერილი „ვივამედიდან“
საქართველოს ექს-პრეზიდენტი, რომელიც ამჟამად უკრაინის მოქალაქეს წარმოადგენს, თბილისის კლინიკა „ვივამედში“ იმყოფება, გასული წლის მაისიდან. იგი 2021 წლის ოქტომბერში დააკავეს, უკრაინიდან საქართველოს ტერიტორიაზე შესვლის შემდეგ.
მიხეილ სააკაშვილს ქართველი სამართალდამცველების მიერ რამდენიმე ბრალდება აქვს წაყენებული. ორი ბრალდების მიხედვით, მას საქართველოში დაბრუნებამდე დაუსწრებლად ექვსი წლით თავისუფლების აღკვეთა მიუსაჯეს.
თვითონ მიხეილ სააკაშვილი საკუთარ თავს „ვლადიმერ პუტინის პატიმარს“ უწოდებს და მის წინააღმდეგ წარდგენილ ბრალდებებს პოლიტიკურად მოტივირებულად თვლის
„თაიმს“-ისადმი გაგზავნილ წერილში მიხეილ სააკაშვილი ჰყვება, რომ 2004 წელს, როცა იგი კრემლში ვლადიმერ პუტინს პირველად შეხვდა, რუსეთის პრეზიდენტი მასთან საუბარში მეზობელი ქვეყნების მიწების ხელში ჩაგდების გეგმებს არ მალავდა. „ყველაფერზე, რასაც იგი ახლა აკეთებს, მან ჯერ კიდევ ჩვენი პირველი შეხვედრის დროს მკაფიოდ მიმანიშნა“, – წერს მიხეილ სააკაშვილი.
როგორც ჟურნალისტი მარკ ბენეტი აღნიშნავს, ექს-პრეზიდენტის მიერ „თაიმსისთვის“ დაწერილი წერილი საავადმყოფოდან საიდუმლოდ იქნა გამოტანილი.
შეხვედრა გერჰარდ შრედერთან
მიხეილ სააკაშვილი წერს, რომ ვლადიმერ პუტინთან პირველი სეხვედრის შემდეგ იგი ბერლინშიც ჩავიდა, სადაც გერმანიის იმდროინდელ კანცლერს გერჰარდ შრედერს შეხვდა და თავისი შეშფოთება გაუზიარა. როგორც ცნობილია, იმ დროს შრედერს პუტინთან კარგი ურთიერთობები ჰქონდა (ახლაც ასეა). სწორედ მისი ხელშეწყობით დაიწყო გაზსადენ „ჩრდილოეთის ნაკადის“ დაპროექტება, ბალტიის ზღვის ფსკერზე ჩაიდებოდა რუსული გაზის გერმანიისათვის მისაწოდებლად.
2022 წლის მაისამდე გერჰარდ შრედერი რუსეთის სანავთობო კომპანიის „როსნეფტის“ დირექტორთა საბჭოს წევრი იყო, იგი შედიოდა კიდევ ერთი ენერგოგიგანტის – „გაზპრომის“ დამკვირვებელთა საბჭოშიც.
ექს-კანცლერმა რუსეთის არმიის შეჭრა უკრაინაში, მართალია, დაგმო, მაგრამ მოსკოვთან ახლო კავშირები არ გაუწყვეტია. „ამიტომაც არაფერი არაა გასაკვირი იმაში, რომ გერჰარდ შრედერმა ვლადიმერ პუტინთან დამასმინა“, – წერს საქართველოს ყოფილი პრეზიდენტი.
როცა 2008 წელს რუსეთი საქართველოს ტერიტორიაზე შეიჭრა, მიხეილ სააკაშვილი მუდამ ლაპარაკობდა რუსეთის აგრესიულობასა და იმ საფრთხეზე, რასაც პუტინის რუსეთი წარმოადგენდა, მაგრამ მის განცხადებებს სათანადო რეაგირება არ მოჰყოლია“, – აღნიშნულია სტატიაში. „როცა დასავლეთს პუტინზე ვაფრთხილებდი, მე ყურადღებას არ მაქცევდნენ და გაუწონასწორებელ, გაბოროტებულ გიჟად მთვლიდნენ“, – წერს ყოფილი პრეზიდენტი.
როგორც „თაიმსის“ ჟურნალისტი მარკ ბენეტი აღნიშნავს, მიხეილ სააკაშვილი ერთადერთი არ არის, ვინც დასავლეთს ბრალს სდებს იმაში, რომ საქართველოსთან ომის შემდეგ ევროპელმა და ამერიკელმა ლიდერებმა კრემლის ექსპანსიონისტური კურსი თითქოსდა ვერ შენიშნეს და ცდილობდნენ ძველი ურთიერთობა გაეგრძელებინათ ნავთობითა და გაზით მდიდარ რუსეთთან.
კიდევ რას წერს ექს-პრეზიდენტი?
გარდა ამისა, პატიმრობაში მყოფმა მიხეილ სააკაშვილმა „თაიმსისთვის“ გაგზავნილ წერილში საქართველოს მმართველი პარტია „ქართული ოცნება“ რუსეთის ორბიტაზე დაბრუნების მცდელობაში დაადანაშაულა. ყოფილი პრეზიდენტის მტკიცებით, გავლენიან ბიზნესმენ ბიძინა ივანიშვილს, „ქართული ოცნების“ დამაარსებელს, რომელსაც საქართველოს მთავრობაზე დიდი გავლენა აქვს, „ვლადიმერ პუტინის ვალი მართებს“. თუმცა, ჟურნალისტი მარკ ბენეტი აღნიშნავს, რომ მიხეილ სააკაშვილი ამის დამადასტურებელ რაიმე მტკიცებულებას არ ასახელებს.
„თაიმსის“ პუბლიკაციაში ასევე გადმოცემულია მიხეილ სააკაშვილის ჯანმრთელობის მდგომარეობა, რომელიც დიდი ხნის განმავლობაში შიმშილობდა და რომელიც აცხადებს, რომ იგი რუსეთის აგენტებმა მოწამლეს
მიხეილ სააკაშვილის დედა გიული ალასანია ამბობს, რომ მისი შვილს სიარული უჭირს, ჭამის შემდეგ გულისრევა აქვს და გონებას ხშირად კარგავს. „ამჟამად მისი სიცოცხლე უკრაინის სიტუაციაზეა დამოკიდებული“, – ამბობს ექს-პრეზიდენტის დედა.
პუბლიკაციაში ნათქვამია, რომ ამჟამად მიხეილ სააკაშვილი მხოლოდ 60 კილოგრამს იწონის, რაც ორჯერ ნაკლებია მის ნორმალურ წონაზე, სანამ დააკავებდნენ. „აშკარაა, რომ ჩემი საქმე უფრო მასშტაბური ჰიბრიდული ომის ნაწილია“, – აცხადებს „თაიმსისთვის“ გაგზავნილ წერილში ექს-პრეზიდენტი.
შენიშვნა: ახლახან აშშ-ის იუსტიციის დეპარტამენტის ვებ-გვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ ახალი ინფორმაცია გამოქვეყნდა (წყარო)
გამოქვეყნებული ინფორმაციის მიხედვით ცნობილი ხდება ის აქტივობები, რომელიც ლობისტურმა კომპანია „აკერმანმა“ განახორციელა, მათ შორისაა მიხეილ სააკაშვილის შესახებ სტატიების მომზადება. როგორც ჩანს, ზემოთაღნიშნული სტატიაც ამ აქტივობებს ასახავს.
საქართველოს მესამე პრეზიდენტის დედის, გიული ალასანიას განცხადებით, აშშ-ის იუსტიციის დეპარტამენტის ვებ-გვერდზე გამოქვეყნებულ ინფორმაციას არ იცნობს.
ალასანიას თქმით, დაქირავებული ჰყავდათ იურიდიული ფირმა, რომელთან მუშაობას უკვე დასრულებულია.
„რას ნიშნავს ლობისტები? იურიდიული ფირმა იყო, რომელი დიახ, დავიქირავეთ და რომელიც ჩვენზე მუშაობდა. ძალიან მადლობელი ვარ, კარგად იმუშავეს. ეს დამთავრდა.
მე საქმის კურსში არ ვარ და არ წამიკითხავს. არ ვიცი, არ ვიცნობ ამ დოკუმენტს. ეს იყო დიდი ხნის წინ და მათთან ურთიერთობა დავამთავრეთ. ეს იყო მედიაჯგუფი, რომელიც ასევე დავიქირავე და მერე რა?“, – განაცხადა გიული ალასანიამ.
ცნობისთვის, აშშ-ის იუსტიციის დეპარტამენტის ვებ-გვერდზე გიული ალასანიასა და მიხეილ სააკაშვილის მიერ დაქირავებული ლობისტური კომპანიის აქტივობების შესახებ ახალი ინფორმაცია გამოქვეყნდა.
გამოქვეყნებული ინფორმაციის მიხედვით ცნობილი ხდება ის აქტივობები, რომელიც ლობისტურმა კომპანიამ განახორციელა, მათ შორის არის რეზოლუციების დაწერა და ევროპარლამენტისთვის მიწოდება, სააკაშვილის შესახებ სტატიების მომზადება, კომუნიკაცია ევროპარლამენტარებთან და ა.შ.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
