თუ ვინმე ამბობს: „მარტო დავამარცხებ „ქართულ ოცნებას“ „ნაციონალური მოძრაობის“ გარეშე“ – არ გამოდის, – ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ „ნაციონალურ მოძრაობასთან“ გაერთიანების საკითხზე საუბრისას განაცხადა.

მისი თქმით, არჩევნებში პროდასავლურმა ოპოზიციამ „ქართულ ოცნებას“ უნდა მოუგოს.

„მოქალაქეს აინტერესებს ცვლილება და იმ პრობლემებიდან და სიდუხჭირიდან ამოსვლა, რომელიც შეუქმნა „ქართულმა ოცნებამ“. როდესაც ამ ისტორიულ შანსს ვკარგავ, არაგულწრფელი ვიქნები, არასამართლიანი ვიქნები თუ ვიტყვი, რომ აქეთ არის საქართველოს ისტორიული შანსი, საქართველოს გადარჩენის ამოცანა და – „კი გადავარჩენ საქართველოს, მაგრამ თუ 5 ნომერი იქნება, ვერ გადავარჩენ“ – ამას ვერ ვიტყვი, მაგრამ არ იფიქროთ, რომ სხვის ბოსტანში ვისროდე კენჭებს, ან ქვებს. „ლელოც“ ძლიერი პლატფორმა უნდა იყოს და იმას, რასაც ჩვენ ვერ დავფარავთ ჩვენი ერთობით თუნდაც, დანარჩენზე გავიდეს „ლელო“ , გახარიაც იყოს. „ქოციდან“ წამოსული ადამიანი შეიძლება ნაცების და ჩვენს პლატფორმაზე არ მოვიდეს. ჩვენ გვჭირდება პლატფორმები. პროდასავლურმა ოპოზიციამ უნდა მოვუგოთ „ქართულ ოცნებას“.

თუ საკითხი მოითხოვს იმას – ქვეყანა გადარჩეს, თუ ჩემი პირველი ნომერი – მირჩევნია საქართველო გადარჩეს. მთავარი პრობლემაა „ქართული ოცნება“, მე მართლა მინდა ყველა პროდასავლურმა ოპოზიციამ აიღოს მაქსიმალური შედეგი, რომ ჯამში მოვუგოთ „ქართულ ოცნებას“, თუ ვინმე ამბობს, რომ – მარტო დავამარცხებ „ქართულ ოცნებას“ „ნაციონალური მოძრაობის“ გარეშე – არ გამოდის, რადგან მაშინ ერთმა პარტიამ უნდა აიღოს 50%-ზე მეტი და ღმერთმა ქნას საქართველოში არსებობდეს პარტია, რომელიც „ნაციონალური მოძრაობის“ გარეშე აიღებს 50%-ს და მარტო დაამარცხებს „ქართულ ოცნებას“.

მერაბიშვილთან დაკავშირებითაც ვიტყვი, არ ვმალავ რამდენჯერმე „ნაციონალური მოძრაობა“ იყო „სტრატეგია აღმაშენებელში“ მოსული და რამდენჯერმე ჩვენ ვიყავით – მე მაგალითად, მაგიდასთან არ მინახავს ხაბეიშვილს დაერეკოს ვინმესთან მნიშვნელოვანი საკითხების გადაწყვეტის დროს. ქარის წისქვილებს დონ კიხოტივით ვებრძოლო – „მერაბიშვილი, სად არის, სად არის?!“, არ მინახავს“, – განაცხადა პაატა მანჯგალაძემ.

„საზოგადოებას უნდა ვუთხრათ, რომ ევროპარლამენტარები ჩვეულებრივი მოკვდავები არიან, რომლებთან მიმართებითაც ლობიზმის კანონი მოქმედებს, ანუ მათი დაფინანსება ჩვეულებრივად შეიძლება.“, – ამის შესახებ „ხალხის ძალის“ ერთ-ერთმა ლიდერმა, დეპუტატმა მიხეილ ყაველაშვილმა მედიასთან განაცხადა.

მისი თქმით, „ხალხის ძალამ“ სწორედ მსგავსი პროცესები ამხილა და არ მოერიდა არავის კრიტიკას, მათ შორის, არც ევროპარლამენტარების.

„თქვენი აზრით, რა ავალდებულებს ამ 44 ევროპარლამენტარს, როცა ხელს აწერენ მოწოდებას, რომ სააკაშვილი ევროკავშირის რომელიმე ქვეყანაში გადაიყვანონ სამკურნალოდ? რა აიძულებთ, რომ ღირსებას, რეპუტაციას, თავიანთ სახელს გვერდზე დებენ? მოდი, საზოგადოებას სიმართლე ვუთხრათ: ეს არის ის, რამაც მარტის მოვლენები გამოიწვია, როცა გამჭვირვალობის შესახებ კანონზე ამბები ატყდა. როგორ შეიძლება უბრალო მოქალაქეს ნებისმიერი ინსტიტუციის გამჭვირვალობა არ სურდეს, რომელიც მის ქვეყანაში ფუნქციონირებს? მაგრამ, იმ არასამთავრობო ორგანიზაციებმა, რომლებიც სხვადასხვა აქტივობას გეგმავენ, გადაწყვიტეს, რომ თურმე მათი საქმიანობა არ შეიძლება საზოგადოებისთვის ცნობილი იყოს და ამიტომ გამოიწვიეს ასეთი ვნებათაღელვა.

საზოგადოებას უნდა ვუთხრათ, რომ ეს 44 ევროპარლამენტარი ჩვეულებრივი მოკვდავები არიან, რომლებთან მიმართებითაც ლობიზმის კანონი მოქმედებს, ანუ მათი დაფინანსება ჩვეულებრივად შეიძლება. ამერიკაში ეს საკითხი არ იმალება, ევროპის დეპუტატებთან კი გასარკვევია. დარწმუნებული ვარ, რომ თუ ჩავეძიებით, ევროპელებთანაც ვნახავთ, რომ პოლიტიკური პროცესის ლობიზმში მათთვის გადახდილია თანხები. ეს ადამიანები სხვადასხვა საკითხზე არიან ხელმომწერები იმიტომ, რომ ჩართულნი არიან ლობიზმში და მათთვის გადახდილია თანხა. მათ სულ არ ანაღვლებთ, საქართველოში როგორ შეაფასებენ. ფიქრობენ, რომ არავინ იცნობს მათ საქართველოში, შეგროვებულია მასალა, რაზეც ხელი უნდა მოაწერონ და რა უჭირს, თუ ამაში თანხას აიღებენ? თან, ეს ყველაფერი იქ კანონიერად არის და მხარის დაჭერა თანხის სანაცვლოდ შესაძლებელია. ამაზე ღიად უნდა ვისაუბროთ. დარწმუნებული ვარ, ჩვენს საზოგადოებას აღარ გაუჭირდება, რომ მარტივად შეაფასოს ყველაფერი.

„ხალხის ძალა“ არ მოვერიდეთ კრიტიკას, მათ შორის, ევროპარლამენტარების და ყველაფერს თავისი სახელი ვუწოდეთ. სიმართლეზე დავიწყეთ საუბარი და ყველაფერი მკაფიო გავხადეთ. აშშ-ის FARA-ს კანონით ისიც გავიგეთ, რომ საკმაოდ სოლიდური თანხა ჰქონდათ გადახდილი პიარ-ჯგუფისთვის. სააკაშვილზე დადგმული რეპორტაჟები გავიდა CNN-ზე და BBC-ზე, რისთვისაც  მან წინასწარგანზრახვით, წვერი მოუშვა, „ბომჟს“ რომ დამსგავსებოდა. ამ სიუჟეტებს მთელ მსოფლიოში ყველა მედიასივრცე აქვს მოვლილი. ეს შეკვეთილი სიუჟეტებიც ვამხილეთ. შესაბამისად, აღარაფერი დარჩა ღირებული და ავტორიტეტი, რომელთანაც დაპირისპირება არ შეიძლება. დღეს მით უმეტეს, სოციალურ ქსელების ეპოქაში, შეუძლებელია რაიმეს დამალვა.“, – განაცხადა მიხეილ ყაველაშვილმა.

ამ ანგარიშების ნახვის შემდეგ, მგონი აღარავის უნდა ჰქონდეს კითხვა, რომ კამპანია „თავისუფლება მიშას“ თავის თავში გულისხმობს საქართველოს წინააღმდეგ წარმოებულ კამპანიას, – ამის შესახებ პარლამენტის ევროინტეგრაციის კომიტეტის თავმჯდომარე მაკა ბოჭორიშვილმა გიული ალასანიასა და მიხეილ სააკაშვილის მიერ დაქირავებულ ლობისტურ კომპანიებთან დაკავშირებით განაცხადა.

ბოჭორიშვილის განმარტებით, „ყველაფერი, რაც გაკეთდა ვითომცდა მიხეილ სააკაშვილის გათავისუფლებისთვის, აზიანებს საქართველოს ინტერესებს, საქართველოს სახელმწიფოს“.

„დღეს როცა ვსაუბრობთ ჩვენი ქვეყნის ევროპულ მომავალზე და შემაფერხებელ გარემოებად როდესაც გვისახელებენ მხოლოდ და მხოლოდ წარმოდგენებს საქართველოს შესახებ, და მცდარ წარმოდგენებს, ახლა უკვე ცხადია, საიდან ჩნდება ასეთი აღქმები ქვეყანაზე. ამას ხელს უწყობს და ამაში ფულს ხარჯავს კონკრეტული ძალა, რათა არათუ მხოლოდ მიხეილ სააკაშვილის გათავისუფლებაზე იზრუნონ, არამედ ამისთვის მაქსიმალურად დააზიანონ ქვეყნის ინტერესები და საერთაშორისო მაშტაბით შელახონ ქვეყნის რეპუტაცია“, – განაცხადა მაკა ბოჭორიშვილმა.

აშშ-ის იუსტიციის დეპარტამენტმა გიული ალასანიასა და მიხეილ სააკაშვილის მიერ დაქირავებული ლობისტური კომპანიებისა და მათი საქმიანობის შესახებ მონაცემები გამოაქვეყნა. დოკუმენტებით დგინდება, რომ ლობისტურმა კომპანიებმა „აკერმანმა“ (Akerman) და „ჯიპი ინთერნეშენალმა“ (GP International) ექვსთვიანი საანგარიშო პერიოდის განმავლობაში სხვადასხვა სახის აქტივობა განახორციელეს, რომლებიც შეეხება ევროპარლამენტის რეზოლუციებს, სანქციებს საქართველოს წინააღმდეგ, სააკაშვილის შეწყალების მოთხოვნით საქართველოს პრეზიდენტთან შეხვედრის მცდელობას, აგრეთვე პოლონელ ექიმებს.

პრემიერი მიხეილ სააკაშვილის მიერ უკრაინის საზღვრის უკანონოდ კვეთის  საკითზე: კითხვა ისმის, რატომ არ მოხდა დღემდე რაიმე რეაგირება? უფრო მეტიც, არათუ რეაგირება და არათუ გამოძიება არ დაიწყეს, არამედ სააკაშვილი დღემდე, პატიმარი სააკაშვილი დღემდე იკავებს თანამდებობას

კითხვა ისმის, რატომ არ მოხდა დღემდე რაიმე რეაგირება? უფრო მეტიც, არათუ რეაგირება და არათუ გამოძიება არ დაიწყეს, არამედ სააკაშვილი დღემდე, პატიმარი სააკაშვილი დღემდე იკავებს თანამდებობას – ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

მთავრობის მეთაურის თქმით, საქართველომ უკრაინას წარუდგინა მტკიცებულებები, ასევე მძღოლის აღიარება, ადამიანის, რომელიც უშუალოდ განახორციელა სააკაშვილის გადაყვანა, მძღოლის აღიარება, რომ იგი იღებდა ინსტრუქციებს ლორთქიფანიძისგან, კონკრეტული ხმოვანი შეტყობინებები, პრემიერის თმით ეს ყველაფერი წარდგენილი და მიწოდებულია უკრაინული მხარისთვის და მათ არავითარი რეაგირება არ მოუხდენიათ.

“ესე იგი, პირველ რიგში, უკრაინის ინტერესი და უკრაინის რადა ახსენეთ თქვენ, საერთოდ მე მინდა გავიმეორო, რამდენიმე დღის წინ კითხვა დავსვი მე უბრალოდ: საკვირველი კი არა, ეს არის გამაოგნებელი, როცა ომში მყოფი ხელისუფლება, იცლის და დროს ხარჯავს, კარგავს ერთ-ერთ კრიმინალზე, რომელიც სიმულიანტობით ასე ვთქვათ, მთელს მსოფლიოს ცდილობს თავს მოახვიოს საკუთარი ძალიან ბევრი, ძალიან ბევრი ტყუილი, რომ ვითომ იგი მოწამლეს, აწამეს, კლავენ და ასე შემდეგ.

საერთოდ გაუგებარია და კითხვა მინდა დავსვა ახლა საჯაროდ: მე ამას წინათ, რამდენიმე დღის წინ მქონდა საშუალება თქვენთან გავაკეთე კომენტარი, ეს ხომ არ ადასტურებს კიდევ ერთხელ ჩვენს მიერ მანამდე გაცხადებულ და  წარმოდგენილ მტკიცებულებებს, ხომ არ ამყარებს ეს ყველაფერი, ეს თუნდაც მათი დაინტერესება განსაკუთრებით სააკაშვილის თემით, რომ სამწუხაროდ უკრაინის ხელისუფლება სააკაშვილის ჩამოსვლის დროს იყო ინფორმირებული წინასწარ? მე ლოგიკური კითხვები მიჩნდება, ამას რა თქმა უნდა ამყარებს ის ინფორმაცია, რომელიც ჩვენს სამსახურებს ჰქონდათ მიღებული და ის მტკიცებულებები, რომელიც მოიპოვა გამოძიებამ, იმასთან დაკავშირებით, რომ მაგალითად: როცა ჩამოვიდა სააკაშვილი, შემოიპარა კონტეინერით, მან უკრაინაშიც დაარღვია კანონი, რომ უკრაინაშიც ანალოგიურად გადაკვეთა, უკანონოდ გადაკვეთა საზღვარი, უკრაინის კანონმდებლობით საზღვრის კვეთა უკანონოდ, ნიშნავს დანაშაულის ჩადენას. კითხვა ისმის: რატომ არ მოხდა დღემდე რაიმე რეაგირება?

უფრო მეტიც, არათუ რეაგირება და არათუ გამოძიება არ დაიწყეს, არამედ სააკაშვილი დღემდე, პატიმარი სააკაშვილი დღემდე იკავებს თანამდებობას, თუ არ ვცდები, მრჩეველი არის იგი უკრაინის პრეზიდენტის და კიდევ ერთი ლოგიკური კითხვა მაქვს: ყოფილი მინისტრის მოადგილე ლორთქიფანიძე, რომელიც ჩართული იყო აი ამ პირდაპირ გამოგზავნის სპეცოპერაციაში, კონტრაბანდული გზით, რომ შეამოაპარეს და სრული კოლაფსი განიცადეს, ჩავარდნა სრული, რატომ დააწინაურა უკრაინის ხელისუფლებამ კონტრდაზვერვის მოადგილედ მას შემდეგ, რაც ჩვენ მათ წარვუდგინეთ, უკრაინულ მხარეს წარვუდგინეთ, ომამადე ხდება ეს ყველაფერი, მტკიცებულებები თუ როგორ იყო, ასევე მძღოლის აღიარება, ადამიანის, რომელიც უშუალოდ განახორციელა გადაზიდვა სააკაშვილის, მძღოლის აღიარება, რომ იგი იღებდა ინსტრუქციებს ლორთქიფანიძისგან, კონკრეტული ხმოვანი შეტყობინებები, ეს ემ ესენი, ყველაფერი იქნა წარდგენილი და მივაწოდეთ უკრაინულ მხარეს, არავითარი რეაგირება არ მოუხდენიათ“- განაცხადა პრემიერიმა.

რაც შეეხება გავრცელებულ ინფორმაციას, ჩვენმა საზოგადოებამ ნახა მტკიცებულებები იმისა, თუ როგორ მტრობს სააკაშვილის ოჯახი ჩვენს სახელმწიფოს და არა მხოლოდ სააკაშვილის ოჯახი და პირადად სიმულიანტი სააკაშვილი, მისგან მოდის ყველაფერი რა თქმა უნდა, ამ პროცესში ჩართულნი არიან ჩვენი ქვეყნის მიმართ მტრულად განწყობილი ძალები. როგორც დამნაშავე სააკაშვილის ოჯახის წევრები და მათი ლობისტები, ასევე სხვა დაინტერესებული პირები, რომლებიც დაინტერესებულნი არიან, რომ ჩვენს ქვეყანაში არ იყოს მშვიდობა, სტაბილურობა და ეკონომიკური განვითარება, – ამის შესახებ პრემიერ-მინისტრმა ირაკლი ღარიბაშვილმა ჟურნალისტებს განუცხადა.

როგორც მთავრობის მეთაურმა აღნიშნა, მათი ინტერესია, რომ მშვიდობა დასრულდეს და ქვეყანაში იყოს ომი და ნგრევა.

„მათი ინტერესია, რომ ეს მშვიდობა და ყველაფერი დასრულდეს, აქ იყოს ომი, ნგრევა და უბედურება, ისეთი რაც ახლა ხდება უკრაინაში. აი, ეს არის რეალური მიზეზი. ამის თავი და თავი არის რა თქმა უნდა ისევ ვიმეორებ სიმულიანტი სააკაშვილის ოჯახი. მთელმა მსოფლიომ და საზოგადოებამ ნახა, რომ ეს იყო სამარცხვინო კამპანია, რომელშიც ჩართულნი იყვნენ სამწუხაროდ მათ მიერ მოსყიდული კორუმპირებული ზოგიერთი ყოფილი პოლიტიკოსი და მათ შორის სამწუხაროდ სხვა ზოგიერთი ასე ვთქვათ ევროპელიც, სიმართლე არის ერთი – ამ სამარცხვინო კამპანიას წერტილი დაუსვა სტრასბურგის სასამართლომ. ეს არის მთავარი.

რა შეიძლება იყოს იმაზე სამარცხვინო, როცა ყოფილი პრეზიდენტი, 9 წელი რომ მართავდა ამ ქვეყანას ეს სიმულიანტი კაცი, მისი ოჯახი იხდის მილიონობით დოლარს, მილიონებს ხარჯავს მთელ მსოფლიოში იმისთვის, რომ ჩვენი სახელმწიფოს იმიჯი დაზიანეს, ჩვენი რეპუტაცია შეილახოს, სახელმწიფოს და არა მმართველი პარტიის. საქმე ეხება ჩვენს სახელმწიფოს მეგობრებო და ვინც ჩვენს სახელმწიფოს მიზანმიმართულად ებრძვის, ის არის ჩვენი ქვეყნის მტერი, სამწუხაროდ. ეს ყველაფერი არის ამ კამპანიის გაგრძელება, შემადგენელი ნაწილი, ცნობილი გვარები, რომლებიც ყოველდღურად აკეთებენ კომენტარებს, მე აღარ  გავიეორებ ჩემთვის არაფერს ნიშნავს მათი გვარები, ისინი ჩართულნი არიან ამ კორუფციულ კამპანიაში და ესაა ქვეყნის წინააღმეგ მიმართული მტრული კამპანია, ამას სახელი უნდა დავაქრვათ მეგობრებო, მაგრამ ერთი მინდა ვთქვა, სიმართლეს, რომელიც ჩვენს მხარეს არის ვერავინ შეეწინააღმდეგება, ვერც ერთი ათეულობით მილიონი დოლარი, რაც არ უნდა ხარჯოს საააკაშილის ოჯახმა, სხვათაშორის კიხთვები უდნა დაუსვათ თქვენ საიდან აქვს 100 მლნ-ზე მეტი ქონება სააკაშვილის დედას, მაგალითად. საიდან ფინანსდება ეს მრავალმილიონიანი ანტისახელმწიფოებრივი კამპანია. კითხვა დაუსვით თქვენს მფლობელებს, რატომ არ უსვამთ ამ კითხვას, საიდან ფინანსდება, საიდან აქვთ ეს არადეკლარირებული მილიონები და რატომ ხარჯავენ სახელმწფოს წინააღმდეგ მტრულ კამპანიაში ამ მილიონებს, ესაა უბედურება,“- განაცხადა პრემიერმა.