მიშამ თხარა, თხარა და „ფარა“ გამოთხარა. აშშ-ის სახელმწიფო დეპარტამენტს მადლობას ვუხდით. როგორც ჩანს, აშშ-ის სახელმწიფო დეპარტამენტმა გადაწყვიტა, ყველაფერი სიმართლე თქვას, – ამის შესახებ მოძრაობა „ხალხის ძალის წევრმა, გურამ მაჭარაშვილმა განაცხადა.

მისვე თქმით, სააკაშვილის ახლობლებს მილიონები აქვთ გადახდილი, რათა ქვეყანა დაეზიანებინათ.

„ჩათვალეს რა, რომ პატიმარ სააკაშვილის მიმართ საზოგადოებაში დიდი ინტერესი არ იყო, გადაწყვიტეს, ქვეყანა დაესანქცირებინათ, დაეზიანებინათ, რაშიც მილიონები გადაიხადეს. მას შემდეგ, რაც სააკაშვილი ჯერ საქართველოში შემოიპარა, შემდეგ საპყრობილიდან და „ვივამედიდან“ სისულელეები ჩაიდინა, ანტიქართული განცხადებები აკეთა – ხან ქართველობაზე თქვა უარი, ხან უცხოელებს დააბრალა და დაიმუქრა, რაღაცებს ვიტყვი, აქედან თუ არ გამიყვანთო, როგორც ჩანს, აშშ-ის სახელმწიფო დეპარტამენტმა გადაწყვიტა, ყველაფერი სიმართლე თქვას.

ჩვენ, „ხალხის ძალა“ ამდენსაც არ ვამბობდით. თუ ადამიანს ამდენი ანტიქართული და ანტისახელმწიფოებრივი ნაბიჯები შეიძლება, მოფიქრებოდა, ეს ჩვენც არ გვეგონა. ჩვენ ვამბობდით, რომ ლობიზმი იყო, ფულს უხდიდნენ, გლობალური „ომის პარტია“ არსებობდა, რადგან აქ მეორე ფრონტი და არეულობა სურდათ. ამის გარდა, თურმე მილიონები ყოფილა გადახდილი, რომ ნიუ-იორკში პრეზიდენტი დაებარებინათ და სააკაშვილის შეწყალება დაევალებინათ, მთელი დასავლეთის პრესა მოესყიდათ. აშშ-ის სახელმწიფო დეპარტამენტმა პირდაპირ თქვა, რომ ჯოზეფ ბაიდენი, ევროპელი ლიდერები უნდა დაკავებულიყვნენ იმით, რომ პატიმარ სააკაშვილზე წარმოდგენა შეექმნათ, თითქოს მას ვინმე აწამებდა. თუ ვინმე აწამებს პატიმარ მიხეილ სააკაშვილს, ესენი არიან მისი ოჯახის წევრები, რადგან მასთან რაღაც წყალ-წყალა სუპი შეაქვთ“, – განაცხადა გურამ მაჭარაშვილმა.

აშშ-ის იუსტიციის დეპარტამენტმა გიული ალასანიასა და მიხეილ სააკაშვილის მიერ დაქირავებული ლობისტური კომპანიებისა და მათი საქმიანობის შესახებ მონაცემები გამოაქვეყნა. დოკუმენტებით დგინდება, რომ ლობისტურმა კომპანიებმა „აკერმანმა“ (Akerman) და „ჯიპი ინთერნეშენალმა“ (GP International) ექვსთვიანი საანგარიშო პერიოდის განმავლობაში სხვადასხვა სახის აქტივობები განახორციელეს, რომლებიც შეეხება ევროპარლამენტის რეზოლუციებს, სანქციებს საქართველოს წინააღმდეგ, სააკაშვილის შეწყალების მოთხოვნით საქართველოს პრეზიდენტთან შეხვედრის მცდელობას, აგრეთვე პოლონელ ექიმებს.

მე არ მგონია, რომ უკრაინის ხელისუფლებას ჰქონდეს საქართველოსთან მორალური პედესტალიდან საუბრის უფლება. იმ ქვეყანასთან, რომელმაც თავად 3 ომი გამოიარა რუსეთთან, – აცხადებს საქართველოს პარლამენტის თავმჯდომარე შალვა პაპუაშვილი.

მისი თქმით, უკრაინის ხელისუფლების გარკვეულმა ნაწილმა საკუთარ პოლიტიკად, სამწუხაროდ, აირჩია ქართველ ხალხზე თავდასხმა. პაპუაშვილი მიიჩნევს, რომ პასუხები გასაცემი არა საქართველოს ხელისუფლებას, არამედ უკრაინის ხელისუფლებას აქვს.

„ჩვენ დიდი ხანია, ბევრი მიზეზის გამო ანგარიშს ვუწევთ, უკრაინელი ხალხის მიმართ ჩვენი დამოკიდებულების გამო და თავს ვიკავებთ ზედმეტი კომენტარებისგან, როდესაც უკრაინელ ხელისუფლებას არჩეული აქვს ქართველ ხალხზე თავდასხმა, როგორც საკუთარი პოლიტიკა. ეს თავდასხმა გამოიხატებოდა იმაში, რომ მიხეილ სააკაშვილს პრეზიდენტის მრჩევლად ნიშნავდნენ, კრიმინალი ადეიშვილი დღეს უკრაინის გენერალური პროკურატურის ერთ-ერთი წამყვანი პირია, თავდასხმა გამოიხატებოდა იმაში, რომ უკრაინის კონტრდაზვერვის უმაღლესი თანამდებობის პირებმა დააორგანიზეს მიხეილ სააკაშვილის შემოპარვა საქართველოში და დღეს ორგანიზატორები, რომლებიც პირდაპირ ვიცით, ვინც არიან და გია ლორთქიფანიძეა ერთ-ერთი მთავარი, არის უკრაინის კონტრდაზვერვის ხელმძღვანელის მოადგილე. ნაცვლად იმისა, რომ ეს დამნაშავეები გადმოეცა უკრაინის ხელისუფლებას ქართული მართლმსაჯულებისა და ქართველი ხალხისთვის, მათ ისინი შეიფარეს, დააწინაურეს და არიან მათი ხელისუფლების ნაწილი“,- განაცხადა პაპუაშვილმა.

მისივე თქმით, საქართველოს ხელისუფლების თავშეკავება გამოიხატება იმაში, რომ ეს ყველაფერი გავლენას არ ახდენს ჩვენს დამოკიდებულებაზე უკრაინელი ხალხის და სახელმწიფოს მიმართ.

„ჩვენ პატივს ვცემთ უკრაინულ სახელმწიფოს და ხალხს. სამწუხაროდ, უკრაინის ხელისუფლება დღეს აცდენილია საკუთარი ხალხის ინტერესებს, იმიტომ, რომ ის თავს ესხმის ქართველ ხალხს. დრო გავა, ეს ომი დასრულდება, უკრაინელი ხალხი კიდევ ერთხელ ამას შეაფასებს და იტყვის, რომ, საბოლოო ჯამში, საქართველო და ქართველი ხალხი იყო, ვინც ამ ომში ყველაზე გულწრფელი მხარდამჭერი იყო უკრაინელი ხალხის.

რაც შეეხება ომს, უკრაინას ბევრი ქვეყნის მიმართ შეიძლება ჰქონდეს მორალური პედესტალიდან საუბრის პრიორიტეტი ან უპირატესობა, მათ შორის, ევროკავშირის ბევრი ქვეყნის მიმართ, რომელმაც 2014 წლის შემდეგ, რაც რუსეთმა მოახდინა ყირიმის ანექსია, რუსეთთან დაიწყეს სტრატეგიული პროექტების განხორციელება, ერთობლივი წვრთნები ჩაატარეს და ა.შ. ისევე როგორც 2008 წლის შემდეგ გადატვირთვა მოაწყვეს რუსეთთან. თუმცა, მე არ მგონია, რომ უკრაინის ხელისუფლებას ჰქონდეს საქართველოსთან მორალური პედესტალიდან საუბრის უფლება. იმ ქვეყანასთან, რომელმაც თავად 3 ომი გამოიარა რუსეთთან და ჩვენ როდესაც ამ ომში ვიყავით, არავისთვის არაფერი არ დაგვიყვედრებია, არავისთვის არაფერი არ მოგვითხოვია და არავისთვის ასეთი პედესტალიდან არ გვიყურებია. ამიტომ, უკრაინის ხელისუფლებას არანაირი მორალური უფლება არ აქვს, ქართველ ხალხს, საქართველოს და მის ხელისუფლებას რაიმე მორალური პედესტალიდან ესაუბროს, იმიტომ, რომ სანამ იქნებოდა უკრაინა, მანამდე იყო საქართველო, ქართველების ბრძოლა და ომი, რომელშიც ახლა არის უკრაინა. ამიტომ, რაც შეეხება მეგობრობას, მეგობრობა ზუსტადაც რომ გასაჭირში შეიცნობა და როცა ასეთი ომი არის და ამ ომში უკრაინის ხელისუფლება თავს ესხმის ქართველ ხალხს, მათ შორის, ასეთი განცხადებებით, დეზინფორმაციის გავრცელებით, სანქციების გვერდის ავლასთან დაკავშირებით, ეს არის ზუსტად არამეგობრული ქცევა და მათ შორის იმით, რომ საქართველო ერთადერთი ქვეყანა აღმოჩნდა უკრაინისთვის, რომელთანაც მან ჩათვალა, რომ არ სჭირდება ელჩი ჰყავდეს და რომელთანაც ჩათვალა, რომ მას არ სჭირდება, რომ ქართველი ხალხის ელჩი ჰყავდეს საკუთარ დედაქალაქში, რომელიც ტყვიების ზუზუნში იყო იქ ერთადერთ ელჩი და ერთი მადლობა არ უთქვამს პრეზიდენტ ზელენსკის ამ ელჩისთვის. ნაცვლად ამისა, ფაქტობრივად, გამოაძევა ქვეყნიდან“,- განაცხადა პაპუაშვილმა.

რაც შეეხება ევროპარლამენტს, ჩვენ ვნახეთ, რომ რაც სულ ახლახან ე.წ. კატარგეითის სკანდალად მოინათლა, ზუსტად იგივე მეთოდები ვიხილეთ მიხეილ სააკაშვილის შემთხვევაშიც, ფაქტობრივად, გვაქვს ახალი სკანდალი მიშაგეითის სახით, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც შალვა პაპუაშვილმა აღნიშნა, ე.წ. კატარგეითის სკანდალის დროსაც ზუსტად იგივე მეთოდები იყო, იქაც მთავარი ბრალდებაა, რომ ხდებოდა გარე ზეგავლენა ევროპარლამენტზე, ხდებოდა რეზოლუციების პროექტების წინ წაწევა და ლობირება, რათა რაღაც რეზოლუციების პროექტი მიეღოთ, რომელიც იქნებოდა ვიღაცისთვის სასარგებლო თუ ვიღაცაზე იქნებოდა საზიანო.

ამასთან, შალვა პაპუაშვილმა ამერიკულ ფარას კანონზეც ისაუბრა და აღნიშნა, რომ კანონპროექტი, რომლის მიღებასაც საქართველოში აპირებდნენ სიტყვა-სიტყვით იყო ნათარგმნი ამერიკული კანონიდან.

„კანონპროექტში ყველა სიტყვა ეწერა, რაც წერია ამერიკულ კანონში და არც ერთი სიტყვა არ ეწერა შიგნით, რაც არ წერია ამერიკულ კანონში, სიტყვა-სიტყვით, ასლი იყო, ფოტო ასლი იყო ფაქტობრივად, უბრალოდ ლინგვისტურად ნათარგმნი ქართულად. ხომ ხედავთ, რომ ჩვენი საზოგადოება ევროპულიც და ამერიკულიც მოგებულია, როდესაც არსებობს გამჭვირვალობა. მაშინაც ამ მართულ კამპანიაში, როდესაც დეზინფორმაცია გაავრცელეს, თითქოს რაღაც რუსული იდეები იყო ეს და ა.შ, ჩართული იყვნენ უცხოელი პოლიტიკოსები, ყოფილი თუ ა.შ. დიპლომატები, უცხოური დაფინანსების მქონე ორგანიზაციები. მაშინ ქართულ საზოგადოებას ფაქტობრივად წაართვეს უფლება, სცოდნოდათ და ჰქონოდათ იმავე დონის ცოდნა, რაც აქვთ ამერიკელ მოქალაქეებს, მაგრამ საბედნიეროდ, ამერიკაში არსებობს ეს ე.წ. რუსული კანონი და ამერიკული რუსული კანონი ჩვენ გვაძლევს ამის საშუალებას.

ჩვენ ასევე ვნახეთ ლობიზმის მთელი სიღრმე სადამდე არის, ვნახეთ, რომ პრეზიდენტთან უნდოდათ რატომღაც ამერიკის საელჩოს მეშვეობით შეხვედრების ორგანიზება მისი ნიუ იორკში ვიზიტის დროს. რა შუაშია ამერიკის საელჩო, როდესაც პრეზიდენტი არის ნიუ იორკში, საერთოდ რატომ ესაუბრება ამერიკის საელჩო ლობისტებს, რომლებიც ვხედავთ, რომ დეზინფორმაციის გავრცელებით არიან დაკავებული. ბევრ კითხვას გასცა პასუხი და აჩვენა კიდევ ერთხელ, თუ რა ზიანს აყენებენ ასეთი კოორდინირებული კამპანია საქართველოს.

რაც შეეხება ევროპარლამენტს, ჩვენ ვნახეთ, რომ რაც სულ ახლახან ე.წ. კატარგეითის სკანდალად მოინათლა, ზუსტად იგივე მეთოდები იყო, იქაც მთავარი ბრალდებაა, რომ ხდებოდა გარე ზეგავლენა ევროპარლამენტზე, ხდებოდა რეზოლუციების პროექტების წინ წაწევა და ლობირება, რათა რაღაც რეზოლუციების პროექტი მიეღოთ, რომელიც იქნებოდა ვიღაცისთვის სასარგებლო თუ ვიღაცაზე იქნებოდა საზიანო და ა.შ. ზუსტად იგივე მეთოდები ვიხილეთ ჩვენ ამ შემთხვევაშიც, რაც ახლა გვაქვს, ფაქტობრივად, გვაქვს ახალი სკანდალი მიშაგეითის სახით“,- განაცხადა პაპუაშვილმა.

“ოპოზიციას ფუნდამენტური პრობლემა აქვს, შემდგარი არიან ქვეყნის ღალატის გზაზე – რაც შეიძლება ვიხილოთ, ეს არის პოლიტიკური ძალის პროფანაცია”, – ასე აფასებს პარლამენტის თავმჯდომარე შალვა პაპუაშვილი “ნაციონალური მოძრაობისა” და “სტრატეგია აღმშენებლის” შესაძლო პოლიტიკურ გაერთიანებას.

მისი თქმით, მნიშვნელობა არ აქვს, ოპოზიციაში რა ფორმაცია იქნება, რადგან ქვეყნის და ხალხის მხარდაჭერა არ ექნებათ.

“ზოგადად, ასეთ საკითხებს, ასეთ ერთობებს სერიოზულად ვერ განვიხილავ. ოპოზიციას ფუნდამენტური პრობლემა აქვს. შემდგარი არიან ქვეყნის ღალატის გზაზე. სანამ ეს ღალატი იქნება ოპოზიციის ფუნდამენტური განმსაზღვრელი, მნიშვნელობა არ აქვს, რა ფორმაცია იქნება, ქვეყნის და ხალხის მხარდაჭერა არ ექნებათ. ქართველი ხალხი არასდროს არ დაუჭერს მხარს ისეთ პოლიტიკურ ძალას, რომელიც ქართველ ხალხს და თავად სახელმწიფოს ებრძვის. რასაც ვაკვირდებით, ოპოზიციაში, დღეს შეგვიძლია თამამად ვთქვათ, რომ შექმნილია გარკვეული ჯგუფი პოლიტიკოსების, თუ სხვა აქტიური ადამიანებისა, რომელთაც დაკარგული აქვთ ქვეყნის შეგრძნება, პატრიოტიზმი აღარ არსებობს. მათ საუბარში, არგუმენტაციაში მოისმენთ, რომ მათთვის უკვე სხვა ქვეყნებია საფიცარი, სხვა დროშების წინაშე დგებიან ფეხზე, სხვა ჰიმნს მღერიან და სხვა ქვეყნის ლიდერები არიან მათთვის ლიდერები. ეს გულისხმობს იმას, რომ აბსოლუტურად დაკარგული აქვთ პატრიოტიზმი და როდესაც ადამიანს საკუთარი სამშობლო არ უყვარს, იმას ვინმე ხმას როგორ მისცემს?! ჩვენ რაც შეიძლება ვნახოთ ეს არის პროფანაცია პოლიტიკური ძალისა, ესაა ერთად შეკვრა „მეხუთე კოლონისა“, რომელიც ლოიალურია არა საკუთარი სახელმწიფოს, არამედ სხვა სახელმწიფოების მიმართ“,- განაცხადა პაპუაშვილმა.

წარმოიდგინეთ, რა ლობიზმი, რა დაფინანსებული კამპანიები მიმდინარეობს დღეს საქართველოში, ჩვენ ამის შესახებ წარმოდგენაც არ გვაქვს, რადგან განსხვავებით ამერიკისგან, სამწუხაროდ, ჩვენთან ეს ე.წ. რუსული კანონი არ გვაქვს და გამჭვირვალობა არ არის უზრუნველყოფილი, – ამის შესახებ ჟურნალისტებს საქართველოს პარლამენტის თავმჯდომარე შალვა პაპუაშვილმა განუცხადა.

მისი თქმით, აშშ-ის იუსტიციის დეპარტამენტის მიერ გამოქვეყნებული დოკუმენტებით დასტურდება, რომ მიხეილ სააკაშვილთან დაკავშირებული კამპანია იყო ორკესტრირებული და დაფინანსებული.

„საერთო ჯამში, დადასტურდა, რასაც ჩვენ ვსაუბრობდით, რომ მიხეილ სააკაშვილთან დაკავშირებული მთელი ეს კამპანია, ხან „ფრი მიშას“ ლოზუნგით, ხან ჰუმანიტარულად სადმე გადაყვანის ლოზუნგით, ხან წამებაზე, ხან მოწამვლაზე, იყო ორკესტრირებული და დაფინანსებული კამპანია. ჩვენ ვნახეთ ყველაზე მახინჯი სახე იმისა, რასაც შეიძლება, ეწოდოს პოლიტიკა, როდესაც შეიძლება მოისყიდო მედია, პოლიტიკოსები, მათ ათქმევინო ის, რაც გჭირდება, გაავრცელო დეზინფორმაცია და ფაქტობრივად, ამ დოკუმენტებს რომ გაეცნობით, ნახავდით, სია არის ჩამოწერილი აქტივობების. თუკი არსებობს სადმე წიგნი ჰიბრიდული ინსტრუმენტების შესახებ, ყველა ეს მეთოდი შიგნით იქნება ჩამოწერილი. ჩვენ ვნახეთ შეკვეთილი სტატიები, ვნახეთ, რომ რეზოლუციები, რომლებზეც გვეუბნებოდნენ, რომ ეს იყო მიხეილ სააკაშვილის მიმართ განსაკუთრებული სიმპათიით განწყობილი ზოგიერთი ევროპარლამენტარის იდეა, ევროპის შუაგულში წარმოშობილი და განვითარებული იდეები, აღმოჩნდა, რომ ამერიკიდან ლობისტები წერდნენ ამ რეზოლუციის პროექტებს. ჩვენ ასევე ვნახეთ, რომ მუდმივი კომუნიკაცია არსებობდა ლობისტებსა და ევროპარლამენტარებს შორის“, – აღნიშნა შალვა პაპუაშვილმა.

მისივე თქმით, აღნიშნული ინფორმაცია იმის წყალობით გახდა ცნობილი, რომ აშშ-ში მოქმედებს უცხოელი აგენტების რეგისტრაციის აქტი, რომელსაც საქართველოში „რუსული კანონი“ დაუძახეს.

„ეს მხოლოდ ერთადერთი რამის გამო გახდა ცხადი ჩვენთვის. იმიტომ, რომ ამერიკაში არსებობს ის კანონი, რომელიც, სამწუხაროდ, აქ სხვანაირად გადმოგვითარგმნეს ქართულ საზოგადოებას და დაუძახეს რუსული კანონი. ამერიკაში მოქმედებს რუსული კანონი, რომელიც უზრუნველყოფს ამ პროცესის გამჭვირვალობას. რომ არა ეს რეესტრი, რომელიც ამერიკის იუსტიციის დეპარტამენტში არსებობს, ვერავინ გაიგებდა, რომ ის რეზოლუცია თურმე ყოფილა ლობისტების დაწერილი, ვერავინ გაიგებდა, რომ ის სტატიები ყოფილა თურმე შეკვეთილი, ვერავინ გაიგებდა ამ ყველაფერს. თქვენ წარმოიდგინეთ, რა ლობიზმი მიმდინარეობს დღეს საქართველოში, რა დაფინანსებული კამპანიები მიმდინარეობს და ჩვენ ამის შესახებ წარმოდგენაც არ გვაქვს იმიტომ, რომ განსხვავებით ამერიკისგან, სამწუხაროდ, ჩვენთან ეს ე.წ. რუსული კანონი არ გვაქვს და გამჭვირვალობა არ არის უზრუნველყოფილი“, – განაცხადა შალვა პაპუაშვილმა.

ცალსახად შემიძლია გითხრათ, რომ კოალიციას, რაც გულისხმობს ურთიერთვალდებულებებზე დაფუძნებულ ურთიერთობებს, „ნაცებთან“ და „ქოცებთან“ არ ვაპირებთ, არც არჩევნების შემდეგ , – ამის შესახებ პარტია „საქართველოსთვის“ წევრმა ბექა ლილუაშვილმა განაცხადა.

მისივე თქმით, მისი პარტია არჩევნებამდე არც ერთ პარტიასთან საერთო სიაში გაერთიანებას არ აპირებს.

ლილუაშვილი მიიჩნევს, რომ ყველა პარტიამ თავის ამომრჩევლის გაზრდაზე უნდა იზრუნოს, რომ გაუნაწილებელი მანდატები არ დარჩეს. ასევე ის ამბობს, რომ მნიშვნელოვანია, “ნაციონალურმა მოძრაობამ” და “ქართულმა ოცნებამ” ჯამში 50 პროცენტი ვერ აიღონ.

“გაერთიანება ნიშნავს საერთო სიის ფორმირებას, არანაირი საერთო სიის ფორმირებას ჩვენ არ ვაპირებთ. არჩევნების შემდეგ ხალხი გადაწყვეტს, როგორი კონფიგურაციით იქნება პარლამენტი წარმოდგენილი, მაგრამ კოალიციას და კოჰაბიტაციას “ნაცებთან” და “ქოცებთან” ჩვენ არ ვაპირებთ არც არჩევნების შემდეგ.

ძალიან ადრეა ვისაუბროთ რაიმე კოალიციაზე, როცა არ ვიცით, არჩევნების შედეგები როგორ დაჯდება, ვინ რამდენი პროცენტით იქნება პარლამენტში. ჩვენ ძალიან კარგი გამოცდილება გვაქვს არაერთ მუნიციპალიტეტში, სადაც არც “ქართული ოცნებაა” ერთპარტიულ მმართველობაში და არც “ნაციონალური მოძრაობა”, ჩვენი წარმომადგენელია თავმჯდომარე კონკრეტულ საკრებულოებში და კონკრეტულ საკითხებს, რომელიც ჩვენი შეფასებით არის მნიშვნელოვანი მუნიციპალიტეტის განვითარებისთვის, მხარს ვუჭერთ, მიუხედავად იმისა, “ნაცმოძრაობამ” დააყენა ის თუ “ქართულმა ოცნებამ”. კოალიციაზე საუბარი დღეს, როცა წარმოდგენა არ აქვს არავის, რა კონფიგურაცია იქნება, აზრს მოკლებულია. მაგალითად, ისეთ კონფიგურაციაში, სადაც “ქართული ოცნება” და “ნაციონალური მოძრაობა” 50 პროცენტს ვერ ლახავს ჯამში, ეგ კითხვა აბსოლუტურად აზრს მოკლებულია და ისეთ კონფიგურაციაში, სადაც ჯამში მაღალ პროცენტს იღებენ, აბსოლუტურად სხვა მოცემულობა იქნება. თუმცა ცალსახად შემიძლია გითხრათ, რომ კოალიციას რაც გულისხმობს ურთიერთვალდებულებებზე დაფუძნებულ ურთიერთობებს, არც ერთთან და არც მეორესთან არ ვაპირებთ, არც არჩევნების შემდეგ”- განაცხადა ლილუაშვილმა.

მგონია, რომ ექიმი, რომელმაც ეს ილეთი სრულიად არასაჭირო დროს და ადგილას ჩაატარა, „ქართულ ოცნებასთან“ შეთანხმების გარეშე არ მოქმედებდა ან იმდენად სულელია, რომ მისი პაციენტთან შეყვანა არ შეიძლება, – ამის შესახებ ოპოზიციონერმა დეპუტატმა, იაგო ხვიჩიმ განაცხადა.

როგორც იაგო ხვიჩიამ აღნიშნა, ვინაიდან, ასეთი სისულელის ნაკლებად სჯერა, მისთვის სარწმუნო ვერსიაა, რომ პოლონელი ექიმი „ქართულ ოცნებასთან“ შეთანხმებით მოქმედებდა.

„თუ არ მოისყიდან, აბა, როცა ყველაფრის გამოტანა შეგიძლია და ამ დროს წინდით გამოგაქვს, პროცესის დისკრედიტაცია ხდება, სხვა რას უნდა დააბრალო, თუ არა სისულელეს ან შეთანხმებას? გაყალბებისთვისაც რომ ნდომოდა, ნიმუში ისედაც ხომ გაიტანეს? ჩუმად გატანილს აყალბებ და არაჩუმად გატანილს, არა, ვერ დავიჯერებ. რაც შეეხება პოლონეთის საგრეოს განცხადებას, როცა ასეთ სკანდალში გაეხვევი და შენს ელჩს იბარებენ, განცხადების გაკეთება მოგიწევს, მაგრამ პირველი ეჭვი უნდა მიიტანო ხელისუფლებასა და სააკაშვილის ექიმების კოლაბორაციაზე“, – განაცხადა ხვიჩიამ.