ვიაზრებთ ჩვენს წილ პასუხისმგებლობას, გულწრფელად ვიხდით ბოდიშს, – ამის შესახებ Black Sea Arena-ს განცხადებაშია აღნიშნული, რითაც ისინი კონცერტზე The Killers-ის სოლისტის მიერ სცენაზე რუსი დრამერის აყვანას და ამის გამო გამოწვეულ პროტესტს გამოეხმაურნენ.

როგორც განცხადებაშია აღნიშნული, სცენაზე სოლისტის მოქმედება Black Sea Arena პოზიცია არაა.

„გვესმის ჩვენი სტუმრების ემოციების. არტისტის მოქმედება სცენაზე არ არის Black Sea Arena-ს პოზიცია. ვიაზრებთ ჩვენს წილ პასუხისმგებლობას, გულწრფელად ვიხდით ბოდიშს და გიზიარებთ არტისტის პასუხს მომხდართან დაკავშირებით. რუსეთი ოკუპანტია“,- აღნიშნულია განცხადებაში, რასაც თან ერთვის მომხდარ ფაქტთან დაკავშირებით The Killers-ის პასუხი.

თავად ბენდმა გავრცელებულ განცხადებაში მომხდარის გამო საზოგადოებას ბოდიში მოუხადა და განმარტა, რომ მათი განზრახვა ვინმეს შეურაცხყოფა არ ყოფილა.

„კეთილო ქართველო ხალხო, ჩვენი განზრახვა არასდროს ყოფილა ვინმეს შეურაცხყოფა! ჩვენ გვაქვს დიდი ხნის ტრადიცია, მივიწვიოთ ადამიანები დრამებზე დასაკრავად და სცენიდან ჩანდა, რომ ხალხის თავდაპირველი პასუხი მიანიშნებდა, რომ თანახმა იყვნენ ერთ-ერთი მაყურებელი სცენაზე ჩვენთან ერთად გამოსულიყო. ვაცნობიერებთ, რომ კომენტარი, რომელიც გულისხმობდა, რომ The Killers-ის აუდიტორია და თაყვანისმცემლები არიან „ძმები და დები“, შესაძლოა არასწორად იქნა გაგებული. არ გვინდოდა ვინმეს განაწყენება და ბოდიშს ვიხდით. თქვენთან ვდგავართ და ვიმედოვნებთ, რომ მალე დავბრუნდებით”, – აღნიშნულია The Killers-ის განცხადებაში.

შეგახსენებთ, რომ გუშინ, Black Sea Arena-ზე კონცერტის დროს, The Killers-ის სოლისტმა აუდიტორიიდან სცენაზე რუსი დრამერი აიყვანა. აღნიშნულს საზოგადოების პროტესტი მოჰყვა. ხალხის ნაწილმა კონცერტი პროტესტის ნიშნად დატოვა.

ვერძი

ამ დღეს თითქოს წარმატებას ასხივებთ! თქვენს შინაგან ჰარმონიას და თავდაჯერებულობას შეუძლია სიტუაცია თქვენს სასარგებლოდ შეცვალოს. ერთადერთი, რასაც ხვალ უნდა მოერიდოთ თავმდაბლობაა. ნუ დამალავთ საკუთარ ღირსებებს, პირიქით, ეცადეთ ბოლომდე გამოავლინოთ. აჩვენეთ გარშემომყოფებს, რისი გაკეთება შეგიძლიათ და რისი ღირსი ხართ და შედეგი სასიამოვნოდ გაგაოცებთ.

კურო

ემოციური განახლების დღეა. თუნდაც გარემოებებმა მოსაწყენი საქმის კეთება გაიძულოთ, ეცადეთ მას შემოქმედებითად მიუდგეთ, წინააღმდეგ შემთხვევაში იმედგაცრუებული დარჩებით. დიდი პროექტების დაწყებისგან თავი შეიკავეთ – ამ დღეს ძალიან დაბნეული და გონებადაფანტული ხართ და შეიძლება რაღაც მნიშვნელოვანი გამოტოვოთ.

ტყუპები

ამ დღეს წარმატება გელით ყველაფერში, რაც მოგზაურობას, მივლინებებს და პროფესიულ განვითარებას შეეხება. ჰოროსკოპის ვარსკვლავები გირჩევენ ახალი პროფესიის შესწავლა დაიწყოთ, ახალი ჰობი იპოვოთ ან ის ადგილები მოინახულოთ, სადაც აქამდე არ ყოფილხართ.

კირჩხიბი

ნებისმიერი სახის ურთიერთობისთვის შესანიშნავი დღეა! ვარსკვლავები გირჩევენ, რომ მეგობრებთან ერთად მხიარული წვეულება მოაწყოთ – ეს მთელი კვირის სამყოფი პოზიტივით მოგამარაგებთ. რაც შეეხება საქმებს, აქ სირთულეები გელით. სწრაფად მოქმედება მოგიწევთ, რომ შესაძლებლობა ხელიდან არ გაუშვათ და კონკურენტები უკან ჩამოიტოვოთ.

ლომი

ამ დღეს თავად შეიძლება ვერც ხვდებით, მაგრამ თქვენი ხისტი განცხადებები და უხეშობა ვიღაცას გულს სტკენს. გირჩევთ, თქვენი რექციები აკონტროლოთ, რომ ძვირფასი ადამიანები არ დაკარგოთ.

ქალწული

იდეალური შემსრულებელი ხართ, რომელსაც შეუძლია სხვისი სურვილები ამოიცნოს, მაგრამ ინიციატივისთვის განწყობილი არ ხართ და შედეგზე პასუხისმგებლობის აღება გსურთ. ასე რომ, საუკეთესო, რისი გაკეთებაც ხვალ შეგიძლიათ, დასვენებაა. სანამ თქვენ ისვენებთ, თქვენი ხელქვეითები ბევრი რამის გაკეთებას მოასწრებენ.

სასწორი

დაფიქრდით ყველაფრით კმაყოფილი ხართ? იქნებ ყოველდღიური რუტინით დაიღალეთ ან თქვენს ცხოვრებაში ცვლილებების დრო დადგა? ეს დღე საკმაოდ შესაფერისია, რომ გადამწყვეტი მოქმედებები დაიწყოთ. სიახლეების ნუ შეგეშინდებათ, თორემ შეიძლება წარსულში დიდი ხნით ჩარჩეთ. ყურადღებით იყავით – ხვალ შეიძლება რაღაც საინტერესო და მნიშვნელოვანი გაიგოთ.

მორიელი

კარიერისა და ბიზნესისთვის ნაკლებად, მაგრამ სწავლისთვის ეს იდეალური დღეა. იფიქრეთ როგორ გაზარდოთ თქვენი პროფესიონალიზმის დონე. იქნებ სასწავლო კურსებზე ჩაეწეროთ, თვითგანათლებას შეუდგეთ ან გამოცდილ კოლეგებთან წაიმუშაოთ. ვარსკვლავები გპირდებიან, რომ უახლოეს მომავალში თქვენ წინაშე შესაძლებლობების ბევრი ახალი კარი გაიხსნება.

მშვილდოსანი

ეს დღე ახალი ნაცნობობით და ურთიერთობებით ასევე ინფორმაციის მოძიებითა და დამუშავებით დაგამახსოვრდებათ. რაც უფრო მეტია ინფორმაცია, მით უკეთესი! ხვალ ინფორმაციის ნაკადში ორიენტირებას მშვენივრად შეძლებთ და უსარგებლო ინფორმაციას უბრალოდ ამოშლით.

თხის რქა

ამ დღეს ყველაფერს ზედმეტად მკაცრად და კატეგორიულად აფასებთ, რაც თქვენს გადაწყვეტილებებზეც და ურთიერთობაზეც გავლენას მოახდენს. თუ ხელმძღვანელ თანამდებობაზე ხართ, თქვენს ხელქვეითებს შეიძლება მხოლოდ თანავუგრძნოთ.

მერწყული

ამ დღეს თქვენს ჰოროსკოპში ემოციები და რომანტიზმი ჭარბობს. რაც შეეხება საქმეს, თქვენი წარმატების საიდუმლო გუნდური შრომაა – თანამოაზრეებთან ერთად მთებს ადგილიდან დაძრავთ. გარდა ამისა, ერთგულ ადამიანებში შეიძლება ისეთები აღმოაჩინოთ, ვისგანაც არ ელოდით. მათი რჩევებით და მხარდაჭერით, ნებისმიერ, თუნდაც ყველაზე რთულ ამოცანას ადვილად გაუმკლავდებით.

თევზები

ემოციური და შრომატევადი, მაგრამ ძალიან ნაყოფიერი დღეა. თუ თქვენს ცხოვრებაში ჩიხური ვითარება არსებობს, ეს დღე მისგან გათავისუფლების შანსს მოგცემთ. უთანხმოება შეიძლება კონფლიქტში გადაიზარდოს და დღის ბოლომდე მისი მოგვარება მოგიწევთ. შეწყვიტეთ ურთიერთობა ადამიანებთან, რომლებიც მუდმივად პრობლემებს გიქმნიან და თქვენი ცხოვრება გაცილებით ლაღი გახდება.