ქარსელაძის თქმით, ინიციატორის დასადგენად ოპერატიულ სამძებრო მოქმედებები მიმდინარეობდა, მისი ვინაობა დადგინდა და მას სთხოვეს ინფორმაციის დაზუსტება დაკარგული პირის შესახებ. ქარსელაძის თქმით, გადამოწმების შემდეგ აღმოჩნა, რომ დაკარგულის შესახებ შეტყობინებაში სახელიც და გვარიც არასწორად იყო მითითებული “ეს ოპერატიულ სამძებრო მოქმედებები ბოლო წუთამდე, დღემდე მიმდინარეობდა, ვიდრე ამის დასტური იქნებოდა, შესაბამისად, ეს პიროვნება რჩებოდა ისევ ამ სიაში. ოპერატიულ სამძებრო მოქმედებების შედეგად, მოხერხდა ინიციატორის დადგენა, ვისთანაც მოხერხდა უკუკავშირის და მას სთხოვეს დაეზუსტებინა . როდესაც შემოდის ინფორმაცია დაკარგულებთან მიმართებაში, უკვე ხდება მათი ბაზების გადამოწმება და იმ გაცხადებული თავდაპირველად სახელით და გვარით, ასეთი პიროვნება ვერ მოიძებნა. ბუნებრივია ეს საფუძველი იყო ეჭვის, ვიდრე არ დადასტურდა. მაგრამ ამავდროულად, სიაში ეს ადამიანი არის, იმიტომ, რომ შეტყობინებაა შემოსული. პროცესი მიმდინარეობს, შესაბამისად, როგორც კი მოხერხდა ინიციატორთან დაკავშირება, დადგინდა, რომ არასწორად იყო მითითებული სახელი და გვარი, ხოლო როდესაც ამ ინიციატორმა გაასწორა და თქვა, რომ არა ეს სახელი და გვარი კი არა ეს სახელი და გვარია, უკვე მოხერხდა ამ პიროვნების ბაზებში დადგენა და უშუალოდ მასთან დაკავშირება, რომელმაც განაცხადა, რომ არ ვყოფილვარ საერთოდ შოვის ტერიტორიაზე, შესაბამისად ეს პიროვნება უკვე ამ დაკარგულთა სიაში აღარ არის” განაცხადა ქარსელაძემ.
9 აგვისტოს ასტროლოგიური პროგნოზი
ვერძი
დაძაბული, წინააღმდეგობრივი დღეა. ვარსკვლავები გაფრთხილებენ გარეშეთა გავლენის შესახებ, რომელიც შეიძლება საქმეზე ან პირად ცხოვრებაზე ნეგატიურად აისახოს. სავარაუდოდ, კომერციული გარიგებები სასურველ შედეგს ვერ მოგიტანთ. სამართლიანობა და მაღალი ზნეობა ამ დღის ნეგატიურ ტენდენციებს შეამცირებს. სიზმარი მეორე დღესვე აგიხდებათ.
კურო
მძიმე და საშიში დღეა, რომელიც ჯობია, სახლში გაატაროთ. მოსალოდნელია ნეგატიური გავლენა გარედან ან ცუდი ამბავი. ეს დღე ეჭვების, უნდობლობისა და შავი მაგიის ნიშნით ჩაივლის. ამ დღეს სასარგებლოა სუფთა ჰაერზე სეირნობა და სანთლის შუქზე ვახშამი. ამ დღის ნეგატიურ ტენდენციას მხოლოდ თავმდაბლობით და მაღალი ზნეობრივი თვისებებით შეამცირებთ.
ტყუპები
ხელსაყრელი დღეა კომერსანტი ტყუპებისთვის. თუ გარიგების დადებას ან შოპინგს აპირებთ, ეს ახლავე უნდა გააკეთოთ, რადგან წარმატება გელით. გირჩევთ, დამატებითი შემოსავლის წყარო აქტიურად ეძიოთ, მაგრამ ერიდეთ საეჭვო ნაცნობებს.
კირჩხიბი
შესაძლოა, ახალი, საინტერესო წინადადება შემოგთავაზონ, მაგრამ ინვესტიციების ჩადებას ნუ იჩქარებთ. ამ დღეს ბავშვები თქვენგან მეტ ყურადღებასა და ჩართულობას ითხოვენ. ეცადეთ, ახლობელი ადამიანების მიმართ მეტი მზრუნველობა, სიბრძნე და მოთმინება გამოიჩინოთ. ამ დღეს ოჯახური პრობლემების მოგვარებას შეძლებთ.
ლომი
ვარსკვლავები გაფრთხილებენ საფრთხისა და აგრესიის შესახებ, რომელიც არაკეთილმოსურნეთა მხრიდან მომდინარეობს. ურთიერთობაში მეტი სიფრთხილე გმართებთ. ერიდეთ უცნობ და არასაიმედო ადამიანებს. პირად ცხოვრებაში იმედგაცრუება გელით.
ქალწული
დაძაბული და გაორებული დღეა. მოსალოდნელია ნეგატიური გავლენა უცხოთა მხრიდან ან ცუდი ამბავი. საქმიან ოპერაციებში წარუმატებლობა გელით, ხოლო კომერციული გარიგებები სასურველ შედეგს ვერ მოგიტანთ. შესაძლოა, მოგებიანი წინადადება შემოგთავაზონ, რომელზეც უარი არ უნდა თქვათ.
სასწორი
ხელსაყრელი დღეა ახალი ნაცნობობისა და სახელისუფლებო ორგანოებთან ურთიერთობისთვის. თქვენი კომუნიკაბელურობა, ოპტიმიზმი და საქმის მიმართ შემოქმედებითი მიდგომა სიტუაციას გამოასწორებს. ეცადეთ, ყველა პრობლემა დღის პირველ ნახევარში მოაგვაროთ, რადგან დღის მეორე ნახევარში ამის გაკეთება გაგიჭირდებათ. პირად ცხოვრებაში იმედგაცრუება გელით.
მორიელი
ხელსაყრელი დღეა შეხვედრისთვის, დასვენებისა და მყუდრო ოჯახური დღესასწაულისთვის. ეცადეთ, საკუთარ თავში მონახოთ ძალა, რომ საქმეს დროებით ჩამოსცილდეთ. თქვენი ოპტიმიზმითა და გამჭრიახობით ადამიანებს გააოცებთ. გამორიცხული არაა, რომ გაიცნოთ ადამიანები, რომლებიც თქვენს შინაგან სამყაროს გაამდიდრებენ. შვილები თავიანთი წარმატებით გაგახარებენ.
მშვილდოსანი
თუ ამ დღეს გარიგების დადებას ან რაიმეს შეძენას გეგმავთ, ეს აუცილებლად უნდა გააკეთოთ, რადგან წარმატება გელით. თვალი ადევნეთ მინიშნებებს და სწორად შეაფასეთ. გამორიცხული არ არის, რომ ბედი გაფრთხილებას გიგზავნით.
თხის რქა
საქმიანი ოპერაციები საეჭვოა, წარმატებით დასრულდეს და არც კომერციული გარიგებები მოგიტანთ სასურველ შედეგს. მოულოდნელი და გაუმართლებელი ხარჯი თქვენს ფინანსურ მდგომარეობას მნიშვნელოვნად დააზარალებს.
მერწყული
ხელსაყრელი დღეა ახალი ნაცნობობისთვის, ახალი ადგილების მონახულებისთვის და მოგზაურობისთვის. თქვენი გამჭრიახობა, ოპტიმიზმი და შემოქმედებითი აზროვნება მაღალ შედეგებს მოგიტანთ. დღის მეორე ნახევარი მძიმე იქნება, ამიტომ ეცადეთ, ყველა მნიშვნელოვანი საქმე დღის პირველ ნახევარში მოაგვაროთ.
თევზები
ეცადეთ, საკუთარ თავში იპოვოთ ძალა და საქმეს დროებით ჩამოსცილდეთ. ასეთ შემთხვევაში დაუვიწყარი შეხვედრა გელით. თქვენი ემოციურობა და სასიცოცხლო ენერგია ახლობელ ადამიანებს გააოცებს. გამორიცხული არაა, რომ ახალი მეგობრები თქვენს შინაგან სამყაროს გაამდიდრებენ.
რას იხსენებს მეგობარი შოვში ტრაგიკულად დაღუპულ დავით ბერიაშვილზე
რაჭაში, ტრაგიკულად დაღუპულ დავით ბერიაშვილს მეგობარი სოციალურ ქსელში ემოციურ პოსტს უძღვნის, რომელსაც უცვლელად გთავაზობთ:
,,ცოდნის კაფე რომ შევქმენით მე და ნანამ, იმ ღამეს როცა გავხსენით და მარტო დავრჩით, ყველა რომ გავაცილეთ და მოდი დავილაპარაკოთო რომ ვთქვით, ვიყავით ორი კინკილა გოგო. თვალებგაფართოებულები ვუყურებდით ერთმანეთს და ნეტა შევძლებთო? ერთმანეთს ვეკითხებოდით. მერე ვთქვით, რომ თუ ვერ შევძლებდით, აგერ 1 წელში დავკეტავდით და ეგ იქნებოდა.
ერთ დღეს აკაკი მოვიდა და თქვა, აიო, ჩემს კლასელებსაც უნდათ დასწრება და თან დათო არის, ჩემი მეგობარი, იმასო, წიგნების კითხვა უყვარსო და მოეწონება ეს ადგილიო. ასე მოვიდა დათო ჩვენთან.
დათოს მოჰყვა მთელი კლასი. მაშინ აბიტურიენტები იყვნენ. დათო როგორია და ასეთი, თბილისიდან რომ მოდიოდა, მაშინვე მომწერდა, კაფეში ხართ?
ზურგჩანთით, ჯერ ცოდნის კაფეში მოგვადგებოდა, შეეხმიანებოდა მთელს სამეგობროს და ყველანი იქ იკრიბებოდნენ. დასხდებოდნენ და რაზე აღარ ლაპარაკობდნენ.
საჭმლის დრო მოვიდოდა? ყველა ერთად გავამზადებდით, ვჭამდით, დავრეცხავდით, დავასუფთავებდით. ჰოდა იყო ასე, თავიდან ორი კინკილა გოგოს შექმნილი ცოდნის კაფე, სულ მალე ამ ახალგაზრდებმა ცოდნის კაფეს გუნდად აქციეს.
ასე გახდა ცოდნის კაფე ის, რაც არის.
მას შემდეგ, მე და ნანა ღამე მარტოები აღარ დავრჩენილვართ, არც აღარაფრის შეგვშინებია. ამიტომაც გადარჩა და არ დაიკეტა. საღამოობით ერთად ვალაგებდით, ვწმენდით, ვგეგმავდით და ერთად მივდიოდით სახლში.
აი ჩემი თავი ჰო ჭკვიანი მეგონა, მეთქი ცოდნის კაფე გავხსენით, რაავი, დათოს და მის სამეგობროს რომ ვუყურებდი, გაოგნებული ვიყავი, რანაირად მოახერხეს ამ ახალგაზრდებმა ასე განვითარება მეთქი.
მოდიოდნენ და რაღაც თამაშებს თამაშობდნენ, ჰო, წარმოგიდგენიათ ჭკვიანი ადამიანები, დავითს რომ ცოდნა ჰქონდა, ვერც გაიაზრებთ, თან ჰო მაგრად უკვირდა, რატომ არ ვიცოდით მსოფლიოს რომელიღაც წერტილში, რომელიღაც მთაზე, როდის ავიდა რომელიღაც მთამსვლელი. მე იმათ ჭკვიანი ვეგონე, მოდიო, ჩვენთან ერთად ითამაშეო, რაღაცა ინტელექტუალურ თამაშებს თამაშობდნენ, მე კიდე მაგრად მეშინოდა, მეთქი ახლა თუ ვეთამაშე და დათო მიხვდა, რომ არაფერი არ ვიცი, მაგრა დამცინებს, ჰოდა არ ვითამაშებ, სადა მაქვს ორი თავი. მერე იყო უამრავი გადაბარგება და ყველგან ერთად ვიყავით.
პანდემიის დროს, ყველაფერი რომ დაიკეტა, იმდენად მიჯაჭვულები იყვნენ ცოდნის კაფეზე, მაინც მოდიოდნენ, მაინც ისხდნენ ცოდნის კაფეში და აგრძელებდნენ ფილმებისა თუ ჯადოსნურად ჭკვიანური თამაშების თამაშს. დათოს უყვარს Pink Floyd, ამერიკაში რომ ვიყავიო, იქიდან ჩამოვიტანე ამათი ორიგინალი ფირფიტაო და გვაჩუქა მაშინ, როცა ცოდნის კაფეს გუნდის წევრად იგრძნო თავი.
დავითმა რომ დაგაფასა და ასე საჩუქარი გაჩუქა, დიდი ამბით მივიღეთ, პატარა ამბავი არაა დავითისგან ასე ძვირფასი საჩუქარი. ასე ვიქეცით ერთ გუნდად.
ჰოდა, ამიტომ გვტკივა განსაკუთრებულად. ზუსტად ვიცი, საბოლოოდ, ცოდნის კაფეს ახალგაზრდები კი გავზარდეთ,
მაგრამ იმათაც არანაკლები წვლილი აქვთ ჩვენს მსოფლმხედველობის გაზრდაში თუ ცოტა მეტი არ, ვიდრე ჩვენ.
დათოს აქვს ყველაზე დიდი იუმორი და რადგან ქიზიყელია, ყველაზე პირდაპირ გეტყვის ყველაფერს, აი ასე, მშვიდად, ლაღად და ღიმილით სახეზე, ისე ზუსტად გეტყვის რაღაცას, გინდა იქვე რამე ბალიში მოძებნო და თავი ჩაყო სირცხვილით გაწითლებულმა.
ისეთ რამეს გეტყვის, უცებ ვერ გაიაზრებ და მერე სიცილით კვდები, ეგ რაააააა მითხრაო. ღმერთოო, ისე მწარე რაღაცას იტყვის ხოლმე ვინმეზე, დათო კარგი რაა, ესე როგორ ლაპარაკობ, ვეტყვი ხოლმე და კარგი მაშინ და აბა დაფიქრდი, მასე არააო?
და ზუსტად ისეა, როგორც დათო ამბობს.
დაგინახავს, სკანერში გაგატარებს და ზუსტად იცის ვინ ხარ, რა შინაგანი სამყარო გაქვს და თუ არ მოეწონები,
აგკენწლავს. არა, თუ მოეწონები, მაინც აგკებწლავს, ეგეთია რა, დათოა.
ამიტომ დამაკლდა ძალიან, თან ჰო სულ ჩვენი იმედი ჰქონდათ, სამაგიდო თამაშებზეც ბოლოს რომ მწერდა, აი ვის მივმართოთ, რა ვქნათ, როგორ მოვიქცეთო, მე კი ვწერდი, მაგრამ ვინც ვუთხარი, ეგენი უკვე ვიცითო. მოკლედ, გეგმებს ვაწყობდით…
ქართულ მითოლოგიაზე საოცარი თამაში რომ შექმნეს, ვის დაებეჭდა, ბოლოს ვეღარ შევეხმიანე და მეთქი აქ რომ ჩამოვა, დავსხდეთ, დავილაპარაკოთ, რა უნდა თამაშის დაბეჭდვას, ამხელა ცოდნის კაფე ავაშენეთ.
ჰოდა დათო ვეღარ ჩამოვიდა. ჰოდა ამიტომაა გულში რაღაცნაირი სევდა. სევდა იმისა, რომ დათო, ამ ქვეყნად აღარაა და იმედი იმისა, რომ მისი სამეგობრო, ჩვენ თაობაზე 100 000-ჯერ უფრო ჭკვიანები, ლაღები, თავისუფლები, მიგვიყვანენ ღირსეულ საქართველომდე.
მშვიდობით დავით, თქვენ ჩემი პირველი დანაკლისი ხართ სამეგობროდან და ღმერთო რა მტკივნეული ყოფილა!
ეს პოსტი დათოსია, დანარჩენ ჩემ ორ მეგობარს ვერც ვახსენებ, სამივე ისე დიდია, როგორ ვაკადრო ერთ ამბავში ჩატევა”, – წერს ქეთი მოლაშვილი სოციალურ ქსელში.
მდინარე იორში მოზარდი დაიხრჩო
სოფელ ხაშმში, მდინარე იორში არასრულწლოვანი დაიხრჩო. ინფორმაციას საგანგებო სიტუაციების მართვის სამსახურში ადასტურებენ.
არსებული ცნობით, მოზარდი მდინარეში ჩავარდა. ის წყლიდან თვითმხილველებმა ამოიყვანეს და პირველადი სამედიცინო დახმარება ადგილზე გაუწიეს.
„სამაშველო ჯგუფს არასრულწლოვანი მდინარიდან გამოყვანილი დახვდათ, იმყოფებოდა უგონო მდგომარეობაში. ჩაუტარდა ფილტვების რეანიმაცია, თუმცა, სამწუხაროდ, გადარჩენა ვერ მოხერხდა“, – აცხადებენ საგანგებო სიტუაციების მართვის სამსახურში.
2023 წლის ივლისი დედამიწაზე ყველაზე ცხელი აღრიცხული თვე იყო – ევროკავშირის კლიმატის ობსერვატორია
ევროკავშირის კლიმატის ობსერვატორიის ინფორმაციით, 2023 წლის ივლისი ჯერჯერობით აღრიცხული დროით მონაკვეთში ყველაზე ცხელი თვე იყო.
ევროკავშირის კოპერნიკის კლიმატის ცვლილების სერვისის დირექტორმა სამანტა ბურჯესმა თქვა, რომ 2023 წლის ივლისის საშუალო ტემპერატურა 1.5 გრადუსი ცელსიუსით აღემატება პრეინდუსტრიულ პერიოდს.
მაღალი ტემპერატურის წინა რეკორდი 2019 წლის ივლისში დაფიქსირდა. 2023 წლის ივლისის საშუალო მაჩვენებელი 2019 წლის საშუალო ტემპერატურას 0.33 გრადუსი ცელსიუსით აღემატება.
2023 წლის ივლისში თბური ტალღები და მასიური ხანძრები აქტიური იყო ევროპის სამხრეთში. ასევე, საშუალო მაჩვენებელზე საკმაოდ მაღალი ტემპერატურა დაფიქსირდა სამხრეთ ამერიკასა და ანტარქტიდაზე.
ივლისში რეკორდულად მაღალი იყო ოკეანეების და ზღვების ზედაპირების საშუალო ტემპერატურაც.
სამანტა ბურჯესის თქმით, აღნიშნული მონაცემები მიუთითებს, რომ მსოფლიოს კლიმატი სხვადასხვა სავალალო შედეგების წინაშე აღმოჩნდება.
8 ავტომობილია გაუჩინარებული, ძებნის არეალი ხვალ დილიდან უფრო ფართოვდება – თემურ მღებრიშვილი
„მდინარე ჭანჭახი სამძებრო სამუშაოების პრიორიტეტებში თავიდანვე იყო და ხვალ დილიდან ამ ტერიტორიაზე უფრო ფართო მასშტაბით დავიწყებთ საძიებო სამუშაოებს“, – ამის შესახებ საგანგებო სიტუაციების მართვის სამსახურის უფროსმა თემურ მღებრიშვილმა განაცხადა.
მღებრიშვილის თქმით, სამძებრო სამუშაოები მდინარეში გაგრძელდება, ადგილზე აღმოჩენილია ტანსაცმელი, რაც ამყარებს ეჭვს, რომ ცხედრები შესაძლოა იყოს იმ ტერიტორიაზე.
„საერთო ჯამში, 8 ავტომობილია, რომელიც არ ჩანს, გაუჩინარებულია და საფუძვლიანი ეჭვი იმის, რომ მდინარის კალაპოტში შეიძლება იყოს აღმოჩენილი ცხედარი, ამის ალბათობა დიდია. კალაპოტში აღმოჩენილია ავტომობილის ძარა და შესაბამისი საგამოძიებო მოქმედებები მიმდინარეობს. აღმოვაჩინეთ ასევე ტანისამოსი და პირადი ნივთები და ესეც ეჭვს გვიმძაფრებს. პარალელურად, თვითონ სტიქიის ეპიცენტრში უფრო გავშალეთ არეალი, კიდევ ე.წ. კალცის წყლებში აქტიურად მიმდინარეობდა საძიებო სამუშაოები. ხვალ დილიდან უფრო ფართოდ დავიწყებთ ამ მიმართულებაზე საძიებო სამუშაოს“, – აცხადებს საგანგებო სიტუაციების მართვის სამსახურის უფროსი.
„საქაერონავიგაცია“ განცხადებას ავრცელებს
„საქაერონავიგაცია“ კატეგორიულად უარყოფს ტელეკომპანია „ტვ პირველის“ მიერ გავრცელებულ ინფორმაციას, რომ “საქაერონავიგაციის” კუთვნილ ტერიტორიაზე შვეულმფრენის ანგარისა და ძებნა-შველის ოფისის სამშენებლო სამუშაოების ჩასატარებელი ტენდერის გამოცხადების დაჩქარება შოვის ტრაგედიამ განაპირობა, – ამის შესახებ „საქაერონავიგაციის“ განცხადებაშია ნათქვამი.
„საქაერონავიგაციაში“ განმარტავენ, რომ ტელეკომპანია პირველის სიუჟეტში მიზანმიმართულად მოხდა სააგენტოს საავიაციო ძებნა-შველის საკოორდინაციო ცენტრის ფუნქციის საგანგებო სიტუაციების სამაშველო სამსახურთან არევა.
„საქაერონავიგაცია” შვეულმფრენის ანგარისა და ძებნა-შველის ოფისის მშენებლობის დაწყებას 3 წლის წინ გეგმავდა, თუმცა პროექტის განხორციელება პანდემიის გამო შეფერხდა.
ამასთან განვმარტავთ, რომ პანდემიის გამო შემცირებულმა ფრენებმა ნეგატიური გავლენა იქონია „საქაერონავიგაციის” ბიუჯეტზე, რამაც აღნიშნული და დაგეგმილი სხვა პროექტების განხორციელება შეაფერხა. პანდემიის შემდეგ აღდგენილი ფრენებიდან მიღებული შემოსავალი კომპანიამ
უპირველესად მიმართა იმ პროექტების განსახორციელებლად, რაც პირდაპირ უკავშირდებოდა ფრენების უსაფრთხოებას საქართველოს საჰაერო სივრცეში.
ტენდერის გამოცხადებამდე ჩატარდა კანონმდებლობით განსაზღვრული სამუშაოები, მათ შორის: ბაზრის კვლევა 26 ივნისს დასრულდა, კომპანიამ ტექნიკური ზედამხედველობის სააგენტოსგან მშენებლობის ნებართვა 26 ივლისს მიიღო, ნებართვა 2 აგვისტოს დარეგისტრირდა კომპანიაში და 4 აგვისტოს სატენდერო წინადადება აიტვირთა შესყიდვების სააგენტოს საიტზე.
ხაზგასმით გვინდა აღვნიშნოთ, რომ შენობა, რომელსაც „საქაერონავიგაცია” თბილისის საერთაშორისო აეროპორტის ტერიტორიაზე, საჰაერო მოძრაობის მართვის ცენტრის მიმდებარედ აშენებს, არანაირ კავშირში არ არის სამაშველო ვერტმფრენებთან, მის მომსახურებასთან და ოპერირებასთან.
„საქაერონავიგაცია“ არის სააერნაოსნო სერვისის პროვაიდერი ორგანიზაცია და მას სამაშველო ფუნქცია არ გააჩნია.
აქვე გვსურს, კიდევ ერთხელ ღრმა მწუხარება გამოვხატოთ შოვის ტრაგედიის შედეგად დაღუპულთა გამო და მივუსამძიმროთ მათ ოჯახებს“, – აღნიშნულია განცხადებაში.
,,ამას ჰქვია ღალატი”- ბოკერია
როდესაც ხელისუფლება გარე მტრის ნაცვლად, წინა ხელისუფლებას, ანუ საკუთარ ქვეყანას უნაწილებს პასუხისმგებლობას, ამას ჰქვია ღალატი , – ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც „ქართული ოცნების“ წარმომადგენლების მიერ აგვისტოს ომის თარიღთან დაკავშირებით გაკეთებულ განცხადებებს გამოეხმაურა.
გიგა ბოკერიას თქმით, როდესაც ნებისმიერი ხელისუფლება ასეთ თარიღს იყენებს არა ჩვენი საგარეო მტრის წინააღმდეგ და ჩვენი ქვეყნის თავისუფლების გზავნილის დასაცავად, არამედ შიგნით ოპონენტების დემონიზებისთვის და პირდაპირ ან ირიბად მაინც წინა ხელისუფლებას, ანუ საკუთარ ქვეყანას უნაწილებს პასუხისმგებლობას მტრის აგრესიაზე, ამ ყველაფერს ღალატი ჰქვია.
„ისეთ აბსურდამდე მიდიან, რომ თითქოს ჩვენს ქვეყანაში მტრის რეგულარული არმიის შემოსვლა კი არ არის ომის დაწყება, არამედ, როცა ღიად გამოჩნდნენ და თავადაც აღიარებენ, რომ მოქმედება დავიწყეთო, ის თარიღია თურმე უფრო საკვანძო. ათასი ბოდვითა და დემაგოგიით ცდილობენ ამის შეკაზმვას.
ხელისუფლება, რომელიც ასეთ დროს და ასეთ საკითხზე გარე მტრის ნაცვლად, ძირითადად საუბრობს საკუთარ პოლიტიკურ ოპონენტებზე, თან წინა ხელისუფლებაზე, ამით ქვეყნის ინტერესებს ღალატობს. ამას აკეთებენ ისინი ყოველ წელს, მათ შორის, ამ თარიღთან დაკავშირებით“, – განაცხადა გიგა ბოკერიამ.
ირაკლი ქარსელაძემ სტიქიის ზონაში მიმდინარე სამუშაოები შეაჯამა
რეგიონული განვითარებისა და ინფრასტრუქტურის მინისტრმა, ირაკლი ქარსელაძემ, დღის ბოლოს კიდევ ერთხელ შეაჯამა სტიქიის ზონაში მიმდინარე სამუშაოები.
„ექვსი დღის განმავლობაში ძალიან დიდი სამუშაო შესრულდა. არსებული პირობების გათვალისწინებით, მაქსიმუმი კეთდება. ძალიან მნიშვნელოვანი იყო ხიდის მონტაჟი, რომელმაც შესაძლებლობა მოგვცა არეალში მაქსიმალურად გავშლილიყავით. მნიშვნელოვანია, რომ პერიმეტრი, შეძლებისდაგვარად, სრულად მოვიცვათ და შესაბამისი მისასვლელები მოვაწყოთ, რათა მაშველებმა, საჯარისო ნაწილებმა ტექნიკის მეშვეობით უფრო მეტი არეალის დამუშავება შეძლონ,“ – განაცხადა ირაკლი ქარსელაძემ.
მინისტრმა კიდევ ერთხელ ისაუბრა ადგილზე მომუშავე ადამიანების ძალისხმევაზე და გაწეული შრომისთვის მათ მადლობა გადაუხადა.
„ძალიან დიდ და მნიშვნელოვან საქმეს აკეთებს ყველა, ვინც მონაწილეობს ამ მძიმე სამუშაოებში. ესენი არიან მაშველები, საჯარისო ნაწილები, საგზაო დეპარტამენტის თანამშრომლები, კონტრაქტორი ორგანიზაციები და თითოეული ის ოპერატორი, რომელიც მძიმე ტექნიკაზე უწყვეტ რეჟიმში მუშაობს,“ – აღნიშნა ინფრასტრუქტურის მინისტრმა.
ირაკლი ქარსელაძის თქმით, სტიქიის ზონაში უკვე მოეწყო ალტერნატიული გზა, რომლის საშუალებითაც სამუშაოები ე.წ. მჟავე წყლების ტერიტორიაზე განხორციელდა. მოხერხდა მდინარის ძველ კალაპოტში დაბრუნება, რის შემდეგაც არეალში ძებნა-შველის სამუშაოები დაიწყო.
„იგივე მოხდა ხიდის მოწყობის შემდგომ. დაემატა მდებარეობები უშუალოდ სტიქიის ეპიცენტრთან, ადგილზე თავმოყრილი მძიმე ტექნიკა და ცოცხალი ძალა. რა თქმა უნდა, სამუშაოები ძალიან ფრთხილად და მაშველების ზედამხედველობით მიმდინარეობს. აღსანიშნავია ისიც, რომ სამუშაოები ხიდის მიმდებარედ, ძველი გზისა და მცირე ქვაბულის, ტერიტორიაზეც წარმოებს,“ – აღნიშნა მინისტრმა.
ირაკლი ქარსელაძის თქმით, ამ დროისთვის 90-მდე ერთეული მძიმე ტექნიკა რვა მდებარეობაზე მუშაობს. თუმცა, მალე შესაძლებელი იქნება სამუშაო არეალის გაფართოება და იქ, სადაც, ამ ეტაპზე, მხოლოდ ფიზიკური ძალა მუშაობს, ტექნიკაც შევა.
“სერგო კაპანაძის და ელენე ხოშტარიას ფაქტჩეკი დიდ სკანდალში”- ლევან ნიკოლეიშვილი
მამუკა მდინარაძემ ომის დაწყების დაბრალების ტვირთი რუსეთზე გადაიტანა, ფაქტჩეკმა კი, ოღონდ „სიცრუეში ემხილა“, რუსეთი რა შუაშია, ევროსაბჭომ ჩაწერა 7 აგვისტო თავისი ინიციატივითო, – წერს ექსპერტი ლევან ნიკოლეიშვილი სოციალურ ქსელში.
მისი განცხადებით, სერგი კაპანაძის და ელენე ხოშტარიას ორგანიზაცია “ფაქტჩეკი”, ამ განცხადებით დიდ სკანდალში გაეხვია. ექსპერტის თქმით, პასუხი უნდა გაეცეს კითხვას, ვისი ინიციატივით ჩაიწერა რეზოლუციაში 7 აგვისტო საომარი მოქმედებების დაწყების თარიღად და ვინ იყო ქართველი სამხედროებისთვის ომის დანაშაულის დაბრალების ავტორი.
“სერგო კაპანაძის და ელენე ხოშტარიას ფაქტჩეკი დიდ სკანდალში. მამუკა მდინარაძემ თქვა, რომ რუსეთის მოთხოვნით ევროსაბჭოს რეზოლუციაში ჩაიწერა პირველად რიცხვი 7 აგვისტო საომარი მოქმედებების დაწყების თარიღადო. გამოვარდა ეს ვითომ „სიმართლის მზომველი“ კანტორა და მდინარაძეს დაუწერა, შენი ციტატა მცდარია, რეალურად რეზოლუციაში ეგ თავიდანვე ეწერაო. ანუ, რა გამოდის. მამუკა მდინარაძემ ომის დაწყების დაბრალების ტვირთი რუსეთზე გადაიტანა, ფაქტჩეკმა კი, ოღონდ „სიცრუეში ემხილა“, რუსეთი რა შუაშია, ევროსაბჭომ ჩაწერა 7 აგვისტო თავისი ინიციატივითო. ახლა მთავარი – თუ არა რუსეთი, სასწრაფოდ პასუხი უნდა გაეცეს კითხვას, ვინ იყო რეზოლუციაში 7 აგვისტოს საომარი მოქმედებების დაწყების თარიღად და ამ საომარი მოქმედებებში ქართველი სამხედროების დადანაშაულების ავტორად ჩაწერის ინიციატორი. ან ამ კითხვას გაეცემა პასუხი, ან არადა ლეგიტიმური იქნება ეჭვი, რომ ეს თავად ნაცებმა გააკეთეს.” – წერს ლევან ნიკოლეიშვილი Facebook-ზე.
ოპოზიციამ სცადა, შოვის ტრაგედია პოლიტიკური გეგმების განხორციელების ინსტრუმენტად ექცია”- სარჯველაძე
პარლამენტის ადამიანის უფლებათა დაცვის კომიტეტის თავმჯდომარის, მიხეილ სარჯველაძის განცხადებით, გულსატკენია, რომ პოლიტიკოსები პოულობენ ძალას, შოვში მომხდარი ტრაგედიიდან აქცენტი პოლიტიკურ საკითხებზე გააკეთონ.
სარჯველაძის თქმით, ოპოზიციამ სცადა, შოვის ტრაგედია საკუთარი პოლიტიკური გეგმების განხორციელების ინსტრუმენტად ექცია, რაც ამორალური საქციელია.
„შოვში თავისი მასშტაბით მართლაც არნახული სტიქია და ტრაგედია მოხდა. რეზულტატები, რომლებიც ადამიანური ტრაგედიების სახით გვაქვს, შეუძლებელია, ვინმეს გულგრილს ტოვებდეს. ეს ძალიან დიდი დრამა და მთელი საქართველოს ტრაგედიაა, თუმცა სამწუხარო, გულსატკენია, რომ პოლიტიკოსები იცლიან და პოულობენ ძალას, რომ აქცენტი პოლიტიკურ საკითხებზე გააკეთონ. ნაცვლად იმისა, რომ პირველივე წუთებიდან ტრაგედიის განცდის ემოცია ყოფილიყო, მომენტალურად საკითხს ცივად მიუდგნენ და შოვის ტრაგედიის გამოყენებით პოლიტიკური დებატებისთვის ახალი ასპარეზი გახსნეს. კახა კალაძის ოჯახის წამოსვლასთან დაკავშირებით თვითონაც გადასარევად ფლობდნენ ინფორმაციას, რა მოხდა, მაგრამ ვიდრე კონკრეტული კადრები არ დაუდო, სტრატეგია არ შეცვალეს.
იგივე შემიძლია ვთქვა ვერტფრენების ისტორიასთან დაკავშირებითაც. ვინმემ რაიმე ფუნქცია თქვას, რისი შესრულებაც ვერტმფრენს შეეძლო და მისი არქონის გამო ვერ შესრულდა. იგივე შემიძლია ვთქვა უცხოეთისგან შემოთავაზებულ დახმარებასა და ჰუმანიტარული მოტივაციით წამოყენებულ ინიციატივებზე. ოპოზიციამ სცადა, მომხდარი ტრაგედია საკუთარი პოლიტიკური გეგმების განხორციელების ინსტრუმენტად ექცია, რაც ამორალური საქციელია. არ არსებობს არც ერთი ისეთი რეკომენდირებული აქტივობა, რომელიც დაგვიანდა, არ განხორციელდა ან არასათანადო რესურსით განხორციელდა. ყველაფერი იყო უზრუნველყოფილი, რასაც კი შეეძლო სტიქიის შედეგების მინიმიზირება და ადამიანების გადარჩენა. რაც შეეხება დეტექციის სისტემას, ამასთან დაკავშირებით ბევრი დეზინფორმაცია მოვისმინეთ – არავითარი მეცნიერული დასაბუთება არ აქვს იმ სპეკულაციურ ვერსიებს, რომლითაც ხელისუფლების დადანაშაულებას ცდილობენ. მასშტაბი და ტრაგიკული გარემოებების დამთხვევა განაპირობებს დასკვნას, რომ რასაც საფრთხის თავიდან აცილება შეეძლო, ამის წინასწარი პროგნოზირება ობიექტურად შეუძლებელი იყო. ვინც იქ გადარჩა, გადარჩა. ვინც იქ უშუალოდ არ დაფარულა, ყველა გადარჩა. ძებნას 15 წუთში დაიწყებდი, თუ ერთ საათში, იმ მასის გათვალისწინებით, პერსპექტივების თვალსაზრისით ამას რა გავლენა შეიძლება ჰქონოდა. ვინც იმ წუთას იყო ისეთ ადგილას, სადაც იმ მასამ არ დაფარა, ის ადამიანი გადარჩა. არ მგონია, რომ იქ დაუყოვნებლივ რეაგირებას იმ ადამიანების ბედზე გავლენა ჰქონოდა“, – განაცხადა მიხეილ სარჯველაძემ.
,,ამ ქვეყანაში თარიღებს შორის რაღაც უცნაური და სამარცხვინო პაექრობა”- ქართველიშვილი
„ხალხის ძალის“ წევრი, ანალიტიკოსი დავით ქართველიშვილი აგვისტოს ომის თარიღთან დაკავშირებულ პოლიტიკურ დაპირისპირებას სოციალურ ქსელში ეხმაურება. როგორც ქართველიშვილი წერს, თარიღის შეცვლით „ნაცმოძრაობას“ საკუთარი დანაშაულის გადამალვა სურს.
„მე ვერ გეტყვით გუშინ ქვეყნის პრეზიდენტი და ნაცები რას გლოვობდნენ. თუ იმას, როგორ მოაწერეს ხელი დოკუმენტს, სადაც 7 აგვისტოს ქართულ შეიარაღებულ ძალებს დააბრალეს ცხინვალის მშვიდობიან მოსახლეობის კასეტური ბომბებით „დადუღება“, ეს „ზეიმი“ მუხათგვერდის ძმათა სასაფლაოს უნდა აარიდონ. ამ „ზეიმით“ „ვივამედის“ კლინიკას უნდა მიაკითხონ. ამ სამარცხვინო აღიარებას დღემდე ებრძვის მოქმედი ხელისუფლება ყველა საერთაშორისო პლატფორმაზე, ჰააგის სამხედრო სასამართლოს ჩათვლით. ებრძვის სამშობლოს მოღალატეების ოფიციალურ აღიარებას, რომ ომი „საქართველომ დაიწყო“. ებრძვის იმის დასადასტურებლად, რომ ომი რუსეთმა დაიწყო. ამიტომაც არის ეს ხელისუფლება – „რუსული“, ხოლო ომის დაწყების საკუთარ ქვეყანაზე დადანაშაულების „ვივამედის“ ექსპონატი და მისი „ფროილინები“ – „მედასავლეთეები“.
დღეს, 8 აგვისტოს, მუხათგვერდში ვიყავი დილის 9 საათიდან. ასეთი წარმომადგენლობითი საერთაშორისო და ადგილობრივი დელეგაციები, ჩვენი „დაუძინებელი მეგობრების“ ჩათვლით – მე მუხათგვერდში ამოსული არ მახსოვს. დღეს ძმათა სასაფლაოს და ზეცაში გაბრწყინებული გმირების უკანასკნელ ადგილსამყოფელს ყველა ის ადამიანი ესტუმრა, კელი დეგნანით დაწყებული, ვისაც სჯერა, რომ ომი რუსეთმა დაიწყო. ხოლო ვინც ხელი მოაწერა იმას, რომ ომი საქართველოს წამოწყებულია, ისინი გუშინ იყვნენ ამოსულები.
არის ამ ქვეყანაში თარიღებს შორის რაღაც უცნაური და სამარცხვინო პაექრობა: 7 იანვარს – 25 დეკემბერი ებრძვის, 9 მაისს – 8 მაისი, ხოლო 8 აგვისტოს – 7 აგვისტო – სამივე შემთხვევაში „ნაცები“ ებრძვიან ჭეშმარიტებას. მაგრამ, ეს უკანასკნელი ბრძოლის ველი ყველაზე სამარცხვინოა. რუსეთის „გამპრავებელი“ ძალები 15 წლის განმავლობაში საქართველოს ჩაძირვას ცდილობენ საკუთარი ხელით გაფორმებულ ღალატში, ხოლო, ვინც მათ ამის შესაძლებლობას არ აძლევს, „რუსეთუმებს“ გვიწოდებენ. პუტინის სასარგებლო იდიოტებისთვის პოლიტიკური განაჩენის გამოტანამდე მცირეოდენი დრო რჩება. ძალიან მინდა ამის მჯეროდეს“, – წერს ქართველიშვილი.