Home Blog Page 1570

9 მაისის ასტროლოგიური პროგნოზი

ვერძი

ყველა თვალსაზრისით ხელსაყრელი დღეა. ინტიმური ურთიერთობა სიხარულს და სიამოვნებას მოგიტანთ, ჰობი კი წარმატებას. რთულ დროს შეიძლება დახმარება იმისგან მიიღოთ, ვისგანაც არ ელით. ამ დღეს ყველაზე წარმატებული მიწასთან მუშაობა და აგარაკის კეთილმოწყობა იქნება, რაც დიდ სიამოვნებას მოგანიჭებთ.

კურო

ხელსაყრელი დღეა პოლიტიკური კარიერისა და სარეკლამო კამპანიის დაწყებისთვის. თუ ვინმეს წინააღმდეგ ინტრიგებს ხლართავთ, დროა, გეგმაზე უარი თქვათ. წინააღმდეგ შემთხვევაში, თავზე უამრავი ადამიანის რისხვა დაგატყდებათ.

ტყუპები

ოჯახში მშობლებსა და შვილებს შორის იდეალური ურთიერთობა ჩამოყალიბდება. საყვარელი ადამიანებით მზრუნველობას აფასებთ და მათი კეთილდღეობისთვის ძალისხმევას არ იშურებთ. გირჩევთ არ დაივიწყოთ ადამიანი, რომელიც რთულ დროს უანგაროდ დაგეხმარათ.

კირჩხიბი

გსურთ, რომ თქვენი ცხოვრებისეული პრინციპები და შეხედულებები მთელ გარემოცვაზე, პირველ რიგში კი ოჯახის წევრებზე გაავრცელოთ. ცდილობთ, რომ ოჯახის უმცროსი წევრები სპორტით და მოგზაურობით დააინტერესოთ და ერთობლივი ლაშქრობა დაგეგმოთ.

ლომი

ემოციები და უმიზეზო შფოთვა ხელს გიშლით, რომ ბედნიერების მომენტი შეიგრძნოთ. ნეგატიურ ემოციებში ჩაძირული ცხოვრების სასიამოვნო წვრილმანებს ყურადღებას არ აქცევთ. არც ლამაზი ნივთები გახარებთ და გარშემო მყოფთა გრძნობები, რომლებიც თქვენს მიმართ აქვთ. სუფთა ჰაერზე სეირნობა და ფიზიკური აქტივობა ბნელი ფიქრებისგან გაგათავისუფლებთ და ცხოვრებით ტკბობის სურვილს დაგიბრუნებთ.

ქალწული

ამ დღეს თქვენი ძალისხმევა მიმართულია პირადი პრობლემის მოგვარებისკენ, რომელსაც თქვენთვის გადამწყვეტი მნიშვნელობა აქვს. ეცადეთ ერთ საკითხზე ყურადღება ზედმეტად არ გაამახვილოთ, რადგან სტაბილურობის სურვილმა შეიძლება ეგოიზმი გაააქტიუროს.

სასწორი

გულმავიწყობა და დაბნეულობა დაწყებული საქმის დროულად დასრულებაში ხელს გიშლით. ამის გამო გარშემო მყოფებთან, განსაკუთრებით ქალებთან გაუგებრობები გელით. თავი შეიკავეთ ფინანსური ოპერაციებისა და საჯარო ღონისძიებების ჩატარებისგან. უბრალოდ მოდუნდით და დაისვენეთ.

მორიელი

ამ დღეს ახალგაზრდა მორიელებმა შეიძლება სპორტული მიღწევებით თავი გამოიჩინონ და პირადი რეკორდები გააუმჯობესონ. ნუ შეჩერდებით – თქვენ ახალი სიმაღლეების დაპყრობა შეგიძლიათ.

მშვილდოსანი

ამ დღეს იძულებული იქნებით, რომ საკუთარი პრობლემები დაივიწყოთ და მთელი დრო ბიზნეს პარტნიორებს, ნათესავებს, მშობლებს და მათ პრობლემებს დაუთმოთ. გუნდური აქტივობები და კოლექტიური ღონისძიებები წარმატებას მოგიტანთ. გახსოვდეთ, რომ პარტნიორად თქვენი მსგავსი ინტერესების მქონე ადამიანი უნდა შეარჩიოთ.

თხის რქა

პლანეტების განლაგება თქვენში ცხოვრების მიმართ არასერიოზულ დამოკიდებულებას გაააქტიურებს. შესაძლოა, ისეთი საქმე დაიწყოთ, რომლის დასრულება თქვენს ძალებს აღემატება. დღის მეორე ნახევარში ეცადეთ ახლობელი ადამიანები სასიამოვნო სიურპრიზით გაახაროთ ან ოჯახური წვეულება მოუწყოთ.

მერწყული

დილიდან რომანტიკულ განწყობაზე ხართ და საკუთარი პარტნიორის გარდა ვერაფერს ხედავთ. ზოგი მერწყული წინააღმდეგობებით სავსე ურთიერთობას დაიწყებს ან იძულებული იქნება პარტნიორს გარკვეული დროით დაცილდეს. სექსუალური ურთიერთობა უჩვეულო და დახვეწილია. ეცადეთ პარტნიორის უარყოფით თვისებებზე თვალი დახუჭოთ და დაშორების შემთხვევაში, მასზე სასიამოვნო მოგონებები შეინარჩუნოთ.

თევზები

არახელსაყრელი დღეა ეკონომიკური საქმიანობისთვის, სერიოზული საუბრებისა და აზრების გაცვლა-გამოცვლისთვის. გახსოვდეთ, რომ სხვა ადამიანებისთვის რაღაცის დამტკიცების სურვილი საპირისპირო შედეგს გამოიღებს. გირჩევთ ახლობლებს საკუთარი აზრი თავზე არ მოახვიოთ, რადგან თქვენს ყველა წამოწყებას ისედაც გაგებით შეხვდებიან.

9 მაისი – ფაშიზმზე გამარჯვების დღე

9 მაისი ფაშიზმზე გამარჯვების დღეა. 1945 წლის 8 მაისს, გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა. 9 მაისი კი, ფაშიზმზე გამარჯვების დღედ გამოცხადდა.

მეორე მსოფლიო ომმა საქართველოზე უმძიმესი კვალი დატოვა – ჩვენმა ქვეყანამ 300 000-მდე ჯარისკაცი დაკარგა.

საქართველოდან მეორე მსოფლიო ომში 700000 ადამიანი წავიდა, აქედან ნახევარი უკან არ დაბრუნებულა.

მეორე მსოფლიო ომში, როცა ერთმანეთს ორი ბოროტება ებრძოდა, საქართველომ, სტალინის სამშობლომ, პროცენტულად ყველაზე დიდი მსხვერპლი გაიღო.

მეორე მსოფლიო ომი ყველაზე მასშტაბური და სისხლისმღვრელი კონფლიქტი იყო კაცობრიობის ისტორიაში. აზიაში ის დაიწყო მეორე იაპონია-ჩინეთის ომით 1937 წლის 7 ივლისს და ევროპაში გერმანიის თავდასხმით პოლონეთზე 1939 წლის 1-ელ სექტემბერს. საომარი მდგომარეობა ევროპაში დასრულდა 1945 წლის 8 მაისის ვერმახტის კაპიტულაციით, ხოლო აზიაში – 1945 წლის 2 სექტემბერს იაპონიის კაპიტულაციით.

მეორე მსოფლიო ომის განმავლობაში გერმანია, იტალია და იაპონია აწარმოებდნენ დამპყრობლურ ომებს მსოფლიოს მრავალი ქვეყნის წინააღმდეგ. მათი მთავარი მოწინააღმდეგეები იყვნენ საფრანგეთი, დიდი ბრიტანეთი და ჩინეთის რესპუბლიკა, რიბენტროპ-მოლოტოვის პაქტის დარღვევის შემდეგ საბჭოთა კავშირი და იაპონიის პერლ-ჰარბორზე თავდასხმის შემდეგ ამერიკის შეერთებული შტატები.

მეორე მსოფლიო ომის ძირითადი ბრძოლის ადგილი იყო აზია, წყნარი ოკეანის აუზი, ევროპა და ჩრდილოეთ აფრიკა. საომარი შეტაკებები მიმდინარეობდა აგრეთვე ჩრდილოეთ ამერიკაში (არქტიკა) ალასკასა და გრენლანდიაზე, ახლო აღმოსავლეთში – ერაყსა და ირანში, აღმოსავლეთ აფრიკაში – ეთიოპიასა და სომალიში, აგრეთვე სამხრეთ ამერიკაში (სურინამის დაპყრობა), ტიბეტში (ტოლსტოი-დოლანის მისია) და ანტარქტიდაზედაც კი (ოპერაცია ტაბარინი).

მეორე მსოფლიო ომმა იმსხვერპლა 60 მილიონამდე ადამიანის სიცოცხლე, მათ შორის 20 მილიონამდე მშვიდობიანი მოსახლის. ომის სულისკვეთება გაჟღენთილი იყო მძლავრი იდეოლოგიზმით. ამან ურიცხვი სამხედრო დანაშაული და მშვიდობიან მოსახლეობაზე სისტემატიური ძალადობა გამოიწვია, რომელიც გენოციდშიც კი გადაიზარდა.

მეორე მსოფლიო ომი ევროპაში იყო გერმანიის მიერ წამოწყებული დამპყრობლური და გამანადგურებელი ომი აღმოსავლეთში “საარსებო გარემოს” მოპოვების მიზნით. გერმანიის საგარეო პოლიტიკის სავარაუდო სქემის ძირითად კომპონენტებს შეადგენდა კავშირი იტალიასა და იაპონიასთან; ბრძოლა გერმანიისთვის გამანადგურებელი შედეგების მომტან ე. წ. “ებრაულ მსოფლიო შეთქმულების” წინააღმდეგ; ანტიბოლშევისტური გამანადგურებელი ბრძოლა აღმოსავლეთში “საარსებო გარემოს” მოპოვებისთვის და დაპყრობილი ტერიტორიების გერმანელებით დასახლება.

გერმანიის საბოლოო მიზანი იყო მსოფლიოში გაბატონებული პოზიციის მოპოვება. “გერმანია იქნება მსოფლიოში გაბატონებული ძალა ან საერთოდ არაფერი არ იქნება”, _ წერდა ჰიტლერი თავის წიგნში “ჩემი ბრძოლა”(“Mein Kampf”).

დაპყრობილი საბჭოთა კავშირი უნდა დაყოფილიყო სხვადასხვა ოლქად რაიხსკომისრების მმართველობის ქვეშ. აქედან ბელორუსები, უკრაინელები და ბალტიისპირეთის ხალხები “საარსებოდ ვარგისად”, ხოლო რუსები “დაბალ რასად” იქნენ შეფასებულნი. დაპყრობილი აღმოსავლეთ ევროპა დასახლებული უნდა ყოფილიყო გერმანელი გლეხებით და ჯარისკაცებით, ე. წ. “შეიარაღებული გლეხებით”. ნაცისტური ელიტის განზრახვით, აღმოსავლეთ ევროპის ხალხები, მათი სამოქალაქო ელიტის განადგურების შემდეგ, უნდა დარჩენილიყვნენ “გაუნათლებლები, მორჩილნი და გამრჯე” და ემუშავათ გერმანიისთვის.

1933 წლამდე ეს იდეები სერიოზულად არავის მიუღია, თუმცა ჰიტლერის პოლიტიკა სხვა არაფერი იყო, თუ არა ამ გეგმის ეტაპობრივი განხორციელება. 1936 წლის აგვისტოში მიღებული “ოთხწლიანი გეგმა” ითვალისწინებდა გერმანიის არმიის და ეკონომიკის საბრძოლო ვითარებისთვის მომზადებას ორი განსხვავებული ვარიანტისთვის: 1) 1941-1942 წ.წ. – გერმანიისთვის პოლიტიკური და სამხედრო თვალსაზრისით არახელსაყრელი ვარიანტი; 2) 1944-1945 წ.წ. – შედარებით ხელსაყრელი ვარიანტი.

1937 წლის 5 ნოემბერს ჰიტლერმა თავისი გეგმები დაწვრილებით და დაზუსტებით წარუდგინა ვერმახტის გენერალიტეტს “(იხ. “ჰოსბახის პროტოკოლი”).

მეორე მსოფლიო ომი ევროპაში გერმანიამ დაიწყო 1939 წლის 1-ელ სექტემბერს, 4 საათსა და 45 წუთზე ვერმახტის პოლონეთზე თავდასხმით. თავდასხმის გამართლების მიზნით გერმანულმა მხარემ მოაწყო რამდენიმე ინციდენტი. ყველაზე ცნობილი მათ შორის იყო პოლონურ სამხედრო ფორმებში გამოწყობილი “სს”-ის წევრების თავდასხმა 31 აგვისტოს რადიოსადგურ გლაივიცზე, რომლის დროსაც მათ პოლონურ ენაზე ეთერში გადასცეს პოლონეთის მიერ გერმანიისადმი ომის გამოცხადების ცნობა.

ომის პირველი გასროლა მოახდინა გერმანულმა სასწავლო გემმა “შლეზვიგ-ჰოლშტაინმა”.

1941 წლის 22 ივნისის დილას კი ვერმახტის 149 დივიზიამ (მათ შორის ყველა გერმანული სატანკო სა მოტორიზებული ძალები) გადალახა სსრკ-ის საზღვრები. 2 დივიზია შეტევას აწარმოებდა ფინეთიდან, 8 სტაციონირებული იყო ნორვეგიაში, 1 – დანიაში, 38 დივიზია დასავლეთ ფრონტზე მოქმედებდა, 2 იბრძოდა ჩრდილოეთ აფრიკაში და 7 – ბალკანეთზე. მიხედავად ოპერატიული ინფორმაციისა, წითელი არმიის საშუალო და დაბალი რანგის სარდლობა გერმანელთა თავდასხმას მოუმზადებელი შეხვდა. უამრავი საბჭოთა მებრძოლი სსრკ-ის საზღვრის გასწვრივ რაიმე სერიოზული წინააღმდეგობის გაწევის გარეშე დანებდა მარშით მიმავალ ვერმახტის ჯარებს. ამის ერთადერთი ახსნა “პრევენციული დარტყმის თეზით” თუ შეიძლება, რომელიც უკანასკნელ პერიოდში ისტორიკოსთა გარკვეული წრის მიერ გაზიარებული იქნა და რომელიც ჯერ კიდევ მესამე რაიხის იდეოლოგების მიერ გავრცელებულ ინფორმაციას ეყრდნობა. ამ ინფორმაციის მიხედვით, საბჭოთა კავშირი თვითონ ემზადებოდა გერმანიაზე თავდასახმელად. ის ფაქტი, მართლა აპირებდა თუ არა სსრკ გერმანიაზე თავდასხმას და მართლა მზად იყო თუ არა წითელი არმია ასეთი ომისთვის, არ ამსუბუქებს ნაცისტური გერმანიის დანაშაულს ამ თავდასხმაში. სსრკ-ის წინააღმდეგ დაწყებული დაპყრობითი და გამანადგურებელი ხასიათის ომი იყო ჯერ კიდევ წლების წინ ჰიტლერის მიერ ფორმულირებული “აღმოსავლეთში საარსებო სფეროს” მოპოვების გეგმის დამასრულებელი ეტაპი.

მეორე მსოფლიო ომმა უდიდესი გავლენა იქონია კაცობრიობის ბედზე. გერმანია, იტალია და იაპონია გამოეთიშნენ მსოფლიოს, როგორც ძლიერი სახელმწიფოები. ევროპაში გადამწყვეტი როლი აშშ-ს და მსოფლიოში ახლად გაბატონებულ სსრკ-ს ჰქონდათ მას შემდეგ, რაც 1940 გერმანიამ საფრანგეთი დაიპყრო, ხოლო დიდი ბრიტანეთი უძლური იყო, დაემარცხებინა გერმანია. ომში მონაწილეობდა 72 სახელმწიფო (დედამიწის მოსახლეობის 80%). ბრძოლები მიმდინარეობდა 40 სახელმწიფოს ტერიტორიაზე. შეიარაღებულ ძალებში მობილიზებულ იქნა 110 მლნ. კაცი. დაიღუპა 62 მლნ. კაცი (სსრკ – 27 მლნ., გერმანია – 5,25 მლნ., პოლონეთი – 4,5-6 მლნ., იუგოსლავია – 1,7 მლნ., იაპონია- 1,8 მლნ., აშშ – 318.000, დიდი ბრიტანეთი – 386.000, საფრანგეთი – 810.000, იტალია – 330.000, რუმინეთი – 378.000, უნგრეთი – 420 000, ფინეთი – 84 000), სამხედრო ხარჯები და ზარალი 4 ტრილიონ დოლარს შეადგენდა

 

საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები 1 000 ლარის, ხოლო მეორე მსოფლიო ომში დაღუპულთა ოჯახების წევრები 500 ლარის ოდენობის ერთჯერად სოციალურ დახმარებას მიიღებენ.

A free healthcare campaign was launched in Keda

The doctors of Chapidze Heart Disease Center conducted the 143rd charity-medical campaign for veterans of war and defense forces and their family members living in the municipality of Keda.

The campaign was organized by the State Service of Veteran Affairs as a part of the memorandum of cooperation. The campaign included free examinations of the cardiological profile (consultation of doctor-cardiologist, electrocardiogram, echocardiography, laboratory studies).

More than 150 beneficiaries of the Service benefited from the charity medical campaign free of charge. 270 medical visits were paid.

Head of Ajara Division of the State Regional Management Department of Veterans’ Affairs, Shota Kifiani, Senior Specialist of the Service’s Social Issues and Accounting-Analytical Department, Vazha Dalakishvili, Mayor of Kedi Municipality, Ronald Beridze, Member of Parliament, Anzor Bolkvadze got familiarized with the campaign on the spot.

The first memorandum was signed in 2017 between the State Service of Veteran Affairs and the Chapidze Heart Disease Center. After five years of fruitful cooperation, the memorandum was extended for another 5 years on April 16, 2022.

Within the framework of the memorandum, charity healthcare events for veterans and their family members are held permanently throughout Georgia. The doctors of Chapidze Heart Disease Center have conducted 142 charity healthcare campaigns organized by the State Service of Veteran Affairs so far. Free healthcare rendered were provided to 12,776 beneficiaries.

Within the framework of the memorandum, charity medical campaigns will be held throughout the country for veterans and their family members, regarding which the veterans will be notified in advance.

A bust of national hero Mamia Alasania was unveiled in Zugdidi

On May 6, 2023, the bust of the national hero of Georgia, Mamia Alasania, was unveiled in the park named after Merab Kostava in Zugdidi.

The Bust opening was initiated by the State Service of Veteran Affairs and supported by Zugdidi Municipality City Hall. Today, Mamiya Alasania would have turned 80 years old. The event was attended by the Director of the State Service of Veteran Affairs, Major General Koba Kobaladze, First Deputy, Nikoloz Kvezereli, Deputy Jandri Ubiria, Advisor to the Director, Vladimir Imnadze, Mamia Alasania’s son, Irakli Alasania, Mayor of Zugdidi Municipality, Mamuka Tsoprisata, State Trustee of Samegrelo-Zemo Svaneti Deputies, Davit Kukhaleishvili and Davit Verava, Deputy Chairman of the Government of Abkhazia, Anzor Margiani, members of the Parliament of Georgia, representatives of Samegrelo Division of the Regional Management Department of the State Service of Veteran Affairs, and veterans of war and defense forces.

It is worth mentioning that the bust of Mamia Alasania was erected in the park where the busts of the national heroes of Georgia, Merab Kostava and Geno Adamia, and the memorial to the 1924 rebels are located.

Mamia Alasania was born on May 6, 1943, in the village of Anaklia. In the same year, Alasanias’ family moved to Zugdidi. Mamia Alasania graduated from Zugdidi High School No. 1 in 1961. He was a security colonel. He had taken in various management positions since 1974. Later, he was the head of the Security Committee of the South Ossetia Autonomous District. In 1992-93, he was sent to Samegrelo on a special duty.

On September 27, 1993, he was in the building of the Supreme Council of Abkhazia along with Juli Shartava, the Mayor of Sukhumi, Guram Gabeskiria and other members of the Government of Abkhazia on the day of the fall of Sukhumi. The separatists killed Juli Shartava, Guram Gabeskiria and fifty-year-old Mamia Alasania along with their companions. Through the efforts of the International Committee of the Red Cross and the Government of Georgia, the remains of Mamia Alasania, together with the remains of Guram Gabeskiria, were identified and buried with military honors in October 2017 at Dighomi Brothers Cemetery.

Mamia Alasania was awarded the Order of the National Hero of Georgia in 2018.

„არემჯი გოლდმა“ ვეტერანების საქმეთა სახელმწიფო სამსახურს საჩუქარი გადასცა

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ შპს „არემჯი გოლდის“ დირექტორს, ჯონი შუბითიძესა და კომერციულ დირექტორს, კახაბერ მჭედლიშვილს უმასპინძლა.

ვეტერანების საქმეთა სახელმწიფო სამსახურის ინფორმაციით, შეხვედრის მიზანი „არემჯი გოლდის“ მიერ სამსახურისთვის, ურთიერთთანამშრომლობის მემორანდუმის ფარგლებში, რამდენიმე ათასი ლარის ღირებულების სამონტაჟო და ფოტო აპარატურის გადმოცემა იყო.

მათივე ცნობით, ვეტერანების საქმეთა სახელმწიფო სამსახურსა და შპს „არემჯი გოლდს“ შორის ურთიერთთანამშრომლობის მემორანდუმი მიმდინარე წლის 16 იანვარს გაფორმდა და მისი მიზანია ურთიერთთანამშრომლობა კორპორაციული სოციალური პასუხისმგებლობის ფარგლებში, ომისა და თავდაცვის ძალების ვეტერანებისა და მათი ოჯახის წევრების, ასევე, საქართველოს ტერიტორიული მთლიანობისათვის, თავისუფლებისა და დამოუკიდებლობისათვის დაღუპულ, უგზო-უკვლოდ დაკარგულ, მიღებული ჭრილობების შედეგად გარდაცვლილ პირთა ოჯახებისთვის სათანადო ცხოვრების პირობებისა და კეთილდღეობისათვის მყარი სამართლებრივი და სოციალურ-ეკონომიკური საფუძვლის შექმნის ხელშეწყობა.

ინფორმაციაში აღნიშნულია, რომ მხარეებმა სამომავლო გეგმებზეც ისაუბრეს.

„ჩვენ მუდამ მზად ვართ, ჩვენი ვეტერანების თანადგომისთვის. ეს თანამშრომლობა, რა თქმა უნდა, გაგრძელდება და ჩვენი კომპანიის მხარდაჭერა ვეტერანების საქმეთა სახელმწიფო სამსახურისა და ვეტერანების მიმართ, უფრო მასშტაბურ ხასიათს მიიღებს”, – განაცხადა ჯონი შუბითიძემ.

სამსახურის ცნობით, კობა კობალაძემ სტუმრებს და მთლიანად „არემჯი გოლდს“ ვეტერანების მიმართ გაწეული თანადგომისთვის მადლობა გადაუხადა და სამსახურის სამახსოვრო საჩუქრები გადასცა. შეხვედრას, ასევე, ესწრებოდნენ ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილეები მირონ ჩიგოგიძე და ჯანდრი უბირია, დირექტორის მრჩეველი, ვლადიმერ იმნაძე.

მათივე ინფორმაციით, „არემჯი გოლდში“, დღევანდელი მონაცემებით, 100-ზე მეტი ომისა და თავდაცვის ძალების ვეტერანია დასაქმებული.

კობა კობალაძემ და ანდრი კასიანოვმა საქართველოს და უკრაინის თავისუფლებისთვის მებრძოლი გმირების მემორიალი გვირგვინებით შეამკეს

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ, უკრაინის ელჩის მოვალეობის შემსრულებელთან, ანდრი კასიანოვთან და უკრაინის სამხედრო ატაშესთან, გენერალ-მაიორ სერგეი კრავჩუკთან ერთად, ლისის ტბაზე, საქართველოს და უკრაინის თავისუფლებისთვის მებრძოლი გმირების სახელობის პარკში, საქართველოს და უკრაინის თავისუფლებისთვის მებრძოლი გმირების მემორიალი გვირგვინებით შეამკეს და მათ ხსოვნას პატივი მიაგეს. ამის შესახებ ინფორმაციას ვეტერანების საქმეთა სახელმწიფო სამსახური ავრცელებს.

კობა კობალაძე ომში დაღუპული ჯარისკაცების ოჯახებს უსამძიმრებს.

“დღეს, ჩვენი აქ ყოფნა კიდევ ერთი დასტურია იმის, რომ პატივს მივაგებთ ყველა იმ ადამიანს, ვინც თავისუფლებისთვის იბრძვის, ვინც თავისი ქვეყნის დამოუკიდებლობას იცავს აგრესორისგან, მტრისგან. ჩვენთვის ეს არ არის უცხო. რაც დამოუკიდებელია ეს ქვეყანა, იმ პერიოდიდან სულ ბრძოლაში, სისხლისღვრაში ვართ. გმირების რაოდენობა კი, ღვთის ნებით, ამ ქვეყანას არ აკლია. ვუსამძიმრებ მათ ოჯახებს პირველ რიგში, მათ სამშობლოს. საკმაოდ ბევრია იმ ბიჭების რაოდენობა, ვინც უკრაინიდან ჩამოასვენეს და სახელმწიფოს აქვს მკვეთრად გამოხატული პოზიცია, რომ სამხედრო პატივით და ღირსებით დაიკრძალონ ისინი. ჩვენთვის ეს არის ტრაგედია, ვიღაცისთვის შეიძლება ეს იყოს სტატისტიკა”,- განაცხადა კობა კობალაძემ.

ღონისძიებას, ასევე, დაესწრნენ: ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, მოადგილე, მირონ ჩიგოგიძე, დირექტორის მრჩეველი, ვლადიმერ იმნაძე, ვეტერანების საქმეთა სახელმწიფო სამსახურის, უკრაინის საელჩოს წარმომადგენლები, ვეტერანები და მოქალაქეები.

„ლისის ტბაზე, ლისი დეველოპმენტის მხარდაჭერით, საქართველოსა და უკრაინის თავისუფლებისთვის მებრძოლი გმირების სახელობის პარკი, მიმდინარე წლის 29 აპრილს გაიხსნა“,- ნათქვამია ინფორმაციაში.

ირაკლი ღარიბაშვილი პორტუგალიის თავდაცვის მინისტრს შეხვდა

საქართველოს პრემიერ-მინისტრი ირაკლი ღარიბაშვილი პორტუგალიის რესპუბლიკის ეროვნული თავდაცვის მინისტრს, ჰელენა კარეირასს შეხვდა, – ინფორმაციას პრემიერ-მინისტრის პრესსამსახური ავრცელებს.

მათივე ცნობით, მთავრობის ადმინისტრაციაში გამართულ შეხვედრაზე ორ ქვეყანას შორის არსებული პარტნიორობის დინამიკა მიმოიხილეს და არსებული თანამშრომლობის გაღრმავების პერსპექტივებზე იმსჯელეს.

„ხაზი გაესვა საქართველოს ევროპული და ევროატლანტიკური ინტეგრაციის მიმართ პორტუგალიის მხარდაჭერის მნიშვნელობას. როგორც პრემიერ-მინისტრმა აღნიშნა, საქართველოსთვის ევროპული პერსპექტივის მინიჭებით კიდევ ერთხელ დადასტურდა, რომ საქართველოს მომავალი ევროკავშირშია.

მთავრობის მეთაურმა პორტუგალიის რესპუბლიკის ეროვნული თავდაცვის მინისტრს საქართველოს სუვერენიტეტისა და ტერიტორიული მთლიანობის მტკიცე მხარდაჭერისთვის მადლობა გადაუხადა.

საუბარი შეეხო რეგიონსა და მსოფლიოში არსებულ უსაფრთხოების გარემოს და გამოწვევებს.

შეხვედრას ესწრებოდნენ პორტუგალიის რესპუბლიკის ეროვნული თავდაცვის პოლიტიკის დირექტორის მოადგილე, ბრიგადის გენერალი ანა ბალთაზარი და საქართველოს თავდაცვის მინისტრი ჯუანშერ ბურჭულაძე“, – აღნიშნულია პრემიერ-მინისტრის პრესსამსახურის ინფორმაციაში.

“სამწუხაროა, რომ უკრაინის მიმართ ქართველი ხალხისა და ხელისუფლების სოლიდარობის მიუხედავად, ელჩი დღემდე დანიშნული არ არის”-პაპუაშვილი

ძალიან სამწუხაროა, რომ იმ სოლიდარობის პასუხად, რომელსაც ქართველი ხალხი და საქართველოს ხელისუფლება უკრაინის მიმართ იჩენს, დღემდე საქართველოში უკრაინის ელჩი არ არის დანიშნული, – ასე გამოეხმაურა პარლამენტის თავმჯდომარე, შალვა პაპუაშვილი უკრაინის რადას ფრაქცია “ხალხის მსახურის“ თავმჯდომარის, დავით არახამიას განცხადებას, რომ თუ „მთავარი არხის“ დამფუძნებელს, ნიკა გვარამიას გაათავისუფლებენ, ის იქნება პირველი, ვინც წავა პრეზიდენტთან და თბილისში ელჩის გაშვებას სთხოვს.

მისივე თქმით, აღნიშნულ თემაზე წინაპირობების დაყენება სწორი არ არის.

„სოლიდარობის პასუხად, რომელსაც ქართველი ხალხი და საქართველოს ხელისუფლება მძიმე მდგომარეობაში მყოფი ქვეყნის მიმართ იჩენს, სამწუხაროდ, გვაქვს ის, რომ დღემდე არ არის დანიშნული საქართველოში უკრაინის ელჩი. წინაპირობების დაყენება არ მგონია, რომ სწორი იყოს. უფრო მნიშვნელოვანია, უკრაინამ აღადგინოს ის დამოკიდებულება ქართველი ხალხის და სახელმწიფოს მიმართ, რომელიც მას ჰქონდა. დამოკიდებულების შეცვლის ნიშანი იქნებოდა ელჩის დანიშვნა“, – განაცხადა პაპუაშვილმა.

უკრაინის რადას ფრაქცია „ხალხის მსახურის“ თავმჯდომარის, დავით არახამიას განცხადებით, თუ ნიკა გვარამიას გაათავისუფლებენ, ის იქნება პირველი, ვინც წავა პრეზიდენტთან და თბილისში ელჩის გაშვებას სთხოვს.

 

რამხელა სიამაყეა მთელი საქართველოსთვის! როგორ შეიძლება ამ ბიჭს „ჰეითერები“ ჰყავდეს? – ზაზა შენგელია

„ბრავო რექორდსის“ დამფუძნებელი ზაზა შენგელია „სტადიო მარადონაზე“ გამართულ დიდ ზეიმს ეხმაურება და წერს, რომ ქართველ ფეხბურთელს ხვიჩა კვარაცხელიას, რომელიც საქართველოს დროშით გამოჩნდა „სტადიო მარადონაზე“, ყველაზე დიდი ოვაციებით შეხვდნენ.

„ნეაპოლის დიეგო მარადონას სახელობის სტადიონზე, „ნაპოლის” გაჩემპიონების ცერემონიალზე, რამხელა ოვაციებით შეხვდნენ ხვიჩა კვარაცხელიას, რომელსაც საქართველოს დროშა ჰქონდა ზურგზე მოსხმული.

იტალიის გარდა ტელესიგნალი მთელს მსოფლიოში გადაიცემოდა. რამხელა სიამაყეა მთელი საქართველოსათვის!

როგორ შეიძლება ამ ბიჭს „ჰეითერები“ ჰყავდეს? ვერასოდეს და ვერაფრით ვერ გავუგებ მათ“, – წერს ზაზა შენგელია.

 

https://www.facebook.com/zaza.shengelia.1/posts/pfbid0cdQJTerywBgyeTL7HQibDjWcD1bk76xZfMHd7NoJirhixBrwQ75qWQ8EQXDVMEXnl

უსაფრთხოების სტანდარტები პარაპლანით ფრენებისთვის – პროექტი მთავრობის სხდომაზე დაამტკიცეს

მთავრობის დღევანდელ სხდომაზე დამტკიცდა პროექტი, რომელიც პარაპლანით ფრენასთან დაკავშირებულ საკითხებსა და უსაფრთხოების სტანდარტებს განსაზღვრავს. პრემიერ-მინისტრის პრესსამსახურის ინფორმაციით, აღინიშნა, რომ მოცემული სფერო, უსაფრთხოების კუთხით, მნიშვნელოვან რისკებს უკავშირდება და შესაბამისი საკანონმდებლო აქტის მიღებამდე, პარაპლანით ფრენების სამართლებრივი რეგულირების აუცილებლობაა, დროებითი წესის საფუძველზე.

წარმოდგენილი პროექტით მტკიცდება „პარაპლანით ფრენების წარმოების, ექსპლუატაციის, უსაფრთხოებისა და ამ წესით განსაზღვრული საქმიანობისთვის დადგენილი საფასურების ოდენობის განსაზღვრისა და გადახდის დროებითი წესი“.

„პროექტი განსაზღვრავს პროცესში ჩართულ პირთა უფლება-მოვალეობებს, საფრენი ლოკაციის ვარგისიანობის დადგენის მოთხოვნას და შესაბამის წესს, ოპერატორის სერტიფიცირების საკითხს, მოთხოვნებს მფრინავის მიმართ, მფრინავთა კატეგორიებს/ქვეკატეგორიებს, მათი მინიჭების/აღიარების და გამოცდის ჩატარების წესს, პარაპლანისა და მისი ელემენტების ვარგისიანობის დადგენის მოთხოვნას და შესაბამის პროცედურას, ფედერაციის კომპეტენციასა და უფლება-მოვალეობებს, ზედამხედველობას ფედერაციის საქმიანობაზე, წესით გათვალისწინებული შესაბამისი საქმიანობის განსახორციელებლად დაწესებული საფასურების  ოდენობას და სხვა.

წესი არეგულირებს პარაპლანით კომერციულ, არაკომერციულ და საწვრთნელ-სავარჯიშო ფრენებს. წესი არ ვრცელდება ექსპერიმენტულ და საჩვენებელ ფრენებზე, თუმცა ასეთი სახის ფრენების შესრულებაზე განისაზღვრება გარკვეული მოთხოვნები“,- აღნიშნულია პრემიერ-მინისტრის პრესსამსახურის ინფორმაციაში.

ურსულა ფონ დერ ლაიენი “ევროპის დღესთან” დაკავშირებით უკრაინაში ჩადის

ევროკომისიის პრეზიდენტი, ურსულა ფონ დერ ლაიენი სამშაბათს, “ევროპის დღის” აღსანიშნავად კიევს ეწვევა, – ინფორმაციას CNN-ი ევროკომისიის პრეზიდენტის პრესსპიკერზე დაყრდნობით ავრცელებს.

უკრაინის პრეზიდენტმა ვოლოდიმირ ზელენსკიმ დღეს განაცხადა, რომ მისი ქვეყანა 9 მაისს „მეორე მსოფლიო ომში“ ნაცისტურ გერმანიაზე გამარჯვების დღის ნაცვლად „ევროპის დღეს“ აღნიშნავს.

ზელენსკიმ პარლამენტს წარუდგინა კანონპროექტი, რომელიც “გამარჯვების დღის“ ერთი დღით ადრე, 8 მაისს აღნიშვნას ითვალისწინებს.

რაც შეეხება „ევროპის დღეს“, ეს არის ყოველწლიური ღონისძიება, რომელიც ევროპაში მშვიდობასა და ერთიანობას აღნიშნავს. 9 მაისი არის ისტორიული „შუმანის დეკლარაციის“ წლისთავი. დეკლარაცია 1950 წლის 9 მაისს საფრანგეთის მაშინდელმა საგარეო საქმეთა მინისტრმა, რობერტ შუმანმა წარადგინა და მან ევროპის ქვეყნების გაერთიანებას და დღევანდელი ევროკავშირის შექმნას ჩაუყარა საფუძველი.

“ბადრი ესებუა 2008 წლიდან აყვანილია ამბულატორიულ აღრიცხვაზე ფსიქიკური ჯანმრთელობისა და ნარკომანიის პრევენციის ცენტრში” – პროკურატურა

ზუგდიდის რაიონულ სასამართლოში ,,საქართველოს ბანკის“ დაყაჩაღებაში ბრალდებული ბადრი ესებუას საქმის არსებითი განხილვა მიმდინარეობს. როგორც საქმის პროკურორმა დიმიტრი ხვიტიამ სასამართლო პროცესზე განაცხადა, ბადრი ესებუა 2009 წლის 27 მაისიდან 1 ივნისამდე მიხეილ ასათიანის სახელობის ფსიქიკური ჯანმრთელობის ცენტრში სტაციონარულ მკურნალობას გადიოდა.

მისივე თქმით, აღნიშნული ინფორმაცია ესებუამ ფსიქიატრიული დაწესებულების წარმომადგენლებს თავად მიაწოდა. ამასთან, პროკურორის განცხადებით, ესებუა 2008 წლიდან დღემდე აყვანილია ამბულატორიულ აღრიცხვაზე ფსიქიკური ჯანმრთელობისა და ნარკომანიის პრევენციის ცენტრში.

ბრალდების მხარემ ამ გარემოების საქმეზე დართვა მოითხოვა და შუამდგომლობა დააყენა ფსიქიკური ჯანმრთელობისა და ნარკომანიის პრევენციის ცენტრიდან ესებუას სამედიცინო დოკუმენტების ამოღების მიზნით განჩინების გაცემის თაობაზე, რაც მოსამართლემ დააკმაყოფილა.

აღნიშნულ საკითხზე განჩინების გაცემას დაცვის მხარეც დაეთანხმა.

„როცა ბადრი ესებუა ჯარში მსახურობდა, ასათიანზე იყო გადაყვანილი და ჩანაწერები რომ არსებობდა ვიცოდით. რა თქმა უნდა, ეს მითხრა ჩემი დაცვის ქვეშ მყოფმა. ბრალდებული ამ საკითხთან დაკავშირებით აქამდე არც დაუკითხიათ და არც სამედიცინო დოკუმენტები მოუთხოვიათ, ახლა ითხოვენ მოპოვებას და ჩვენ თანახმა ვართ“, – განაცხადა ესებუას ადვოკატმა იოსებ ჯანაშიამ.

სასამართლო პროცესს ბრალდებული ბადრი ესებუაც ესწრებოდა, რომელსაც უკვე ჩაუტარდა ფსიქიატრიული ექსპერტიზა.

შეგახსენებთ, ბადრი ესებუას ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების გამო 4 წლიანი პატიმრობა უკვე მიესაჯა. საქმე ეხება 2023 წლის 8 თებერვალს, ჯიხაშკარში, ესებუას დაკავების დროს აღმოჩენილ იარაღს. აღნიშნულ ეპიზოდზე ბრალს აღიარებს დაკავებულიც. „საქართველოს ბანკის“ ძარცვის საქმეზე კი, ესებუა ბრალს ამ დრომდე არ აღიარებს.

ცნობისთვის, გამოძიების ინფორმაციით, ზუგდიდში, „საქართველოს ბანკის“ შენობაში 2020 წლის 21 ოქტომბერს შეიარაღებული ბადრი ესებუა შეიჭრა. მას მძევლად 40-ზე მეტი მოქალაქე ჰყავდა აყვანილი და მათი გათავისუფლების სანაცვლოდ 500 ათას აშშ დოლარს და უსაფრთხოების გარანტიებს ითხოვდა. თანხის გადაცემის შემდეგ თავდამსხმელმა გაქცევა მოახერხა. ბადრი ესებუა მიმდინარე წლის 8 თებერვალს დააკავეს.

1...1,5691,5701,571...1,724Page 1,570 of 1,724
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი