დღეს უკვე საქართველოს ვხედავთ როგორც წამებისგან თავისუფალ ქვეყანას და ასეთი ქვეყნების რიგში, – ამის შესახებ ვიცე-პრემიერმა, კულტურისა და სპორტის მინისტრმა თეა წულუკიანმა განაცხადა.

მისი თქმით, დღეს დაკავებულ თუ დაპატიმრებულ ადამიანს აღარ ეშინია იმის, რომ აწამებენ, ან ღირსებას შეულახავენ.

„თუკი 2012 წელს რუსეთიც კი უსწრებდა საქართველოს, ვინაიდან საქართველოში წამება, არაადამიანური და დამამცირებელი მოპყრობა იყო სისტემის ნაწილი, პირველ რიგში საპატიმროებში და არა მხოლოდ იქ, დღეს უკვე საქართველოს ვხედავთ როგორც წამებისგან თავისუფალ ქვეყანას და ასეთი ქვეყნების რიგში. დღეს დაკავებულ თუ დაპატიმრებულ ადამიანს აღარ ეშინია იმის, რომ აწამებენ, ან ღირსებას შეულახავენ. უფრო მეტიც, საპატიმროს მიღმაც ჩვენ არაერთი რეფორმა განვახორციელეთ იმისათვის, რომ ყველა დაცული იყოს ამგვარი მოპყრობისგან“, – აღნიშნა თეა წულუკიანმა.

წამებისგან თავისუფლების ინდექსით საქართველო მსოფლიოს საუკეთესო 50 ქვეყანას შორის მოხვდა. აღსანიშნავია, რომ 2012 წელს საქართველო 147-ე ადგილზე იყო.

ოპოზიცია დილემის წინაშე დადგა – დაუჭირონ მხარი ლგბტ პროპაგანდის აკრძალვას ვაია, არ დაუჭირონ – უი, – ამის შესახებ მედიასთან პოლიტიკური პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.

„თუ დაუჭერენ მხარს ფული აღარ წამოვა და პატრონები თავში წამოარტყამენ. ვერც იმას ამბობენ, რომ ამ პროპაგანდის მხარდამჭერები არიან, იმიტომ, რომ მათი ამომრჩევლები, მიუხედავად პოლიტიკური გემოვნებისა, მაინც განაწყენდებიან. მაგრამ, ვერ აუვლიან გვერდს იმ ძირითად საკითხს, რასაც ჰქვია – ხარ მომხრე საქართველოს გაელგებეტების თუ არა“, – აღნიშნა გურამ მაჭარაშვილმა.

„ქართულმა ოცნებამ“ ოჯახურ ღირებულებათა და არასრულწლოვანთა დაცვის შესახებ საკონსტიტუციო ცვლილებები მოამზადა.

ოპოზიციის ნაწილი საკონსტიტუციო ცვლილებებს მხარს არ დაუჭერს. კონსტიტუციური კანონპროექტის მოწინააღმდეგეები აცხადებენ, რომ ლგბტ პროპაგანდისგან მომდინარე საფრთხე ხელოვნურად გამოგონილია და ამ თემით მანიპულაცია ხდება.

ვფიქრობ, ეს საკონსტიტუციო ცვლილებები იქნება წყალგამყოფი ქართულ საზოგადოებასა და ოპოზიციას შორის, – ამის შესახებ თეა წულუკიანმა განაცხადა. ვიცე-პრემიერს, კულტურის, სპორტისა და ახალგაზრდობის მინისტრს მიაჩნია, რომ ოპოზიცია ამ საკითხთან მიმართებაში დაბნეულია.

„ოპოზიცია დაბნეულია, ვინაიდან ერთი მხრივ ვერ ბედავენ ამ საკონსტიტუციო ცვლილებებს დაუჭირონ მხარი, რადგან ის, ვინც მათ გარედან დავალებებს აძლევს, ძალიან გაუწყრება. მეორე მხრივ, იციან რომ გაანაწყენებენ ქართულ საზოგადოებას. იმედს მაინც ვიტოვებ, რომ დადგება დრო, როდესაც ჩვენი ოპოზიციის რადიკალური ნაწილი პირველ რიგში ქართველებს, მათ ინტერესებსა და სურვილებს უერთგულებს და უპასუხებს“, – განაცხადა წულუკიანმა.

„ქართულმა ოცნებამ“ ოჯახურ ღირებულებათა და არასრულწლოვანთა დაცვის შესახებ საკონსტიტუციო ცვლილებები მოამზადა.

გენდერული თანასწორობის მუდმივმოქმედმა საპარლამენტო საბჭომ თავდაცვის სამინისტროს მიერ მომზადებული „თავდაცვის კოდექსის“ გენდერული გავლენის ანალიზის ანგარიში მოისმინა. საბჭომ, ასევე, მიმდინარე საკითხებზე იმსჯელა.

როგორც პარლამენტის თავმჯდომარის მოადგილემ და გენდერული თანასწორობის საბჭოს თავმჯდომარემ, ნინო წილოსანმა განაცხადა, სხდომაზე „თავდაცვის კოდექსის“ გენდერული გავლენის ანალიზის ანგარიშის გარდა განხილული იყო ის პრიორიტეტები და სამოქმედო აქტივობები, რაც სამინისტროს გენდერული თანასწორობის კუთხით აქვს.

„განსაკუთრებით მივესალმებით სამართალდამცავ და ძალოვან სტრუქტურებში ქალების როლის გამოკვეთას და მათ გაძლიერებას. ამ კუთხით თავდაცვის სამინისტრო ნამდვილად გამოირჩევა. სხდომაზე, ასევე ვიმსჯელეთ მიმდინარე პროექტებზე. აპრილის თვეში საბჭო ჩაატარებს ღონისძიებებს, რომლებიც დაკავშირებული იქნება ქალების ტექნოლოგიებში ჩართულობასთან“, – განაცხადა ნინო წილოსანმა.

ინფორმაციას პარლამენტის პრესსამსახური ავრცელებს.

საპარლამენტო უმრავლესობის ლიდერის, მამუკა მდინარაძის განცხადებით, საქართველოს ყოფილი პრეზიდენტის, მიხეილ სააკაშვილის შეწყალებაზე ერთადერთი მოლოდინი არსებობს.

მისივე თმით, ზურაბიშვილს სააკაშვილზე მეტი რეიტინგი თუ ექნება, არ შეიწყალებს და აქტორი თავად იქნება, სააკაშვილს თუ ექნება მაღალი რეიტინგი, მაშინ გამოაშვებინებენ და ის იქნება აქტორი.

„სააკაშვილის შეწყალებაზე ერთადერთი მოლოდინია, სალომე ზურაბიშვილს თუ მეტი რეიტინგი ექნება, სააკაშვილს არ შეიწყალებს და ის იქნება აქტორი, სააკაშვილს თუ მაღალი რეიტინგი ექნება, გამოაშვებინებენ და ის იქნება აქტორი“, – განაცხადა მამუკა მდინარაძემ.