მოსკოვის სასამართლომ საქართველოს მოქალაქე ალექსანდრე ინასარიძეს, ყირიმის ხიდზე განხორციელებული ტერაქტის ბრალდებით, დაუსწრებლად პატიმრობა შეუფარდა

24
spot_img

მოსკოვის სასამართლომ საქართველოს მოქალაქე ალექსანდრე ინასარიძეს, ყირიმის ხიდზე განხორციელებული ტერაქტის ბრალდებით, დაუსწრებლად პატიმრობა შეუფარდა, – ამის შესახებ ინფორმაციას რუსული სახელმწიფო საინფორმაციო სააგენტო TASS-ი ავრცელებს.

TASS-ის ცნობით, მოსკოვის ბასმანის სასამართლომ გამოძიების მიერ ინასარიძისთვის აღკვეთის ღონისძიების სახით დაუსწრებლად პატიმრობის შეფარდების მოთხოვნა დააკმაყოფილა.

რამდენიმე საათით ადრე, მოსკოვის ბასმანის სასამართლომ უკრაინის უსაფრთხოების სამსახურის ხელმძღვანელს, ვასილი მალიუკს, ტერორიზმის საქმეზე, აღკვეთის ღონისძიების სახით წინასწარი პატიმრობა დაუსწრებლად შეუფარდა.

შეგახსენებთ, ყირიმის ხიდზე აფეთქება 2022 წლის 8 ოქტომბერს მოხდა. ხიდზე ასაფეთქებელი მოწყობილობით დატვირთული სატვირთო მანქანა აფეთქდა. მაშინ მოსკოვმა განაცხადა, რომ ორგანიზებაში, სავარაუდოდ, საქართველოს ორი მოქალაქე, სანდრო ინასარიძე და ბროკერი, სახელად ლევანი მონაწილეობდნენ.