ფლორიდის შტატში 14 წლამდე ასაკის ბავშვებს სოციალურ მედიაში ანგარიშების შექმნა აეკრძალებათ

12
spot_img

აშშ-ის ფლორიდის შტატის გუბერნატორმა რონ დესანტისმა ხელი მოაწერა კანონს, რომელიც მოზარდებს სოციალურ მედიაზე წვდომას უზღუდავს. როგორც Deutsche Welle წერს, კანონი ძალაში 2025 წლის 1 იანვრიდან შევა და მისი ამოქმედების შემდეგ, 14 წლამდე ბავშვებს სოციალურ მედიაში ანგარიშების შექმნა აეკრძალებათ.

„გუბერნატორმა რონ დესანტისმა ამ კანონს ხელი მოაწერა სოციალური ქსელების ნეგატიური გავლენისგან ბავშვების დაცვის მიზნით“, – წერს გუბერნატორის ოფისის წარმომადგენელი სოციალურ ქსელ X-ში. 

უფრო კონკრეტულად, 13 და უფრო პატარა ასაკის ბავშვებისთვის სოციალურ ქსელებში ანგარიშების შექმნა სრულად აიკრძალება, ხოლო 14 და 15 წლის ასაკის მოზარდებს სოციალური ქსელების გამოსაყენებლად მშობლების თანხმობა დასჭირდებათ.