ისრაელის თავდაცვის ძალების განცხადებით, სამხრეთ ლიბანიდან ისრაელისკენ ტანკსაწინააღმდეგო რაკეტა გაუშვეს, რასაც სამხედროების მხრიდან, თავდასხმის წყაროს მიმართულებით საპასუხო ცეცხლის გახსნა მოჰყვა. ამის შესახებ ინფორმაციას The Times of Israel ავრცელებს.
„სამხედროები აცხადებენ, რომ ლიბანის სამხრეთ ნაწილში შეტევა მიიტანეს ტერორისტულ დაჯგუფებაზე, რომელიც ტანკსაწინააღმდეგო მართვადი რაკეტებით თავდასხმის განხორციელებას ცდილობდა“, – ნათქვამია ინფორმაციაში.
როგორც ადგილობრივი მედია წერს, დაშავებულების შესახებ ინფორმაცია არ ვრცელდება.
