ისრაელსა და „ჰამასს“ შორის ცეცხლის შეწყვეტის შეთანხმება ჯერ კიდევ არ ამოქმედებულა – BBC

64
spot_img

ისრაელსა და „ჰამასს“ შორის სამხედრო დაპირისპირება გრძელდება. ისრაელის თავდაცვის ძალების განცხადებით, მათ ფრთოსანი რაკეტა ჩამოაგდეს, რომელიც თავდასხმის ობიექტსაც სამხრეთით მდებარე ქალაქ ეილათის მიმართულებით გაუშვეს.

ადგილობრივი მედია წერს, რომ რაკეტა იემენიდან აჯანყებულმა ჰუსიტებმა გაუშვეს.

BBC-ის ცნობით, მხარეებს შორის ცეცხლის შეწყვეტის შეთანხმება ხუთშაბათს უნდა ამოქმედებულიყო, თუმცა გარკვეული მიმართულებებით დაპირისპირება კვლავ გრძელდება.

„ჰამასსა“ და ისრაელს შორის მიღწეული შეთანხმების მიხედვით „ჰამასმა“ პირველ ეტაპზე 50 ისრაელელი მძევალი უნდა გაათავისუფლოს, სანაცვლოდ კი ისრაელი საპატიმროში მყოფ 150 პალესტინელ ქალსა და ბავშვს გაათავისუფლებს.

გავრცელებული ინფორმაციის თანახმად, ისრაელსა და „ჰამასს“ შორის 7 ოქტომბერს დაწყებულ სამხედრო დაპირისპირებას 1 200-ზე მეტი ისრაელელი და 14 000-ზე მეტი პალესტინელი ემსხვერპლა.