ღაზაში ომის გამწვავების შემთხვევაში, ბაიდენის ადმინისტრაცია მასობრივი ევაკუაციის გეგმებს ამზადებს. ინფორმაციას ამის შესახებ გაზეთი The Washington Post-ი ამერიკელ ოფიციალურ წყაროებზე დაყრდნობით ავრცელებს.
ოფიციალურმა პირებმა განაცხადეს, რომ ისრაელსა და ლიბანში მცხოვრები 600 000-ზე მეტი ამერიკელი განსაკუთრებული შეშფოთების საგანია, მაგრამ მათ ხაზი გაუსვეს, რომ ასეთი მასშტაბის ოპერაცია ყველაზე ცუდი სცენარია.
ერთმა ოფიციალურმა პირმა აღნიშნა, რომ “უპასუხისმგებლო იქნება ყველა სცენარისთვის გეგმა არ გქონდეს”.
აშშ-ის ადმინისტრაცია ღრმად შეშფოთებულია ესკალაციის პერსპექტივით. სახელმწიფო დეპარტამენტის შეფასებით, ისრაელში დაახლოებით 600 000 აშშ-ის მოქალაქე და კიდევ 86 000 ლიბანში იმყოფებოდა, როდესაც “ჰამასი” თავს დაესხა ისრაელს.
