“განეიტრალებულია სომხური უპილოტო საფრენი აპარატი, რომელიც სადაზვერვო ფრენის განხორციელებას ცდილობდა”

25
spot_img

აზერბაიჯანის თავდაცვის უწყების განცხადებით, აზერბაიჯანელმა სამხედროებმა სომხური უპილოტო საფრენი აპარატი გაანეიტრალეს, რომელიც აზერბაიჯანის არმიის პოზიციების თავზე სადაზვერვო ფრენის განხორციელებას ცდილობდა, – ინფორმაციას აზერბაიჯანული მედია ქვეყნის თავდაცვის სამინისტროზე დაყრდნობით ავრცელებს.

„სომხეთის შეიარაღებული ძალების ქვედანაყოფებმა თოუზის რაიონის ჩინარლის დასახლების მიმართულებით მდებარე პოზიციებიდან თოუზის რაიონის ასრიკის დასახლების მიმართულებით დისლოცირებული აზერბაიჯანის არმიის პოზიციების თავზე უპილოტო საფრენი აპარატით სადაზვერვო ფრენის განხორციელება სცადეს. აზერბაიჯანის არმიის ქვედანაყოფების სიფხიზლის წყალობით, აღმოჩენილი უპილოტო საფრენი აპარატი სპეციალური ტექნიკური საშუალებებით განეიტრალდა“, – აცხადებენ აზერბაიჯანის თავდაცვის უწყებაში.