“ვიმედოვნებ, ევროპელი კოლეგები გააკეთებენ ყველაფერს, რომ არ დაუშვან საქართველოში ანტიევროპული განწყობები” – დავით მათიკაშვილი

30
spot_img

ამ პიროვნებასთან დაკავშირებით მოხდა შეხვედრების ორგანიზება, განსაკუთრებით კი ხაზს გავუსვამდი ევროპულ ღირებულებებთან მიმართებით არსებულ ევროკავშირის სტრუქტურებს, სადაც ამ ყველაფერს სააკაშვილის რეჟიმის პირდაპირი მხარდამჭერი და თანაშემოქმედი ესწრებოდა. ეს არის ძალიან მძიმე ფაქტი, – ამის შესახებ პარლამენტის იურიდიულ საკითხთა კომიტეტის თავმჯდომარის პირველი მოადგილის დავით მათიკაშვილემ ბრალდებული ზურაბ ადეიშვილის ვოიაჟებთან დაკავშირებით განაცხადა.

„ჩვენი ქვეყნის გაცხადებულ მიზანს წარმოადგენს, რომ 2030 წლისთვის საქართველო კანდიდატ ქვეყნებს შორის ყველაზე მეტად მზად იყოს ევროკავშირში გასაწევრიანებლად. შესაბამისად, საქართველოს ხელისუფლების მიზანია, წინ აღუდგეს ყოველგვარ ანტიდასავლურ და ანტიევროპულ განწყობებს. ყველაზე მეტად ასეთ განწყობებს აჩენს სწორედ ის ფაქტები, გარემოებები, რომლებსაც ადგილი ჰქონდა ბერლინსა და ბრიუსელში. ზურაბ ადეიშვილი გახლავთ ტირანული რეჟიმის შემოქმედი მიხეილ სააკაშვილთან ერთად. ის არის მსჯავრდადებული უამრავ სადისტურ დანაშაულში. ადამიანების წამებასთან ერთად, ეს ეხება ადამიანის ქონების დატაცებას და სხვა ძალიან მძიმე დანაშაულებს.

ამ პიროვნებასთან დაკავშირებით მოხდა შეხვედრების ორგანიზება, განსაკუთრებით კი ხაზს გავუსვამდი ევროპულ ღირებულებებთან მიმართებით არსებულ ევროკავშირის სტრუქტურებს, სადაც ამ ყველაფერს სააკაშვილის რეჟიმის პირდაპირი მხარდამჭერი და თანაშემოქმედი ესწრებოდა. ეს არის ძალიან მძიმე ფაქტი. 9 პუნქტის პირველი პუნქტი სწორედ ამ გარემოებით იწყება, რომ ევროკავშირის და ქართული სახელმწიფოს სულისკვეთება ერთმანეთთან უნდა დაახლოვდეს. ამ დაახლოებას ძალიან უშლის ხელს ის უპასუხისმგებლო დამოკიდებულება რიგი ევროკავშირის ბიუროკრატისა, რომელსაც ადგილი აქვს საქართველოში ბრალდებულ და მსჯავრდადებულ, დამნაშავეებთან ურთიერთობის თვალსაზრისით. ძალიან დიდ იმედს გამოვთქვამ, ჩვენი ევროპელი კოლეგები და პარტნიორები გააკეთებენ ყველაფერს, რომ არ დაუშვან საქართველოში ანტიდასავლური და ანტიევროპული განწყობები, რაც პირდაპირ დაკავშირებულია მათი მხრიდან საქართველოში დამნაშავე პირებთან ასეთ უპასუხისმგებლო, უკონტროლო კონტაქტებთან, რომელსაც ჩვენი ქვეყანა არ მიესალმება“, – აღნიშნა დავით მათიკაშვილმა.

მათიკაშვილის თქმით, უკრაინა ომში მყოფი ქვეყანაა და საქართველოს ვალდებულებაა, მეგობრული ურთიერთობა შეინარჩუნოს და გააღრმაოს. დავით მათიკაშვილის განმარტებით, საქართველო დღესაც მყარად ეხმარება და გვერდში უდგას უკრაინელ მეგობრებს, მაგრამ, სამწუხაროდ, ესაა ცალმხრივი მეგობრობა.

საქართველოს მთავრობამ გამოხატა შეშფოთება ევროკავშირსა და გერმანიის ფედერაციულ რესპუბლიკაში გამართული ვიზიტებისა და შეხვედრების გამო, რომლებშიც, უკრაინის დელეგაციის შემადგენლობაში, ქართული მართლმსაჯულების მიერ სისხლის სამართლის დამნაშავედ აღიარებული და ძებნილი პირი, ზურაბ ადეიშვილი მონაწილეობდა.