გახარიამ თავის თავს მიხედოს, ნუ ცდილობს, რომ ბიძინა ივანიშვილის ხშირი ხსენებით რამენაირად პოლიტიკურ ზედაპირზე იტივტივოს -ირაკლი ქადაგიშვილი

25
spot_img

“გიორგი გახარიამ თავის თავს მიხედოს, ნუ ცდილობს, რომ ბიძინა ივანიშვილის ხშირი ხსენებით რამენაირად პოლიტიკურ ზედაპირზე იტივტივოს”, – ამის შესახებ მმართველი გუნდის წევრმა, ირაკლი ქადაგიშვილმა განაცხადა.

მისივე თქმით,  გახარია არის ხელმოცარული.

„გიორგი გახარიამ თავის თავს მიხედოს, ნუ ცდილობს, რომ ბიძინა ივანიშვილის ხშირი ხსენებით რამენაირად პოლიტიკურ ზედაპირზე იტივტივოს, ჯერ საკითხი კარგად გაარკვიოს, წითლიძესთან ალიანსშია, გადამგდებია, მატყუარაა თუ ბიძინა ივანიშვილის ბე პროექტია. პრობლემაა ჭორიკანა ადამიანის, რომელსაც, ჭორაობის გარდა, არაფერი დარჩენია, პოლიტიკაში რომ იტივტივოს. ადამიანებს შეუძლიათ, ბევრ რამეზე იჭორაონ. გახარია არის ხელმოცარული. მას არაფერი დარჩენია, გარდა იმისა, რომ ასეთი ეპატაჟური ჭორაობით დაკავდეს, რათა რამენაირად ყურადღების ობიექტად დარჩეს. სერიოზულ პოლიტიკოსს თავში ის არ მოუვა, რასაც ეს ადამიანი კადრულობს, მაგრამ ეს ის ადამიანია, ვისაც არც ხედვა აქვს, არც გუნდი ჰყავს, არც გეგმა აქვს. მხოლოდ ის დარჩენია, რომ ჭორები მოიფიქროს, რისი ამტაცებელიც არიან მედიაშიც”, – განაცხადა ქადაგიშვილმა.