ამერიკის ყოფილი პრეზიდენტი დონალდ ტრამპი აცხადებს, რომ პრეზიდენტობის შემთხვევაში, უკრაინაში მიმდინარე ომს 24 საათში დაასრულებდა. ამერიკის შეერთებული შტატების 45-ე პრეზიდენტმა აღნიშნულ საკითხთან დაკავშირებით, ბრიტანულ ტელევიზია GB News-სთან ინტერვიუს დროს ისაუბრა.
დონალდ ტრამპმა აღნიშნა, რომ ომის ერთ დღეში დასრულების მიზნით, ის ვლადიმერ პუტინთან და ვოლოდიმირ ზელენსკისთან, პირად ურთიერთობას გამოიყენებდა.
ინტერვიუს დროს თეთრი სახლის ყოფილმა ლიდერმა შტატებში მოახლოებულ საპრეზიდენტო არჩევნებზეც ისაუბრა და განმარტა, რომ მას გამარჯვების დიდი შანსი აქვს.
