ჩეხეთის საგარეო საქმეთა მინისტრმა, იან ლიპავსკიმ უკრაინაზე მასიური სარაკეტო თავდასხმის შემდეგ, რუსეთი ფარისევლობაში დაადანაშაულა და ხაზგასმით აღნიშნა, რომ დასავლეთი უკრაინელების მხარდაჭერაზე უარს არ იტყვის.
“ფარისევლური რუსეთი. [რუსეთი] სხვებს გენოციდში ადანაშაულებს და თავად კი ისევ ბომბავს უკრაინაში სამოქალაქო ობიექტებს და უდანაშაულო მოქალაქეებს კლავს. მას უნდა, რომ ომით დავიღალოთ და უარი ვთქვათ უკრაინელების დახმარებაზე. მაგრამ ეს არ მოხდება. არც წელს, არც არასდროს”, – აღნიშნა ჩეხეთის საგარეო უწყების ხელმძღვანელმა.
