„ღაზას ჩრდილოეთით მხოლოდ რამდენიმე ათასი ტერორისტია დარჩენილი“ – იოავ გალანტი

69
spot_img

ისრაელის თავდაცვის მინისტრის იოავ გალანტის განცხადებით, ღაზას სექტორის სამხრეთ ნაწილში ინტენსიური ბრძოლები გრძელდება და ჩრდილოეთით კი მხოლოდ რამდენიმე ათასი ტერორისტი რჩება.

„ჩრდილოეთით ჩვენ გავანადგურეთ „ჰამასის“ 12 ბატალიონი. ტერორისტები ჯერ კიდევ რჩებიან, ამ მხარეში მყოფი 15 000 ან 18 000-იდან რამდენიმე ათასია დარჩენილი. მათი დიდი ნაწილი განადგურებულია, დანარჩენები კი სამხრეთისკენ გაიქცნენ“, – აცხადებს გალანტი.

მისი თქმით, ისრაელის თავდაცვის ძალები ღაზას ჩრდილოეთით უფრო მცირე მასშტაბის ოპერაციებს მანამ გააგრძელებენ, სანამ „ჰამასის“ უკანასკნელი მებრძოლიც არ განადგურდება.

„მიზანია მტრის გამოფიტვა, მისი ბოევიკების მოკვლა და იმ სიტუაციის მიღწევა, რომელშიც ჩვენ გავაკონტროლებთ ტერიტორიას“, – ამბობს ისრაელის თავდაცვის მინისტრი.