ბაიდენის ადმინისტრაციის ოფიციალური პირები ბევრად უფრო შეშფოთებულნი არიან უკრაინაში არსებული კორუფციის გამო, ვიდრე ამას საჯაროდ აღიარებენ -POLITICO

274
spot_img

ბაიდენის ადმინისტრაციის ოფიციალური პირები ბევრად უფრო შეშფოთებულნი არიან უკრაინაში არსებული კორუფციის გამო, ვიდრე ამას საჯაროდ აღიარებენ, – ნათქვამია ამერიკულ გამოცემა POLITICO-ს მიერ მოპოვებულ აშშ-ის სტრატეგიულ დოკუმენტში.

დოკუმენტში ხაზგასმით აღნიშნულია, რომ უკრაინაში კორუფციამ შეიძლება აიძულოს დასავლელი მოკავშირეები, უარი თქვან უკრაინის მხარდაჭერაზე და რომ ოფიციალურ კიევს არ შეუძლია ანტიკორუფციული ძალისხმევის გადადება.

“მაღალი დონის კორუფციის აღქმამ შეიძლება ძირი გამოუთხაროს უკრაინის საზოგადოებისა და უცხოელი ლიდერების ნდობას მთავრობის მიმართ”, – ნათქვამია დოკუმენტში.

გამოცემა POLITICO აღნიშნავს, რომ კორუფცია დიდი ხანია აშშ-ის ოფიციალური პირების შეშფოთებას იწვევს, მათ შორის პრეზიდენტ ჯო ბაიდენის მხრიდან, თუმცა, ამ თემაზე ყურადღება შემცირდა რუსეთის უკრაინაში შეჭრის ფონზე.

ამერიკელმა ოფიციალურმა პირმა გამოცემა POLITICO-ს დაუდასტურა, რომ ბაიდენის ადმინისტრაცია ესაუბრება უკრაინელ ლიდერებს იმის თაობაზე, რომ მომავალი ეკონომიკური დახმარება შეიძლება განპირობებული იყოს “კორუფციის წინააღმდეგ ბრძოლის რეფორმებით”, თუმცა, ასეთი პირობები სამხედრო დახმარებისთვის არ განიხილება.