მარტო კარავზე ყურადღების გადატანა არასწორია – ჩნდება კითხვა, რა არის დროებითი კონსტრუქცია?

271
spot_img

მარტო კარავზე ყურადღების გადატანა არასწორია. ჩნდება კითხვა: რა არის დროებითი კონსტრუქცია? – ოპოზიციონერი დეპუტატი ხატია დეკანოიძე პარლამენტში უმრავლესობის მიერ დღეს ინიცირებულ კანონპროექტს ეხმაურება, რომელიც შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით მოქმედი კანონის გამკაცრებას ითვალისწინებს.

“დარეგისტრირებული ინიციატივით, აკრძალვების ჩამონათვალში ჩნდება ჩანაწერი, რომლითაც აკრძალული ხდება დროებითი კონსტრუქციები თუ

ა) საფრთხეს უქმნის შეკრების ან მანიფესტაციის მონაწილეებს ან სხვა პირებს;

ბ) ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას;

გ) იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას;

დ) მისი მოწყობის გარეშე არსებითად არ ფერხდება შეკრების ან მანიფესტაციის ჩატარება;

ე) შეკრების ან მანიფესტაციის ჩატარებას არ უკავშირდება).

აქვე, „შეკრებისა და მანიფესტაციის შესახებ“ კანონს ემატება ჩანაწერი, რომლითაც თუ გაკეთდა მოწოდება კონსტრუქციის დემონტაჟის შესახებ და მანიფესტაციის მონაწილეებმა მოთხოვნა არ შეასრულეს, სამართალდამცავი ორგანოები მიმართავენ იძულებას.

მარტო კარავზე ყურადღების გადატანა არასწორია. ჩნდება კითხვა: რა არის დროებითი კონსტრუქცია? ” – წერს ხატია დეკანოიძე.