უკრაინის შესახებ მოლაპარაკებები უკრაინის გარეშე არ შედგება – ავსტრიის საგარეო საქმეთა მინისტრი

244
spot_img

უკრაინის შესახებ მოლაპარაკებები უკრაინის გარეშე არ შედგება, – ამის შესახებ ავსტრიის საგარეო საქმეთა მინისტრმა ალექსანდრ შალენბერგმა გერმანულ ტელეარხ Die Welt-თან ინტერვიუში განაცხადა.

„იმედი მაქვს, რომ სამშვიდობო მოლაპარაკებები რუსეთ-უკრაინის ომის გადასაწყვეტად უახლოეს მომავალში შედგება. ჩემთვის მთავარია ის, რომ მოლაპარაკებები უკრაინის შესახებ უკრაინის გარეშე არ წარიმართოს.

მშვიდობა ყოველთვის მოლაპარაკებების მაგიდასთან მიიღწევა და არა ბრძოლის ველზე. რა თქმა უნდა, ვიმედოვნებთ, რომ ძალიან მალე ყველაფერი დიალოგის ფორმას დაუბრუნდება, მაგრამ ამ გადაწყვეტილებას მხოლოდ კიევი მიიღებს“, – განმარტა შალენბერგმა.

ავსტრიის საგარეო საქმეთა მინისტრმა ასევე აღნიშნა, რომ მხოლოდ უკრაინის გადასაწყვეტია „როდის მოვა მოლაპარაკებების დრო“.