აშშ-ის კონგრესის ორჭოფობა უკრაინის დახმარებაზე, პუტინს შთააგონებს – ზელენსკი

27
spot_img

უკრაინის პრეზიდენტის ვოლოდიმირ ზელენსკის განცხადებით, აშშ-ის კონგრესში არსებული პოლიტიკური დაპირისპირება, „რომლის მძევალიც უკრაინის სამხედრო დახმარების ახალი პაკეტია“, რუსეთის პრეზიდენტ ვლადიმერ პუტინს უკრაინის მიმართ აგრესიის გაგრძელებისკენ შთააგონებს. ამის შესახებ ზელენსკიმ აშშ-ის თავდაცვის ეროვნულ უნივერსიტეტში სიტყვით გამოსვლისას განაცხადა.

„ნება მომეცით, თქვენთან გულახდილი ვიყო – თუ ვინმეს შთააგონებს კაპიტოლიუმის ბორცვზე გადაუჭრელი პრობლემები, ეს მხოლოდ პუტინი და მისი ავადმყოფი გარემოცვაა“, – მიმართა ზელენსკიმ დარბაზს, რომელშიც სამხედრო პირები, მათ შორის, აშშ-ის თავდაცვის მდივანი ლოიდ ოსტინი იმყოფებოდა.