ავსტრიის კანცლერის კარლ ნეჰამერის განცხადებით, ავსტრიის მთავრობა არ არის მზად, არსებულ პირობებში ევროკავშირში უკრაინის გაწევრიანებაზე თანხმობა განაცხადოს. როგორც UNIAN წერს, ამის შესახებ კარლ ნეჰამერმა ევროპარლამენტის დეპუტატთა კითხვა-პასუხის სესიის დროს განაცხადა.
მისი თქმით, ევროკომისიის პრეზიდენტი ურსულა ფონ დერ ლაიენი არ დაინტერესებულა მისი პოზიციით, მანამ საჯაროდ განაცხადებდა ევროკავშირში უკრაინის გაწევრიანების შესახებ მოლაპარაკებების დაწყების პერსპექტივის თაობაზე.
როგორც ნეჰამერი ირწმუნება, ავსტრია, არსებულ პირობებში, არ დათანხმდება უკრაინის გაწევრიანებაზე მოლაპარაკებების დაწყებას. მისი თქმით, ამ საკითხში კიევი უპირატეს მდგომარეობაში არ უნდა ჩააყენონ, „მით უმეტეს, ბოსნია და ჰერცეგოვინის ევროინტეგრაციის მისწრაფებების ფონზე“.
