მნიშვნელოვანია, რომ გამჭვირვალობის კანონზე ვენეციის კომისიამ 28 მაისამდე წარმოადგინოს საკუთარი შენიშვნები, ამის მერე იქნება დაგვიანებული, მათზეა დამოკიდებული, წარმოადგენენ განვიხილავთ, არ წარმოადგენენ ვერ განვიხილავთ, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ პრესკონფერენციაზე განაცხადა.

როგორც ირაკლი კობახიძემ აღნიშნა, დღეიდან არის ორი კვირა, ვიდრე პრეზიდენტი კანონპროექტზე წარმოადგენს საკუთარ ვეტოს.

„როგორც მოგეხსენებათ, პროცედურა არის ასეთი, ვეტოს ვადის გასვლის შემდეგ უნდა იყოს წარმოდგენილი პრეზიდენტის კანონპროექტი და მეორე ალტერნატივა არის მიღებული კანონპროექტი, მესამე საკითხი ვერ განიხილება. ამიტომ თუ ვენეციის კომისიას უნდა რაიმე საკითხის წარმოდგენა, წარმოადგინოს ახლა, ამის შემდეგ ექნება ყველას იმის საშუალება, რომ პრეზიდენტის ვეტოში ავსახოთ ეს საკითხები და მზად ვართ, ჯანსაღი მსჯელობისთვის. შესაბამისად, ვენეციის კომისიას აქვს ამის საშუალება, თუ უნდა წარმოადგინოს საკუთარი დასკვნები. ჩვენ გვახსოვს შემთხვევები, როდესაც აგზავნიდა ხოლმე ესა თუ ის სუბიექტი ვენეციის კომისიაში კანონპროექტებს და ერთ კვირაშიც კი გამოუგზავნიათ დასკვნა. ამ კანონზე დასკვნის წარმოდგენას არაფერი არ უნდა არის რამდენიმე გვერდიანი კანონპროექტი და შეუძლიათ, რამდენიმე დღეში დაწერონ ეს დასკვნა. წარმოადგინონ, განვიხილავთ. სხვა რამეზეა საუბარი, 28 მაისის შემდეგ ან უნდა გაიზიარო პრეზიდენტის ვეტო, ან უნდა დაუბრუნდე შენ კანონპროექტს, მესამე საკითხი ვერ განიხილება. ამიტომ არის მნიშვნელოვანი, რომ ვენეციის კომისიამ 28 მაისამდე წარმოადგინოს საკუთარი შენიშვნები, ამის მერე იქნება დაგვიანებული. მათზეა დამოკიდებული, წარმოადგენენ განვიხილავთ, არ წარმოადგენენ ვერ განვიხილავთ”, – განაცხადა ირაკლი კობახიძემ.

გამჭვირვალობის შესახებ” კანონი უზრუნველყოფს იმას, რომ გრძელვადიანი სიმშვიდე დაისადგურებს ამ ქვეყანაში და ეს პირდაპირ აისახება ეკონომიკური ზრდის ტემპებზე, – ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე, ჟურნალისტის კითხვის პასუხად განაცხადა.

კითხვაზე, თუ რაში დაიხარჯა ჯიმ ო’ბრაიენის მიერ ნახსენები 6 მლრდ დოლარი, პრემიერმა ასე უპასუხა:

„რაც შეეხება 6 მლრდ-ს, იყო გარკვეული წლები, 2009, 2010, 2011 წლები, როდესაც ეკონომიკას მოხმარდა ფული, მაშინ იყო სააკაშვილის რეჟიმი გადასარჩენი, საკმაოდ ბევრი დაიხარჯა მაშინ ამერიკის სახელმწიფო ბიუჯეტიდან. რაც შეეხება ბოლოდროინდელ დაფინანსებას, სამწუხაროდ ამ დაფინანსების დიდი ნაწილი ხმარდება ისეთი ტიპის აქტივობებს, რაც უარყოფითად აისახება ჩვენი ეკონომიკის განვითარებაზე, განსაკუთრებით შევეხებოდი ბოლო 3, 4 წლის მოვლენებს. სამწუხაროდ, იყო რევოლუციური პროცესები და გაუმჭვირვალე ფულმა სერიოზული როლი შეასრულა ამ პროცესებში. რომ არა ეს მოვლენები 2020, 2021, 2022, 2023 წლებში, ჩვენი ეკონომიკა, მაგალითად დღეს 30 მლრდ დოლარის მაგივრად იქნებოდა მინიმუმ 35 მლრდ დოლარი, რაც ნიშნავს იმას, რომ მარტო სახელმწიფო ბიუჯეტში ყოველწლიურად, დამატებით შევიდოდა მლრდ დოლარი. წარმოიდგინეთ, რამხელა რესურსის ხელიდან გაშვებაზეა საუბარი. ამიტომ ძალიან მნიშვნელოვანია „გამჭვირვალობის შესახებ კანონი”, ეს კანონი უზრუნველყოფს იმას, რომ გრძელვადიანი სიმშვიდე დაისადგურებს ამ ქვეყანაში და ეს პირდაპირ აისახება ეკონომიკური ზრდის ტემპებზე. თუ ჩვენ გვექნება ეკონომიკური ზრდის კიდევ უფრო მომატებული ტემპი, ასეთ შემთხვევაში, ყოველწლიურად, დამატებით ჩვენს ბიუჯეტში შემოვა 1 მლრდ, 2 მლრდ დოლარი. ეს არის ჩვენთვის მთავარი ამოცანა, გრძელვადიანი სიმშვიდის უზრუნველყოფა ამ ქვეყანაში, თუმცა შეიძლება ვიღაცეებს, კონკრეტულ სუბიექტებს ესეც არ აწყობდეთ. რაც უფრო ძლიერია შენი ეკონომიკა, შენი ბიუჯეტი, მით უფრო ნაკლებად შეიძლება იყო დამოკიდებული სხვაზე. ჩვენ გვჭირდება მაქსიმალური დამოუკიდებლობა, ამიტომ ვამბობ, რომ დამოუკიდებლობას ეხება „გამჭვირვალობის შესახებ კანონი”. ეს კანონი მოგვცემს ქვეყნის დამშვიდების საშუალებას, ქვეყნის დამშვიდება ნიშნავს უფრო სწრაფ ეკონომიკურ ზრდას, უფრო სწრაფი ეკონომიკური ზრდა ნიშნავს მეტ ფულს ბიუჯეტში და ეს საბოლოო ჯამში ნიშნავს კიდევ უფრო მტკიცე დამოუკიდებლობას ჩვენი ქვეყნისთვის. ეს არის მთავარი ამოცანა და ამიტომ ვიბრძვით ასე აქტიურად, პრინციპულად ჩვენი ქვეყნის დამოუკიდებლობის განმტკიცებისთვის. ეს კანონი უკავშირდება სწორედ ამ ამოცანას, ამ მთავარ მიზანს, კიდევ უფრო მეტად განვამტკიცოთ ჩვენი ეროვნული დამოუკიდებლობა, ჩვენი სახელმწიფოს დამოუკიდებლობა, რაც არის ეკონომიკის განვითარების აუცილებელი პირობა და შესაბამისად, საქართველოს ევროკავშირში ინტეგრაციის აუცილებელი პირობაც,”- აღნიშნა პრემიერ-მინისტრმა.

ირაკლი კობახიძე – პარტნიორების მიმართ ჩვენი მოწოდებაა, რომ იფიქრონ პარტნიორობაზე და არა კონტრპროდუქტიული ნაბიჯების გადადგმაზე, ეს სწორედ მათთვის იქნება დამაზიანებელი და ვერავითარ ზიანს ვერ მიაყენებს ჩვენს პოლიტიკურ გუნდს

პარტნიორების მიმართ ჩვენი მოწოდებაა, რომ იფიქრონ პარტნიორობაზე და არა კონტრპროდუქტიული ნაბიჯების გადადგმაზე, ეს სწორედ მათთვის იქნება დამაზიანებელი, ეს ვერავითარ ზიანს ვერ მიაყენებს ჩვენს პოლიტიკურ გუნდს, კიდევ უფრო მეტად გამყარდება ჩვენი მხარდაჭერა, ამიტომ კიდევ ერთხელ, პრაგმატულობისკენ მოვუწოდებ ყველას, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ პრესკონფერენციაზე განაცხადა.

ჟურნალისტის კითხვაზე, გამორიცხავს თუ არა რომ, აშშ-მ სანქციები დააწესოს მისი და მისი ოჯახის წევრების მიმართ, პრემიერ-მინისტრმა აღნიშნა, რომ პრაგმატულად მხოლოდ დამაზიანებელი იქნება სანქციების დაწესება სანქციის დამწესებლისთვის.

„თქვენ გახსოვთ, მაგალითად, მოსამართლეების მიმართ დაწესდა ე.წ. სანქციები, სავიზო შეზღუდვები და ამან დააზიანა მხოლოდ და მხოლოდ ამერიკის შეერთებული შტატების რეპუტაცია, ვერავითარი ზიანი ვერ მიაყენა ამან მოსამართლეებს, მაგრამ სერიოზულად დაზიანდა აშშ-ის რეპუტაცია, როდესაც ყოველგვარი დასაბუთების, მტკიცებულების გარეშე დასანქცირდნენ მოსამართლეები, მაშინ, როდესაც მოსამართლე საერთაშორისო სტანდარტების მიხედვით, ყველაზე მკაცრად უნდა იყოს დაცული სანქცირებისგან. სერიოზულად შეილახა ამერიკის შეერთებული შტატების რეპუტაცია იმით, რომ სავიზო შეზღუდვები დაუწესდათ მოსამართლეებს. ასეთ არასერიოზული ნაბიჯი კიდევ ერთხელ თუ გადაიდგმევა, ეს დააზიანებს არა სანქცირებულს, არამედ სანქციის დამწესებელს, რადგან ხალხი ყველაფერს ხედავს. ჩვენ არ გვინდა, რომ აშშ-ის რეპუტაცია დაზიანდეს და ჩვენი მოწოდებაა ჩვენი პარტნიორების მიმართ, რომ იფიქრონ პარტნიორობაზე და არა კონტრპროდუქტიული ნაბიჯების გადადგმაზე, ეს პირველ რიგში, სწორედ მათთვის იქნება დამაზიანებელი, ვერავითარ ზიანს ვერ მიაყენებს ბუნებრივია, ჩვენს პოლიტიკურ გუნდს, კიდევ უფრო მეტად გამყარდება ჩვენი პოლიტიკური გუდის მხარდაჭერა. ამიტომ კიდევ ერთხელ, პრაგმატულობისკენ მოვუწოდებ ყველას”, – განაცხადა პრემიერ-მინისტრმა.

ირაკლი კობახიძე – სახელმწიფო სუვერენიტეტის ხარჯზე ვერავითარ კომპრომისზე ვერ წავალთ, თუ დაგვიმტკიცებენ, რომ კანონში გარკვეული ნორმები ეწინააღმდეგება ევროპულ სამართლებრივ პრინციპებს, შესაბამის ნორმებს ჩავასწორებთ, დათმობებზე საუბარი ვერ იქნება

ჩვენ ვერავითარ კომპრომისზე ვერ წავალთ სახელმწიფო სუვერენიტეტის ხარჯზე, კანონთან დაკავშირებით თუ ექნებათ სამართლებრივი შენიშვნა, თუ დაგვიმტკიცებენ, რომ გარკვეული ნორმები არის სამართლებრივად გაუმართავი, ეწინააღმდეგება მაგალითად ევროპულ სამართლებრივ პრინციპებს, ამ შემთხვევაში შესაბამის ნორმებს ჩავასწორებთ, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ პრესკონფერენციაზე განაცხადა.

როგორც პრემიერ-მინისტრმა აღნიშნა, გამჭვირვალობის შესახებ კანონი ეხება სახელმწიფო სუვერენიტეტის განმტკიცებას.

„ტერმინი დათმობა, არ არის სწორი. დათმობებზე ვერ იქნება საუბარი. ჩვენ უნდა წარმოგვიდგინონ სამართლებრივი შენიშვნა, გვითხრან სამართლებრივად რა არ არის სწორი, თუ დაგვიმტკიცებენ, რომ სამართლებრივად რაღაც არ არის სწორი, ამ შემთხვევაში შესაბამის ნორმებს ჩავასწორებთ. აქ დათმობებზე კი ვერ იქნება საუბარი, აქ საკომპრომისო არაფერი არ არის, ეს კანონი მით უმეტეს, ეხება სახელმწიფო სუვერენიტეტის განმტკიცებას, ჩვენ ვერავითარ კომპრომისზე ვერ წავალთ სახელმწიფო სუვერენიტეტის ხარჯზე, თუ ექნებათ სამართლებრივი შენიშვნა, თუ დაგვიმტკიცებენ, რომ გარკვეული ნორმები არის სამართლებრივად გაუმართავი, ეწინააღმდეგება მაგალითად, ევროპულ სამართლებრივ პრინციპებს, ამ შემთხვევაში შესაბამის ნორმებს ჩავასწორებთ. თუ დაგვიმტკიცებენ, რომ წელიწადში ერთხელ დეკლარაციის წარდგენა სამართლებრივად ეწინააღმდეგება გარკვეულ პრინციპებს, კი ბატონო, შევცვალოთ, მაგრამ ჩვენ გვჭირდება სამართლებრივი არგუმენტები ამასთან დაკავშირებით”, – განაცხადა ირაკლი კობახიძემ

ჩვენ დღეს სცენაზე პარლამენტის შენობის წინ ვხედავთ უცხოური გავლენის გამჭვირვალობას, პირდაპირ გამოდიან პოლიტიკურ სცენაზე უცხოელი პოლიტიკოსები, რაც წარმოიდგინეთ, რა მასშტაბის ლუსტრაციაა, – ამის შესახებ საქართველოს პრემიერ-მინისტრმა ირაკლი კობახიძემ დღევანდელ ბრიფინგზე განაცხადა.

მთავრობის მეთაურის შეფასებით, აბსოლუტურად მიუღებელი მოვლენაა, როდესაც გარედან ცდილობენ საქართველოს შიდა პოლიტიკაში ჩარევას კოლექტიური „ნაცმოძრაობის” სასარგებლოდ.

„როდესაც სცენაზე გამოდიან კონკრეტული ქვეყნების დეპუტატები, პრინციპში ამას ვითხოვდით ჩვენ ამ ე.წ რუსული კანონით – ეს არის უცხოური გავლენის გამჭვირვალობა და ჩვენ დღეს სცენაზე პარლამენტის შენობის წინ ვხედავთ უცხოური გავლენის გამჭვირვალობას, პირდაპირ გამოდიან პოლიტიკურ სცენაზე უცხოელი პოლიტიკოსები, რაც, წარმოიდგინეთ, რა მასშტაბის ლუსტრაციაა. ეს არის აბსოლუტურად მიუღებელი მოვლენა, როდესაც გარედან ცდილობენ საქართველოს შიდა პოლიტიკაში ჩარევას კოლექტიური „ნაცმოძრაობის” სასარგებლოდ. ეს არის ყველაფრის ლუსტრაცია. დანარჩენზე რა თქმა უნდა, საზოგადოება გააკეთებს საკუთარ დასკვნებს”, – განაცხადა პრემიერ-მინისტრმა.

„უცხოური გავლენის გამჭვირვალობის შესახებ“ კანონის მიღება ქმნის მტკიცე გარანტიებს საქართველოში გრძელვადიანი მშვიდობისა და სიმშვიდის უზრუნველსაყოფად და ე.წ. პოლარიზაციის დასაძლევად, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.

„დღევანდელი დღე არის უმნიშვნელოვანესი ჩვენი ქვეყნის დამოუკიდებლობის და სუვერენიტეტის განმტკიცების თვალსაზრისით. „უცხოური გავლენის გამჭვირვალობის შესახებ“ კანონის მიღება ქმნის მტკიცე გარანტიებს საქართველოში გრძელვადიანი მშვიდობისა და სიმშვიდის უზრუნველსაყოფად და ე.წ. პოლარიზაციის დასაძლევად, რაც საქართველოს ევროკავშირში ინტეგრაციის აუცილებელი პირობაა. კიდევ ერთხელ გავიმეორებ, რომ სოციოლოგიური კვლევის თანახმად, არასამთავრობო ორგანიზაციების გამჭვირვალობას მხარს უჭერს საქართველოს მოსახლეობის 80%-ზე მეტი, ხოლო უშუალოდ უცხოური გავლენის გამჭვირვალობის კანონს მოსახლეობის 60%-ზე მეტი“, – აღნიშნა კობახიძემ.