ვინ არის ავტოდილერი, რომელმაც მოქალაქეების თანხები მიითვისა?

109
spot_img

კიდევ ერთი ავტოიმპორტის თაღლითური სქემა – პროკურატურა უკრაინის მოქალაქეს ეძებს, რომელიც 17 მოქალაქეს ავტომანქანის ყიდვას დაჰპირდა და 400 ათას ლარზე მეტით მიიმალა.

ეს არ არის პირველი შემთხვევა, როცა პროკურატურა ავტომობილების დილერ  და იმპორტიორ  კომპანიებს თაღლითობაში ამხელს, რის გამოც ავტომობილების იმპორტიორი კომპანიები, მოქალაქეებს აფრთხილებენ: მანამ, სანამ ავტო იმორტიორ კომპანიასთან თანამშრომლობას გადაწყვეტენ, კარგად გადაამოწმონ. რადგან ხშირად იაფი და მიმზიდველი მომსახურების უკან მრავალი დაზარებული ადამიანი დგას. და თქვენც არ აღმოჩნდეთ  დაზარალებულთა სიაში, როგორც “პრემიუმ ქარ საქართველოს” შემთხვევაში მოხდა.

პროკურატურა უკრაინის მოქალაქეს ეძებს, რომელიც 17 მოქალაქეს ავტომანქანის ყიდვას დაჰპირდა და 400 ათას ლარზე მეტით მიიმალა.

საქართველოს პროკურატურამ უკრაინის მოქალაქეზე ძებნა გამოაცხადა.  გამოძიება “პრემიუმ ქარ საქართველოს” დამფუძნებელს და დირექტორს მოქალაქეთა კუთვნილი დიდი ოდენობით თანხების თაღლითურად მითვისებას ედავება.

გამოძიებით დადგენილია, რომ უცხო ქვეყნის მოქალაქემ შპს “პრემიუმ ქარ საქართველო” დაარეგისტრირა და ინტერნეტ-სივრცეში კომპანიის სახელით ავტომანქანების ჩამოყვანის თაობაზე ყალბი განცხადებები განათავსა.

თაღლითურმა კომპანიამ ავტომობილის შეძენით დაინტერესებული მოქალაქისგან ნასყიდობის ხელშეკრულებები გააფორმა და ამ გზით, 17 მოქალაქის კუთვნილი, ჯამში 416 451,79 ლარი მიიღო.

პროკურატურის შუამდგომლობის საფუძველზე, სასამართლომ ბრალდებულს აღკვეთის ღონისძიების სახით – პატიმრობა დაუსწრებლად შეუფარდა. მის მიმართ გამოცხადებულია ძებნა.

ბრალდებულს ბრალდება საქართველოს სისხლის სამართლის კოდექსის 180-ე მუხლის მე-2 ნაწილის „ბ“ ქვეპუნქტით (თაღლითობა, რამაც მნიშვნელოვანი ზიანი გამოიწვია) და 180-ე მუხლის მე-3 ნაწილის „ბ“ ქვეპუნქტით (დიდი ოდენობით თანხების თაღლითურად დაუფლება, 16 ეპიზოდი) წარედგინა.

ვინ არის  “პრემიუმ ქარ საქართველოს” დამფუძნებელი?

“პრემიუმ ქარ საქართველოს” დამფუძნებელი და დირექტორი უკრაინის მოქალაქე ვადიმ ვოლოშინია.

საჯარო რეესტრში არსებული ინფორმაციით,  “პრემიუმ ქარ საქართველო” მიმდინარე წლის 13 ივლისსაა რეგისტრირებული. კომპანიის საკონტაქტო მობილური ტელეფონის ნომერი გამორთულია.

სასამართლომ ბრალდებულს დიდი ოდენობით თანხების თაღლითურად დაუფლების ფაქტზე,  პატიმრობა დაუსწრებლად შეუფარდა და მასზე ძებნაა გამოცხადებული.

როგორც პროკურატურაში აცხადებენ, ბრალდებულზე გამოცხადებულია ძებნა და ხორციელდება შესაბამისი ღონისძიებები მისი ადგილსამყოფელის დადგენისა და დაკავების მიზნით.

ავტომობილების იმპორტიორი კომპანიები მოქალაქეებს აფრთხილებენ  თავი შეიკავონ არასანდო კომპანიებთან  თანამშრომლობისგან. მათი განცხადებით, მსგავსი ფაქტები მოხშირებულია, რის გამოც ავტომანქანების ყიდვისას, მთავარი კომპანიის სანდოობა უნდა იყოს.

“საავტომობილო სფეროში ასეთი ფაქტები გახშირდა, ამიტომ ყველას მოგიწოდებთ სანამ დაბალი ფასით მოიხიბლებით, დარწმუნდეთ ავტო იმპორტიორი კომპანიის სანდოობაში”- აცხადებენ ავტომობილების იმპორტიორ კომპანიები.