ფაშინიანმა რუსეთი უკვე შესყიდული იარაღის მიწოდების შეფერხებაში დაადანაშაულა

67
spot_img

სომხეთის პრემიერ-მინისტრმა, ნიკოლ ფაშინიანმა რუსეთი უკვე შესყიდული იარაღის მიწოდების შეფერხებაში დაადანაშაულა და სანაცვლოდ სომხეთის საგარეო ვალის ნაწილის ჩამოწერა შესთავაზა.

მისივე თქმით, სომხეთმა რუსეთს ორმხრივი კონტრაქტების ფარგლებში იარაღის მიწოდების სანაცვლოდ მილიონობით დოლარი გადაუხადა, თუმცა იარაღი ამ დრომდე არ მიუღია.

ფაშინიანის თქმით, მას ესმის, რომ „რუსეთს ახლა თვითონ სჭირდება შეიარაღება“, ამიტომ ეს საკითხი რამდენიმე გზით შეიძლება გადაიჭრას. ერთ-ერთ ასეთ ვარიანტად ფაშინიანმა რუსეთის წინაშე სომხეთის სახელმწიფო ვალის შემცირება დაასახელა.