“უკრაინის ნატო-ში გაწევრიანება ნიშნავს, რომ ვალდებული ვიქნებით იქ ჯარები გავგზავნოთ, ჩვენ ეს არ გვსურს” – ორბანი

29
spot_img

უკრაინის ნატო-ში გაწევრიანება უნგრეთს იქ თავისი ჯარების გაგზავნას ავალდებულებს, რაც ჩვენ არ გვსურს , – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

„უკრაინის ნატო-ში გაწევრიანება ნიშნავს, რომ ჩვენ ვალდებული ვიქნებით იქ ჯარები მეორე დილითვე გავგზავნოთ. ჩვენ ეს არ გვსურს“, – განაცხადა ვიქტორ ორბანმა.

ორბანმა აღნიშნა, რომ ისეთ სახელმწიფოსთან ალიანსი, რომელიც ღია სამხედრო კონფლიქტშია ჩართული, უნგრეთის ინტერესებში არ შედის.

ორბანმა შვედეთის ნატო-ში გაწევრიანების წინადადების რატიფიცირების შესახებაც გააკეთა კომენტარი და აღნიშნა, რომ ეს უნგრეთის პარლამენტის გადასაწყვეტია.

„არ არსებობს უნგრეთ-თურქეთის შეთანხმება. ამას მხოლოდ უნგრეთის პარლამენტი გადაწყვეტს, როცა კანონმდებლები მიიჩნევენ, რომ ამის დრო დადგა. მათ არ აქვთ დიდი სურვილი, რომ ეს გადაწყვეტილება მიიღონ“, – აღნიშნა უნგრეთის პრემიერ-მინისტრმა.