“უკრაინის დაფინანსების თანხა ევროკავშირის ბიუჯეტიდან არ უნდა გამოიყოს” – ვიქტორ ორბანი

22
spot_img

უკრაინის დაფინანსების თანხა ევროკავშირის ბიუჯეტიდან არ უნდა გამოიყოს, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

„მათ სურთ უკრაინას თანხა ევროკავშირის ბიუჯეტიდან გამოუყონ, უნგრეთს კი სურს, რომ ეს ევროკავშირის ბიუჯეტის ფარგლებს გარეთ მოხდეს. მათ აქვთ შესაძლებლობა, თუ ჩვენ ამის შესახებ ვერ შევთანხმდებით, რომ ეს ბიუჯეტს მიღმა გადაწყვიტონ, მაგრამ ამის გადაწყვეტა ევროკავშირის ბიუჯეტის ფარგლებში, უნგრეთის თანხმობის გარეშე, არ შეუძლიათ“, – განაცხადა ვიქტორ ორბანმა.

ორბანმა აღნიშნა, რომ 26 წევრს შეუძლია უკრაინის დახმარების თანხებთან დაკავშირებული პრობლემა ერთობლივი სესხით მოაგვარონ.

„დარწმუნებული ვარ, რომ ევროკავშირის ბიუჯეტიდან ხუთი წლის განმავლობაში უკრაინისთვის 50 მილიარდი ევროს გადაცემა… ეს ცუდი გადაწყვეტილებაა“, – აღნიშნა უნგრეთის პრემიერ-მინისტრმა.

შეგახსენებთ, რომ გასულ კვირას, ევროკავშირის ქვეყნებმა, უნგრეთის გარდა, უკრაინასთან გაწევრიანების მოლაპარაკებების დაწყების გადაწყვეტილება მიიღეს, მაგრამ უკრაინისთვის 50 მილიარდის გამოყოფის შესახებ ორბანის წინააღმდეგობა ვერ გადალახეს.