რუსეთის პრეზიდენტმა ვლადიმერ პუტინმა სანქტ-პეტერბურგში აფრიკის ლიდერებთან შეხვედრის შემდეგ განაცხადა, რომ უკრაინასთან სამშვიდობო მოლაპარაკებების შესაძლებლობას არ გამორიცხავს.
რუსეთის ლიდერის თქმით, “აფრიკული და ჩინური ინიციატივები” შესაძლოა მშვიდობის დამყარების საფუძველი გახდეს. თუმცა, პუტინი ასევე ამტკიცებს, რომ ცეცხლის შეწყვეტა რთულია მაშინ, როდესაც უკრაინის არმია რუსეთის ძალებს უტევს.
ცნობისთვის, აქამდე უკრაინაც და რუსეთიც აცხადებდნენ, რომ მოლაპარაკებების მაგიდასთან კონკრეტული წინაპირობების გარეშე არ დასხდებიან. ამას გარდა, ოფიციალური კიევი მუდმივად ამბობს, რომ საკუთარ ტერიტორიებს არ დათმობს.
