უკრაინაში Bayraktar-ის დრონების ქარხნის მშენებლობა დაიწყო

62
spot_img

უკრაინაში თურქული უპილოტო საფრენი აპარატების Bayraktar-ის წარმოებისთვის ქარხნის მშენებლობა დაიწყო, – ინფორმაციას უკრაინული მედია სტრატეგიული მრეწველობის მინისტრზე, ალექსანდრე კამიშინზე დაყრდნობით ავრცელებს.

“თუ კონკრეტულად ვსაუბრობთ Bayraktar-ის ქარხანაზე, რომლის შესახებ საუბარი უკრაინაში რამდენიმე წელია მიმდინარეობს, მაშინ ამ ქარხანის სამშენებლო სამუშაოები უკვე დაწყებულია. ქარხნის მშენებლობა პრაქტიკაში დაიწყო და არა მხოლოდ მემორანდუმებით”, – განაცხადა მინისტრმა.

მისი თქმით, ქარხანაში შესაძლოა სხვა რამეც აწარმოონ, რაზედაც საუბარი ჯერ არ შეიძლება.

„საუბარია უკრაინის ტერიტორიაზე წარმოებაზე. ეს არის ყველაზე დიდი Bayraktar-ის ქარხანა, რაზეც რამდენიმე წლის წინ შევთანხმდით. მერე იყო შეჩერება, სკანდალები. დღეს იწყება ამ ქარხნის მშენებლობა, გადავედით რეალურ ნაბიჯები“, – აღნიშნა მინისტრმა.