„უკრაინას კონტრშეტევის დასაწყებად საკმარისი აღჭურვილობა არ აქვს“ – ზელენსკის მრჩეველი

115
spot_img

„უკრაინას არ აქვს საკმარისი სამხედრო ტექნიკა რუსეთის წინააღმდეგ კონტრშეტევის დასაწყებად“, – ამის შესახებ ზელენსკის ოფისის უფროსის მოადგილე იგორ ჟოვკვამ განაცხადა.

მისივე თქმით, უკრაინას ტერიტორიების გასათავისუფლებლად ჯავშანტექნიკა და ტანკები სჭირდება.

„სამწუხაროდ, აღჭურვილობის რაოდენობა, რომელიც ჩვენ გვაქვს, ჯერ კიდევ არ არის საკმარისი კონტრშეტევის დასაწყებად. კონტრშეტევის დასაწყებად, რომლის შედეგიც იქნება უკრაინის ტერიტორიების განთავისუფლება, საჭიროა საკმარისი საარტილერიო სისტემები და საბრძოლო მასალა, გვჭირდება ჯავშანტექნიკა და ტანკები. ჩვენ გვინდა, რომ ეს კონტრშეტევა წარმატებული იყოს, წარმატება კი იქნება უკრაინის ყველა დაპყრობილი ტერიტორიის გათავისუფლება“, – განაცხადა ჟოვკვამ.