რუსეთში, ირანსა და სირიაში უპილოტო საფრენი აპარატების საწარმოებელი ქარხნების დასაბომბად, უკრაინამ დასავლელი პარტნიორებისგან შორ მანძილზე მოქმედი რაკეტები მოითხოვა, – ამის შესახებ ინფორმაციას „გარდიანი“ ავრცელებს.
გამოცემის ცნობით, აგვისტოში კიევმა დასავლელ პარტნიორებს საიდუმლო დოკუმენტი გაუგზავნა, რომელშიც ნათქვამია, რომ ბოლო სამი თვის განმავლობაში 600-ზე მეტი დარტყმა მოხდა ქალაქებზე დასავლური ტექნოლოგიების შემცველი უპილოტო საფრენი აპარატების (UAVs) გამოყენებით. ხუთი ევროპული კომპანია, მათ შორის ბრიტანული მრავალეროვნული კომპანიის პოლონური შვილობილი კომპანია დასახელებულია, როგორც გამოვლენილი კომპონენტების მწარმოებელი.
დოკუმენტის თანახმად, მწარმოებლებს შორის არიან კომპანიები, რომელთა სათაო ოფისები განთავსებულნი არიან სანქციების კოალიციის ქვეყნებში: აშშ, შვეიცარია, ნიდერლანდები, გერმანია, კანადა, იაპონია და პოლონეთი.
დოკუმენტის თანახმად, ირანმა უკვე მოახდინა თავისი წარმოების დივერსიფიკაცია სირიის ქარხნის გამოყენებით, რომელიც მიეწოდება რუსეთის პორტ ნოვოროსიისკს, პარალელურად, თვითმფრინავების წარმოება რუსეთში გადადის, ასევე თეირანი აგრძელებს კომპონენტების მიწოდებას. დოკუმენტში აღნიშნულია, რომ დარტყმები შეიძლება, განხორციელდეს უკრაინის თავდაცვის ძალების მიერ, თუ პარტნიორები უზრუნველყოფენ განადგურების აუცილებელ საშუალებებს.
