“თუ არ გინდა საქართველოს „გაელგებეტება“, ეს უნდა აღიარო” – გურამ მაჭარაშვილი

25
spot_img

პრაქტიკულად აღიარეს, რომ გასული წლის მარტში საზოგადოების გულწრფელი პროტესტი კი არ იყო (უკვე ბოლო დღეებში), არამედ რადიკალების ორგანიზებული იყო ეს ყველაფერი, – ამის შესახებ „ხალხის ძალის“ ერთ-ერთმა ლიდერმა გურამ მაჭარაშვილმა განაცხადა.

მისი თქმით, ლგბტ პროპაგანდა მთელი მსოფლიოს პრობლემაა, საქართველოში კი მას ხელს რადიკალური ოპოზიცია და არასამთავრობო სექტორის ნაწილი ახალისებს თავიანთი პირადი ინტერესების გამო.

„ეს არის მსოფლიოში უდიდესი პრობლემა იმიტომ, რომ ადამიანის გაუკუღმართებაზეა საუბარი. რომ გამოდიან ოპოზიციონერი ვაშაძე, თუ ხაბე, რომელსაც ახლა მარკეტინგის სამსახური ჩააბარეს პარტიის თავმჯდომარეობის ნაცვლად და დარბის ფასების გასარკვევად, და ამბობენ, თითქოს არ იციან რაზეა საუბარი. როგორ არ იციან – ბავშვების გეიაღლუმებზეა საუბარი, ასევე, იმაზე, რომ თურმე ტრანსგენდერის რძე იგივე ყოფილა, რაც დედის რძე. საუბარია იმაზე, რომ თბილისი პრაიდი პირდაპირ მიმართავს დონორს და ეუბნება, როცა დამჭირდება, ფული მაშინ ჩამირიცხე და აქ მე აქციებს დავაორგანიზებო.

ეს ნიშნავს იმას, რომ ზუსტად იგივე სცენარის განვითარებას აპირებენ, რაც შარშან 7-8 მარტს მოხდა. ამით პრაქტიკულად აღიარეს, რომ ეს საზოგადოების გულწრფელი პროტესტი კი არ იყო (უკვე ბოლო დღეებში), არამედ მათი ორგანიზებული იყო ეს ყველაფერი. ხალხს ჩვეულებრივი, კარგი კანონი, რომელიც ამერიკაში მოქმედებს და ახლა ევროპაშიც იღებენ, საზოგადოებას შეასაღეს ვითომ „რუსულ კანონად“ და ფული მიიღეს იმისთვის, რომ მოლოტოვის კოქტეილები ეყიდათ.

ამდენად, გამოწვევა მიღებულია. ჩვენ წინასაარჩევნო კამპანიაში შევდივართ სლოგანით – ჩვენ ვიცავთ ჩვენს ეროვნულ ტრადიციებს და იდენტობას, ხოლო ოპოზიცია შემოდის სლოგანით – ვიცავთ ლგბტ პროპაგანდას. ამდენად, გინდა საქართველოს „გაელგებეტება“, თუ არ გინდა, ეს უნდა აღიარო,“ – განაცხადა მაჭარაშვილმა.