“სომეხი მცხოვრებლების მიერ აზერბაიჯანის ტერიტორიების დატოვებაზე პასუხისმგებლობა ეკისრება სომხეთს” – აზერბაიჯანის საგარეო საქმეთა მინისტრი

37
spot_img

სომეხი მცხოვრებლების მიერ აზერბაიჯანის ტერიტორიების დატოვებაზე პასუხისმგებლობა ეკისრება სომხეთს და მისი კონტროლის ქვეშ მყოფ ე.წ. რეჟიმს, – აზერბაიჯანის საგარეო საქმეთა სამინისტროს ინფორმაციით, ამის შესახებ აზერბაიჯანის საგარეო საქმეთა მინისტრმა, ჯეიჰუნ ბაირამოვმა ეუთო-ს გენერალურ მდივანთან, ჰელგა მარია შმიდტან შეხვედრისას განაცხადა.

ბაირამოვის თქმით, როგორც საერთაშორისო ორგანიზაციების წარმომადგენლებმა დაადასტურეს, ამ პროცესში არ ყოფილა ძალადობა მშვიდობიანი მოსახლეობის მიმართ.

ამასთან, აზერბაიჯანის საგარეო უწყების განცხადების თანახმად, „ჯეიჰუნ ბაირამოვმა ხაზი გაუსვა ორმაგი სტანდარტებისა და შერჩევითი მიდგომის გამოყენების დაუშვებლობას საერთაშორისო სამართლის ძირითად პრინციპებთან, როგორიცაა ტერიტორიული მთლიანობა და სუვერენიტეტის აღდგენა“.