,,საქართველოსგან 9 ნაბიჯის შესრულებას მოველით”- ხავიერ კოლომინა

43
spot_img

ისტორიული მომენტია საქართველოსთვის, 2024 წელი ისევე კრიტიკულად მნიშვნელოვანი იქნება, როგორიც კანდიდატის სტატუსის მინიჭების შესახებ გადაწყვეტილება იყო. ამის შესახებ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა, ხავიერ კოლომინამ თბილისში გამართულ ბრიფინგზე განაცხადა.

“ეს რეგიონში ჩემი მეექვსე, ხოლო საქართველოში მეორე ვიზიტია 2023 წელს. ძალიან ბედნიერი ვიზიტია ახლა, ვინაიდან, ძალიან მიხაროდა. ქართველი ხალხს, ქართველ ოფიციალურ პირებს ევროკავშირის მიერ კანდიდატის სტატუსის მინიჭების გადაწყვეტილება მივულოცე შეხვედრების დროს, რომლებიც მქონდა.

ვფიქრობ, ეს ძალიან კარგი ამბავია, ისტორიული მომენტია საქართველოსთვის, მაგრამ ეს ასევე საერთაშორისო საზოგადოებისთვის არის კარგი ამბავი. ვფიქრობ, რომ ეს მომენტს ხსნის, რომლის გამოყენებაც უნდა გავაგრძელოთ 2024 წელს. 2024 წელი ისევე კრიტიკულად მნიშვნელოვანი იქნება, როგორიც ეს გადაწყვეტილება იყო. საქართველოსგან მოველით, რომ 9 ნაბიჯს შეასრულებს, რეფორმებს, რომლებიც გატარებულ უნდა იქნას ამ 9 ნაბიჯის ფარგლებში, რათა დააკმაყოფილოს ის მოთხოვნები, რომლებიც ასევე ნატო-საც აქვს.

უკვე მქონდა შეხვედრები პრემიერ-მინისტრთან, პრეზიდენტთან, თავდაცვის მინისტრთან, ასევე საგარეო საქმეთა მინისტრს შევხვდები. ასევე შევხვდი პარლამენტის სპიკერს. მთლიანობაში ყველა კარგი შეხვედრა იყო. ვისაუბრეთ ორმხრივ თანამშრომლობაზე, რომელიც ჯერ კიდევ ძალიან კარგია, ვილაპარაკეთ შესაძლებლობებზე, რომლებსაც ევროკავშირის ეს გადაწყვეტილება ხსნის, და ასევე, ევროატლანტიკური ინტეგრაციის პროცესის მხარდაჭერის გზებზე”, – განაცხადა კოლომინამ.