ემანუელ მაკრონი თელ-ავივში ჩავიდა, რათა ისრაელს საფრანგეთის სრული სოლიდარობა გამოუცხადოს. ინფორმაციას France-24 ავრცელებს.
გავრცელებული ცნობით, საფრანგეთის პრეზიდენტი ისრაელის პრეზიდენტსა და პრემიერ-მინისტრს, ასევე ოპოზიციის ლიდერს შეხვდება.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
