“საპარლამენტო არჩევნების საბოტაჟის გამო, იძულებული გავხდით, მიგვეღო რეგულაციები” – ირაკლი ქადაგიშვილი

109
spot_img

საპარლამენტო არჩევნების საბოტაჟის გამო იძულებული გავხდით, ისეთი რეგულაციები მიგვეღო, რამაც იქამდე მიგვიყვანა, რომ ორ წელზე მეტია შეუძლებელია ცესკო-ს თავმჯდომარისა და წევრების შერჩევა, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.

როგორც ირაკლი ქადაგიშვილმა აღნიშნა, ახალი წესის შემოღება სწორედ ამ ხარვეზის გამოსასწორებლად მომზადდა, რომელიც სრულ შესაბამისობაშია როგორც საქართველოს კონსტიტუციასთან, ასევე საერთაშორისო პრაქტიკასთან.

„ვინც საბოტაჟის შემოქმედი იყო, ისინი დღეს ამბობენ, რომ ასეთ ცვლილებებს არ ეთანხმებიან. პროცესში პრეზიდენტის მონაწილეობა უზრუნველყოფილია, მისი წარმომადგენელი იქნება კომისიაში. თუ ვერ იქნება კომისიის მიერ წარდგენილი კანდიდატები, მაშინ პრეზიდენტს შეეძლება, კანდიდატები ერთპიროვნულად წარადგინოს. კონსტიტუციით, პრეზიდენტი კანდიდატების განწესებაში იღებს მონაწილეობას და როგორ იღებს, ეს რეგულირდება ორგანული კანონით. ვხედავთ, ორ წელში კონსენსუსს ვერ მივაღწიეთ და „ნაციონალურმა მოძრაობამ“ „საარჩევნო კოდექსს“ ხმა საერთოდ არ მისცა. წინააღმდეგობის მიზეზია, ცესკო-ს საბოტაჟი მოხდეს“, – განაცხადა ირაკლი ქადაგიშვილმა.