სამების საკათედრო ტაძარში აღარ არის განთავსებული მატრონას ხატი, რომელზეც სტალინი იყო გამოსახული. მის ადგილას კედელზე ახლა წმინდა მატრონას სხვა ხატი კიდია.
უცნობია, ვინ გაიტანა ხატი ტაძრიდან, ასევე ისიც – დაბრუნდება თუ არა იგი ცვლილებების შემდეგ სამების ტაძარში.
საქართველოს საპატრიარქოს საზოგადოებასთან ურთიერთობის სამსახურის უფროსის, ანდრია ჯაღმაიძის თქმით, დეტალების გარკვევა სამების საკათედრო ტაძრის არქიმანდრიტ იოვანე მჭედლიშვილთან სჯობს.
„მხოლოდ მამა იოვანეს ეცოდინება დეტალები. საპატრიარქომ მიიღო გადაწყვეტილება და დაევალა სამების ტაძარს ამის სისრულეში მოყვანა. ამიტომ, რასაც მამა იოანე გეტყვით, იმით იხელმძღვანელეთ“ , – ამბობს ანდრია ჯაღმაიძე.
ინფორმაციას რადიო თავისუფლება ავრცელებს.
